ميويا;12771788:
على فكره يانودى انا لما كنت هعمل مطبخى خشب كنت هعمل ده بالظبط كان ورانى كتالوج وانا اخترت ده كنت هعمل ده بس كان عايز يعمل المتر ب1000
وانا اصلا خلاص غيرترايى وهعمله الوميتال حساه هيبقى اشيك ونزلت اخدت لفه وسئلت
وبالنسبه لحكايه المتر انارديت عليكىفىالتجهيزات ويالا زىبعضه اعيد الكلام تانى
مفيش حاجه اسمها متر فوق ومتر تحت كل المعارض بتعملمتر مربع يعنى متر طولى يعنى المتر المربع بيساوى متر ونص بالظبط وبعدين ايه اللى يقيس بعد ما يخلص وتتحاسبو هو مش رفع المقاسات متدفعيش فلوس الا لما تتفقو على المقاسات بالظبط
بصى بقى الدواره دى وحشه فى حاجه احسن منها هى اصلا للحلل واللى قصدى عليها بتكون زى قطعتين استانلس متوصلين ببعض بمجرد ما بتفتحى الضلفه كل اللى فى الضلفه بيطلعلك بره فبيبقى اسهل ودى حلوه وناويه ان شاء الله اعملها عندى و3 رفوف استنلس اللى بتقولى عليها حلوه لانك هتحطى عليها كل الخزين والمعلبات بس لوعملتى اللى بقولك عليها ممكن تحطى عليها الخزين ومتحتاجيش 3 رفوف دى يعنى شوفى الميزانيه كده
اه وحتت انه مش هيعملك فورمايكا انا برده الراجل كان قالى كده هدهن لاكيه
بليييييييييييز وريني اللي قصدك عليه ده اللي بتبفتحي الدرفه كل اللي فيها بيطلع قدامك ورينا صوورة
.. Hopes;12769991:
انا مقتنعه فعلا ان الحيطه دي لازم تتشال تتشال حتي لو متنقلش الباب
ميرسي ياجميله .. مها تقريبا مش كده؟:o
لأ دي العماره متشطبه من زماااااااااااااان
دي حمايا وحماتي كانو متجوزين فيها اساسا :lol:
بس هو الباب هيبقي بعيد عن الكهربا بس اعتقد الراجل هيقرفنا برضو
ربنا ييسرها ونقدر نقنعه ولو مقتنعش نفتج الاوضتين وخلاص بقا هعمل ايه
الموديلات جميله اوي
بس انا بصراحه مش بقتنع بالستاير اللي بتغطي الحيطه كلها
بحس انها بتبلع الاوضه
الحل التاني ده يا يارا هو اللي في دماغ خطيبي ومقتنع بيه
بس انا حاسه انها هتبقي منبعجه كده لو فتحت اوضه علي الريسبشن :D
هتبقي عاملة كدهون
هي عادي ليها مميزاتها في انها هتسيب الليفنج في اوضه مقفوله والسفره هتبقي قريبه من المطبخ ومش هخسر اوضه
و في فعلا حد من الجيران عامل كده وعامل الاوضه 2 دي مستوي سلمايه واحده
انا مشفتش بصراحه بس محمد مقتنع بكده وانا مش متخيله حساها هتبقي منبعجه فعلا لا هي مربعه ولا مستطيله ولا واخده حرف L حتي هتبقي L بس معوقة :D
تسلموا يا بنات ربنا يخليكوا ليا F:F:F:
هصلي استخارة علي حل من الاتنين دول ويارب يرضي ننقل الباب
سؤال الحلقة
الاكسسوارات - انا فاشله فيها جدااااااااااا - بنختارها علي اساس ايه؟
يعني اختار ازاي احط هنا فازة ولا اباجورة طويله ولا مخدات واحطها علي الارض؟
يارب ييسرلك يا قمر و يرضىىىىF:
