.. Hopes;12445515:
تسلمي يا يارا كنت مستنيه رأيك انتي وميس كات اكتر ناس
بس البنات بصراحه طلعت عندهم افكار راائعه
انا فعلا كنت شبه مقرره ان 4 تبقي غرفه النوم الكبيره و3 اطفال
العك عندي كله في الباقي
انا معنديش مشكله اكسر كتير واقتنعت بفكرة اوضه اطفال واحده دلوقت وبعدين يحلها ربنا
بس لو كسرت كل ده هيبقي برضو الليفنج مكشوف وانا بحاول اعمل كل ده عشان يبقي لو في ضيوف يعني ميبقاش الشقه كلها مكشوفه وكده وفي نفس الوقت مش مخنوقة
تسلمي يا حبيبتي من كل شر
مادام خايفة المكان كله يكون مكشوف
سيبي الاوضة اللى جنب الباب مقفولة عادي
وافتحي التانية على الريسبشن حطي الصالون والسفرة
لأن السفرة مش هتحتاج مكان كبير
وسيبي الاوضة لليفنج ليكو كده ف الروقان
s2altak_habibi;12448538:
السلام عليكم ورحمه الله ازيك بنات بلدي
انا بجد معجبه بالموضوع الاكتر من رائع
وليا استفسار يارب متخزلونيش
انا الحمام بتاعي لونه موف في ابيض كان نفسي اجيب الستاره موف مش عاجبني الابيض او حتي اللونين في بعض بس اعدت ادور ملقتش
روحت سيتي ستار برضو ملقتش ياريت لو وحده شافتها تقولي هي فين بس
ده الحمام بتاعي بس لسه مخلصش فجبت السراميك من الموقع هوه نفسه
انا شايفه السيراميك غامق اوي ففتحيه بالابيض احسن علشان
ينطق المكان ودوري عند ابو النيل تاني او هاتى قماش وفصليه اسهل واوفر
يارب سهل;12449614:
بنات انا عندى مشكلة الليفنج لما جه الاوضة بانت صغيرةيعنى الترابيزة لما تتحط ان شاء الله ممكن مينفعش يكون فيه مكتبة او اى حاجة يتحط عليها التليفزيون
المهم انا عايزة افكار باعتبار التلفزيون هيتعلق
انا بفكر اعلق التليفزيون والمربعات اللى بتتعلق زى توكى كدا وتحت التلفزيون مستطيل مفرغ
كأنه كدا مكتبة معلقة
ايه رأيكو ؟؟؟؟؟
انا شايفه انها فكرة حلوة جداً وهتوفر معاكي مكان
وف نفس الوقت روشة
nana12;12450092:
ناويه باذن الله نعمل المحاره الشهر ده بس عندى سؤال الكرانيش بتليق ع الاستايل المودرن ولالا والى هى السره دى اللى بتبقى فى النص ياريت تقولولى اقتراحات ليها ؟
وسؤال كمان بقى انا الصراحه مصدقت لاقيتكوا عايزه اعمل السيراميك اللى هو زى الباركيه ده ايه رايكوا فيه ولازم تبقى الشقه كلها ارضيه واحده ولا ممكن اغير فى الحمام والمطبخ اصلل جوزى بيقولى احسن تبقى كلها حاجه واحده
مبارك عليكي يا حبيبتي الزواج والشقة ان شاء الله
تطلع جميلة وزي ما انتى عايزة
الكرانيش فيه حاجات بتبقى سيمبل ومفيهاش شغل كتير
ولا حاجات سيلفر ولا دهبي ولا الكلام ده
السرر مش كلها بتليق ع المودرن بصي ده شكل كان
في بنوتة منزلااها من فترة ودي الوحيدة اللى شوفتها مودرن
السيراميك الباركية حلو بس انا عن نفسي مبحبش
اللى بيكون شرايح داخله ف بعض
وعادى يا قمر المطبخ الحمام دايماً بيكونوا مختلفين
وفيهم اشكال خاصة بيهم حلوين اوى ماشاء الله ف المعارض
مشتاقة الى الجنة;12450864:
ازيكم يابنات عاملين ايه يااااااااااااارب تكونوا بخير وربنا يتمم للجميع بخير وادعولى ربنا يصلح حالى ياااااااااااااارب ويعدى بكرة على خير عشان عندى مشاكل والمفروض هنقعد بكرة مع بعض ادعولى ربنا يسترها ويسرلى امرى ياااااااااااااااااااااااارب
كنت عايزة اسال على حاجة انا دلوقتى محتارة فى الان الدهانات مش عارفة اعملها ايه وهى الدهانات مفروض تتعمل بعد مانجيب العفش صح انا بقى للاسف مش هجيب العفش دلوقت خاااااااااااالص والمفروض هخلص دهانات الشقة قبل العفش بالنسبة لاوضة النوم والسفرة مش هيبقى فيه مشكلة فى الوانهم عشان هجيبهم بنى مط المشكلة فى الصالون والصالة بس الصالة مشكلتها محلولة عشان عندى سجادة على طوبى هجيبلها كنبة 3 او 4 تليق عليهاوخلاص وهحط معاها التليفزيون ياريت لو تنصحونى اعمل ايه لانى محتارة جدا ومش هينفع ااجل الدهان بعد العفش عشان شهر رمضان وانتم عارفين مينفعش فى رمضان حد يشتغل من العمال فياريت تساعونى اعمل الوان ايه مع مراعاة ان الشقة صغيرة حوالى 60متر عشان انا هسكن فيها مؤقتا عقبال مانستلم الشقة بتاعة خطيبى
