ملف استفسارات بنات مصر للديكور ( الجزء الثاني )

monna vision;13447918:
ام فارس طاب ليه انتى عايزة اللون ده ! فى ميزة معينة ومثلا ولا هو عجبك اصل بصراحة انا شايفة ان الحاجات الالوميتال التانية احلى والوانها كتير جدا وانا لسة بعمل المطبخ بتاعى ان شاء الله والاسعار بيبقى بالمتر وبيعمل 600 وممكن من هنا لهنا 580 وهو بييجى ياخد المقاسات فى الاماكن اللى انتى عايزاها وبتختارى الالوان اللى انتى عايزاها بس الاسعار دى للالوميتال العادى مش ده وربنا يوفقك للى فيه الخير

مش لسبب معين انا بحب اللون الفضى وكمان عاوزه لون محايد عشان المتبخ عندى مفنوح على السفره وانا عندى حيته فضى وموف فى الصاله فانا كنت عاوزه اعماله الموتال استالس اقرب حاجه للفضى واعمل المقابض سودا

monna vision;13447778:
مشمشة الفكرة الاولانية ممكن تتعمل عند نجار بس التانية على فكرة احلى واشيك ومش هتبقى اوفر ان شاء الله مادام الحيطة سادة والنترية مش مشجر اتهيألى هو مودرن مش كده هتبقى حلوة ان شاء الله

مشمشة
بصوا يابنات ياريت تردوا عليا

الكرانيش اللى فى السقف اخليها بيضة ولا لون السقف ولا اديها لون الحيطة المختلفة
بصى انا اللى عندى فى بيت ماما ابيض لون السقف بس بينى وبينك انا زهقت منها مش عارفه ليه لما شوفت حاجات تانية ملونة بس ملونة ازااااى ؟ بصى هم ملونين الاجزاء البارزة من الرسم بتاع الكورنيش عشان اللى شوفتها فيها وردات بسيطة ملونينها لون سيمون هادى على حسب يعنى الحيطة المختلفة اللى عندهم وانا لسة النقاش بيسألنى النهارده عايزه الكرانيش ملونة كلها والمسح الاجزاء البارزة فتدى لامعه وتجسيم ولا الون الاجزاء البارزة بس انا لسة بفكر مش عارفه وهو عامة لسة بيمعجن وعموما فى الاخر الحاجات دى اذواق كل واحد على حسب نظرته للمكان وكده وانا شوفت جيرانى عملينها بنى وعجبنى على فكرة مع انى فى الاول مكنتش مقتنعة بيه بس عامة لسة برده مش مقتنعه بيه عندى حاسة افضل مع الابواب الاوستر معلش بأه طولت عليكى هههههه لما صدقت عشان انا كنت لسة بفكر في نفس الموضوع وعلى فكرة انا بفضل السقف الابيض عامة عشان بيدى وسع للمكان ربنا ان شاء الله يقدملنا اللى فيه الخير


banana
بصي الصور دي هيا اللي بفكر اعمله خصوصا اللي في النص
اوف وايت حيطه و سقف
و دهبي راقي في النص
الا هوا الدهبي ده له لون و لا لوقلت دهبي هيعملي مدهب ؟

حلو اوى لون الدهبى ده ما شاء الله بصراحة معرفش اذا كان دهان ولا مدهب بس قلت اقولك خدى بالك وخليه يوريكى نموذج ويعملك حتة صغيرة يوريهالك علشان المدهب فى منه درجات كتير


hopes
هو انا لو هحط جزامة شبه دي مثلا
ينفع يتحط فوقها مرايه
عاوزة اعمل كونسول وفي نفس الوقت جزامه
هل ينفع حاجه كده
اه ينفع تحطى مرايا او مرايات فوق الجزامة بتبقى شيك وحلوة ومعلش عندى سؤال بس عشان الجهل بأه هو الكونسول المفروض بيتكون من ايه بالظبط:D

يميم انتى فين يا عسل ... انا خايفه بس لحسن ملحقش قبل الويك اند بتاعك علشان انتى قلتى انك بتكونى مشغوله فيه

Bird amore;13449000:
عندى سؤال

واحدة صحبتى المطبخ عندها فى الشقة متركب فية رخام بنى غامق و محتارة تعمل دوالايب المطبخ لون اية علشان يفتح معاها لان المطبخ صغير و السيراميك على بيج فى بنى

خليها تعمله خشب على لونه يعنى تدهنه على لونه تلميع بس يبقى فاتح ويفاتح معاها المطبخ

