ملف استفسارات بنات مصر للديكور ( الجزء الثاني )

red roseee;12647948:
اذيكم يا احلى بنوتات وعرايس
انا عضوة جديدة
وطالبة منكم بجد تساعدوني باي معلومة عندكم لاني انا الكبيرة في اخواتي وفي العيلة ومتلخبطة اوي ومش عارفة اعمل ايه والله العظيم هتجنن بفكر لوحدي لغاية مادماغي هتطق
بالنسبة للعفش
1 - هو لازم ادهن الشقة قبل العفش ولاالعكس مش عارفة لان خطيبي عايزني اختار لالوان وانتا مش عارفة لاني لسة ماجبتش العفش

على حسب يا قمر لو الظروف تقتضي انك تدهني الأول

فانتى ممكن تحددي الالوان اللى نفسك فيها او الوان محايدة

تمشي على كذا حاجة او الالوان الموضة دلوقتي

2- بالنسبة للسائد والمتبع لاني بجد مش عارفة النظام هو بيكون في الصالة اية السفرة والانترية و الصالون ولا الركنة يعني الركنة تكةن مع الانترية ولا يا الركنة يا الانترية


لأ السائد انه ف الصاله السفرة والانتريه او الصالون لو ستايلك كلاسيك

ومش عندك اوضة منفصلة للصالون

ولو هتعملي ركنه يبقى اعمليها ف اوضة على اساس تكون ليفنج روم


3- هو انالو جبت صالون كلاسيك لازم كل العفش يبقا كلاسيك ولا عادي ممكن مثلا اجيب سفرة مودرن ولا هيبقا لخبطة
انا بجد مش عارفة النظام اية وهتجنن


الافضل يكون الاستايل موحد بس فى صالونات سيمبل تمشي

مع المودرن زي الصالون الفضي مش الدهبي مثلاً

ومدام هيتحطوا جنب بعض فممكن دي تكون المشكلة لكن لو الصالون

منفصل ف اوضة لوحده عادى ممكن تعملى الباقى كلاسيك

ده رأيي المتواضع


4- بالنسبة للدهانات اروح فين ولا اتفرج على الاشكال ازاي هو بيبقا نظامها اية بتبأة مثلا شركة وكدة ولا الراجل اللي هيدهن مع كتالوج ولا اية مش فاهمة

ممكن تروحي يوتن تتفرجي على الستايلات او تختاري نوع الدهان

اللى انتى عايزاه سواء عادي او ورق حائط او ستيكرز


5- هو اية السائد دلوقتي ورق الحائط ولا الحيطة تبأة منها فيها رسومات وكدة


هو ورق الحائط طالع موضة جداً بس لو امكانياتك متسمحش

ممكن تدهني عادي وتحطي استيكرز اللى هي الرسومات الصوغننة دي

وممكن حتى تعمليها بالدهان



6- لو حد عارف اي مكان ممكن يفدني ياريت يقولي

بالنسبة لأيه بالظبط ؟؟؟

انا بجد عارفة اني تقلت عليكم اووووووي بأسألتي بس و الله ماليش حد غيركم انتو اخواتي
ياريت لو سمحتم اي حد عندوة اي معلومة ممكن تفدني مايبخلش عليا

نورتينا يا قمر واى سؤال محدش بيخبل على حد بإجابته

وممكن تبصي على المواضيع اللى ف توقيعي ممكن تفيدك :)

مرسي ياسالي انا بردو كنت حسه انه غالي بس مكنتش عارفة في حدود كام بس انا كده حسأل في مكان تاني اصل انا من اسكندرية مش عارفة لسه حشوف أماكن تانية و مرس يا جمييييييييييل :)

اشرى;12652116:

بصى انا فصلت المتر ب5 ج والراجل شغلة تحفة اوووووووووووووووى

بجد حلو موت البراقع و كله ب 5 المتر مش بيفرق يعني نوع القماش؟
و لو شغله تحفة قوليلي الراجل ده فين بئة؟ :D

بالنسبة للعفش
1 - هو لازم ادهن الشقة قبل العفش ولاالعكس مش عارفة لان خطيبي عايزني اختار لالوان وانتا مش عارفة لاني لسة ماجبتش العفش

[COLOR=yellowgreen]يُفضل يكون فى دماغك الوان العفش عشان الدهان بيكون الاول عشان العفش مش يتبهدل و كدا
يعنى مثلا تقولى انا هاجيب قماش للركنة رمادى و فى فوشيا
و على هذا الاساس تقولى يبقى الدهان رمادى فاتح و حيطة من الاربعة فوشيا و هكذا

((يارب اهدني *))))تسملميلي بجد على اهتمامك وردك
بالنسبة للدهان انا خايفة ادهن بالون معين وبعد كدة وانا باللف على العفش يعجبني حاجة لونها مختلف خالص عن الحيطة مش عارفة والله محتارة

ميرو77;12650798:
متقتليش علينا و لا حاجه احنا هنا كلنا اخوات و موجودين علشان نساعد بعض ربنا معاكى و تمملك على خير ان شاء الله و اى استفسار كلنا معاكى

