دايما كان بيحصلى الموقف دة
بس أنا كنت بعمل مأموصة بهزار لأن دايما بينسى حاجات ليها ذكريات خاصة جدا عندنا
بس هوة بيضحك وبيقولى دى ميزة كدة مش حتحتاجى تشترى جديد
بس على مييييين هههههههه:lol:
مثلا زوجة تتعرض للمعاكسة لما تخفى ذلك الأمر عن
زوجها خوفا من ماذا ؟؟؟
هوة إللى قالى بطلى تقوليلى علشان بتغاظ
هههههههه
بس أنا مبطلتش طبعا ;)
غير بقى معاكسات التليفون لأن نمرتى سهلة أوى
كل عيد الناس بتزودها وكل عيد يقوللى حغير النمرة
مع إنى والله برد زى العسكرى وأول ما ألاقى الكلام غرب بقفل فى وش إللى بيتكلم أو أديلة الموبايل يسمعة أحلى كلام
هههههههههه
مثلا ذاهبة إلى مركز التجميل لا تخبريه أنا صرت وسخة وقبيحة:struggle:
اريد الذهاب للكوافيرة لكى أصلح من حالى
ههههههههه
مرة كنت بقراْ إعلان وهوة قدامة وفجأه لقيتنى بقول إيييييييييييه داااااااااا دة فى ماكينة لحلق شعر كل الجسم
وبعدين تنحت من صدمة إنى قلت كدة كأنى بكلم واحدة صاحبتى
وإنفجرت فى الضحك
وهوة قعد يضحك ويقولى إنتى عفوية زيادة عن اللزوم
مثلا ذهبتى لتشترى إكسسوارات او ملابس لا تخبريه ماالذى
ستشترينه بل قولى له هذا سر وستعرفه فى وقته
حتى يكون متحفز ومتشوق لرؤية ما ستشترينه
عملتها مرة وإتزرزر وإتنرفز وقالى قوليلى حتشترى إيه بالظبط .....يعنى إيه حاجات؟
فقلتلة أصلى مش محددة إللى حيعجبنى حجيبة
جيب بقى بنطلون إيشاربات
وبعدين إنت بتتنرفز ليه مش فاهمة؟ :rolleyes:
إن الممثلة من هؤلاء تجلس قبل التصوير بالساعات حتى يصلحوا
من عيوب وجهها لتظهر فى ذلك المظهر الجذاب
الموضوع دة قلب معايا بالعكس يا أم سلمى
تصور (وعنده حق طبعا) إنى غيرانة
بس الكلام دة كان زمان
دلوقتى بقيت من فترة لفترة أأقول مثلا المذيعة دى كيوت أوى أنا بحبها كتكوتة
ولسة إمبارح قلتلة نانسى عاملة إعلان جديد بس بقت قمر بعد الولادة مكانتش حلوة كدة زمان
كان هدفى إنى أحسسة بثقة فى نفسى ولأنهم فعلا حلوين
بس ندمت بعدها عشان ممكن أخد ذنب لفت نظرة لواحدة من دول
مع إنه مش محتاج حد يلفت نظرة 8o|
تعانى كثيرات من النساء من غموض زوجها فهو لا يريد ان
يخبرها شىء عن حياته أو يومه او أهله أو اصدقائه
وفى المقابل اجد ان ما يضايق الزوجة أنها شديدة الصراحة معه
وتفعل ذلك حتى يفعل المثل معها
أنا كنت بواجه المشكلة دى
وفعلا يا أم سلمى الحل إللى قلتى عليه هوة إللى أنا عملتة
فعلا مبقيتش بحكى له أى حاجة غير لما يسأل
وبقيت حتى لو سأل أحكى بالقطارة مش كل التفاصيل زى زمان
وفى حاجات محتفظة بيها لنفسى
حكيتها لكل الناس طبعا بس هوة بالذات لأ ههههههههههههههه
وكل ما بتزيد الحاجات دى بفرح أوى
إظاهر إنى بقيت معقدة نفسيا ههههههههههههه :study:
فى حاجة حبيت اضيفها يا أم سلمى
لازم نحترم غموض الزوج فى بعض الأحيان
ونحترم خصوصيتة
يعنى أنا مثلا مش عايزاه يشوف نهائى الموضوع دة ويحترم خصوصيتى فى جهازى
ليه بقى أنا محسش تجاهة نفس الإحساس؟
لازم يكون للزوج خصوصا بحكم رجولتة مساحة كبيرة من الحرية
ميحسش معاها إنى بخنقة
أو بتدخل فى تفكيرة أو عندى شك فى حسن تصرفة
ولازم يكون عارف إنى واثقة فى قراراتة مهما كانت وبساندة
حتى لو القرار طلع غلط
هوة إنسان وأكيد بيغلط
وإن الراجل تمتع بقدر كبير من الحرية قبل الجواز
والتدخل المستمر وكتر الأسئلة والمحاسبة بيخليه ينفر من الست
دة لو متوجهش للعناد وبطل يحكى أى حاجة اصلا ويعمل إللى على مزاجة وإن كان عاجبك
حتى فى الأفلام الأجنبية
لما بيجيبوا إتنين متصاحبين والست إبتدت تحاسب الراجل وتقولة مبقتش بتيجى ليه
مكلمتنيش ليه؟
مستنية تليفونك
إنت مبقتش بتحبنى
بنلاقيه بيشتكى لصاحبة ويقولى محسسانى إن إحنا متجوزين
وبينفر منها ويبعد عنها ويقول عليها مهووسة
وبتكون من أجمل ما يكون
ودول رجالة غربيين
فما بالكم بالرجل الشرقى
إللى أصلا إتربى فى بيته إنه يدخل ويخرج ولا حد يسأله ولا حد يحاسبة
ليه حيتحمل
ومع دة لازم نكون واثقين فى الله إنه مش حيضيعنا لأن إحنا بنتقى الله فيهم
وبنحفظهم فى غيبتهم
وإنك مهما حاولتى أو عملتى أو قفلتى عليه بردة إللى عايز يعمل حاجة حيعملها
وإن ربنا وحدة هو الحافظ
وكذا مرة مريت بمشاكل مع زوجى نتيجة لرغبتى فى حاجات معينة وهوة بمنتهى العند رفضها
فقلت فى نفسى هوة أنا ليه بطلب منه هوة
وصليت ودعيت فى صلاتى
وطلبت من إللى خلقنى وخلقة وأنا على يقين من الإجابة
وسبحانة الجبار جبر خاطرى ولبالى طلبى وبأحلى من إللى كنت أتمناه
وعرفت بعدها إنى كنت عاملة مشكله من لا شىء
فعلا لما بنسى الكلام دة بتعب جدا فى حياتى
لكن أول ما بهدى وبدعى وأكلم ربنا شوية
بعقلها وأتوكل على الله
والحمدلله