ملف استفسارات بنات مصر للديكور ( الجزء الثاني )

lasposadelnilo;12393847:

ميس كااااااااااااااااات

ايه الكلام الجامد ده انتى حقلا ممتازه
كنت كل ما اروح الشقه اقول اعمل ايه في المرباعت دي اعملها مرايات يتريقوا عليا ويقولوي ليه داحله محل عصير قصب
بس كلامك وظفلي الفكره صح وخللاها جامده موووووووووووووووووت
فعلا المريات مع الاضاه هتعمل شغل عادي
المطبخ مش هغير فيه حاجه لما يجي الكهربائي يشيك عليها بقى
والحمام هغير المرايه واكيد في مكان اضاءاه عن المريه مش عارفه اعمله ايه هشوف ارائكم واقراحات الكهربائي برضه
فكره التابلوه المتقسم حلوه اوي
بس الاسبوتات هتخرج منه ازاي ماهوا لازم تكسير برضه

بجد احب اسجل شكري واعاجبي بدماغك
وهحطلك صور اوده النوم والاطفال واشجيني بلاضاءتهم يا موتزي
موقتا لحد ما ارسمهم واصورهم وهبعتهولمك بكره ان شاء الله
عشان كمان هحط صور اودده النوم والاطفال خشبهم يعني

نابعونا

ام ندى و نور;12385776:
اشكرك على ردك وفعلا انا احتمال كبير ما اعملش لا كرنيش ولا بيت نور لانى بشوف البساطه بتكون اجمل مع العفش المودرن وناوية كمان اعمل شغل اجمل بالاضائات والنجف المودرن

يارب سهل;12385871:
بنات معلشى انا عندى سؤال بس مهم جدا:

انا دلوقتى نفسى اجيب لليفنح ترابيزة كلها ازاز مش خشب،تمام؟؟؟
خطيبى بئا بيقولى لااااااااااء مش هتستحمل حاجة لان دى الليفنج والعيش كلها هتبئى فيها8o|وانا بصراحة مستشيكة جدا الازاز عن الخشب
انتو رأيكو ايه؟؟؟؟

وعلى فكرة يا توكى انا شفت الفازة الخضرا بتاعتك ف ميدان الجامع بس قوليلى جايباها بكام؟؟؟

miss cat;12389992:

بصى دة الى اقصدة بالنسبة للسقف ممكن لو مش هتركى فيها اسبوتات اعمليها مرايات اسهل

ودة للبرواز الخشب وجواة مرايا انا هعمل البرواز دة عندى ان شاء الله ورا السرير بس لسة هسال لانى خايفة شوية من المرايات فى اوضضة النوم

وشوفى الفكرة دى ممكن تعمليها وانتى داخلة على اوض النوم والحمام الحتة الى عند السلام

ودة البرواز الى هعملة ان شاء الله فى الريسبشن

الصورة مش راضية تترفع عااااااااااااااااااااااااااااااااااااااااااااااااااااااا

اعمل اية بقى
يارب تكون بس الفكرة دخلت دماغك

salma o;12393061:
دا زى بتاعى بس انا الراجل عملهولى احلى بصراحى القطعه 160 و يمينها الغساله و شمالها التلاجه و جبتها سيلفر لون المقابض المطبخ و عاملى فى النص ازار اللى بيتفتح لفوق دا و فوقيه وحده للتخزين بس ما شاء الله طلع حلو اوى و مقفلى تحت الحوض انا مكترتش عن كدا عشان انا لسه ايجار :) ادعولى بقا اروح التمليك بآذن الله و اكمل المطبخ:lol::DF:F:و جزاكى الله كل خير للافاده يا جميله :adore::L:

Desly;12396228:
بنات انا قررت اضرب بكلام مهندس الديكور عرض الحائط
و اعمل ان شاء الله ارضية السيراميك تابلوه
زى ده