مرسي على ردك بجد ربنا يخليكم ليا

sally2007;12651841:
اهلا بيكى ياقمريه
هو يفضل تدهن بعد ما تجيبى العفش عشان لو حبيبتى تعملى حيطة بلون يليق على الانترية او صالون او ركنة او اى حاجة فتكون اللون عارفة وتدهنيه لانك لو دهنتيى دلوقتى وخلصتى دهان وبعدين جبتى العفش والنترية مثلا فيه رمادى فى بمبى ممكن تحبى تعملى حيطة بمبى فهيبقى صعب


بجد انا محتارة بس في نفس الوقت عايزة يبقا في تناسق ما بين العفش و الحيطان بس قالولي لو دهنتي بعد العفش ماييجيهيتبهدل .ممكن تقوليلي عملتي اية يعني مثلا خليتي العفش في اوضة علشان مايتبهدلش وكدة ولا ازاي .




وبصى بالنسبة لورق الحائط او اللون السادة فده بيرجع ليكى انتى لان الاتنين حلوين انا عاملة فى الانترية عندى ورق حائط وحيطة سادة بس ده لسبب ان وراء الكنبة مكنشى يتفع اعمل حيطى حمرة ساده لان الكنبة حمرة والشلت بس اللى منقوسة فعملت ورها ورق الحيط

ممكن أعرف لو سمحتيلي انتي جايبة ورق الحائط اللي في الصورة اللي هو الابيض في ورد احمر من فين و سعرو قد اية

صور شقتى:امانة قبل ما تدخلوا تقوله بسم الله ما شاء الله
أنا شفت الصور يا قمر بسم الله ماشاءالله الله اكبر ربنا يتمملك على خير يارب وتسلمي على ردك وعلى المعلومات اللي افدتيني بيها

ياريت اكون افيدتك ولو بلقليل

* كلاسيك *;12652562:
نورتينا يا قمر واى سؤال محدش بيخبل على حد بإجابته

وممكن تبصي على المواضيع اللى ف توقيعي ممكن تفيدك :)

شكرا جدا على المعلومات اللي قولتهالي جزاك الله كل خير انا بجد محتارة جدا في كل حاجة بس الحمدلله انا دلوقت حاسة اني مش لوحدي و معايا اخواتي

red roseee;12653102:
((يارب اهدني *))))تسملميلي بجد على اهتمامك وردك
بالنسبة للدهان انا خايفة ادهن بالون معين وبعد كدة وانا باللف على العفش يعجبني حاجة لونها مختلف خالص عن الحيطة مش عارفة والله محتارة

بصي هي فعلا حاجه تحير جدا و انا كمان بعاني منها بس انا حطة في دماغي الون الموف و حتصرف ع الاساس ده
بس عارفة انتي ممكن تنزلي تخدي فكرة عن العفش كدة لفي و اتفرجي او حتى من ع النت اكيد حتلاقي نفسك بيعجبك الوان معينة. اصلا اللي حيفرق معاكي هو الانترية او الصالون لكن النوم و السفرة بيبقى خشب ف مش حيفرق اوي اهم حاجه الانترية او الصالو لفي و اتفرجي و حتلاقي نفسك عرفتي تقريبا . :) و اتمنالك كل خير يا :)جميييييييييييييييل

shemooo1405;12652566:
مرسي ياسالي انا بردو كنت حسه انه غالي بس مكنتش عارفة في حدود كام بس انا كده حسأل في مكان تاني اصل انا من اسكندرية مش عارفة لسه حشوف أماكن تانية و مرس يا جمييييييييييل :)


بجد حلو موت البراقع و كله ب 5 المتر مش بيفرق يعني نوع القماش؟
و لو شغله تحفة قوليلي الراجل ده فين بئة؟ :D

العفو ياقمر احنا اخوات ومفيش شكر بينا بس عاوزة اقولك ان زى مااشرى قلت فى ناس بتفصل ب 5 انتى عارفة انا عاملة ستايرى فى بنها وبنها دى فيها ناس بتفصل ب 3 و ب 4 ج كمان بس انا راحت للراجل اللى عملى ده عشان اختى كانت عاملة الستاير بتاعتها عنده فرحت لللى مجرب انما بعد ماعملت بتاعتى اخويا اجوز ومراتة عملت عند واحد بيفصل ب 4 ج المتر والله ماتفرق عن بتاعتى فى حاجة بل بالعكس ما شاء الله احلى بكتير وسلفت اختى عملت عند واحد المتر ب3 وبرضه هى هى فاانتى فعلا دورى على واحد تانى ولو مش موجود فى اسكندرية ممكن اى واحد من محافظة قريبة منك يروح لحد عندك هما مش بيقولوا لا ياقمر

