ملف استفسارات بنات مصر للديكور ( الجزء الثاني )

eng.tasbe7;12534317:
البنوته اللي كانت بتسال علي الفينيل
اليكي هذا النبا الهااااااااااااااااااااااااااااااااااااااام

انا خلاص جبت الفينيل اليوم

بصي باه المعلومات الجديده دي

اولا
انا جبت نوعين
للصالون جبت المتر *عرض الرول اللي هوا اتنين متر ب 14 ج علشان مش لازم يكون تقيل اوي مش حد هيخشه كتير
للرسبشن جبت المتر *عرض الرول ب 18 دا جااااااااااااامد جدا جدا جد وتقيل وحلو اوي
بصي باه
فاكره لما قلتلك في لحج 250ج انا كنت سالت عند واحد بس غالي اوي
اللي انا جبت منه دا ارخص واحد والمتر بتاعه نضيف يعني ايه؟؟
ممكن حد ي
يكي سعر رخيص ويغش فالقياس لكن دا والله فظيع
انا وبابا غربلنا السوق كله ووصلناله ااقل اسعار والله بجد راجل
هوا عند كنيسه الراعي الصالح
هجبلك العنوان بالتفصيل بكرا باذن الله

اي استفسار انا تحت امرك

ايوه يا تسبيح انا اللي كنت بسال عليه
يعني انتى جبتي الفينيل اللي كله حته واحده مش بلاطات زي القنالتكس صح
طب قولينا مثلا الصالون عندك كام في كام واتكلق كام متر

lasposadelnilo;12534617:
ايوه يا تسبيح انا اللي كنت بسال عليه
يعني انتى جبتي الفينيل اللي كله حته واحده مش بلاطات زي القنالتكس صح
طب قولينا مثلا الصالون عندك كام في كام واتكلق كام متر

بصي يا بندق معشي اصلي مش مستوعبه الاسم
المهم
الصالون عندي 3.6*4.5
اوك؟
تربيعهم هيديكي 16.2
يعني تقريبا 16متر اوك؟؟
هوا المتر عرض *2
بالالتي اخدت فقط 8متر
8*14 14 لاني جبت الخفيف لان الصالون مش مستهلك اوي يبقي كده حسبت 113

تمام

الرسبشن عندي 8*3.5
ربعت 28 متر
ونفس النظام يبقي احتجت فقط 14 متر
يبقي 14*18 انا اخدت اللي ب18 علشان المكان في حركه اكتر ومستهلك اكتر

حسبت252
المجموع كان365
وبعد خناااااااااااااء وضرب نار وفصال اخدناهم ب 350
لانه مش بيفاصل ابدااااااااااااااااااااااااااا

دي الحسبه يا قمره وانا تحت امرك

حبيتبي انا رديت عليكي فالحسابات بالنسبه للعنوان بالظبط فدا بكرا باذن الرحمن لاني مش عارفه العنوان
ولو تحبي تعرفيني شقتك واعملك الميزانيه انا تحت امرك

بنات هو انا لو عايزه اعمل مدخنه للشفاط بتاع المطبخ اعملها ازاى يعنى ماسوره بتمسك من الشفاط للمنور وهل لازم اطلع الماسوره دى لاخر المنور يعنى انا فى الدور الرابع اطلعها لاخر البرج للدور ال11 ولا اطلعها ع المنور بس وهل هى الماسوره ديه بتبقى فى الحيطه ويتركبب عليها السيرااميك ولا ايه عشان البوتجاز مش هيبقى ع الحيطه بتاعه المنور ولو الماسوره مش بتدخل فى الحيطه اركب المطبخ عليها ازاى يارب تكونو فهمتو قصدى
ومين اللى بيعمل الحاجات ديه يعنى لو عايزه اعمل المدخنه اروح لبتاع الوميتال ولا مين وياريت لو حد يعرف رينجات الاسعار بتاعتها
غاليه ولا عادى يعنى لو غاليه اوى اجيب شفاط جديد من اللى مبيحتجش مدخنه ولا تمن المدخنه ارخص؟؟

eng.tasbe7;12534736:
بصي يا بندق معشي اصلي مش مستوعبه الاسم
المهم
الصالون عندي 3.6*4.5
اوك؟
تربيعهم هيديكي 16.2
يعني تقريبا 16متر اوك؟؟
هوا المتر عرض *2
بالالتي اخدت فقط 8متر
8*14 14 لاني جبت الخفيف لان الصالون مش مستهلك اوي يبقي كده حسبت 113

