ملف استفسارات بنات مصر للديكور ( الجزء الثاني )

nanoo99;12840358:
شكرا ياميرو على ردك ربنا يكرمك
بس العمويد اللى عندى بنهم كمر فهمنى يعنى مش عمود بس لا دا رابط بنهم كمر
شوفوا يابنات فى شقتى الحاليه فيها نفس العمود ببالكمر جبت الصوره عشان تشوها وتدونى افكار


بس عندى العمودين بارزين شويه مش عارفه اعمل ايه فيهم عشان يكون شكلهم حلو اصل المنظر كده مش عجبنى خالص


ايه رايكم فى السيرميك دا للمطبخ حلو ولا ممكن الاقى احسن

مرسى يا مس كات
انا حاسه ان الوضه الاولنيه اهدى من التانيه

حد يعرف هو ده رخام واللى جرانيت وايه رئيكم فيه الساده احلى واللى هو

زهره حائره;12841301:


حد يعرف هو ده رخام واللى جرانيت وايه رئيكم فيه الساده احلى واللى هو

lasposadelnilo;12835529:

ميرو وهوبا بصوا هي الراجل مصورهالي فديو قعده عربي كان عاملها 4 اضلاع كبيره هوا هيمعلي زيها حرف L مقاس 2 في 2ونص
وهتتقسم جزئين بس لما يتحطوا جمب بعض يدوا شكل حرف L
عشان تدخل ويبقى سهل انضف تحتها ممكن اتخرها يعني

يليق معاها التايجر او المنقرش عموما
ولا اعملها لونين ساده داخلين في بعض
بصى التايجر هيكون حلو بس من رأيى اعملى لون سادة هيكون اشيك

رشرووش;12836099:


بنات هى الاباجوره عاليه كده ولا معقوله :woo:[/
لا ارتفاعها كويس كدا يا رشروش بس سؤال ممكن تقوليلى النجفه بتاعتك كنتى جايبها من عند من و كانت كام دراع
[QUOTE=زهره حائره;12836119]
معلشى نسيت احط الصوره والمساحه يا ستى 140 متر وانا قصدى ان مساحه مكان السفره اكبر من مساحه النتريه واللى مش مهم[/
طبيعى السفرة تكون اكبر يا زهرة لان حاجتها اكتر كدا انتى راصها صح QUOTE]

[QUOTE=زهره حائره;12836180]بصو يا بنات انا عندى فكره كده بس مش عارفه حلوه واللى لا فى التصميم اللى فات فى النوم الرئيسيه علشان هى داخليه فكرت اعمل الشبابيك بالطول يعنى تلتين الحيطه علشان تهوى اكتر وعلى فكره البيت بتاعنا يعنى مش هيبقى مكشوف لحد فكره حلوه واللى هتبقى بايخه واعمل الشبابيك اللى على مناور شيش واللى المونتال
هى فين البنات مبقوش يدخلو ليه هما زهقو من الاسئله واللى ايه

اعملى الشبابيك عاديه احسن يا زهرة هى مش هتفرق كتير فى التهويه زى مانتى متخيله بدل متعملى شكل و يطلع مش حلو بعد كدا و الشبابيك اعملى شيش احسن على المناور كمان اود النوم الشيش فها احسن

[QUOTE=زهره حائره;12836380]معلشى تانى انا لو فتحتهم على بعض هعمل السيراميك كله واحد[/
لو قصدك على الريسبشن اكيد هتعمليه لون واحد علشان ميبقاش الوان كتيره و يكونوا لايقين مع بعض

[QUOTE=.. Hopes;12837294]

بناات
كنت سألتكم قبل كده لو هحط مكتب وكمبيوتر وكده احطه فين
هو خطيبي بيشتغل في البيت يعني شغله الاساسي فطول النهار هيبقي قاعد قدام الكمبيوتر
انا شايفه انسب مكان اوضه الاطفال فعلا .. بس في حاجه يعني احنا مش هنفصل اوضه اطفال دلوقت خالص فهتبقي الاوضه فاااضيه
المكتب بقا والكمبيوتر والاسلاك الكتير بتاعته دي هتتحط فيييين؟؟ ينفع تتحط في الاوضه الفاضيه ويبقي قاعد حواليه فراااغ كده ؟:lol:[/
اوضة الاطفال هى انسب مكان للمكتب و الكمبوتر و مفيش مشكله لما يكون حواليه فاضى شويا هو كدا كدا قاعد بيشتغل على المكتب يعنى مش هيفرق معه هى فاضيه و لا مليانه يا جميل

