من فترة كنت اكلم الغالية شوقن في خفوقي وعرفت انها تحب المحاشي :lol:
وكان عاجبها تتعلم طريقة الدولمة بالطريقة العراقيه فوعدتها اصورلهياه
وانا سويتها من فترة لكن صارتلي ضروف وهي مرض زوجي وتنويمه بالمستشفى 9 ايام
اسال الله ان يتم شفاءه على خير يارب العالمين :)
ابدا بالمقادير....
ورق عنب, سلق , بطاطا نحفرها عدد 4او حسب الرغبة,, بيتنجان صغار عدد 2, فلفل رومي عدد 1, بصل كبير عدد 2. فول اخضر ~اختياري,, لحم قطع بعد اختياري انا ماخليت
مقادير الحشوه....
كوبين رز, لحم مفروم 300 غرام تقريبا,, بصلة مفرومة , بقدونس مفروم,, بصل اخضر مفروم, طماطه حبتين مفرومين, سن ثوم مفروم, دبس رمان, معجون طماطم, زيت زيتون , عصير ليمونه, حمض الليمون مقدار ملعقة شاي, فلفل اسود, بهارات مشكله, كركم, كمون , ملح
اول شي ناخذ السلق وهذا شكله اللي مايعرفة
نقص اللي بالنص بهالشكل
ونسلقة مده دقيقتين او بس يذبل انا كنت حاطه بنفس الجدر ورق العنب علشان ينسلق لان حسيته ياابس :thumbs_down:
ناخذ البصل ونشيل بس اول قشره ونحاول نفككهم شوي شوي عن بعض نفس الصورة ونسلقهم لين مايذبلون علشان نقدر نشتغل فيهم ;)
نبدا بالحشوة نكون منقعين التمن او الرز ونصفيه ونخلي عليه اللحم المفروم وباقي المواد وبالنسبة لمقدار دبس الرمان ماعندي مقدار بس تصبون كميه بحدود ال 4 ملاعق ومعجون الطماطه نفس الشي ..
وهذا شكل الحشوة
الحين نجيب جدر لازم يكون شوي كبير نخلي شوي زيت والفول الاخضر
ونبدي نلف اول شي نلف البصل ونرصه زين فوق الفول
بعدين نلف باقي المكونات ... البطاطا والبيتنجان وورق العنب والسلق والفليفله ونرصهم زين
والماي اللي باقي عندنا من الحشوه نصبه فوقهم بهالشكل
بعدين نشغل النار على الجدر ونتركه 5 دقايق ونكون مجهزين ماي فيه زيت زيتون ومعجون طماطه ودبس رمان وعصير ليمون وبهارات وملح ,,, نصبه على الدولمه
بعدين نجيب صحن يكون اصغر من الجدر ونضفطه على الدولمه واذا عدنا ثقل نحط فوقها انا ماخليت :p ونترك الدولمه تستوي على نار متوسطه وكل ماتركناها تستوي كل ماكانت الذ
وهذا شكلها لمن استوت وقلبتها انا تركتها تستوي زياده
وهذي صورة مقربه
ملاحظه ... انصحكم تجهزون الدولمه قبل بيوم وتتركونها بالثلاجه وثاني يوم تطبخونها تصير الها نكهه لذيييييذه وتستوي اسرع ولو حابين تحشون كوسا تقدرون بس انا اكتفيت بهالخضروات
هالكميه تكفي من شخصين لثلاثه ....
بالاخير اتمنى موضوعي يعجبكم وماابي منكم غير دعوة صاااادقه لزوجي
ان الله يتمم شفائه ومايرجعله الالتهاب لجسمه ياااااااااااااااارب والله يسعدني معاه يارب
ويرزقنا بالذرية الصالحه ان شاء الله :)
]