ملف استفسارات بنات مصر للديكور ( الجزء الثاني )

nanoo99;12203480:









بنات ايه رايكم فى شغل المقاول دا اعتمد على الله واخليه يشتغل فى الشقه ولا شغله مش اااااااااااااااوى
ردوا عليا ضرورى ولو عايزين صور كمان عندى كتتتتتتتتير من شغل المقاول دا

الشغل باين عليه حلو بس المهم الفينش بتاعه علي الطبيعه اتوكلي علي الله لومرتحاله

مهينـار;12203829:
بصوا يابنات انا الصاله هعمالها شرايط موف غامق فى فاتح وبفكر الحيطه اللى هتبقى ورا النيش فبفكر انها تبقى فضى فلفيت وكمان اوده النوم هتبقى تلت حيطان بستاج والحيطه اللى ورا السرير ناويه برضه اعمالها فضى هوريكو صور للفلفيت الفضى وقوالوالى رايكو

مهينـار;12204364:
بصى ياقمر الموف الفاتح فى الغامق زى دا كدا



والفضى انا سالت النقاش النهارده وورتاله الصور قالى اه بيتعمل واكدت ععليه هل هيبقى بلمعه ولا لا قالى اه ممكن يتعمل

والصوره الفضى دا اه يعتبر فلفيت ودى اشكال تانيه منه



ودا لو اتعمل رمادى والطبعه فضى هتبقى تجنن ودا فلفيت صريح






وبيتعمل بالفرشه دى وممكن بالطول او شخابيط زى دى كدا



ودا كمان قوالوالى رايكو فيه



ورايك شجعنى جداااااااااااااااااا مرسى ياقمر ويارب اكون افدتك

اولا افكارك وزوقك بجد عجباني موت وبدون مجاملة والله والموف القلم ده كنت ناوياه في رسيبشن شقتي بس للاسف لاسباب خارجة اضطريت استغني عنه نهائيا ولسة ماقررتش هعمل ايه
والفضي تحفة والصور المخربشة دي روعة وفكرتها جديدة وعجبتني جدا جدا جدا
بس عندي سؤال كدة وخاصة اني يادوب بادئة اتابع في عالم الديكو وداخلة فيه بالجامد علشان استعد لتشطيب شقتي ان شاء الله
ايه هو الفلفيت بقي ؟:o

مهينـار;12204364:
بصى ياقمر الموف الفاتح فى الغامق زى دا كدا



والفضى انا سالت النقاش النهارده وورتاله الصور قالى اه بيتعمل واكدت ععليه هل هيبقى بلمعه ولا لا قالى اه ممكن يتعمل

والصوره الفضى دا اه يعتبر فلفيت ودى اشكال تانيه منه



ودا لو اتعمل رمادى والطبعه فضى هتبقى تجنن ودا فلفيت صريح






وبيتعمل بالفرشه دى وممكن بالطول او شخابيط زى دى كدا



ودا كمان قوالوالى رايكو فيه


ورايك شجعنى جداااااااااااااااااا مرسى ياقمر ويارب اكون افدتك

ايه الجمال ده حلوين اوى يا ماااهى
للأسف الميزان مش راضى يقيم
ده انا كده هغش منك واخد افكار
الموف الفاتح فى الغامق لو المساحه كويسه و نسقتيه مع العفش و السجاد و الستاير هيبقى حلو اوى
شفته فى راجل و ست ستات وكان عاجبنى جدا
بس هما كانوا عاملينه فى اوضة الاطفال
المربعات الفضى جمييله عجبانى اكتر من الفلفيت الصريح بس المربعات لو توسع شوية
لحسن لو هى حيطة و ما تحطش قدامها حاجه وظاهره كده تشبه سيراميك المطابخ شويه خصوصا بالفضى اللى بيلمع:D
بس لو اتحط قدامها حاجه مش هيبان ان المربعات مش واسعه
و الفرشه طبعا مش محتاجه كلام شغلها تحفه
نفسي الاقى نقاش فى القاهره عدل ممكن ينفذ الكلام ده من غير وجع دماغ
تديله الصوره ويعمل زيها
الا كل اللى شفتهم استغفر الله العظيم
محتاجين اعادة تأهيل

mesk_2005;12204010:

بناويت ياحبايب قلبي انا جيبت الأباليك الحمد لله وشكلها ماشاء الله طلع حلو على الطبيعه بس فى الصور مش باين حلاوتهم مش عارفه ليه وان شاء الله هبقى اصورلكم النجف كمان وهو راكب واوريهولكم

