ملف استفسارات بنات مصر للديكور ( الجزء الثاني )

خدويها طالما سعرها حلو
احنا كمان اخدنا شقه كده
الحوائط فى المطبع مش فيها سيراميك

وكمان فى الحمام نص الحيطه بس سيراميك

ومافيش افكار
غير لو كانت متبيضه كويس
فى الاخر الشقه مش ليكى يعنى مش هتعيشى فيها
وربنا يقدملك الى فيه الخير

towtty;13952865:
بنات شوفوا الستارة دى ايه رايكوا فيها انا كنت عيزة اعملها لاوضة النوم
بس بدل اللون الاحمر ده هعملها لون بنفسجى * ابيض او اوف وايت زى اللون الى فالصورة التانية
لانى عيزة ان شاء الله اعمل اوضة النوم بنفسجى * اوف وايت حتى اشتريت اللحاف الستان لونه بنفسجى * اوف وايت
قولولى رايكوا كده تكون حلوة ولا ايه
وقولولى لما اجى اشترى قماش زى الى فالصورة الاولى اشترى قماش نوعة ايه لانى مش عرفة اوى

الستارة حلوة ما شاء الله انا ممكن اعمل زيها انا كمان :D والقماش اعتقد شيفون وعموما بتاع الستاير اكيد هيقولك

.. Hopes;13952931:
بناااااات
سؤال مستعجل جدا ارجووووكم جاوبوا

دلوقت احنا قدامنا شقه ايجار جديد مشكلتها الوحيده ان المطبخ الحوائط بتاعته مدهونة مش سيراميك

حد عنده فكرة الدهان في المطبخ هيبقي كويس ولا هيبقي صعب وكده؟
وهل يبفع يبقي فيه ورق حائط في المطبخ؟

بصى انتى كده كده مش هتعيشى فيها على طول مش كده هى فترة وخلاص فقضيها مش مشكلة مادام الشقة عجباكى
واتهيألى ورق الحائط صعب فى المطبخ
صلى استخارة يا جميل وتوكلى على الله

طيب بصوا كده يابنات

الست صاحبة البيت عامله افتكاسات وعامله 3 عواميد في الريسبشن بالطوب الحقير ده :lol:
دول تقريبا العيبين اللي في الشقه
الحوائط بتاعة المطبخ والعواميد البشعه دي
فيما عدا ذلك الشقه واسعه جدااااا والمكان يعتبر كويس وقريب من اهلي واهل خطيبي ومش هنتبهدل في مواصلات وكده

ايه رأيكم
انا مرضيتش احبطه واقوله العواميد وحشه اوي اوي
تفتكرو تنفع :sick:

.. Hopes;13953529:
طيب بصوا كده يابنات

الست صاحبة البيت عامله افتكاسات وعامله 3 عواميد في الريسبشن بالطوب الحقير ده :lol:
دول تقريبا العيبين اللي في الشقه
الحوائط بتاعة المطبخ والعواميد البشعه دي
فيما عدا ذلك الشقه واسعه جدااااا والمكان يعتبر كويس وقريب من اهلي واهل خطيبي ومش هنتبهدل في مواصلات وكده

ايه رأيكم
انا مرضيتش احبطه واقوله العواميد وحشه اوي اوي
تفتكرو تنفع :sick:

وحشتوووونى كلكو بجد مع انى متاكده ان محدش حس بغيابى اصلا :D بس ما علينا
هوبس هى الصوره مش واضحه اوى بس هى مش وحشه ولا حاجه وخصوصا لما يتبيض حواليها هتبقى حلوه على فكره
وبعدين انا بسمع ان الطوب ده ممكن بيتدهن بطبقه كده بتلمعه يعنى ممكن يبقى احلى كمان من دلوقتى توكلى على الله
والشقه فعلا ما شاء الله واضح ان مساحتها حلوه ربنا يوفقك
اما المطبخ ممكن تدهنيه دهان لاكيه الحيطان نفسها وساعتها بيبقى سهل انك تغسليها وياريت تدهنيه لون غامق عشان لو غسلتيه ميبقعش يعنى ممكن لو هتعملى المطبخ بنى مط مثلا تدهنى الحيطان كاكاوى مثلا انا عارفه انه هيبقى غامق بس انتى ممكن تفتحى بشويه اكسيسوريز ع الحيطه كده يعنى
F:

بنات ده الانترية اللى الراجل كان بيعمله وهو يعنى الكنب فى شبه شوية من الصورة التانية اللى كلكوا اجمعتوا عليها انها حلوووووة قولولى بقى هل ده احلى مع تغير القماش




ولا ده مع الفرق انى هغير القماش فى الاتنين

الانتريه الأولانى احلى من التانى, اللى عجبنى فيه الكنبه بس لازم تغيرى طبعا القماش
لأن القماش هو اللى حايوضح جمال الانتريهF:

انا عايزة مساعدتكم انا عندى الحيطة لونها ابيض وعندى ورق حائط منقوش ولونه حلو اوى

بس عايزة اضعه بشكل جديد ممكن تساعدونى

لكم جزيل الشكر

تسلمولي يابنااااااااات
احنا هنقعد في ايجار جديد فتره مؤقته عبال ماتيجي التمليك بس يعني سنتين تقريبا مثلا
عموما انا هندور تاني ولو مش لقينا هناخد دي وخلاص رغم ان العواميد رخمه اوووي :(

.. Hopes;13954479:
تسلمولي يابنااااااااات
احنا هنقعد في ايجار جديد فتره مؤقته عبال ماتيجي التمليك بس يعني سنتين تقريبا مثلا
عموما انا هندور تاني ولو مش لقينا هناخد دي وخلاص رغم ان العواميد رخمه اوووي :(

حبيبتى وحشانى عاملة ايه؟ يارب تكونى بخيرF:
بصى انا كمان بدور على شقة ايجار جديد وشوفت مهااااااااااااااازل:thumbs_down:

لو الشقة عجباكى بنسبة 80%توكلى على الله وكدة تبقى النسبة كويسة اوى على فكرة
مبروك مقدما ياحبيبة قلبى:L:

بناويت ايه رايكو فى الستاره دى ؟؟

وحشتونى جدااااااا جداااااااااا
مبروك لكلاسيك حبيبة قلبى ربنا يهنيكى ياااااااااارب
دكتورة مسلمة
الف الف مبروووووووووك على حاجاتك مشاء الله حلوة اووووووووووى
وهيا مش مودرن اوووووى ولا كلاسيك اوووووى بس مايلة اكتر طبعااااااااا للمودرن عشان نكون واضحين :D

تويتى
ليكى وحشة والله وانا بحبك فى الله وغيبتك طبعااااا كانت ملحوظة بس اكيييييييييد كنتى مشغولة بتوظيب شقتك مستنين الصور هاااااااااااااااااااااااا اوعى تنسى اخواتك الغلابة الى هناااااااا:D

توتى

الستارة مشاء الله حلوة اووووووى اتكلى على الله واعمليها وان شاء الله تطلع روعة

فراشه فى بيتها;13950164:
سؤال مش عارفه مكانه فيييييييييين


انتو بتنضفو البراقع ازاااااااااااااااااى؟؟؟؟؟؟؟؟؟؟؟

بتتنظف من التراب بالمكنسة الكهربا اول باول تشفطى التراب من عليها
اما لو عاوزة تغسليها
ياتجيبى بتاعى الستاير يفكها وتغسليها ويركبهالك تانى يوم
ياحل احسن بقى من الوش دة
هتجيبى سلم وطبق فى ماية بكلوركس الوان وحتة ليفة او سفنجة وتمسكى جزء جزء وتدعكية كويس وتكونى فارشة تحتك حاجة زى مفرش بلاستيك عشان لو حاجة وقعت وبس
تانى يوم هتلاقيها نشفت وريحتها زى الفل
وعموما البراقع مش بتحتاج انها تتغسل غير كل فترة

