ملف استفسارات بنات مصر للديكور ( الجزء الثاني )

زهورة..;13255217:

السلام عليكم ورحمة الله وبركاته
بنااات القاهرة ياريت اللي يعرف بتاع مطابخ المونتال كويس وحد مجربه تقولي عليه ضروووووووري مستعجلة وعايزاه فى اقرب وقت
وياريت لو حد عنده صور لمطابخ حلوة ينزلهالي
وجزاكم الله خيييييرا

و عليكم السلام و رحمة الله و بركاته

بصي يا زهورة كانت مراميرو حبيبة هاني و دي عضوة عسولة معانا هنا

نزلت صور مطبخها و شكرت في الراجل كتير في مواعيده و اسعاره و شغله بشكل عام

لو حابة قوليلي ابعت لك رقمه ع الخاص








و ربنا يكرمك يا حبيبتي و يوفقك للي فيه الخير :)

بنات هو استايل الانتريهات ده بقه قديم اصل ده الانتريه بتاعى مش عارفه انجده ولا اعمل واحد جديد انا قلبت الشقه كلها مودرن ومش عارفه لو نجدته بالوان جديده كده يمشى مودرن ولا لا

متهيالى ياتويتى يمشى مودرن الله اعلم
بس البنات تفيديك اكتر منى لان مش لى فى المودرن خالص

ميس كات

فين صور البت الجديد؟؟؟؟؟؟؟؟؟؟؟

هو ممكت يا توتى لو غريتى القماش يمشى مودرن بس نص مودرن مش مودرن اووى

بس هو شيك الصراحة

نور التقوى متعرفيش اوضه النوم لوحدها عامله كام وبالله عليكى صوريهالى صوره واضحه الاوضه بكل محتوياتها
ام لمار ربنا يرزقك بلمار والاسم التانى معرفش هو ايه صح هو اسم ولد ولا بنت؟؟!! انتى قولتى الركنه من محل اسمه سلسبيل
انا عايزه أعرف الخشب منين؟؟؟
[B]يارب اهدينى[/B] ممكن تقوليلى الراجل بتاع المطبخ ده فين واسعاره ايه وياريت لو تبعتى رقمه عالخاص اوك معلش هتعبك

nanoo99;13257120:
متهيالى ياتويتى يمشى مودرن الله اعلم
بس البنات تفيديك اكتر منى لان مش لى فى المودرن خالص

ميس كات

فين صور البت الجديد؟؟؟؟؟؟؟؟؟؟؟

totytwety;13257029:
بنات هو استايل الانتريهات ده بقه قديم اصل ده الانتريه بتاعى مش عارفه انجده ولا اعمل واحد جديد انا قلبت الشقه كلها مودرن ومش عارفه لو نجدته بالوان جديده كده يمشى مودرن ولا لا

ام لمار و لومير;13256650:
اه يا قمره غيرت الاسم خلاص عندي امل يكون حقيقه ادعيلي باه يطلع عندي بمبينو
وبالنسبه للكرنه دي من محل اسمه سلسبيل لكن مش فاكره تفاصيله خالص
وبالنسبه للسجاده دي جبناها من النساجون الشرقيون والعفش كله جبناه في شهر 6 اللي فات اخره كده
مممممممممم
اي خدمه دي كل الردود وانا تحت امرك يا قمره لاي سؤال

اوكى ياساره
ربنا معاكى وتخلصى كله وعقبال بيتك انتى ياقمر

ام لمار و لومير;13256650:
اه يا قمره غيرت الاسم خلاص عندي امل يكون حقيقه ادعيلي باه يطلع عندي بمبينو
وبالنسبه للكرنه دي من محل اسمه سلسبيل لكن مش فاكره تفاصيله خالص
وبالنسبه للسجاده دي جبناها من النساجون الشرقيون والعفش كله جبناه في شهر 6 اللي فات اخره كده
مممممممممم
اي خدمه دي كل الردود وانا تحت امرك يا قمره لاي سؤال