تمام

الرسبشن عندي 8*3.5
ربعت 28 متر
ونفس النظام يبقي احتجت فقط 14 متر
يبقي 14*18 انا اخدت اللي ب18 علشان المكان في حركه اكتر ومستهلك اكتر

حسبت252
المجموع كان365
وبعد خناااااااااااااء وضرب نار وفصال اخدناهم ب 350
لانه مش بيفاصل ابدااااااااااااااااااااااااااا

دي الحسبه يا قمره وانا تحت امرك

eng.tasbe7;12534878:
حبيتبي انا رديت عليكي فالحسابات بالنسبه للعنوان بالظبط فدا بكرا باذن الرحمن لاني مش عارفه العنوان
ولو تحبي تعرفيني شقتك واعملك الميزانيه انا تحت امرك

يا بنات ياريت لو عندكو صور لديكور للشفاط اللى بيبقى مثلث كانه مدخنه ده تحطهولى عشان النجار عايز صوره بكره باذن الله

totytwety;12535426:
يا بنات ياريت لو عندكو صور لديكور للشفاط اللى بيبقى مثلث كانه مدخنه ده تحطهولى عشان النجار عايز صوره بكره باذن الله

Desly;12525122:
جزاكى الله خيرا يا جميل
بالنسبه للركنه البيضا مش هنعملها بيضا لا هنغير اللون ان شاء الله
الجزامه انا كمان بدور على جزامه يكون شكلها مختلف ومش لاقيه
على العموم دى اشكال جزامات اكرمكى الله


كوووكى
ربنا يعزك و يباركلك يارب
بصى يا ستى بالنسبه للكنب الابيض الضغير ده هيتحط لوحده ان شاء الله مع السفره
عشان فى مكان مع السفره ليه و هيبقى قدامه باذن الله الترابيزه الفردانى اللى لوحدها دى
بدل ما نجيب كرسيين نحطهم قولنا نعملها كنبه بسيطه
انتى ايه رايك؟
حساكى مش عاجبك الكنب ده اوى؟

بالنسبه للسفره غالبا هتكون هى الحاجه الوحيده فى الشقه اللى قريبه من الكلاسيك الى حد ما
ليه بقى
فعلا مافيش اى سفرات مودرن مختلفه
كلللللللله شبه بعضه خالص و نفس النظام مفيش اى اختلاف نهائى
بصى انا عارفه ان الكورنرات برده او الانتريهات المودرن كلها شكل واحد بس لما بتلعبى فى الالوان و القماش و كده الدنيا بتتغير و بتبان شويه
لكن السفره المودرن فعلا مش لاقيين حاجه مختلفه
فقولنا هتبقى سيمى مودرن او قريبه للكلاسيك بس بحيث يتناغم برده مع شكل الانتريه او الكورنر المودرن
كمان عشان احنا عايزين دولاب فضيه وعايزين حاجه فيها بوفيه يكفى الحاجات
بس مش عارفه بئه كده هيبقى حلو مع بعضه ولا ايه عموما برده هندور على اشكال تانيه لان احنا لسه ما نزلناش نتفرج دى كلها صور بس

نيجى للكورنر الجلد تفتكرى لو بدلناه بخشب هيبقى حلو ولا مش هيبقى شكله ظريف و نخلينا فى الاول احلى؟

بالنسبه لاوضة النوم انا اول ما شفتها اتخضيت بس اتخضيت من اللون مش الشكل
لكن احنا هنغير اللون هيبقى غامق برده هههههههههههه بس اخف من الاسود شويه هيبقى بنى غامق خالص و هنعمل الوان الاوضه ان شاء الله بيج فاتح خالص عشان تبان
بس بنفكر نشيل الشمعدنات دى ايه رايك؟
و فى نفس ذات الوقت عجبانى فكرة الشمعدان مع الستاره كده مش عارفه
ربنا يكرمك والله يا يويا و ان شاء الله ارجع اتابع معاكوا بس اخلص يارب على خيررررررر هانت

بلاش كوكي ده اللى يكرمك خلينا ف يويا دي حلوة اوي ;)
ده انا حتى معرفش انك بتكلميني انا الا ف نص الكلام كده :D