بس هعمله من غير الوزره
خدوا بالكوا انا السيراميك عندى نص و نص فالكنار هيبقى كبير شويه:lol: مش رفيع زى ده
ايه رأيكم اخلى الكنار فاتح ( اللون البيج)و لا أخليه غامق ( اللون النبيتى)
انا الرسيبشن عندى واخد حرف L
فهعمل تابلوهين ان شاء الله
مش هعمل بلاطه وبلاطه
بجد انا مش مقتنعه ولا مستسيغه فكرة بلاطه وبلاطه سنبوكسات دى:'(

عندك حق فكرة بلاطة وبلاطة وحتى فكرة السامبوكسات دى اصبحت فكرة مستهلكة كثير ومنتشرة

حلوة التابلوهات دى فكرة حلوة وهاتدى شكل ورحابة بس الهم ان المساحة تكون معقولة علشان يبان الشغل


ايه رأيكوا
فكرة التابلوه أحلى
و لا نخلى الراجل بتاع السيراميك يقطع السيراميك النبيتى و يعمله ما بين البلاطه الكبيره البيج
انا مش عارفه اشرح بس هو زى الصورة دى




دى اسمها لؤم
نظام اللؤم بس دى بتهدر سيراميك كثير + انها عايزة واحد شاطر فنان
شغل اللوئم دة مش سهل بياخد وقت والاهم محتاج مهارة اخر حاجة


بس بفكر فى المدخل اقلد توكى و اعمل الفكرة دى



و لا كده هيبقى فيه ترقيع جامد فى الشقه و الافضل أخلى كله زى بعضه
هههههههههههههههههههههههههههههه:lol:
انا جالى تخولوف من موضوع السيراميك ده و هو فى الاخر اصلا مش هيبان
بس عشان انا مش راضيه عنه لغاية دلوقتى مش راضى يركب
كل ما نيجى نركبه نلاقى مصيبه عايزه تتظبط الاول:lol:

.. Hopes;12397684:
شكرا يابنات علي الاجابات F:
انا اخدت اقتباسات بس الفايرفوكس هنج وراحت كلها :mad:
اكتشفت اننا كده عندنا هنا جرانيت في المطبخ مش رخام :lol:

كلاسيك وكيتي .. انا سألت بابا علي الفايبر والالوميتال عشان احنا عندنا هنا مطبخ الوميتال
قالي زي ماكيتي قالت كده ان الاطار بيبقي الومنيوم والضلفه نفسها اللي في النص دي بتبقي فايبر بس في درجات
مش فاكرة هو قالي انواعهم ايه بس تقريبا حراري وزجاجي

بس احنا عندنا هنا متين ماشاء الله وبقاله كتير اوي يعني


سؤال بقا مكنتش عامله حسابه :|
دلوقتي انا خطيبي بيشتغل من البيت يعني لازم مكتب وكمبيوتر بقا وكرسي مكتب وبتاع
المكتب ده هيتحط فين ^o)
دلوقت هي الشقه 4 اوض وريسبشن صغنن اوووووووي اصغر من اصغر اوضه فيهم
فهتبقي التقسيمه الصاله الصغننه دي هتتعمل ليفينج ركنة ومكتبه تلفزيون
والاوض اوضه انتريه للضيوف واوضة سفره واوضة نوم والاخيره هتبقي اوضة اطفال بس مش هنعملها دلوقت يعني يادوب هندهنها مع بقية الشقه بس
ها قولولي المكتب يتحط فين :(
هو عاوز يحطه في السفره وانا بقول لأ في اوضه الاطفال

lasposadelnilo;12397858:

لا طبعا يتحط في اوده الاطفال عشان تبقى فاضيه ويعرف يشتغل فيها لحد ما ربنا يكرموا باطفال وكده كده اوده الاطفال يحبذ يكون فيها مكتب خليها في اوده الاطفال وحطي فيها سرير صغير واهو ينفع لو جالكم حد هيبات يبات فيها وهوا يشتغل فيها تكون اوده مقفوله عليه يشتغل وهوا مركز
تصدقي لفتي انتباهي لحاجه كنت ناسيها
انا بقالي شهر بشتغل من البيت وبعد الجواز ان شاء الله هكمل شغل من البيت واوده الاطفال عندي هيحط فيها سريرين ودولاب مش هيكون فيها اي مكان اشتغل فيه
تفتكري احط الاب والروتر وشغلي فين بقى انا هبقى بشتغل الاسبوع كله من البيت يوم واحد بنزل فيه الشركه انا بقى صالتي كبيره معقوله يتحط فيها سفره ونيش وركنه وتلزيون وهتبقى ليفنج واوده الصالون مينفعش اشتغل فيها عشان للضيوف واوده اطفال اوده النوم اشتغل فين انا بقى على السفره
فكرواااااااااا معايا
ميس كانت يا مهندسه ديكور المستقبل وانتى بترتبي معايا الشقه شوفيلي حته اتاوا فيها عشان اشتغل
كنت بفكر احط مكتب في الصالون عشان لو انا او احمد عاوزن نقعد على الاب للشغل علما انه هوا معاه لاب هوا كمان وانا لاب طب يبقى في مكان واحد نبدل فيه ولا ايه
بس قالولي مينفعش الصالون يتحط معاه حاجه

Warde;12396277:
أنا برده شقتى إيجار جديد ومش عارفة أعمل المطبخ خشب ولا ألوميتال و شكل الألوميتال غالى .. فمحتارة أوى.

إنتى عامله مطبخك خشب ؟؟ ولا عندك صور ليه .. ورياهانا إذا أمكن ؟ :)

totytwety;12398406:
بنات ايه رايكمو لو عملت الاطار الخشب ده فى السقف بدل الصره مع العلم ان شقتى مودرن

يارب سهل;12397588:
بنات عايزة اقلكو نصيحة بخصوص سيراميك المطبخ
متستغلوش أووووى ولايفرق معاكو الشكل أوووووى لانه بجد بيتغطى ومفيش حاجة بتبان غير لو هتجيبى بلاطات ديكور مثلا
انا والله فضلت اتفزلك فزلكة فى السيراميك وفى الآخر كلللللللللللللللللللله ممتغطى ماباين هو ابيض ولابيج ولا ايه
والوزرة يادوووووووووب على حرف الرخامة،مع انى قلت لخطيبى ارفع الوزرة قد ماتقدر عشان تبان بس هو ماشاء الله عليهم كانو جايبين صنايعية بجد مش عارفة جابينهم منين اخيب من الخيييبة من سباك لنجار لنقاش لبتاع الكرانيش
انا كرانيشى مش عاجبانى خااااااااااااااااااااااااااااااااااااااااااااالص وكارهاها جداااااااااااااااااااااااااااااا لانها مش على ذوقى أبدا
وبفكر ان شاء الله اول مايتوافر معانا فلوس اغيرها
يلا الحمد لله على كل شىء مشكلتهم انهم مش بيسمعو كلامنا وساعات بيستخفو بآرئنا ويرجعو بعدها يندمو
جاى دلوقتى يقوللى ياريتنا كنا عملنا الكرانيش العادية السادة دى زى مانتى قلتى8o|8o|كنت هولع ف نفسى والله:I:
ومعلشى يابنات انا برضه عايزة افهم حاجة،هو انتو اللى بتوضبو الشقة؟؟؟؟؟؟؟؟؟؟؟؟؟؟؟؟؟مش المفروض دا على العريس؟؟؟؟؟
اصلى شايفاكو عارفين وفاهمين الاسعار والامتار وكدا !!!!!!!!!!!!!!!!!!!!!!!!!!

totytwety;12398406:
بنات ايه رايكمو لو عملت الاطار الخشب ده فى السقف بدل الصره مع العلم ان شقتى مودرن