يارب يرزقك بتوام يا قمرررررر ان شاء اللهF:
قوللنا العفش كلللللللللللللللللللللللللللللللله منين مش الركنه بس

totytwety;13257029:
بنات هو استايل الانتريهات ده بقه قديم اصل ده الانتريه بتاعى مش عارفه انجده ولا اعمل واحد جديد انا قلبت الشقه كلها مودرن ومش عارفه لو نجدته بالوان جديده كده يمشى مودرن ولا لا

تسبييييييح عايزين كمان الحمام و المطببببببببخ

ام لمار و لومير;13256600:
الحمدلله اديني جيت علي السيره اهو
بس بمناسبه المشمع الغالي طلع وحش وبيمط وبيقطع بسرعه مخليني مش عارفه احرك حاجه من مكانها
لكن المشمع الرخيص زي القرد بجر عليه الكراسي وكل حاجه ولا اتاثر يعني الحاجه مش بسعرها طمنيني انتي باه عملتي ايه وجبتي ايه؟؟؟

اولا ازيك يا قمر انا بصراحه مكنتش اعرفك لكن لما شوفت البنات بيقولك يا تسبيح قولت لازم اسلم عليكى ويارب قريب اوى تفرحينا بالخبر الحلو يارب
على فكره فعلا انا كنت لسه حاكياه للبنات لما نزلت اشتريت مشمع الارضيه ربنا وقعنا ف راجل كويس اوى كنا هانشترى النوع الغالى نصاحنا بالمتوسط كان المتر عامل 14 قالنا الغالى فيه زى مطاط كده زى مايكون كوتش فهمانى واى حاجه تتحط عليه تاثر فيه وتقطعه لكن الرخيص مفيهوش المطاطيه دى :D الحمد لله

المهم يابنات عايزه اعرف احسن فرع للنساجون الاقى فيه كل الالوان

يارب وفقني مرمر;13227245:
نور التقوى
ميراميه
الباب بتاع اوض حلو الازاز و بيتعمل مصنفر عشان مش يتشاف و مش عارفه ف حوار الكسر بس انا ناويه اعمله ان شاء اللهF:
باب الشقه مش شيفاه كويس بس تقريبا مش حلو

ربنا يخليكي يامرمر
وبرضه انا باب الشقه مش عاجبني
امام قاللي هيحاول يجيبلي الكتالوج ونشوف كده
ربنا يسهل

emooosmsm;13227358:
مبدئيا ياميرا بلاش الابواب السلسله دي بحسها بتاعه عيادات
ومش بحبها خالص وبتبين الاضاءه يعني لو قافله عليكي الباب تدخلك نور الاوضه والقزاز اي طفل ممكن يكسره بسهوله
والخيال بيبان من وراها بصي من الاخر انا مش بحبها خالص:pانا عن نفسي لما اخترت اخترت الباب المصمط خالص مفيش ولا خرم ابره حتى
لما النجار يحن علينا هبقى اصورهولك عشان ذلّنا بجد ربنا يسامحه
هحطلك صور لكل الاذواق ال بقزاز وال من غي

ربنا يكرمك ياايمو يارب
بجد والله مش عارفه اقوللك ايه علي الرد المفيد ده
ومعلش بقي عارفه اني تعبتك قويي
وانا من رايك بالنسبه للابواب الزجاج
انا اصلا في بيت بابا حاطه استيكر علي الفتحه الزجاج اللي في الباب مع انها صغنووونه خالص
بس مش بعرف انام الا في ظلاااام تاااام:cool:

hoba bodyyy;13231578:
]ميرا بصى يا قمر بلاش الزجاج فى الاوض فى ناس كتير عملاه بس انا مش حاباه حاسه انه هيبقى منى للناس كده
بصى انا عامله ابواب الشقه كلها حاجه زاحده علشان المنظر يبقى موحد وشيك وجاييبه زى اللى فى ميل فى الخشب شكله تحفه لما بيتركب وباب الشقه انا عندى موجود وجميل ما شاءالله وهجيبله بس الاوكره