إزيكو يا بنات ان شاء الله تكونو كلكو بخيييير

البنوتة الى سألت عن الدهانات والعفش

البنات وكلاسيك كفت ووفت بصراحة

وليا كام نقطة كده ممكن تعملى الدهانات علي اساسهم

اولا انتى ستايل عفشك ايه بين ستيل وكلاسيك او مودرن

الستيل والكلاسيك طبعا بترتبطي بدهانات الاسبونشات والترخيم والحجات دى

اما المودرن فبترتبطي ب أشكال لحوائط ممكن تجيبيها من ع النت وحركات ف الحيطه كده

ثانيا تحددى الالوانات الى انتى حباها ف ستايل العفش

بعدها تحددى الوانات الحوائط

ممكن تبقي عامله حساب انك تنزلى تنقي ع طول

فمتعرفيش تختارى الالوانات

حاولى تختارى لون محايد اوى بالنسبه لو هتنزلى تنقي ع طول وانا بحس ان الستيل ليه الوان محدده يا نبيتي يا طوبي يا زيتي يا ترخيم طحيني ف بيجيهات

المودرن الوانات مطرقعه كتير يمكن هى دى الى تحتارى فيها

بنات انا نفسي اعمل ان شاء الله ف البلكونه الدهان اللي هو شكل الطوب ده قولتللي احلى من الطوب عشان بيلم نمل
طب حد يقولي يتعمل ازاي و حطولي صووووووور بلييييييييز؟؟و انت يا سااره هقتلك فين الصووور

red roseee;12647948:
اذيكم يا احلى بنوتات وعرايس
انا عضوة جديدة
وطالبة منكم بجد تساعدوني باي معلومة عندكم لاني انا الكبيرة في اخواتي وفي العيلة ومتلخبطة اوي ومش عارفة اعمل ايه والله العظيم هتجنن بفكر لوحدي لغاية مادماغي هتطق
بالنسبة للعفش
1 - هو لازم ادهن الشقة قبل العفش ولاالعكس مش عارفة لان خطيبي عايزني اختار لالوان وانتا مش عارفة لاني لسة ماجبتش العفش

2- بالنسبة للسائد والمتبع لاني بجد مش عارفة النظام هو بيكون في الصالة اية السفرة والانترية و الصالون ولا الركنة يعني الركنة تكةن مع الانترية ولا يا الركنة يا الانترية

3- هو انالو جبت صالون كلاسيك لازم كل العفش يبقا كلاسيك ولا عادي ممكن مثلا اجيب سفرة مودرن ولا هيبقا لخبطة
انا بجد مش عارفة النظام اية وهتجنن

4- بالنسبة للدهانات اروح فين ولا اتفرج على الاشكال ازاي هو بيبقا نظامها اية بتبأة مثلا شركة وكدة ولا الراجل اللي هيدهن مع كتالوج ولا اية مش فاهمة
5- هو اية السائد دلوقتي ورق الحائط ولا الحيطة تبأة منها فيها رسومات وكدة

6- لو حد عارف اي مكان ممكن يفدني ياريت يقولي

انا بجد عارفة اني تقلت عليكم اووووووي بأسألتي بس و الله ماليش حد غيركم انتو اخواتي
ياريت لو سمحتم اي حد عندوة اي معلومة ممكن تفدني مايبخلش عليا

البنات كفووا و ووفوا ما شاء الله لو عزتي حاجه تانيه قوليلنا

sally2007;12651841:
اهلا بيكى ياقمريه
هو يفضل تدهن بعد ما تجيبى العفش عشان لو حبيبتى تعملى حيطة بلون يليق على الانترية او صالون او ركنة او اى حاجة فتكون اللون عارفة وتدهنيه لانك لو دهنتيى دلوقتى وخلصتى دهان وبعدين جبتى العفش والنترية مثلا فيه رمادى فى بمبى ممكن تحبى تعملى حيطة بمبى فهيبقى صعب اعتقد انك تجيبى صنايعى تانى وياخد اجرة من اول وجديد عشان يعمل الحيطة فهتتكلف انما لما بتتفقى معاه على كل حاجة من الاول السعر بيبقى مشتمل للشقة كلها فهمتى قصدى فيفضل بعد العفش يااما لو مش هتعملى حيطان فى الشقة فممكن تعملى من دلوقتى لون موحد وتبقى الشقة كلها مثلا لون اوف وايت
مفيش حاجة اسمها هو ايه السائد وفى المساحة غندك تكفى لاايه يعنى انا مثلا عندى اختى عنده 3 صالات مفتوحين على بعض حطه الانترية فى ركن والصالون فى ركن والسفره فى ركن ومفتوحين على بعضهم
انا مقلا عندة صالتين بس حطة السفرة والانترية مع بعض انما الصالون فى اوضه منفصله عنهم خالص فاانتى بقى شوفى لو عندك 3 صالات مفتوحين على بعض حطى التلاتة

هو يفضل ان المكان لو مفتوح كلها على بعضه يبقى لو هتجيبى مودرن يبقى العفش كله مودرن لان مينفعشى تحطى صالون استيل مع انترية مودرن ويبقوا جمب بعض
انما لو اوضة مقفولة فمش شمكله انا جايبة انترية مودرن وصالوان كلاسيك قوى بس الصالون زى ماقلتلك فى اوضة لوحده خالص مقفولة

