العروسه لوكا;13044418:
بنات ياريت لو حد يقولى على مكان اشترى منة العفش بس يكون كويس ومش غالى اوى اصل خطيبى طلع عينه فى توضيب الشقه وفلس خلاص
ياريت كمان تقولولى الاسعار لو حد عارف لو سمحتو
يبقى عليكى وعلى دمياط على طول هناك هتلاقى كل الاذواق فى العفش والاسعار كمان هتلاقى كل الاسعار اللى تناسب امكانيات كل شخص وكمان هتلاقى عفش جاهز ومدهون وهتلاقى خشب ابيض يدوب تخدية على الدهان فبجد مفيش احسن من دمياط على راى اللى بيقولة هناك دمياط بترضى جميع الاذواق والامكانيات
جويرية المسلمة;13048782:
ما شاء الله جميلة المخدات .... شكلي كدة هعملها إن شاء الله .... وشكلي كمان هسمع كلام ماما وأجيب النجف زي بعضه :)
ربنا يكرمك يا سالي ... شكرا على ردك يا حبيبتي
منا فعلا اقتنعت خلاص بالمخدات يا كلاسيك بعد ما سفت مخدات سالي :)
بالنسبة للون .. قولي يارب النقاش يفهم قصدي ... أصلي لما روحت محل علشان أختار درجة لقيت ستييييييين درجة كريمي :)
الستارة بقى هحطهالكم أهو :)
صحيح يا كلاسيك ... سؤال يعني :)
هو الشال دة ممكن ألاقيه في محلات إية ؟؟؟؟
أيون يا pippo .... هي دية الفاتورة اللي أنا شوفتها
بس أنا غجبني فيها لون قريب من اللون اللي فوق السهم على طول :)
هي الدرجات اللي محيراني عموما قريبة من بعض ...
المخدات .. اقتنعت بيها جداااااااااااااااااا :) .... وعجبتني فكرة الشال اللي كلاسيك قالتلي عليها دية :)
الريسبشن بتاعي بقى يا بيبو كله قد بعضه .... أنا هنزل آخد فكرة الأول كدة وزي ما قلتوا أكيد هلاقي حاجات مكانتش ف بالي أصلا :)
بس دعواتكم معايا الله يكرمكم
وأدي الستارة اللي عجبتني أهه
أنا عندي زي ما رسمتلكم قبل كدة
هعملها على الشباك ... وعلى مدخل الطرقة بحيث يكونوا باصيين لبعض .... كأنهم بيكملوا بعض .... بيردوا على بعض .... مش عارفة أعبر أوي :) .... بس يارب تكونوا فهمتوا قصدي
بس هآجي عند الشباك بقى وهعملها طبقة من تحت شيفون مثلا تداري عليه لأنه شباك تقليدي أوووووي ....يعني ضلفة سلك وفوقيها ضلفة إزاز
عاجبني أوي شكلها والاستايل الطويل اللي لامس الأرض بتاعها ... وقماشها ....
إية رأيكم ..... ؟؟؟؟؟؟
تسلمى ياقمر على دعوتك
بس بالنسبة للستارة من غير زعل حاسة ان فى حاجات احلى منها بكتير ياريت تدورى تانى هى الستارة مش وحشة بس مش اقدر اقولك عليها انها واو تحفة فى حاجات تشوفيها وتقولى عليها حلوة يعنى تمشى وحاجات تشوفيها تقولى جميلة جدا جدا فاانا راى الخاص انك تحاولى تدورى تانى انما لو مقتنعه بدى فتوكلى على الله وخلاص