وتقولولى اجيب افضل الحوض الساقط فى الرخامة وله اجيب العادى انا بصراحة برجح العادى عن الساقط فى الرخامة هو اشيك بس انا بحب التانى وانا المطبخ عندى صغير يادوب 2متر فى 2متر وياريت لو حد يعرف اسعار الاحواض كام العادى والساقط فى الرخامة وهل فعلا الساقط ده متعب لان بيتهيألى فى بنوته معانا قالت انه متعب وحد اشتكى منه فياريت تفيدونى يااحلى اخوات
وادعولى ربنا يتم موضوعى على خير ويجعلنى من نصيب خطيبى يااااااااااااااااااااااااااااااااااااااااااااااااااااااااااارب
الله يسلمك يا قمر منورانا
وربنا يارب يصلح الأمور ما بينكم ويتمملكم على خير
مادام الظروف تقتضي انك تدهني الأول عادي يا حبيبتي
اوضة النوم اعمليها ف الفواتح الهادية يعني فيروزي ف بيج او تفاحي
موف ف روز .. كموني ف اصفر هادي .. فوشيا ف روز
عندك حاجات كتير تمشي مع بعض
غرفة السفرة المشمشي حلو معاها اوي طالع موضة جامد
او كاكاوي ف بيج مثلاً
الصالون برضه خليكي ف البنيات او النبيتي او الزيتي
لأن معظم الصالون فيها الألوان دي
الصالة ممكن تعملى اوف وايت ف اى لون انتى عايزاه
بس يكون فاتح علشان يدي وسع
وبصفة عامة انتى ممكن تختاري اي لون انتى عايزاه
بس الدرجة الفاتحة اوي منه علشان المكان ضيق هيديكي وسع
بدل ما تكون مجبورة انك تعملى بيج او اوف وايت بس
وممكن تعملي كده برضه بس تدخلى معاهم حيطة لون تاني
موضوع الاحواض مليش خبرة فيه للأسف بس اعتقد العادي افضل
towtty;12456104:
بنات انا لو عيزة اشترى قماش للركنة ويكون مودرن ويكون حلو اشتريه منين
قولولى ضرورى
في برنت شوب يا قمر ف عمارات العبور و ف شارع شهاب
بعد التوحيد والنور
وفي بنات بتقول ف الأزهر في قماش برنت وارخص
بس تروحي وتطلبيه منهم
.. Hopes;12463994:
بنات هو لو مش هعمل اوضة اطفال دلوقت .. الاوضه دي ادهنها مع بقية الشقه واسيبها فاضية واقفلها؟؟
اه يا قمر علشان تخلصى منها
mariam87;12466648:
نورتي البييييييت يا قمرF:
بقولك ليه الحمام بتقولي الارضيه غامقه؟و ليه بتقولي مط؟اشمعني
رغم انى سمعت ان الحمام يكون ارضيته فاتح علشان الغامق بيجيّر :!!:
يارب سهل;12469055:
انا ف قمة اكتئابى بجد:(:(:(مش عارفة اتصرف ازاى مش قادرة من الضيق والله
انا يابنات كان ف دماغى ستارة ليفنج زى دى
لما رحنا الراجل قاللى ماشى وهعملهالك على ماسورة
ماما فضلت تقول لااااااء بلاش الماسورة تبان وشكلها مش شيك لا مش عايزين الماسورة تبان:(الراجل قال خلااص هعملها على بلتكانة خشب عادى وادبسها وانزل بمنديلين تمام كدا؟؟؟؟
المنظر النهائى طلع دا طبعا الستارة لسه هتتكوى مكان تطبيقة المصنع
بصراحة مش عاجبانى نهائيا ومش هى دى اللى كانت ف دماغى وبعدت عن الموديل خااااالص ياريتنى ماكنت سمعت كلام ماما وكنت بينت الماسورة وخلاص:(:(
المهم ماما قالتلى حددى ايه اللى مش عاجبك فى الستارة بالظبط!!!!!!!!!!!!!!
انا حاسه انها كلها عايزة تتفور،،،،،بس اضعف الايمان يفك المناديل دى ويخليها نازلة حتة واحدة كدا وخلاص بدل الكرانيش اللى عاملها دى
ايه رأيكو فى اللى هعمله؟؟؟
مالها بس يا حبيبتي ماهي حلوة اهي ماشاء الله
انا رأيي انها لو منفعتش يبقى خلاص خليها ومتلعبيش فيها
لأن بجد الحاجة اللى بيتلعب فيها بتبوظ
جميله..محمود;12472199:
طيب يا بنات لو عملت مطبخ لونه احمر اجيب التلاجه والتربو والباسكت لونهم ايه؟
فضي او رمادي فاتح
نهااااااااااااد
ملهاش حل تانى لو زي الصورة
المكان اللى ف التربو ده والأنبوبة زي ما انتى كاتبه
فانتى ممكن تغيري مكان البوتاجاز وتدخليه لجوه شوية