شوفي كده ده يا حبيبتي

http://forums.3roos.com/showthread.php?t=476010



الكنب بيبقى فعلاً شكله عسول اوي لما تلاقيه ف مكان كده لوحده

يعني تلاقي ركن كده للسفره او اى مكان معاه كنبة كده

حتى ف اوضة النوم لما بتكون واسعه بيكون حلو لما يبقى فيه مكان

كده للقاعدة بعيد عن هدف الاوضة الرئيسي فلو المكان كبير

يبقى الاولى حلوة لو صغير يبقى التانية والتانية دي على فكرة

تنفع لو ف اوضة نوم واسعه لأنها مديه على شازلونج شوية


السفرة فيه حاجات كلاسيك احلى كتير وفى حاجات مودرن حلوة

برضه بس لفى كويس ولو فى حد يعملك صدقيني يبقى احسن

لأن الايام دي بسمع بجد كلام مش لطيف عن الجاهز او انزلي

دمياط بقى وخلاص على الاقل افضل حالاً من محلات القاهره

وعادي لو سيمي مودرن بالعكس هتبقى شيك وجميلة بس

دي شكلها مودرن اوي وقديمة شوية


الانتريه هيبقى حلو لو خشب مش عارفه ليه انا مبحبش الجلد

بس عامة الجلد ممكن لو طفل صغير مسك حاجة حادة اقل حاجة

هيخرمه فبلاش خليكي ف الخشب اضمن واعملي كرسيين زي اللى فوق

بجد شيك وعاجبني اوي او اعملى اللى فوق بالألوانات غامقة لو

هي المكان الرئيسي لو في انتريه غيرها خلي الركنة الوان مطرقعه

او حتى جديدة شوية بصي دي شببها على خشب

وكمان من نفس ستايل اوضة النوم التصميم ده اسمه اصلاً سلطان حسن





اوضة النوم ميزيتها ف العمدان دي لكن لو مستغرباها وهتبقى محل

نقض يبقى بلاش لكن لو عجباكي اوي اعمليها انا بجد كانت

عجباني اوي انا وخطيبي وبعدين اتلهينا ف حاجة تانية بس هي شيك

جداً ماشاء الله ولو على بني هتبقى حلوة ماشاء الله

ودي باقي الاوضة لو مش معاكي

totytwety;12530124:
بنات هو الكونسول لازم يتحط قدام باب الشقه يعنى مينفعش يتحط فى الانتريه الرئيسى مثلا فى جنب كده منه

هو عادة بيكون ف المكان ده بس افرض معندكيش مكان له

ف مدخل الشقه وفي حيطة تانية فاضية ف ركن او اى مكان

انا شايفه انه عادي المهم متزحميش بيه المكان

يعني لو المكان محتاجة فعلاًَ اوكي لو لأ يبقى بلاش احسن F:

smsma_mh;12525909:
ازيكم يا قمرات F: انا لسه مشتركه جديده وعاوزه اعرف ازاى ارفق لكلامى صوره لانى كل مابدوس على اضافة صوره يقولى حط رابط الصوره اجيب الرابط دا منين ولا بيتعمل ازاى ؟ ارجوا افادتى ربنا يفرحكم كلكم:022:

اهلاً بيكي يا قمر منورانا F:


هنا يا قمر ارفعي الصورة من على الجهاز

http://forums.3roos.com/uploader.php


واول لينك تحت الصورة حطيه على طول والصور هتظهر تلقائياً

ف ردك إن شاء الله

wgh_el2mr;12530205:
تسلم ايدك يا قمر
ماشاء الله حلوين جدا
وياريت لو عندك صور تانية حطيها

عشان يكون عندى مجال اكتر ف الاختيار والاقى حاجة تعجبنى انا وخطيبى سوا

بجد متشكرة جدا




كلاسيك
بصى يا قمر انا عاوزة صور ترابيزات زى ما قولتلك

كمان عاوزة اعرف
ايه الفرق بين ورق الحائط والاستيكر
وفرق الاسعار ازاى

ومتر ورق الحائط بيتحسب على انهى اساس
يعنى مثلا زى دا



كمان سؤال اخير ومتزهقيش منى
هو بالنسبة لورق الحائط بدهن الاول ولا ولا مبندهنش ولا ازاى