بالنسبة لالوان الدهانات الراجل اللى هيدهنلك لو هو اللى هيعملك اللون بيبقى معاه بتاع كده صغيره فيها الالوان وهو بيركبهالك
انما لو عاوزة درجة معينة وبالتحديد انا بقى عملت ايه
راحت يون ياقمر وكان عنده جميع درجات الاحمر احمر فاتح غامق وسط وهكا يعنى فاانا كنت عاوزة احمر صريح قمت مشاورة عليه للراجل فى المحل وجبتة هو هو انما اللى بيركب الالوان الصنايعى ممكن يطلعه فاتح ترجعى تقولى ليه لا غمقة وهكذا
انا عن نفسى اشتريت اللون البنى واللون الاحمر جاهزين من يوتن
انما اللون الاخضر والاصفر ولون سن الفيل خليت الراجل اللى بيدهنلى يركبهوملى لان الالوان اللى بتشتريها جاهزة بتبقى اغلى من اللى بتتركب يعنى مثلا لو انا اشتريت كل الوان الشقة جاهزة ممكن تتكلف 4000ج انما لو اشتريت لونين جاهزين والراجل ركبلى الباقى تتكلف 2000ج ده مثلا يعنى
المهم الراجل فعلا لما برضه ركبلى الالوان طلعهالى زى ماانا عاوزة عملى لون اوف وايت فاتح واف وايت غامق خطين جمب بعض فلت ليه لا احنا هنعمل الشقة باافوايت الفاتح
وكذلك اوصه الاطفال الاصفر والاخضر وكذلك البلكونة انا عملتها بمبى هو اى نعم كنت عاوزة اعملها فوشيا بس هو عملها على مزاجة بمبى بس قلت مش مهم دى بكونة وعلى الاقل عشان الجيرا لما يبصوا لبلكونتى اللون مش ينرفزهم الفوشيا الجامد بس البمبى بجد طلعه تحففففففففة

وبصى بالنسبة لورق الحائط او اللون السادة فده بيرجع ليكى انتى لان الاتنين حلوين انا عاملة فى الانترية عندى ورق حائط وحيطة سادة بس ده لسبب ان وراء الكنبة مكنشى يتفع اعمل حيطى حمرة ساده لان الكنبة حمرة والشلت بس اللى منقوسة فعملت ورها ورق الحيط
الكراسى عملت ورها حيطة حمرة سادة لان الكرسى منقوشة فمكنشى ينفع احط من ورق الحائط اللى جايبة ورها عشان منقوش وراء منقوش هيبقى وحش وهيصه جامده بس ورق الحائط بيدى منظر عموما حلو
ودى ياقمر صور شقتى عشان تفهى كلامى عملى ههههههههه يعنى تشوفى ورق الحيط واللون الساده واللون الاحمر اللى شارية جاهز هو والبنى واللون الاصفر والاوف وايت اللى متركبين بس للاسف مش صورت بقى اللون البمبى بتاع البلكونة

صور شقتى:امانة قبل ما تدخلوا تقوله بسم الله ما شاء الله

ياريت اكون افيدتك ولو بلقليل

سالي شقتك جمييله اووي ما شاء اللهF:
قوليلي الانتريه الاحمر جيباه منين ولا تفصيل و فين؟

اشرى;12652116:

بصى انا فصلت المتر ب5 ج والراجل شغلة تحفة اوووووووووووووووى

ما شاء الله
ورينا الصور
و هاتي رقمه
انتي من القاهره؟

السلام عليكم ورحمه الله وبركاته

* كلاسيك *;12592343:



بصي يا حبيبتي انا لسه كنت ف شقه ابن خالتي بنباركله

هو عامل النبيتي وماشاء الله جميل اوي وشيك

بس مش حبيته اوي مع الاوف وايت الا لو بطريقه معينة

زي ما هتشوفي ف الصور اللى هحطها بحيث الاتنين يتداخلوا مع بعض

غير كده انا شايفه ان البيج اقرب

تسلمى ياكلاسيك وربنا يكرمك على تعبك معايا ويحقق ليكى كل الى بتتمنيه

النهارده يابنات كنت فى الشقه بناخد مقاسات المطبخ

وشوفت الحمام بعد ما اتركب انا كنت قلقانه موت لانى خطيبى الى اشتراه لوحده بس الحمد لله طلع حلو ورقيق جدا انا صورته لو حد عاوز يشوفوا قولولى

والكرانيش الحمد لله خلصت بردو

ودلوقتى انا استقريت هدهن الريسبشن حيطه واحده نبيتى والباقى بيج

وخطيبى بيقولى لازم الطرقه تبقى نفس لون الريسبشن كلامه صح ولا ايه

مع العلم ان الطرقه دى فيها كل الاوض والحمامين والمبطخ

نور التقوى;12656705:
السلام عليكم ورحمه الله وبركاته



تسلمى ياكلاسيك وربنا يكرمك على تعبك معايا ويحقق ليكى كل الى بتتمنيه

النهارده يابنات كنت فى الشقه بناخد مقاسات المطبخ

وشوفت الحمام بعد ما اتركب انا كنت قلقانه موت لانى خطيبى الى اشتراه لوحده بس الحمد لله طلع حلو ورقيق جدا انا صورته لو حد عاوز يشوفوا قولولى

والكرانيش الحمد لله خلصت بردو

ودلوقتى انا استقريت هدهن الريسبشن حيطه واحده نبيتى والباقى بيج

وخطيبى بيقولى لازم الطرقه تبقى نفس لون الريسبشن كلامه صح ولا ايه

مع العلم ان الطرقه دى فيها كل الاوض والحمامين والمبطخ

ورينا يا قمر الحمام وياريت تقولى نوع السيراميك والمتر بكام

totytwety;12656738:
ورينا يا قمر الحمام وياريت تقولى نوع السيراميك والمتر بكام

اتفضلى ياقمر اى خدمه

بالله عليكم يابنات الى تشوفوا تقول ماشاء الله ولوو عجبكم ادعولى ربنا يكملى على خير

الحيطه دى الشمال وانا داخله من الباب






وده الجزء اليمين وحطينا فيه البانيو انا مكسوفه والله وانا حطه الصوره من الى جوا البانيو :o:o








ودى الارضيه بس طبعا مش ظاهره من الجير الى عليه



وده الكرانيش الى اتعمل فى الشقه كلها




الحمام يابنات لونه روز فى بيج والارضيه موف وباذن الله اصوره ليكم لما يخلص خالص وشكله يبقى نضيف كده لان لسه مركبناش لا القعده ولا الحوض

ونوع السيراميك كيلوباترا

والسعر للاسف معرفش

زهره حائره;12607267:
انا مع راى doby انك تعمليه رمادى والخدديات مقلمه ومنقوشه هتبقى حلوه قوى وادى حياه فى المكان بالاكسسورات يا امه بالون البطيخى او بلون يمشى مع الرمادى والبطيخى وان شاء الله يبقى جميل

دول تصميمين ايه رئيكم فيهم ولو فى تعديلات عليهم او تصميم جديد متشكره جدا ومساحه البيت 140 متر


حد يرد على لانى لازم احدد الاسبوع ده والا جوزى هيطنشنى ويعمل اى حاجه لانى بجد زهقته وبقالو كتير مستنى ردى

معلشى يا بنات ردوا على لان لازم احدد هعمل ايه خلال السبوع ده

ممكن اسئل هو اوض النوم احسن تكون داخليه على مناور واللى تكون على الشارع

[MARK="#FFFF66"]red roseee[/MARK]

بالنسبة لما دهنت فاانا حطيت العفش فى اوضتين ولما الراجل خلص دهان فى الشقة كلها بره وحب يعمل الاوض فى العفش اتنقل فى المكان اللى ادهن والراجل كمل بعد كده دهان عادى والحمدا لله مش جراله حاجة ياقمر لانه كان متغطى وانتى لو محتاره ممكن تعملى لون موحد للشقةولما تجيبى العفش تبقى تعملى ورق حائط او حيطة بلون مختلف واتفقى مع خطيبك على كده لو حبين يعنى تدهنوا قبل ماا لعفش يجى

اما ورق الحائط فى جوزى كان جايبة من دبى ياقمر والرول كان 5 متر وهو سعره يااما 75 درهم يااما 50 درهم هتاكد من جوزى اكتر واقولك بس هو واحد من السعرين اللى قلتلك عليهم يعنى لو هو ب 50 درهم يعنى مايعادل بالمصرى 75ج

[MARK="#FFFF33"]mariam87[/MARK]
قوليلي الانتريه الاحمر جيباه منين ولا تفصيل و فين؟

الانترية ياقمر انا عاملة عمولة فى محل فى بنها واى تفاصيل انا معاكى وتسلمى رايك رايك الحللو فى الشقة ده من ذوقك ياقمر

[MARK="#FFFF33"]نور التقوى[/MARK]

الطرقة فعلا لازم تكون لون الرسبشن بس اللون البيج مش النبيتى ياقمر
والحمام ما شاء الله الله الله اكبر حلو قوى وانا عارفة السيراميك حمامك شفته ايام ماكنت بختار حمامى وشكله فى الحقيقة حلو قوى برضة وبالنسبة للبانيو واللى فيه ادى ياقمر دى طقوس ولازم منها ههههههه كلنا كنا كده ربنا يباركلك فى شقتك يارب ويهنيكى

صباح الخير انا هاكرر سؤالي انا عايزة تصميمات لمطابخ صغيرة مش عارفة ادور من على النت ياريت تساعدوني