kitty_kity;12390704:
الحمد لله انه عجبكم يابنات
انا المطبخ كلفني 10 الاف والشفاط ب1400 والرخام لسه ماجبتوش بس هو هياخد رخام 2 متر الا ربع
بس السعر شامل الاكسيسوريز..وهي مش صيني هو جابها من شركة الشفاط نفسه..هو ايطالي توربينو
انا مختارة قطاع الوميتال تقيل جدا
ودبل...وفايبر جلدي
وعامله قاعده الوميتال رافع عليها المطبخ كله ارتفاعها 12 سم
وعامل زي ضلفة كدا لازقها ف ضلفة تانية من قدام وبعيدة من ورا عشان يداري الماسورة بتاعت الغاز
والارفف الي حوالين الشفاط الوميتال
والي تحت الحوض جرار...
والضلف الازاز دي مش ازاز ده اكليريك عشان مش يتكسر
وعليها رسم بالليزر
وعامله زي نيش ف المطبخ الي هو الضلف الطويلة دي..عشان احط الحاجات فيها بدال ماحط بره ف السفرة وكل شوية اطلع اجيب
:)
تقرير شامل اهو

salma o;12393061:
دا زى بتاعى بس انا الراجل عملهولى احلى بصراحى القطعه 160 و يمينها الغساله و شمالها التلاجه و جبتها سيلفر لون المقابض المطبخ و عاملى فى النص ازار اللى بيتفتح لفوق دا و فوقيه وحده للتخزين بس ما شاء الله طلع حلو اوى و مقفلى تحت الحوض انا مكترتش عن كدا عشان انا لسه ايجار :) ادعولى بقا اروح التمليك بآذن الله و اكمل المطبخ:lol::DF:F:و جزاكى الله كل خير للافاده يا جميله :adore::L:

miss cat;12394623:

يالهوووووووووووووووووى كل دة ميرسى ياقمر :adore:

بصى انا عندى صورة التابلوة الى فى اسبوتات ماشى بس كل مارفع الصورة يقولى الملف غير مسموح هههههههههههههههههههههههههههههههههه

بصى ياستى الاسبوتات هتتركب ازاى بتشوفى الاسبوتات الى فى المطابخ بس دى بقى على اشيك يعنى الفانتورة الى فوق البروزاز بيبقى ليها شكل ديكورى ووووووووووواوووو
ولو هتعملى صالون مدهب فى الاوضة دى يبقى تخلى النجار يدهن الاطار مدهب زى الصالون اما لو انترية اميركان وانا بفضل دة لانى بيتهيالى ان شقتك هتشيل سفرة وحاجة كمان يبقى الحاجة التانية تكون مريحة لو انترية امريكان او عادى يعملك البرواز بنى لون خشب الانترية
وهحاول احط صورة البرواز تانى
ومستنية الصور اصل ياوختى كنت مشروع مهندسة ديكور وفعلا بس للاسف حولت من فنون جميلة عشان كانت بعيدة عنى اووووووى

اما الحمام بصى ياريت تشيلى الرف السيراميك بتاع طقم الحمام دة الى تحت المرايا ماشى وهاتى مرايا كبيرة من فوق الحوض بشوية نونو على فكرة المرايا بتبقى جاية بالاسبوتات بتاعتها جاهزة هو الكهربائى بس يوصلها وخلاص مافيش تكسير ان شاء الله واى فكرة هقولك عليها على طووووووووووووووووووول

وصورى الطرقة برضوا عشان نعمل فيها حاجات لذيذة

يارب سهل;12397588:
بنات عايزة اقلكو نصيحة بخصوص سيراميك المطبخ
متستغلوش أووووى ولايفرق معاكو الشكل أوووووى لانه بجد بيتغطى ومفيش حاجة بتبان غير لو هتجيبى بلاطات ديكور مثلا
انا والله فضلت اتفزلك فزلكة فى السيراميك وفى الآخر كلللللللللللللللللللله ممتغطى ماباين هو ابيض ولابيج ولا ايه
والوزرة يادوووووووووب على حرف الرخامة،مع انى قلت لخطيبى ارفع الوزرة قد ماتقدر عشان تبان بس هو ماشاء الله عليهم كانو جايبين صنايعية بجد مش عارفة جابينهم منين اخيب من الخيييبة من سباك لنجار لنقاش لبتاع الكرانيش
انا كرانيشى مش عاجبانى خااااااااااااااااااااااااااااااااااااااااااااالص وكارهاها جداااااااااااااااااااااااااااااا لانها مش على ذوقى أبدا
وبفكر ان شاء الله اول مايتوافر معانا فلوس اغيرها
يلا الحمد لله على كل شىء مشكلتهم انهم مش بيسمعو كلامنا وساعات بيستخفو بآرئنا ويرجعو بعدها يندمو
جاى دلوقتى يقوللى ياريتنا كنا عملنا الكرانيش العادية السادة دى زى مانتى قلتى8o|8o|كنت هولع ف نفسى والله:I:
ومعلشى يابنات انا برضه عايزة افهم حاجة،هو انتو اللى بتوضبو الشقة؟؟؟؟؟؟؟؟؟؟؟؟؟؟؟؟؟مش المفروض دا على العريس؟؟؟؟؟
اصلى شايفاكو عارفين وفاهمين الاسعار والامتار وكدا !!!!!!!!!!!!!!!!!!!!!!!!!!