كونسولات مودرن

والكونسول بيكون عباره عن ترابيزه عاليه وفيها درج او اتنين بس او من غير كمان
وفوقها مرايه وساعات في ناس بتخليها مرايا بطول الارض بس شيك اوى وستيل ومحفوره حفر دقيق حاجه انتيك يعنى

والمودرن بقى مبقاش ضروري انك تحطي فوقها مرايه
يعنى ممكن تحطى فاز او كريستالات او انتيكس يعنى حاجات كده
اشكال كده

















من غير مرايا

حد يعرف مكان يكون فية غرف نوم مودرن حلوة وشيك ومش تزيد عن 8000ج

زهره بريه;13448947:

كنت قلتلكم الريسبشن طولى هحط فى اخره الانتريه وبعدين الصالون وبعديه السفره

ايه رايكم لو عملت حيطه مقلمه بيج خفيف ورا الصالون ؟؟ولا اسيب الكل بيج فاتح خفيف ؟؟اللون منور الشقه وكلها مدهونه دهان عادى من غير لا تفتيح ولا تغميق ايه رايكم يا بنات ولو عملت ستاير اعملها بلون الانتريه ولا اعمل على بنيات وخلاص الانتريه عندى بترولى فى بنى شيكولاته
ونسيت اسال كمان ايه الاشيك انى اعمل تاج فوق السرير فى اوده النوم ولا احط صور ؟؟ متنسوش السؤال دا مهم اوى ربنا يجازيكم خير تردو على

دخلى لونين الانتريه الاثنين فى الستاير وخلى الحيطه فاتحه زى ما هى تدى وسع وتنور

انا عن نفسى مش بحب التاج وبعدين هوه كان موضه من كام سنه ومعظم المعارض دلوقت تلاقيها حاطه تابلوهين او ثلاثة ورا السرير حسب الحجم يعنى

Bird amore;13449000:
عندى سؤال

واحدة صحبتى المطبخ عندها فى الشقة متركب فية رخام بنى غامق و محتارة تعمل دوالايب المطبخ لون اية علشان يفتح معاها لان المطبخ صغير و السيراميك على بيج فى بنى

ام فارس2010;13449362:
مش لسبب معين انا بحب اللون الفضى وكمان عاوزه لون محايد عشان المتبخ عندى مفنوح على السفره وانا عندى حيته فضى وموف فى الصاله فانا كنت عاوزه اعماله الموتال استالس اقرب حاجه للفضى واعمل المقابض سودا

ان شاء الله هيبقى تحفة بس انا مشفتش السيلفر معمول سيلفر بجد يعنى مش رمادى فاتح الا عند قبنورى وطبعا غالى جدا

مشمشة.;13450600:
حد يعرف مكان يكون فية غرف نوم مودرن حلوة وشيك ومش تزيد عن 8000ج

انا لما رحت جهاز القوات المسلحة كان فيه 9000 10000 فيا ريت تروحى وتشوفى ولو فيه وقت يبقى العمولة اوفر بكتير وايا كان الوضع فيا ريت متزعليش كده وافتكرى الحديث تفاءلوا بالخير تجدوه وغيرى مزاجك عشان يتغير علطول وباذن الله تبقى من السعداء دايما:):)

كلاسيك
انا بقرى ردودك من زمان وما شاء الله ذوقك جميل جدا
نفسى اسالك من زمان كان فيه بنوته عندها الحمام نصف الحيطة فقط سيراميك وانتى نزلتلها صور دهانات مغطيه خالص على المنظر ومن ساعة مشفتها وانا قالبة المنتدى عليها ومش لقياها لو تعرفى يا ريت تساعدينى وشكرا ليكى حتى لو مقدرتيش
F:F:

yomizo;13440883:
ال وانا اللى فاكراكى لسه متجوزتيش طلعت زميله كفاح اهو
يارب يجعل وشها وش الخير والسعاده عليكم باذن الله طيب هو الطقم شبه كده

على فكره دى حته من القه بتاعتك بس لسه بظبط فيها النت مشس حلو وانا مش شايفه ادامى مطبقه من امبارح هانام معلش واكملك بكره

يميم انا لسه مستنيه فى امل اشوف الباقى ولا نسيتينى تانى ... ردى عليا يا عسل:'(:'(:'(
معلش دوشتك انا صح