دول ياقمر الصور اللى لقتها للمطابخ الصغيرة

السلام عليكم سالى ما شاء الله شقتك حلوه ربنا بهنيكى فيها كنت عايزه اسئلك السجاده اللى فى النتريه منين وبكام مش هى اللى فيها وبره عاليه هى مش بتلم تراب جامد والوزره اللى فى اخر الحيطه من تحت الموضه تكون وزره بالسيراميك واللى بدهان اغمق من لون الحيطه ولو بالسيراميك مش هتلم تراب معلش اصلى متعقده من التراب شقتى اللى قاعده فيها دلوقتى بيتهد حيلى فيها ويدوب يوم والتراب يرجع يملاها تانى معلشى بيوت النور اللى فى السقف كلفتك كام
كلاسيك هو السقف الساقط اللى فى الصوره لو بنفس المساحه يتكلف كام
نور التقوى ما شاء الله الحمام لونه جميل انا بعشق الموفاتوحلو البانيو المدور يس هو عملى اكتر واللى المستطيل
معلشى اذا كنت بسئل كل حاجه بكام اصل معنديش اى خبره فى موضوع الاسعار ده ومش عايزه تعجبنى حاجه وبعدين افاجىء ان سعرها غالى قوى

بصى كده يا قمر دول شويه مطابخ يا رب تلاقى فيهم حاجه تعجبك





miss cat مرسيى ليكى يا قمر على الاهتمام بس انتى عندك الجزء اللى تحت على جنينه ممكن عادى يتعمل ريسبشن بس انا عندى على جار هتبقى قعده مخنوقه قوى وانا اهم حاجه عندى الخصوصيه حمام للضيوف وقاعده منفصله ليهم عن باقى الشقه

ايه رئيكم فى الفتحات اللى فى الريسبشن كتيره كده واللى احسن علشان التهويه الشبابيك عملتها بالون الاحمر والبيبان بالون الاخضر انا جتنى فكره انى اعمل الشباكين اللى فى الاوضه الرئيسيه على تلت ارباع الحيطه بالطول علشان الاوضه ما تبقاش مكتومه ايه رئيكم هتبقى حلوه واللى بايخه انا مهم عندى التهويه لان شقتى اللى قاعده فيها حر جدا جدا

ممكن حد يقولى ايه هو اللون الاوف وايت
هو البوتجاز يبقى احسن تحت الشباك واللى الحوض واللى التنين يبقو جنب بعض تحته

شيمو الستائر بتتعمل عندنا المتر ب 5 جنيه غالى قوى اللى بتقولى عليه
معلش خايفه والله اكون زهقتكو
اه معلش نسيت اسئلكو فى عامود بيفرق بين الريسبشن واليفنج اليفينج اللى فيها البلكونه اعمل فى المكان ده ايه علشان اللى قاعد فى الريسبشن ميشفش حد فى اليفينجاقفل مكتبه نشها ناحيه اليفينج بين العامود والحيطه واللى ابنى حيطه وخلاص واللى احط ستاره ايه اشيك

كلاسيك عندي ليكي سؤال بس ارجكي الاهتمام بالرد و سرعته للاهمية القصوييييييييي... انا هنقل شقتي الجديدة في التجمع و عايزة ابيضها بروقان كدة لان الشقة بتاعتي اللي اتجزت فيها من سنتين كانت في بيت عيلة جوزي و كانوا مشطبينها علي مزاجهم:( فانا لما صدئت خلصت منها و هنقل خلااااص شقتي و عايزة استمتع بتطيبها بئة المرة دي :) هي صغنونة و محندئة فعايزة منك نصايح بخصوص الموضوع ده...انا هحكيلك علي الوان العفش و انتي اختاري معايا الالوان المناسبة..ماشي كدة؟

اولا الريسبشن: صالون مكسي خالص امريكي الوانه بيج*بني*زيتي خدادياته في منها مقلم و في منها منقوش

السفرة نيش و بوفيه بني غامق في وحدة محفورة لونها دهبي , و الكراسي بني * شغل حديد دهبي في الضهر و القماش بتاع الكراسي لونه زيتي فاتح في رملي مقلم مش منقوش..

الستاير بئة عندي جناب دهبي و في قماش خفيف بيج سادة و في النص بس كنار منقوش دهبي بفكر اعمل برقع علي ماسورة الستارة..بس محتارة في اللون برده..

انتي بئة قوليلي اختار الوان الدهانات ايه.... و نوع الدهانات الكويسة و يا ريت لو عندك نقااااش ممتاز علي ضمانتك بئة :)

اوضة النوم بئة: مودرن و سمبل خالص لونها بني غامق ...انتي برده اختاريلي اللون كدة و لو عندك صور علشان اتخيل المنظر برده:)

الليفنج: كورنر من استقبال لونه جملي و الكرسي اللي مع الكورنر جنبه عبارة عن ارفف زي مكتبة كدة في جنب الكرسي... و ستايرة شيفون سمني او سكري و برقع فوقها شيفون لونه لبني فاتح و السجادة كنت جيباها صوف من النساجون عاملة زي كليم شرقي كدة لوه ازرق فاتح في جملي و احمر ..

شوفيلي كدة برده ادهن الاوضة بتاعت الليفنج ايه:)

طبعا الشقة متشطبة جاهزة انا هدهنها بس... لون السيراميك في الريسبشن فاتح خالص ابيض تقريبا و الليفينج و النوم معمول حاجة كدة شبه الباركيه.