[QUOTE=dr.muslimah;12838696]

هو حد شاف الكنبة بتاعة جومانة دى فى اى مكان تانى؟

انا شفت زيها فى محل فى شارع شبرا اول متطلعى من محطة مترو مسرة فى محل كبر ماسك الناصيه اللى قبل عمر افندى كانوا حاطين زيها بالظبط بس مسألتش علها بصراحه بكام
]

[QUOTE=mariam87;12839287]ميرسييييييييييييي يا قمر اووي ربنا يكرمكF:

[QUOTE=ميرو77;12832934]

ممكن صورة للشيش الاسكندراني او اوصفيه لاني معرفوش عملت بحث عارفه طلعللي كلمتين بس يا اما شيش اسكندراني اللي هو شيش طاووق اوو حشيش اسكندراني:lol:
حواوشى و شيش طاووق دا النجاريين تقدموا اهو وبقوا يعملوا شيشان تتاكل:lol: بصى هو انا مش عارفه اوصفه اوى بس هو بيكون زى لوح خشب كدا و فيه فتحات بالعرض صغيرة مش زى الشيش العادى ريش بصى اكد مفمتيش منى حاجه ان شاء الله اذا رحت شقتى قريب احاول اصورهملك لانى انا بكره برضه الشش العادى و تنضيفه





[QUOTE=nanoo99;12840358]شكرا ياميرو على ردك ربنا يكرمك
بس العمويد اللى عندى بنهم كمر فهمنى يعنى مش عمود بس لا دا رابط بنهم كمر
شوفوا يابنات فى شقتى الحاليه فيها نفس العمود ببالكمر جبت الصوره عشان تشوها وتدونى افكار


بس عندى العمودين بارزين شويه مش عارفه اعمل ايه فيهم عشان يكون شكلهم حلو اصل المنظر كده مش عجبنى خالص
بصى انا عندى فى اوضه النوم نفس الشكل دا بس انا عمود و كمر فى اخر الحيطه المهم انا عملت العمود بالكمر ورق حيطه بيدهن و دهانته موف غامق و الحيطه اللى بينهم دهانتها لون رمادى فاتح ساده و ممكن برضه تعملهم لون غامق مثلا بنى و الحيطه اللى بينهم بيج


ايه رايكم فى السيرميك دا للمطبخ حلو ولا ممكن الاقى احسن
بصى هو حلو و جديد بس فاتح اوى كمان ممكن تلاقى حاجه احلى بس لو كنتى جبتيه خلاص فهو حلو

[QUOTE=dr.muslimah;12838696]

هو حد شاف الكنبة بتاعة جومانة دى فى اى مكان تانى؟

انا شوفتها يا قمر فى محل اسمه شيفلد فى المهندسين بس للاسف لسه مسألتش على سعرها ممكن اسأل واقولك اووووك :)

miss cat;12841010:

فى كذا فكرة يانانو

دول مش يعتبروا عمويد بالمعنى الى احنا عارفينة المدور دة
بصى انتى ممكن تعملى العمود بالكمر بالعمود الى شابك فية فكرة الطوب بالمعجون
والى الحيطة الى داخلة دى ممكن تتعمل
1- دهان كلها ترخيم وتابلوة شيك فى النص او استيكرات الى بتتلزق
2- تتعمل مرايات سامبوكسات كدة بشكل جمالى
3- تتعمل ورق حيطة

والعمودين بالكمر الى ماسك فيهم لالالالالالالالازم يبقوا شكل واحد
وممكن تعملى العكس
تخلى الجزء الى داخل لجوة دة طوب او ورق حيطة والعمودين بالمريات كدة

او
العمودين بالكمر بلون دهان غامق زى اللون البنى وطالع موضة جدااااااااااااا اللون دة
وفى النص لون فاتح وتابلو او استيكر
كدة بقى زى البرواز الكبير
اممممم لا دى محتاجه صور وكامن احنا عاملين فيها اضاءه لان مش مستقرين نعمل ايه
ياساره ياساره محتاجه صور عشان افهم