وانا من رايك برضه
فعلا الساده اشيك
بس الجمله دي انا مش فاهماها قصدك ايه(وجاييبه زى اللى فى ميل فى الخشب)

نور التقوى;13237892:
الصور علشان خاطر مريومه
وعاوزه رأيكم يابنات كلكم وبالله عليكم ادعولى ربنا يتمم ليا على خير
انا عارفه ان الصوره مش مبينه الحاجه كويس والحاجات احلى من كده بكتير وباذن الله اول لما افرش الشقه واخلص
هصورها ليكم كلها
ادعولى بالله عليكم ربنا يتمم ليا على خير ويباركلى فى خطيبى ويكملنا لينا على خير

ماشاء الله تبارك الله
الحاجه جميله قوي يانور
بس قوليلنا بقي منين وايه الاسعار
وربنا يتمملك علي خير ويباركلكوا في بعض يارب

totytwety;13238193:
انا فهماكى يا قمر بصى انا عايزه اعمل كابينه وكنت عايزه اعمل بانيو زى ده والراجل قالى كلها على بعضها هتعمل 1700 ج معرفش الوش لوحده بكام بس مش هيحتاج يتبنى ويتعمل حواليه سيراميك فممكن يركب بعد ما تركبى السيراميك كله عادى والبانيو يتحط فوقيه لانه مش هيحتاح يتبنى حواليه يارب تكونى فهمتى قصدى

انا عاجباني حكايه الكابينه دي قوي
حاساها شيك موووت
بس هو 1700 دول البانيو بالكابينه بالوش بتاعه
كله علي بعضه ولا ايه
وهتعملي الكابينه فين

ام لمار و لومير;13242053:
السلام عليكم ورحمه الله وبركاته
ازيكو يا بنات انا الحمدلله اتجوزت وكله تمام وفرشت الشقه كنت عوزا اوريكو الحاجات بعد مخلصت وبامانه تقولو رايكو

شقتك ماشاء الله واااو
والسعر والله لحد دلوقتي مامصدقاه
بجد لقطه
ومبروك ياقمر علي الجواز وربنا يحققلك اللي في بالك ويرزقك الذريه الصالحه يارب
QUOTE]

bosy_1010;1324630:
بناويت قولوا بسم الله ماشاء الله و ادعولي يهدي خطيبي عليا و يكملنا علي خير و قولولي رأيكم في الستارة و الصالون أنا الحمد الله لسه مركبة الستاير أكملكم و لا لأ

ماشاء الله
حلوه قوي يابوسي
وكملي طبعا
انا عن نفسي مستنيه
[SIZE=5][COLOR=Plum]شرفوني في موضوعي
http://forums.3roos.com/showthread.php?t=566185[/COLOR][/SIZE]

dr.muslimah;13254151:

سماتينا

والله نفسى افيدك فى رسمة الشقة بس انتظرى كلاسيك وميس كات

الا هما فين مش باينين ليه يارب يكونو بخير
وبالنسبة للحمام بتاعك انا شفت بانيوهات فى ايديال ستاندرد مقاسها 130 *130 و135 * 135 وانتى طالع

والسيراميك الباركيه جبته فرز اول المتر ب39 ج وهبقى اصوره وانزل الصور

ربنا يخليكى يا قمر انا بجد متشكرة جدا وطمنتينى ان فى المقاسات دى ومستنيه صور السيراميك وتتهنى به يارب

miss cat;13255031:

ممكن بانيو نص دايرة افضل من الكباين

عنايا هوزعهالك حاااالا
بالنسبة للسيراميك اللون الى انتى عاوزاة بس يفضل الريسبشن كللللللللللللة لون واحد ولو فى اوض بتفتح على الريسبشن تتعمل نفس الشكل برضوا عشان يبقى فى توحيد كدة

الدهان
حسب الوان العفش بتاعك والالوان الى بتحبيها
لو مش مقررة اعملى الشقة كلها اللون الكريمى وخلاص بيليق على اىىىىى حاجة والعبى بقى فى الوان الستاير وخلاص
والسجاد