معلش يا كلاسيك طولت عليكي بس انا عاجبني ذوئك و سيمبل و انا بحب كدة:) مستنية ردك بس بسرعة علشان هبتدي الاسبوع الجاي ده في النقاشة..بس بندور لسة علي حد كويس يا ريت لو تعرفي نقاش شاطر و اسعاره كويسة قوليلي الله يكرمك

زهره حائره;12658671:
السلام عليكم سالى ما شاء الله شقتك حلوه ربنا بهنيكى فيها كنت عايزه اسئلك السجاده اللى فى النتريه منين وبكام مش هى اللى فيها وبره عاليه هى مش بتلم تراب جامد والوزره اللى فى اخر الحيطه من تحت الموضه تكون وزره بالسيراميك واللى بدهان اغمق من لون الحيطه ولو بالسيراميك مش هتلم تراب معلش اصلى متعقده من التراب شقتى اللى قاعده فيها دلوقتى بيتهد حيلى فيها ويدوب يوم والتراب يرجع يملاها تانى معلشى بيوت النور اللى فى السقف كلفتك كام

وعليكوا ما السلام ورحمة الله وبركاتة ربنا يخليكى يارب ويكرمك وتسلمى على رايك الاحلى السجادة ياقمر جوزى جايبها من الامارات وهى حرير ناعم جدااااااااااا مش شاجى ياقمر ومش بتلم تراب اما سعرها فهسال جوزى واقولك عليه سيبك من ان الوزرة موضه ولا لا حتى لو مبقتشى موضه لازم تعمليها لانك لو عملتى دهان لحد الارض وجيتى تمسحى والماية جت على الحيطة الدهان هيتقشر ويتشال فلازم تعملى الوزرة وهتلم تراب ازى انتى يدوب لو جه عليها تراب من على الحرف بحرف المقشة وتمشى عليها وبس
بيت النور والله مااعرف اكلف كام وجوزى اللى يعرفه ان المتر كان عاملة ب 3 ج لانه كان بيبعت فلوس لااخوة وهو اللى يعمله وكمان لانه من 3 سنين فمش فاكر بس هو المتر كان بيعمله ب 3 ج ياقمر
والسجادة ان شاء الله هساله على سعرهاواقولك ياقمر واى استفسار تانى انا معاكى

نور التقوى;12656705:
السلام عليكم ورحمه الله وبركاته

تسلمى ياكلاسيك وربنا يكرمك على تعبك معايا ويحقق ليكى كل الى بتتمنيه

النهارده يابنات كنت فى الشقه بناخد مقاسات المطبخ

وشوفت الحمام بعد ما اتركب انا كنت قلقانه موت لانى خطيبى الى اشتراه لوحده بس الحمد لله طلع حلو ورقيق جدا انا صورته لو حد عاوز يشوفوا قولولى

والكرانيش الحمد لله خلصت بردو

ودلوقتى انا استقريت هدهن الريسبشن حيطه واحده نبيتى والباقى بيج

وخطيبى بيقولى لازم الطرقه تبقى نفس لون الريسبشن كلامه صح ولا ايه

مع العلم ان الطرقه دى فيها كل الاوض والحمامين والمبطخ

نور التقوى;12656959:
اتفضلى ياقمر اى خدمه

بالله عليكم يابنات الى تشوفوا تقول ماشاء الله ولوو عجبكم ادعولى ربنا يكملى على خير

الحيطه دى الشمال وانا داخله من الباب

وده الجزء اليمين وحطينا فيه البانيو انا مكسوفه والله وانا حطه الصوره من الى جوا البانيو :o:o

ودى الارضيه بس طبعا مش ظاهره من الجير الى عليه

وده الكرانيش الى اتعمل فى الشقه كلها


الحمام يابنات لونه روز فى بيج والارضيه موف وباذن الله اصوره ليكم لما يخلص خالص وشكله يبقى نضيف كده لان لسه مركبناش لا القعده ولا الحوض

ونوع السيراميك كيلوباترا

والسعر للاسف معرفش

ماشاء الله ولا حول ولا قوة الا بالله قمة الرقة والبساطة

يسلم ذوقكم وربنا يارب يتملكم على خير

خطيبك صح الطرقة تبقى لون الريسبشن ان شاء الله

وحلو اوي النبيتي مع البيج ورينا بقى اول بأول :)

شوق إلى الجنة;12657962:
صباح الخير انا هاكرر سؤالي انا عايزة تصميمات لمطابخ صغيرة مش عارفة ادور من على النت ياريت تساعدوني

ممكن تبصي هنا يا قمر ان شاء الله تلاقي اللى يفيدك

*لكل غرفة صغيرة وركن ضيق عندي ليكي الحل *

زهره حائره;12658671:

كلاسيك هو السقف الساقط اللى فى الصوره لو بنفس المساحه يتكلف كام

للأسف يا قمر مقدرش افيدك لأن شقتي ان شاء الله هتبقى ايجار

معرفش خالص ف شغل المقاولات ممكن ميس كات تفيدك F:

roslish;12658994:
كلاسيك عندي ليكي سؤال بس ارجكي الاهتمام بالرد و سرعته للاهمية القصوييييييييي... انا هنقل شقتي الجديدة في التجمع و عايزة ابيضها بروقان كدة لان الشقة بتاعتي اللي اتجزت فيها من سنتين كانت في بيت عيلة جوزي و كانوا مشطبينها علي مزاجهم:( فانا لما صدئت خلصت منها و هنقل خلااااص شقتي و عايزة استمتع بتطيبها بئة المرة دي :) هي صغنونة و محندئة فعايزة منك نصايح بخصوص الموضوع ده...انا هحكيلك علي الوان العفش و انتي اختاري معايا الالوان المناسبة..ماشي كدة؟