lasposadelnilo;12396915:
QUOTE=lasposadelnilo;12393578]

اليكم التقرير التالي طبعا انا اخدت المهندس وشاف المطبخ عندي
وقالي ايه
عاوز يشيل الحوض وقالي اركب حوض يتسقط في الرخامه حوض عين واحده بس من غير مكان استالس كده للتصفيه يتسقط في وسط الرخامه واغير الخلاط بواحد تاني راسه طويله عشان يدخلي البوتاجاز جمب الحوض ويبقى تحت الشباك
لانه قالي لو البوتاجاز اتجط في الوش مش هينفع يقفل خشب جمبه عشان الضلف مش هتتفتح
ام هند
هيقفل تحت الحوض لللاموبه وخلافه وفوق الحوض مكان خشب يتحط جواه المطبقيه ويكمل بالرخامه لحد فوق الغساله اللي هتححط جمب الحوض بس من الناحيه التانيه
والتلاجه هتتحط على الشمال جمب الباب وهيكل المطبخ خشب فوق وتحت للاخر
والحته اللي في الوش هتساب فاضيه عشان اعرف افتح الفرن
كام متر يا بيه
قالنا سبعه متر وقد يزيد
وعشان يتعمل فورمايكا المتر بيوصل ل 1000 جنيه
وتعالي بكره اوركي التصميم بتاع المطبخ وتشوفي الكتالوجات عشان تختاري الشكل
ولو الموديل اللي هتختاريه في فورمايكا نعملهولك فورمايكا زي ما تحبي
يعمي المطبخ خشب بس بدون رخام ولا غيره يتكلف 7000 هوا طبعا محسبهاش قلنا بالتقريب سبعه متر لما اظبط الديزان هنقلكم
وعرفت انه بيحسب المتر القطعه اللي تحت لوحدها واللي فوق لوحدها
ولسه مقلتش لا احمر ولا غيره
بس رخم عليا قالي هاتي البوتاجاز 60 في 80 عشان يتحط جمب الحوض
وانا كنت عاوزه اجيب ال 90 في 60
ماما لتقلي مش فارقه المقاس
بس هوا كده غالي
ورجع قالي لو عاوزه الحوض زي ماهوا مش مشكله متغيرهوش ونعملك الرخامه نظبها عاليه عشان مغفيش مايه تجي على الببوتجاز وانا محتاره
اغير الحور واجيب الصغير يتقط جوا الرخامه ويبقى اشيك ولا اخليه زي ماهوا؟؟؟؟؟؟؟؟؟

لا تحرموني من تقيمكم بقى
وتدعولي احمد يصالحني

كانت معهم نهوده من فوق الاب توب وقصادي صوره احمد ومتحسره عشان متخاصمين

lasposadelnilo;12399542:

totytwety;12399590:

ياريت يا جماعه تقولي راي نهائي انا مش عاوزه اغير الحوض واعمل الرخامه واسقط جواها الحوض عاوزه اخليه زي ماهوا

احط البوتجاز زي ماهوا قالي كده جمب الحوض ولا احطه في الوش اشيك
ادوني راي نهائي عشان انا هرحله انهارده اختار الموديل