انا مبسوطه جدا لاهتمامك شكرا يا قمر وربى يجزيكى كل خير ...انا فعلا نفسى احك بانيو مش كابينه بس مساحه الحمام ملخبطانى شويه خايفه يبقى زنقه كده ...........ز

وفعلا انا حابه انى اعمل لون الدهان فاتح زى الكريمى الى انتى قلتى عليه وكذلك السيرميك برضك حباه يكون فاتح خاصا للريسبشن والمعيشه ام باقى الاوض بفكر اعملهم سيراميك الى هو شبه البركايه ايه رئيك؟؟؟

miss cat;13255233:

شكرا يا قمر على التوزيعه الحلوه دى ... طيب ايه رئيك لو خليت الصالون هو الى برة مع العلم ان الصالون حيكون كنبه واحده واربعه فوتيه زى ما انتى رسمه لان الحيطه الى عند البلكونه والى جنب غرفه المعيشه مش كبيرة لانى كمان كنت بفكر اشيل جزء من الحيطه المشتركه بين المعيشه والريسبشن بس مش حينفع كلها لن فى عمود خرسانى واخلى السفره جوه ناحيه البلكونه يعنى واستغنى عن البوفيه هااااااااااا ايه رئيك بس امانه متزهئيش منى

سارة العروسة القديمة;13259476:

غيرى القماش خلية سادة واعملى خداديات مشجرة او تلعبى فى الونها

ويبقى مودرن ومودرن شيك وفخم كمان اخر حاجة
وماتنسيش غيرى مكان التابلوة دة
او غيرى البرواز بتاعة مايكونش مذهب

انا مع الرأى ده جداااااااااااااااااااااااااا وحيبقى حلو ان شاء الله

totytwety;13255464:
لو عايزه رايي لو مش البوفيه والنيش هيتحطو جنب بعض فى حيطه واحده اعملى حاجه منهم بس لان لو حطيتى النيش فى ناحيه والبوفيه فى ناحيه والترابيزه فى النص هضيق جدا لان الرسيبشن عندى نفس مساحه اللى عندك ولما قستها لقيته مش هتنفع وهتبقى ملزقه فى بعضها اوى فانتى ممكن تعملى نيش كبير وخلاص
ده بالنسبه للجزء اللى قدام باب الشقه
الكونسول حطيه ع الحيطه اللى جنب باب الشقه
والصالون حطى الكنبه الكبيره عند حيطه البلكونه والحيطه اللى جنبها الكنبه الصغيره والحيطه اللى جنب باب البلكونه الكرسيين وربنا يوفقك :L:

ربنا ما يحرمنى منك يا قمر انا فعلا خلاص ابتديت افكر انى اخليه نيش بس وايه رئيك لو السفره هى الى جوه ناحيه البلكونه
انا كان بيتهيئلى ان محدش عنده نفس المساحه بتاعت الريسبشن الى عندى يعنى احنا مشتركين بئه فى حيرة تنظيم العفش فى الريسبشن الطويل ده

ربنا معانا ويلهمنا الصواب

بصى الرسيبشن عندى برده طويل وطالعله حته زى طرقه كدا
عملت ايه بقا

حطيت تربيزه السفر والنيش مع بعض جمب بعض يعنى
وبعدين فى على حيطه النيش بابا الصالون وبعدين حيطه حطيت فيها البوفيه تمام
وفى الطرقه دى فى بالكونه جيبت انتريه قطعتين وحطيته فيها
كمان قصاد النيش الحيطه التانيه من تربيزه السفره حطيت الكمبيوتر

يابنات انا ليا استفسار هام جدا
هو ينفع احط قطعة المطبخ جنب البوتجاز ولا ممكن السخونة تاثر على الخشب
طيب هو فى اى حاجة ممكن احطها بينهم تمنع الحرارة والاقيها فين دى
ردو عليا ربنا يكرمكو

بصى يا جميله كله بيحط عادى بس بتسيبى مسافه بس مش كبيره

زى الصور دى كدا ان شاء الله











وكمان بتبقى من فوق مقفله على المطبخ برخام فبيبقا بعيد عن النار برده