اولا الريسبشن: صالون مكسي خالص امريكي الوانه بيج*بني*زيتي خدادياته في منها مقلم و في منها منقوش

السفرة نيش و بوفيه بني غامق في وحدة محفورة لونها دهبي , و الكراسي بني * شغل حديد دهبي في الضهر و القماش بتاع الكراسي لونه زيتي فاتح في رملي مقلم مش منقوش..

الستاير بئة عندي جناب دهبي و في قماش خفيف بيج سادة و في النص بس كنار منقوش دهبي بفكر اعمل برقع علي ماسورة الستارة..بس محتارة في اللون برده..

انتي بئة قوليلي اختار الوان الدهانات ايه.... و نوع الدهانات الكويسة و يا ريت لو عندك نقااااش ممتاز علي ضمانتك بئة :)

بصي على كلامك ماشاء الله السفرة والانتريه الواناتهم قريبة اوي من بعض

فحلو اوي انتى ممكن تجيبي قماش تعمليه طرحة بس بلاش برقع صدقيني

ده يكون زيتي لأن ده اللون المشترك ف الاتنين طبعاً مع البني والدهبي


انواع الدهانات انا معرفش فيها لأن لسه الخطوة دي ولا النقاش

بس كانت شيمو قالتلى قبل ما تتجوز هي بنوتة معانا هنا

ان احسن نوع دهانات سايبس المطفي لأن والدها عنده خبره اوي

ف الدهانات لأنها كانت هوايته قالتلى ابعدي عن المطفي والنص مطفي


والدهان مادام الشقه ضيقة يبقى انتى اعملى لون فاتح وليكن بيج

ودخلى فيه مثلاً ستيكرز بني ف زيتي بلاش حيطه كاملة مادام المكان

ضيق بس لو حباها يبقى حيطه واحده بس زيتي مثلاً او بني



اوضة النوم بئة: مودرن و سمبل خالص لونها بني غامق ...انتي برده اختاريلي اللون كدة و لو عندك صور علشان اتخيل المنظر برده:)

مقولتيش الستاير لونها ايه

بصي انا بحب اوضة النوم يبقى لونها هادي ورايق اوي

او الوانات ملائكية كده يعني انا مثلاً نفسي ادخل الفيروزي ف التفاحي

او مثلاً رمادي ف بمبي او لمونى ف بينك

يعني اعتقد تعمليها الالوان اللى انتى عايزاها لو مش متقيدة بحاجة

لأن هنا مش المهم واسعه او ضيقه لأنك كده كده مش بتقعدي فيها

طول النهار دي للنوم بس دي امثلة للألوان المفضلة عندي :)
































الليفنج: كورنر من استقبال لونه جملي و الكرسي اللي مع الكورنر جنبه عبارة عن ارفف زي مكتبة كدة في جنب الكرسي... و ستايرة شيفون سمني او سكري و برقع فوقها شيفون لونه لبني فاتح و السجادة كنت جيباها صوف من النساجون عاملة زي كليم شرقي كدة لوه ازرق فاتح في جملي و احمر ..

شوفيلي كدة برده ادهن الاوضة بتاعت الليفنج ايه:)

انتى ممكن تشوفي اللون اللى مش ظاهر عندك ايه وتدخليه ف الدهانات

برضه بما ان الشقه ضيقة ممكن تضطري انك تعمليها بيج وتدخلي اللبني

مع البني او العكس يأما بدهانات مضلعه مثلاً او باستيكرز لو حابه توفري

وتدخلي اللونين ف الاكسسوارات بصي ترتيب الالوان هنا






طبعا الشقة متشطبة جاهزة انا هدهنها بس... لون السيراميك في الريسبشن فاتح خالص ابيض تقريبا و الليفينج و النوم معمول حاجة كدة شبه الباركيه.

معلش يا كلاسيك طولت عليكي بس انا عاجبني ذوئك و سيمبل و انا بحب كدة:) مستنية ردك بس بسرعة علشان هبتدي الاسبوع الجاي ده في النقاشة..بس بندور لسة علي حد كويس يا ريت لو تعرفي نقاش شاطر و اسعاره كويسة قوليلي الله يكرمك

إن شاء الله الموضوع ده هيفيدك جدااااااا ف التنظيم
وربنا يارب يكرمك على كلامك ولا طولتي ولا حاجة انا بجد بكون

مستمتعه جداً وانا برد عليكو وخاصة بقى لو حد عمل بكلامي :D:cool:

ربنا يارب يهنيكي بيها F:


*لكل غرفة صغيرة وركن ضيق عندي ليكي الحل *



يارب اكون افادتك :)