عسولة عمرو;13950455:
ياعيال ركزوا معايا
انا دلوقتى تقريبا يعنى احتما ما يكونش مكان لبوفيه
فا بفكر اعمل ايه
مش مع اوضة النوم بيكون فى زى جذامه كده
بفكر اعملها كبيره شويه وواسعه واحطلها مرايه زى البوفيه فى كده ولا انا بخرف؟؟!!
وهتبقى شيك ولا عكه
ردوووووووووووووووو

طيب ماكدة هيا هيا طالما مافيش مكان للبوفية هتحطى العسكرى بتاع اوضة النوم فيييييييييين
انا من راى كل حاجة وليها حاجة انتى حاولى ياتجيبى سفرة كاملة وتكون صغيرة والبوفية بتاعها معقول ياتستغنى عن البوفية خااااااااااالص
لكن تجيبى العسكرى وتحطية على انة بوفية لالالالا بلاش هيبقى مش شيك
العسكرى ممكن تغيرى بية شكلة ويتعمل كجزامة جنب الباب مش اكتر ويتحط لية مراية هيبقى زى الفل بس مع السفرة كبوفية هيبقى صعب شووية
والله الاشيك طالما مافيش مكان هاتى سفرة شيك ونيش وخلاص F: والف مبروك يااااااااااقمرة :D

.. Hopes;13952931:
بناااااات
سؤال مستعجل جدا ارجووووكم جاوبوا

دلوقت احنا قدامنا شقه ايجار جديد مشكلتها الوحيده ان المطبخ الحوائط بتاعته مدهونة مش سيراميك

حد عنده فكرة الدهان في المطبخ هيبقي كويس ولا هيبقي صعب وكده؟
وهل يبفع يبقي فيه ورق حائط في المطبخ؟

هوبس مش فاكرة باركت ليكى على العفش ولا لا
بس عاوزة اقولك ان حاجتك مشاء الله تجنن وخصوصاااااااااااااااااااا السفرة والانترية الموف عسولين موووووووووووووت تتهنى بيهم ياااااااارب

اما بالنسبة للشقة والله يابنتى لو اتدهنت هتلاقى شكل العمودين دول خرافة دول اصلالالالالالا طالعين موضة جدااااااااا العموايد المربعة والمستطيلة تتعمل بالطوب ايا كان شكلة بقى
وبتاع الدهان بيظبتة بورنيش ملمع مش تقلقى هيطلع خرااااااااافة وخصوصااااااااا ان عفشك مودرن هيبقى جااااااامد جدااااااا واسمعى منى وهتدعيلى :D
بس ابقى ادعى بزمة يابت انتى ههههههههههههههههه

اما المطبخ بقى
عاااااااادى مش مهم سيراميك حتى لو هتقعدى فيها 5 سنين مش هيكون جرالة حاجة
وهقولك على فكرة كدة انتى ممكن تلفى على الفنيل المشمع دة وتنقى شكل حلو يكون اقرب انة يكون سادة فى منة اشكال كتيييييييير جداااااا نقى واحد يكون شكل السيراميك كدة وتحطية فييييين بين التقفيلة الخشب الى فوق والى تحت تمااااااااااااام الزقية وكمان دقية بمسامير عشان اللزق تبقى مطمنة حتى لو طلع وفك ودة بقى بيتغسل ولو اتساب خااااالص مافيش اى مشاكل نوهااااااااائى احنا مطابخنا الايام دى مافيهاش طبيخ واكل زى زمان :D

وزة محمد;13953836:
بنات ده الانترية اللى الراجل كان بيعمله وهو يعنى الكنب فى شبه شوية من الصورة التانية اللى كلكوا اجمعتوا عليها انها حلوووووة قولولى بقى هل ده احلى مع تغير القماش




ولا ده مع الفرق انى هغير القماش فى الاتنين

وزة الف مبروووووووووك ياقمر
بس اقولك على حاجة ومش تزعلى هو انتى متقيدة بالاتنين دول بسسس انا حساكى ميالة للتانى اوووى رغم ان البنات كلهم قاللوك الاول احلى
انا بصراحة حاشة ان الاتنين قريبن من بعض جدااااااا ونفس الفكرة يعتبر وحساهم مش جداد مدورى على حاجة اروش شوية
اما لو مابين الاتنين دووووول مش هتفرق بجد كتيييير خدى الى داخل دماغك لانة مع القماش هيتغير كتيييير اوووووووووووووووى
اوعى تزعلى ان هما مش عجبونى بس انا بقولك رائى بصراحة اهووووووو:DF:

شهدالقلوب;13954271:
انا عايزة مساعدتكم انا عندى الحيطة لونها ابيض وعندى ورق حائط منقوش ولونه حلو اوى

بس عايزة اضعه بشكل جديد ممكن تساعدونى

لكم جزيل الشكر

شهد انا مش فاهمة انتى عاوزة تدارى الحيطة البيضة دى بورق الحائط ولا جزء منها
عموماااااا طالما الورق حلو يتفرد على الحيطة كلها مافيش مشكلة

.* اميرة *.;13955595:
حبيبتى وحشانى عاملة ايه؟ يارب تكونى بخيرF:
بصى انا كمان بدور على شقة ايجار جديد وشوفت مهااااااااااااااازل:thumbs_down:

لو الشقة عجباكى بنسبة 80%توكلى على الله وكدة تبقى النسبة كويسة اوى على فكرة
مبروك مقدما ياحبيبة قلبى:L:

وانا ياميرة شوفت مهااااااااازل بجد لما كنت بتفرج على الشقق الايجار الجديد

totytwety;13956272:
بناويت ايه رايكو فى الستاره دى ؟؟

حلوة اوووووووووووووووى

تسلمولي يابنات ربنا يخليكم F:F:F:
سارة واميرة وتوتي وهوبا :L::L:
ربنا يخليكوا ليا طمنتوني شوية
انا قلت لخطيبي برضو لو مش لاقينا حاجه تاني هناخد دي كويسة وهي كده كده مؤقته يعني ان شاء الله مش نطول فيها


سؤال تاني بقا
لما حد يتجوز في ايجار جديد يعمل المطبخ علي انهي مساحه ؟!!
مع العلم ان التمليك او شقه العمر يعني لسه ملهاش وجود فمعرفش مساحة المطبخ بتاعها طبعا

قولولي بقا ! :-o
يتقفل علي اي اساس ولا يتقفل حيطه واحده كفايه ولا يتقفل حيطتين ولا ايه بالظبط

totytwety;13956272:
بناويت ايه رايكو فى الستاره دى ؟؟

سارة بجد مش عارفة اقولك قد ايه تعبت من اللى شوفته
مرة اتفرجت على شقة والله والله شبه الشقق اللى بتطلع فى افلام الرعب عجييييييييييييبه والتراب عليها والمراية مسودة مش ممكن انا قولت لخطيبى انا خايفة الوحش يطلعلى وهو قالى الشقة دى اتحرقت اربع مرات ههههههههههه وبكام تخيلى ب1500
وواحدة تانية ب1600 مدخلها واقع والسلم بيبص على حاجة اقل مايقال عنها عشة فراخ هههههههههه
والاوضة مثلثة وحياة ربنا مثلثة مش فاهمة حقيقى اتصممت ازاى وايه المغزى من المثلث ههههههههه
توكلى على الله ياهوبز بالنسبة للمطبخ هاتى مطبخ عادى اللى بيبقى قطعتين واحدة بتتعلق والتانى على الارض اما متر ونص او مترين وماتزوديش عشان دى مش شقتك ولما تستلمى التانية فصلى المطبخ على حسب المساحة والزوايا والاركان

بنات معلش لو بتقل عليكوا كنت عيزة اخد رايكوا فموضوع الستائر والالوان

لانى خطيبى شايل ايده من الموضوع خالص وانا بفكر لوحدى فكل حاجه الالوان والفرش وكل حاجة كله ضغط عليا انا بجد تعبت اوى وقلقانة خايفة الشقة تطلع وحشه :'(:'( معنديش حد اخد رأيه