ده موضوع لأشري في ترابيزات موردن وان شاء الله اشوفلك تاني

لو مش عجبك اللى فيه



http://forums.3roos.com/showthread.php?t=518556



ورق الحائط ده يا قمر بيغلف الحيطة كلها زيه زي الدهان وفي ناس

بتدهن قبله وفى ناس لأ على ما اعتقد

والصور اللى انتى حطيتيها دي كلها ستيكرز ودي بيتلزق ع الدهان

وبيعمل شكل بدل ما ترسمي على الحيطة بالدهان مثلاً

الاتنين بيتباعوا بالمتر عند مراكز الدهانات وفرق السعر كبير طبعاً

يعني الاستيكرز على حسب الخامة معتقدش الرول ممكن يزيد

عن 100 وده ممكن يبقى افخر الانواع لكن هي بتتباع من اول 2.5

وانتى طالعه اما ورق الحائط غالي معرفش بكام بالظبط بس

يعني اعتقد الرول ممكن يعمل من 150 اقل حاجة وانتى طالعة برضه

ده بره لكن عند بتوع الدهانات النضيفه بيكون معدي ال200

bella perla;12530914:
بنات لو سمحتو ايه الموضه فى الوان الدهانوالافضل الشقه تبقى لون واحد ولا اعمل جدار مختلف فى كل اوضه واللون الاساسى للشقه يكون ايه؟

ده رأيي ف الوان الدهانات كتبته كذا مرة قبل كده


موضوة الدهانات السنة دي هى


1- الفلفيت وده نوع من الدهان بيكون عادى

وبتعمل عليه نقاشات بأسطمبات اسمنتيه بأشكال مختلفة بتدي لمعه حلوة

في اشكال اوفر وفي اشكال حلوة ورقيقه اوى والاوفر هي اللى منتشرة

وانا شايفه انها تمشي مع الستيل الكلاسيك اكتر للتوضيح

















2- الدهانات العاديه الموضه فيها الدهانات المضلعه دي ابرز حاجة




او المربعات ودي مش حباها انا شخصياً خالص





والأتنين عادة بيكونوا ف حيطه واحده بتبقى اشيك كتير


3 - الأستيكرات ودي عوضاً عن الأشكال اللى كان ناس بتعملها زمان

وكان تغييرها يعني تغيير الدهان كله وهى فكرة عمليه طبعاً ولطيفة جداً











4- ورق الحائط العائد بقوة لكنه مكلف جداً طبعاً

فممكن استخدامه ف حائط واحد بس












الألوان بقى


طبعاً الموضة الأوف وايت وهو لون مايل للأبيض وافتح درجة ف الرمادي خالص

وطبعاً ده بيليق مع اى حاجة لكن انا عن نفسي مبحبش الألوان الفاتحة بخاف منها جداً

فالحل اللى ناس كتير بتعمله دلوقتي هو دهان كل الشقه اوف وايت

و يعملوا حيطه بأى ستايل من اللي فوق سواء ورق حائط او دهان عادي

وبتبقى بجد شيك وبتدي وسع كمان للبيوت الضيقه

اما الألوان اللى طالعه موضة من وجهة نظري ورؤيتي لصور ديكور كتير






































الألوان اللى علّمت عليها طبعاً روعة وده من وجهة نظري اكيد

يعني شايفه انها شيك اوى وموضة جداً وخاصة اخر صورة اللون اللى عليه كذا علامة

ده رهيب بأمر الله اعمله ف غرفه عندي

ولو لاحظنا هنلاقي ان معظمها الوان غامقة شوية او يعتبر وسط

يعني معظم العلامات ف منتصف الصورة

وانا سبت الصورة كاملة علشان لو حب حد يستفيد

[QUOTE=* كلاسيك *;12539943]


3 - الأستيكرات ودي عوضاً عن الأشكال اللى كان ناس بتعملها زمان

وكان تغييرها يعني تغيير الدهان كله وهى فكرة عمليه طبعاً ولطيفة جداً











كلاسيك ماشاء الله معلوماتك جميله

جزاكى الله خيرا



عايزة اسال سؤال يا بنات هى الاستيكرز اللى بتتلزق عالحيطه دى ممكن تتقطع او تروح بسهوله ولا جامده

ربنا يكرمك يا كلاسيك

بس هتعبك لو عندك صور تانية للترابيزات حطيهالهى
انا عارفة انى بتعبك معايا والله



قوليلى بقى بما ان شقتى مودرن هحتاج مفارش للنيش او للكومودينات والترابيزات ولا اعمل ايه بالظبط؟

تسبيح 2010;12540168:


كلاسيك ماشاء الله معلوماتك جميله

جزاكى الله خيرا



عايزة اسال سؤال يا بنات هى الاستيكرز اللى بتتلزق عالحيطه دى ممكن تتقطع او تروح بسهوله ولا جامده

جزانا واياكم يا حبيبتي ربنا يكرمك يارب

انا اعتقد حسب الخامة

wgh_el2mr;12542379:
ربنا يكرمك يا كلاسيك

بس هتعبك لو عندك صور تانية للترابيزات حطيهالهى
انا عارفة انى بتعبك معايا والله



قوليلى بقى بما ان شقتى مودرن هحتاج مفارش للنيش او للكومودينات والترابيزات ولا اعمل ايه بالظبط؟

والله انا لسه مش عارفه بس النيش بفكر اجيب ستان واكشكشه

وارص عليه الحاجات او احطها كده وارمي ورد مجفف وكريستالات

والقش اللى بيلمع ده على حسب الظروف وقتها

ترابيزة السفرة هجيب مفرش مستطيل صغير يعني يادوب متر ف نص متر

مثلاً حاجة كده يعني وكذلك ترابيزة الانترية إن شاء الله


ولو فى اي ترابيزات تانية هجيبلها مفارش صغيرة بس الاشكال

اللى ف السوق دي مش عجباني ومنتشرة فهشوف بقى


اتفضلي يا قمر الصور










































يارب المجموعة دي تكون عجبتك :)

طب و الكمودينو اعمل فيهم ايه

اصل ماما عاوزة تنزل تشترى المفارش وعاوزة استقر


وتقصدى ستان مفارش ولا هتجيبى قماش عادى
وايه القش اللى بيلمع دا

لأ معتقدش هحط عليه مانتى لو حطيتي اباجورة

او اى ديكور اعتقد مش هيحتاج عامة عادي لو انتى بتحبي المفارش

المنتشرة ف السوق عادي هاتيها تمشي مودرن برضه مش هتقول لأ

وانا اقصد القماش العادي الستان

والقش ده ممكن تلاقيه عند بتوع لف الهدايا

بنات ايه رايكو فى ترابيزه الانتريه ديه انا عجبانى فكره الترابيزه الصغنونه اللى فوق دى عشان لو عدد ضيوف طبير ممكن افصلها واستخدمها كترابيزه لوحدها تانيه انتو ايه رايكو؟؟

حلوه اوووى يا كلاسيك الاستيكرات دى بس دى متوفره فين اصلى كنت سمعت انها متوفره من خلال مهندسه ديكور كده مش فاكره اسمها كانت جايه فى برنامج بتاع دعاء عامر ده ولا ممكن القيها فى مكان تانى؟

فكرتها حلوه جدا التربيزه دى ياtotytwety

totytwety;12545252:
بنات ايه رايكو فى ترابيزه الانتريه ديه انا عجبانى فكره الترابيزه الصغنونه اللى فوق دى عشان لو عدد ضيوف طبير ممكن افصلها واستخدمها كترابيزه لوحدها تانيه انتو ايه رايكو؟؟

انا عاجبانى اوى فكرتك يا توتى

لو سمحتي ممكن تبعتيلي رقم النجار ده ولو عندك صور لشغله ياريت ضروري

totytwety;12545252:
بنات ايه رايكو فى ترابيزه الانتريه ديه انا عجبانى فكره الترابيزه الصغنونه اللى فوق دى عشان لو عدد ضيوف طبير ممكن افصلها واستخدمها كترابيزه لوحدها تانيه انتو ايه رايكو؟؟

حلوة يا توتي اوي بس انا بقول لو رفعنا الترابيزة اللى تحت

دي عن الارض شوية تبقى احلى لأنها كده واطية اوي

بس هي شيك وجديدة

nana12;12546174:
حلوه اوووى يا كلاسيك الاستيكرات دى بس دى متوفره فين اصلى كنت سمعت انها متوفره من خلال مهندسه ديكور كده مش فاكره اسمها كانت جايه فى برنامج بتاع دعاء عامر ده ولا ممكن القيها فى مكان تانى؟

فكرتها حلوه جدا التربيزه دى ياtotytwety

لا يا حبيبتي موجودة ف كل محلات الدهانات حتى الصغيرة

دي بتتباع دلوقتي ف محلات الاكسسوارات ومحلات 2.5 وف كل مكان

بس لو عايزة حاجة نضيفه اوي ومضمونة ومش مهم السعر

روحي مراكز الدهانات زي يوتن عنده برضه