تاج السرير بحس انه يليق اكتر على الكلاسيك لكن المودرن محتاج حاج هبسيطه صوره او تابلوه او اقةلك على حاجه ظريفه اوى لفوق السرير بما ان اوضه النوم دى حاجه سبيشيال ومش اى حد يدخلها
تبروزي كام صوره حلوة ليكى وله مع بعض ومفرد لكل واحد بمقاسات مختلفه بشعرك طبعا وتحطيها جمب بعض واحد بالطول والتانى بالعرض يعنى - ا -ا كده بتبقى حلوة في النوم

بنات حد عنده صور لاوضه نوم اللي بيكون فيها التسؤيجه مع الدولاب
او الدولاب معمول حرف ال كده عشان المساحات
انا كنت منزله حبه من ع النت مش لاقياهم
لو حد عنده يا ريت يقولي


بصوا زيي دي بس علي اوضه نوم كبار


زي ده بس دولاب مش دريسينج روم

زي دول كده يعني







او تقولولي لو حاجه من دول تنفع اوضه نوم عروسه


يميم كده في أمل

مرسى يا كلاسيك على صور المداخل انا فعلا قصدى مداخل بيوت عمارات يعنى
ومرسى يا سماتينا على الصور الحلوه

مرسى يا قمر بس ايه المقاسات الحلوه اللى انتى حطاها يا ريت دا كل الحكايه 3*2.5 بس انا كنت بفكر احط البوتجاز جنب الشباك فى وش الباب ليه علشان انا هجيب شفاط عادى فهحطه فى الحيطه فوق البوتجاز على طول علشان المطبخ ميبقاش فيه دهون واللى ايه رئيك ممكن بقه تنظميلى على كده معلشى على تعبك معايا
[QUOTE]كمان سؤال و هسكت هههههه....انا هموت موت كده و اعمل نقاشة اوضة السفر جراى فاتح اوى يعنى سن الفيل ده و حيطة زرقا زهرى و اعمل فيها سبوتات اباليك سلفر و اجيب مفرش السفرة و كده سلفر وفيه كرسيتالات زرقا و هكذا هيبقا وحش؟؟؟

دى برضه نفس الالوان اللى نفسى اعملها بس مع الانتريه والسفره لانهم مع بعض ممك حد يقولى لو عملت كده احس لون اجييبه للانتريه يكون ايه الا اللون البيج لانه بيتبهدل على طول
ومعلشى سؤال كمان انا الريسبشن بتاعى على شكل حرف ال ناحيه انتريه وسفره وكسره الحرف ليفنج ايه الالوان اللى ممكن اعمل بيها الجزء بتاع اليفينج وتليق مع الريسبشن لان مفيش ارج او حاجه فاصله بينهم فلازم يكون اللونين ماشين مع بعض وانا قصدى على لون الحوائط يا جماعه متهوش منى ربنا يخليكو ولون سيراميك حمام الضيوف لانه فى وش النتريه من غير فاصل ومعلشى لون السياميك بتاع الارضيات لانه كله الريسبن واليفينج مفتوحين على بعض
سؤال كمان ومعتش اسال النهارده خالصذى الصوره كده عندى عمودين قصاد بعض اعمل فى التجويف بتاعهم ايه مكتبه واللى افصله بحديد مشغول واللى زجاج واللى ايه ضرورى ربنا يخليكو[/
QUOTE]
ويا سلام لو فى صور يبقى كتر خيركو

كان فى بنت بتسال عن حمامات نص الحيطه سيراميك



بنات هو الحيطه اللى فى الحمام دى ايه وممكن اعملها فى حمام الضيوف بما انه مش هنستخدمه كتير

بنات دي الكرانيش بتاعتي و هيا بيضه جبس
http://www.3roos.com/files/ups/2010/280611/41261484059.jpg

http://www.3roos.com/files/ups/2010/280611/31261484059.jpg

و دي الشكال اللي ممن تدهن بيها
2010/2010/2010/
ممكن تقولولي ايه احسن حاله ؟
و لو حد عنده اي اقتراحات اخري

only712;13450988:
كلاسيك
انا بقرى ردودك من زمان وما شاء الله ذوقك جميل جدا
نفسى اسالك من زمان كان فيه بنوته عندها الحمام نصف الحيطة فقط سيراميك وانتى نزلتلها صور دهانات مغطيه خالص على المنظر ومن ساعة مشفتها وانا قالبة المنتدى عليها ومش لقياها لو تعرفى يا ريت تساعدينى وشكرا ليكى حتى لو مقدرتيش
F:F:

انا البنوته دى يا قمر وبصى انا فى الاخر كسرت الحمام وعملته من اول وجديد والحمد لله طلع تحفه
بصى دى صور الحمامات والحاجات دى ورق حائط وممكن النقاش يعملك اسبونش وليها ك1ا حل بس انا علشان شكله مضايقنى هليت خطيبه غيره بصى الصور اللى انتى عايزاها كده

hoba bodyyy;13454149:
انا البنوته دى يا قمر وبصى انا فى الاخر كسرت الحمام وعملته من اول وجديد والحمد لله طلع تحفه
بصى دى صور الحمامات والحاجات دى ورق حائط وممكن النقاش يعملك اسبونش وليها ك1ا حل بس انا علشان شكله مضايقنى هليت خطيبه غيره بصى الصور اللى انتى عايزاها كده

الف شكر ليكى وربنا يفرحك بحاجتك دايما

زهره حائره;13453777:
كان فى بنت بتسال عن حمامات نص الحيطه سيراميك



بنات هو الحيطه اللى فى الحمام دى ايه وممكن اعملها فى حمام الضيوف بما انه مش هنستخدمه كتير

الف شكر وتعبتك معايا
واعتقد اللى فى الصورة دى رسمه بالدهانات يعنى النقاش هو اللى عامل الخطوط اللى زى الطوب ديه والبنات يفيدوكى اكتر ان شاء الله:)

يابنات عاوزة اعرف الدهانات دى بتتعمل ازاى واللون ده اسمه ايه لو هختاره عشان ادهن بيه الريسبشن كريمى ولا اوف وايت ولا ايه بالظبط وياترى طريقه الدهان دى سهله ولا صعبه وحلوة ولا لا

yomizo

ميرسى يا جميل ربنا يخليكى انا اصل كنت بفتكره ترابيزة وكرسيين او وكنبة بس كنت حاسة انى متلخبطة


وزة
بصراحة انا مش عارفاها بس فى حد هنا قال انها بتبقى بسكينة المعجون حاجة زى كده انا كمان عجبانى بس مش عارفه اى نقاش يعرف يعملها ولا ممكن يعملوها وحش

ازيكو ياشبات :D

كنت عاوزة اعرف حاجه بس
هي فكرة الترابيزة وكرسي في اي ركن صغنن يعني تنفع بكراسي السفره؟
ولا لازم فوتيهات؟

yomizo

yomizo;13439955:
كان في حد عاوزنى اعمله المطبخ بتاعه بس مش فاكره مين ولا لاقيه الطلب وسكط الصفحات ؟؟

مش عارفه اذا كنتي تقصديني ولا مين
بس أنا مشاركتي اهه

بس بجد لو فيها تعب
بلاش أنا هفكر في حاجه ان شاء الله
وميرسي علي سؤالك

meramia;13409669:
يم يم
ماشاء الله عليكي
ممكن بقي ربنا يخليكي تعمليلي شقتي أنا كمان
هي دي تقسيمتها




وده تخيلي لأماكن العفش


بس اعملي انتي اللي تشوفيه أصح
بس الحمام خلاص اتحدد أماكن الحاجه فيه

والمطبخ فيه شباك مناوله
وهحط فيه غساله أطباق برضه

وياسلام بقي لو عملتيلي رسمه للمطبخ لوحده
بصي يبقي تستاهلي مليوووووووووووووووووون بوسه
ومش عارفه كده مكان السفره صح ولا ايه
هل هتكفي ولا أبدلها مع الليفنج احسن
وكمان حاجه معلش لو هطول عليكي
انا عايزه أعمل في الريسبشن ده
سقف فيه سبوتات لايت
ممكن تديني أفكار
اه وكمان هعمل الجزء اللي علي الشمال ده مستوي تاني
أعلي بسلمتين

وكمان الحمام هحط فيه الغساله بس عايزه فكره عشان احميها ومش تصدي

هحطها ورا البانيو(بين البانيو والحيطه)

مواضيعي

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

meramia;13409992:

ربنا يكرمك يايم يم
بس أهم حاجه ماأتعبكيش
يعني مش عايزه أشغلك أو أدايقك
هي شقه عاديه مش فيللا علي فكره
المساحه الكليه 142متر
والسفره أنا راسماها عادي ورا المطبخ
بس بقوللك هل المساحه هتكفي ولا لأ
أنا راسمه رسمتين
واحده الشقه فاضيه
وواحده لو حطيت العفش فاهماني
يعني الرسمتين لحاجه واحده مش دورين ولا حاجه

واذا كان قصدك علي السلم
لأ ده سلم العماره
أنا شقتي هتبقي في الدور التاني ان شاء الله
انتي بس حاولي تكبري الصوره وهتشوفي المقاسات وكل حاجه
وأه الحته المثلثه دي الأبواب