المفروض انى هتجوز بعد شهرين وهما دلوقتى فالشقة بيركبوا السيراميك فالارض

وحماتى كلمتنى وقتلتى هجيب الراجل يبدأ يبيض فالشقة الاسبوع الجاى مع انى لسه مجبتش قماش الصالون لان الصالون بيتعمل عند قرايب خطيبى فهما ان شاء الله هيسلموانا العفش على ميعاد الفرح باذن الله طب ازاى اختار لون الريسبشن من غير ماعرف قماش الصالون لونه هيبقى ايه مش عرفه حسه انى متلخبطة وكله وراه بعضه مش عرفه هنلحق نخلص ولا لا


وكمان الستائر مش عرفه ابدأ اشترى القماش امتى عشان الراجل يلحق يخلصه على الميعاد

بجد مخنوقة اوى :'(:'( وحسه انى متوترة جامد :'(:'( ادعولى يا بنات


انا كنت قلتكوا فالمشاركة الى فاتت انى ان شاء الله هعمل اوضة النوم لون بنفسجى * اوف وايت ان شاء الله وانتوا ساعدتونى اختار موديل الستارة الحمد لله


طيب دلوقتى اوضة الاطفال انا فكرت اعملها لون اصفر فاتح * لبنى فاتح

يعنى حاجة زى كده فالالوان







وموديل الستارة زى دى واختار قماش لبنى * اصفر




ايه رايكوا فالالوان حلوة ولا ايه بجد محتاجة رايكوا:o:o وشكرا للبنات الى ردت عليا فالمشاركة الى فاتت

كانت فى اوضة فالشقة كنا هنجيب فيها انتريه بس اتزنقنا فالفلوس ومش هنقدر نجبها دلوقتى فانجلها ان شاء الله بعد الجواز نبقى نجيبها ادهن الاوضة الفاضية ايه بحيث انه يليق على اى حاجه
والصالون لو جبت المقاش مثلا على بنيات ايه الالوان الى تليق عليه بس متكونش غامقة

ولو جبت القماش زيتى ادهن الوان ايه

معلش تقلت عليكوا

.. Hopes;13956510:
تسلمولي يابنات ربنا يخليكم F:F:F:
سارة واميرة وتوتي وهوبا :L::L:
ربنا يخليكوا ليا طمنتوني شوية
انا قلت لخطيبي برضو لو مش لاقينا حاجه تاني هناخد دي كويسة وهي كده كده مؤقته يعني ان شاء الله مش نطول فيها


سؤال تاني بقا
لما حد يتجوز في ايجار جديد يعمل المطبخ علي انهي مساحه ؟!!
مع العلم ان التمليك او شقه العمر يعني لسه ملهاش وجود فمعرفش مساحة المطبخ بتاعها طبعا

قولولي بقا ! :-o
يتقفل علي اي اساس ولا يتقفل حيطه واحده كفايه ولا يتقفل حيطتين ولا ايه بالظبط

انا ياستى مش هقعد فى شقتى بمعنى اصح كنت هتجوز فى طنطا ومن هنا لهنا اقنعت خطيبى نقعد فى بنها جنب شغلة واكون هنا جنب اهلى كمان فاخدنا شقة ايجار
بصى مش هقولك سنة ولا اتين لالالالا 9 سنين ههههههههههههههههههههه فانا ان شاء الله هعمل المطبخ على مقاس المطبخ الشقة الى هتجوز فيها
واقولك على حاااااااجة وحياة ربنا لو كنت هتجوز فيها سنة واحدة بسسسسسس كنت هعملها برضوا مقاس المطبخ الى فى الشقة الايجار لسبب انتى عروسة والكل هيجى يشوف وانا بقى مش هستنى حد يمصمص فى شفايفة ويقول دى مش عاملة مطبخ والكلام الفاضى دة وكمان انا عملاة لنفسى الله اعلم بالحال مايمكن افضل فيها اطول من كدة ولما انقل بقى الشقة التانية قدامى حلين
الاول يعمل مطبخ جديد خاااااااالص لو ربنا كرمنا بقى اوى لان فى الحالة دى الاستاذ جوزى هو الى هيعملة
التانى بقى هجيب نجار شاطر ويقيس المطبخ الجديد ويظبطة بخشب المطبخ القديم الى كنت عملاة عاز يزود يزود استغنى عن قطع عاااااااادى ويروح يدهن كلة تاااانى وخلاص
والحل التانى دة على فكرة حلو جدااااااا وانا ناوية اعمل كدة