ادعيلى يانانو والنبى
ادعولى يابنات العيال الى بتدهن الابواب استر تطلعها حلوة لانهم شكلهم عاكين جااااااااااامد اووووووووى

:'(:'(:'(:'(:'(

ان شاء الله تطلع حلو وتورينى الصور عشان لسه الابواب عندى

وقولولى رايكم ضرورى انهى اوضة احسن
انا هعمل اوضتى فى الفيلا هنا
فوشيا +بنى+بيج
كالاتى
حيطة ورا السريرين بنى
وباقى الحيطان كدة

دى عسوله خالص
ونانو
هحاول انزلك الافكار الى اقصدها بالصور

miss cat;12841033:

نانو

نسيت اقولك سيراميك المطبخ عسوووووووول موووووووت
بجد عجبك
اصل دا شقه واحد جارى بس صاحب جوزى وصورها عشان نشوف ايه الجديد

بس عندى العمودين بارزين شويه مش عارفه اعمل ايه فيهم عشان يكون شكلهم حلو اصل المنظر كده مش عجبنى خالص
بصى انا عندى فى اوضه النوم نفس الشكل دا بس انا عمود و كمر فى اخر الحيطه المهم انا عملت العمود بالكمر ورق حيطه بيدهن و دهانته موف غامق و الحيطه اللى بينهم دهانتها لون رمادى فاتح ساده و ممكن برضه تعملهم لون غامق مثلا بنى و الحيطه اللى بينهم بيج


امممممممم فهمت قصدك ايه بس انا كنت عايزه فكره اعملها كديكور يعنى ادرى منظر العمود اصل فهمانى
ايه رايكم فى السيرميك دا للمطبخ حلو ولا ممكن الاقى احسن
بصى هو حلو و جديد بس فاتح اوى كمان ممكن تلاقى حاجه احلى بس لو كنتى جبتيه خلاص فهو حلو
لا ياجميل لسه مش جبت دا سيرميك شقه صاحب جوزى بس عجبنى عشان سمبل خالص
وكده كده دولاب المطبخ هيدرى السيرميك فعشان كده بدور على حاجه سمبل

ايه رايكم يابنات لو اعمل كده واحط فى النص مرايه



لواحط تابلوه احسن


ولا احسن اعملها بالجبس
ايه رايكم ايه اشيك
الجبس ولا الخشب

بصى ياقمر النجفه كنت جايباه من المنشيه وكنت جايباه اتنين للرسيبشن شبه بعض واحده6دراع واللى فى الصالون 5 دراع لان مساحه الحته اللى فى الصالون 3فى 2ونص

:)بصى كده بس الصوره قبل الفرش

nanoo99;12840358:

ايه رايكم فى السيرميك دا للمطبخ حلو ولا ممكن الاقى احسن

هو السيراميك حلو بس هيتعبك فى التنظيف لانه فيه تجويف وخصوصا للمطبخ لان المطبخ السيراميك فيه بيقف عليه دهون وبيحتاج يتنضف فى البلاطة دى مش مستوية او حته وحده عشان تبقى سهل فى التنظيف فى الافضل دورى على حاجة تانية تكون برضه حلوة ومريحة فى التنظيف

هههههههههههه ماشي يا قمر و انا مستنيه صور الشيش ياااريت بجد او لو شفتيه ف اي صورة

sally2007;12845885:
هو السيراميك حلو بس هيتعبك فى التنظيف لانه فيه تجويف وخصوصا للمطبخ لان المطبخ السيراميك فيه بيقف عليه دهون وبيحتاج يتنضف فى البلاطة دى مش مستوية او حته وحده عشان تبقى سهل فى التنظيف فى الافضل دورى على حاجة تانية تكون برضه حلوة ومريحة فى التنظيف

نفس كلام ماما بالظبط وكمان قالت الابيض صعب للمطبخ

شكرا ياجميل على ردك

[/QUOTE]

nanoo99;12845404:



ايه رايكم يابنات لو اعمل كده واحط فى النص مرايه



لواحط تابلوه احسن


ولا احسن اعملها بالجبس
ايه رايكم ايه اشيك
الجبس ولا الخشب

يا بنات سؤال فني...انا عندي المطبخ صغيور 3*2.5 و في وش الباب هحط البوتجاز علي الحيطة الصغيرة..الضلعين الكبار واحد فيهم عليه الحوض و فتحة بلكونة صغنونة( قفلتها الوميتال و حطيت فيها الغسالة)..ايه رايكم المطبخ نفسه احطه كله علي الضلع الكبير التاني و جنب الحوض احط التلاجة؟ و لا اكبر الرخامة بتاعة الحوض و احط تقفيلة من المطبخ تحت رخامة الحوض و انقل مكان التلاجة للضلع اللي فيه باقي المطبخ؟ انا محتاااااارة اوي :( مش عارفة انقل التلاجة من جنب الحوض علشان الرخامة تكبر و يبان الحوض ساقط في الرخام؟ و لا اسيب التلاجة جنب الحوض و اسيب المطبخ كله علي ضلع واحد؟ ردوا علية بسرعة علشان انا بكرة هعمل الرخامة فعايزة اقرر مقاسها

nanoo99;12840358:
شكرا ياميرو على ردك ربنا يكرمك
بس العمويد اللى عندى بنهم كمر فهمنى يعنى مش عمود بس لا دا رابط بنهم كمر
شوفوا يابنات فى شقتى الحاليه فيها نفس العمود ببالكمر جبت الصوره عشان تشوها وتدونى افكار


بس عندى العمودين بارزين شويه مش عارفه اعمل ايه فيهم عشان يكون شكلهم حلو اصل المنظر كده مش عجبنى خالص


ايه رايكم فى السيرميك دا للمطبخ حلو ولا ممكن الاقى احسن

الافكار اللى قالت عليها سارة حلوة اوى
انا عاملة عندى حلركة زيها بس لسة مدهنتش
العمودين دول عاملاهم حجر
وفى النص باذن الله هحط ورق حائط

جومانة وميرو وهوبا شكرا على ردكم على الكنبة
المكان الوحيد اللى اعرفه المهندسين ههههههههه
ياريت لو سألتى عليها ياهوبة تبقى تقوليلى



سارة الاوضة الاولى الوانها احلى بس هتبقى كتير اعتقد مع جدار كله بنى هيبقى قافل
هما الالوان التلاتة مع بعض تحففففففففففففففة بس حاولى اعمليلهم توزيعة تانية

بنات انا المفروض هعمل ركنه ليفنج 2 ونص متر فى متر ونص
فكرت بدل ما اعملها كنبتين كده حرف ال اعملها كنبه كبيره على بعضها 2 ونص متر مستقيمه عادى وجنبها بف صغير 70 سم يتحط ملزوق فى الكنبه بحيث يدينى شكل الركنه برده ويبقى 2ونص فى مترونص برده وبكده اقدر احرك البف ده لو جالى مثلا كذا حد وعايزه افصل البف بعيد لكن لو كنبه متر ونص على بعض مش هقدر اعمل ده ايه رايكو فى الفكره ديه وفى نفس الوقت لو عجبتكو ياريت تنزلولى صور عشان اقدر افهم المنجد وهل اعمل الكنبه بايدين من الناحيتين ولا من ناحيه البف تبقى من غير ايد ؟؟

السلام عليكم

أخيرا الحمد لله هنبدأ نجهز في الشقة. هنبتدي إن شاء الله حاجة حاجة وأكيد هحتاجكم إن شاء الله في كل خطوة لأن خطيبي مش فاضي خالص ورامي كل حاجه عليا :'( يعني المفروض ألف أنا وأختار كل حاجة وهو مش يظهر غير وقت الدفع والتريقة طبعا علي اللي اخترته

بس بما أن ليا أخوات حلوين زيكوا أكيد هتساعدوني. أنا شقتي صغيرة جدا جدا الحمد لله فطبعا مشكلة التنظيم والعفش دي بنام أحلم بيها. أنا هبدأ معاكوا واحدة واحدة واللي عنده فكره يقولهالي وربنا يجازيه خير

نبدأ بالمطبخ

أنا مطبخي 190 سم في 190 سم أنا رسمتهولكوا علي برنامج الرسام علشان تتخيلوا المنظر وعلي فكره الشباك فوق الحوض



المفروض أني أعمل معجزة وأحط التلاجة والغسالة والبوتجاز (كريازي القديم 60*90) والمطبخ كمان جواه وده طبعا محتاج ساحر مش بني آدم

ياريت تقولولي أفكاركم يا قمرات وجزاكم الله خيرا مقدما