.* اميرة *.;13957154:
سارة بجد مش عارفة اقولك قد ايه تعبت من اللى شوفته
مرة اتفرجت على شقة والله والله شبه الشقق اللى بتطلع فى افلام الرعب عجييييييييييييبه والتراب عليها والمراية مسودة مش ممكن انا قولت لخطيبى انا خايفة الوحش يطلعلى وهو قالى الشقة دى اتحرقت اربع مرات ههههههههههه وبكام تخيلى ب1500
وواحدة تانية ب1600 مدخلها واقع والسلم بيبص على حاجة اقل مايقال عنها عشة فراخ هههههههههه
والاوضة مثلثة وحياة ربنا مثلثة مش فاهمة حقيقى اتصممت ازاى وايه المغزى من المثلث ههههههههه
توكلى على الله ياهوبز بالنسبة للمطبخ هاتى مطبخ عادى اللى بيبقى قطعتين واحدة بتتعلق والتانى على الارض اما متر ونص او مترين وماتزوديش عشان دى مش شقتك ولما تستلمى التانية فصلى المطبخ على حسب المساحة والزوايا والاركان

يااااااااااة ياميرة اية يابنتى افلام الرعب دى ههههههههههههههههههههههه
انا برضوا شوفت بلاوى زرقة شقق مسخرة بجد ومعرفش الى عايش فيها عايش ازاى
لدرجة ماما فكرتنى بقارن بين الفيلا هنا والشقق الى بشوفها لكن والله العظيم ابدااااااااااااااااااااا بجد شقق سيبك من بياض الشقة والكلام دة الاقى الشقة 3 اوض مثلالالالالالا وصالة ولا اوضة من التلاتة تاخد اوضة نوم عروسة اصلالالالالالالالالالالالا اخرها سرير وتسريحة والدولاب احطة فى الاوضة التانية
لحد الحمد لله ربنا كرمنى بعد بحث طوووووووووويل ببرج كللللللللللللللللة جديد لسة متشطب وكلة عرايس جداد والشقة واخدها نص تشطيب يعنى سيراميك وسكنتين معجون بسسسسسسسسس
وانا بقى اكمل هدخل كهربا وسباكة ونجارة هركبها وادهن اخر وشين ولا 3 بس قلت احسن ماخدها جاهزة ومش يتقعد فيهاااااااااااا
ادعيلى بقى الاسانسير يركب اصلى فى الدور التاسع ياوختى :'( وخايفة اتجوز وهو لسة مش ركب :|

towtty;13957953:
بنات معلش لو بتقل عليكوا كنت عيزة اخد رايكوا فموضوع الستائر والالوان

لانى خطيبى شايل ايده من الموضوع خالص وانا بفكر لوحدى فكل حاجه الالوان والفرش وكل حاجة كله ضغط عليا انا بجد تعبت اوى وقلقانة خايفة الشقة تطلع وحشه :'(:'( معنديش حد اخد رأيه

المفروض انى هتجوز بعد شهرين وهما دلوقتى فالشقة بيركبوا السيراميك فالارض

وحماتى كلمتنى وقتلتى هجيب الراجل يبدأ يبيض فالشقة الاسبوع الجاى مع انى لسه مجبتش قماش الصالون لان الصالون بيتعمل عند قرايب خطيبى فهما ان شاء الله هيسلموانا العفش على ميعاد الفرح باذن الله طب ازاى اختار لون الريسبشن من غير ماعرف قماش الصالون لونه هيبقى ايه مش عرفه حسه انى متلخبطة وكله وراه بعضه مش عرفه هنلحق نخلص ولا لا


وكمان الستائر مش عرفه ابدأ اشترى القماش امتى عشان الراجل يلحق يخلصه على الميعاد

بجد مخنوقة اوى :'(:'( وحسه انى متوترة جامد :'(:'( ادعولى يا بنات


انا كنت قلتكوا فالمشاركة الى فاتت انى ان شاء الله هعمل اوضة النوم لون بنفسجى * اوف وايت ان شاء الله وانتوا ساعدتونى اختار موديل الستارة الحمد لله


طيب دلوقتى اوضة الاطفال انا فكرت اعملها لون اصفر فاتح * لبنى فاتح

يعنى حاجة زى كده فالالوان







وموديل الستارة زى دى واختار قماش لبنى * اصفر




ايه رايكوا فالالوان حلوة ولا ايه بجد محتاجة رايكوا:o:o وشكرا للبنات الى ردت عليا فالمشاركة الى فاتت

كانت فى اوضة فالشقة كنا هنجيب فيها انتريه بس اتزنقنا فالفلوس ومش هنقدر نجبها دلوقتى فانجلها ان شاء الله بعد الجواز نبقى نجيبها ادهن الاوضة الفاضية ايه بحيث انه يليق على اى حاجه
والصالون لو جبت المقاش مثلا على بنيات ايه الالوان الى تليق عليه بس متكونش غامقة

ولو جبت القماش زيتى ادهن الوان ايه

معلش تقلت عليكوا

الف مبروك ياتوتى انا كمان هتجوز كمان شهرين وخطيبى سايبنى اعمل كلللللللل حاجة ومش بيقول راية خااااااااااااالص :D بينى وبينك احسن اصل زوقة :rolleyes: ايييييييييييييييييية :lol:

اوضة الاطفال اللونين جمال اوووووى والستارة حلوة بس مش عجبانى الطرف الى نازل من على اليمين دة

اما الى يليق على البنيات الوان كتييييييير اوووى عندك الاورانج والبيجات بدرجاتة والاصفر الحمصى جامد جدااااااا مع البنى والفوشيا
والى يليق مع الزيتى برضوا البيجات والاورانج جاااامد

والاوضة ممكن تدهنيها كريمى دلوقتى لحد متقررى هتجيبى اية بس دة الللون الوحيد الى بيليق علية حاجات كتيييييييير جداااااااا

miss cat;13958204:
الف مبروك ياتوتى انا كمان هتجوز كمان شهرين وخطيبى سايبنى اعمل كلللللللل حاجة ومش بيقول راية خااااااااااااالص :D بينى وبينك احسن اصل زوقة :rolleyes: ايييييييييييييييييية :lol:

اوضة الاطفال اللونين جمال اوووووى والستارة حلوة بس مش عجبانى الطرف الى نازل من على اليمين دة

اما الى يليق على البنيات الوان كتييييييير اوووى عندك الاورانج والبيجات بدرجاتة والاصفر الحمصى جامد جدااااااا مع البنى والفوشيا
والى يليق مع الزيتى برضوا البيجات والاورانج جاااامد

والاوضة ممكن تدهنيها كريمى دلوقتى لحد متقررى هتجيبى اية بس دة الللون الوحيد الى بيليق علية حاجات كتيييييييير جداااااااا

الف الف مبروك ليكى ياقمر F:
ميرسى ليكى بجد اوى ريحيتنى والله F:

انا كمان خطيبى زؤقه فالاوان :| هى حاجه كويسة انى اختار بس الواحد بيجى على الاخر ويحس انه اتوتر وكل حاجه عليه ربنا معانا

انا كمان مش عجبنى الطرف الى نازل فالستارة كنت هقول انى مش هعمل الطرف ده بس نسيت

وميرسى اوى عالالوان الى قولتلى عليها وانا فعلا حبه اوى الاورانج مع البرتقالى فعلا جميل :thumbs_up: وانا كنت عملة موضوع عنه


بالنسبة اللون الكريمى انا فكرت فعلا اعملها كده انتى فكرك قريب منى :) بس يارب خطيبى يرضى لانه مش بيحب الالوان الهادية بيحب الالوان الجامده الى ظاهرة اوى


طيب بصى معايا كده الصالون ده بتاع واحدة معانا هنا روح القبطان

الصالون لونه بنيات وهى دهانة حطية احمر ايه رايك فاللون الاحمر مع البنيات والدهبى













مستنية رايك فكدة فالوان :o