اسيبكم مع الكم ابليك دول

ده جيبته عشان احطه فوق الجزامه او بمعنى اصح هيكون ورا باب الشقه وجيبته اللون ده عشان الحيطه اللي في وشه قريبه من لونه :lol:

وده جيبته للأنتريه هيبقوا اتنين جنب بعض ومابينهم صوره

وده هيبقى فوق التي في وهيكون فى نص مكتبه هعملها ان شاء الله لسه هتكون متعلقه على الحيطه

ها مستنيه رأيكم وتقييمكم انا لفيت اليكس كلها عبال مالاقيت حاجه كويسه
والمره اللي جايه هنزلكم صور اباليك السفره ان شاء الله

وماتنسوش تقولوا مشاء الله وانتم بتتفرجوا :cool: بحبكم في الله

ما شاء الله مبارك عليكى الحاجه ربنا يباركلك فيها و يهنيكى بيها يارب

nor_elsmaa;12204513:



اولا افكارك وزوقك بجد عجباني موت وبدون مجاملة والله والموف القلم ده كنت ناوياه في رسيبشن شقتي بس للاسف لاسباب خارجة اضطريت استغني عنه نهائيا ولسة ماقررتش هعمل ايه
والفضي تحفة والصور المخربشة دي روعة وفكرتها جديدة وعجبتني جدا جدا جدا
بس عندي سؤال كدة وخاصة اني يادوب بادئة اتابع في عالم الديكو وداخلة فيه بالجامد علشان استعد لتشطيب شقتي ان شاء الله
ايه هو الفلفيت بقي ؟:o

مرسى ياقمر تسلمى بصى انا برضه عرفت الفلفيت دا من البنات هنا وهيا كان موضه زمان ورجعت تانى وهيا بتبقى بديل لورق الحائط وارخص طبعا وهو عباره عن ان الحيطه بتديها لون وتلزقيها عليها الاسنباط زى دى كدا





ودول للاطفال



ودى اشكال منه

Desly;12204525:
ايه الجمال ده حلوين اوى يا ماااهى
ده انا كده هغش منك واخد افكار
الموف الفاتح فى الغامق لو المساحه كويسه و نسقتيه مع العفش و السجاد و الستاير هيبقى حلو اوى
شفته فى راجل و ست ستات وكان عاجبنى جدا
بس هما كانوا عاملينه فى اوضة الاطفال
المربعات الفضى جمييله عجبانى اكتر من الفلفيت الصريح بس المربعات لو توسع شوية
لحسن لو هى حيطة و ما تحطش قدامها حاجه وظاهره كده تشبه سيراميك المطابخ شويه خصوصا بالفضى اللى بيلمع:D
بس لو اتحط قدامها حاجه مش هيبان ان المربعات مش واسعه
و الفرشه طبعا مش محتاجه كلام شغلها تحفه
نفسي الاقى نقاش فى القاهره عدل ممكن ينفذ الكلام ده من غير وجع دماغ
تديله الصوره ويعمل زيها
الا كل اللى شفتهم استغفر الله العظيم
محتاجين اعادة تأهيل

ربنا يخليكى وغشى براحتك هههههههههههههههههههههه

مهينـار;12203829:
بصوا يابنات انا الصاله هعمالها شرايط موف غامق فى فاتح وبفكر الحيطه اللى هتبقى ورا النيش فبفكر انها تبقى فضى فلفيت وكمان اوده النوم هتبقى تلت حيطان بستاج والحيطه اللى ورا السرير ناويه برضه اعمالها فضى هوريكو صور للفلفيت الفضى وقوالوالى رايكو

انا خطيبي كان باعت ليه نفس الصوره دي علي فكره لاوده النوم برده
والشغل ده علي فكره تبع دهانات الجزيره
لان واحد صحبه بيشتغل في دهانات الجزيره بس في السعوديه وهو اللي كان باعت له الصوره علشان هو اللي بيعمل الحاجات دي للشركه اساسا بيستخدموها في الدعايه بتاعتهم
وهو رائع فعلا

freska ammar;12204619:
انا خطيبي كان باعت ليه نفس الصوره دي علي فكره لاوده النوم برده
والشغل ده علي فكره تبع دهانات الجزيره
لان واحد صحبه بيشتغل في دهانات الجزيره بس في السعوديه وهو اللي كان باعت له الصوره علشان هو اللي بيعمل الحاجات دي للشركه اساسا بيستخدموها في الدعايه بتاعتهم
وهو رائع فعلا

ايه دهانات الجزيره دى زى يوتن كدا ولا شركه بتنفذ دهانات؟؟؟

مهينـار;12204657:
ايه دهانات الجزيره دى زى يوتن كدا ولا شركه بتنفذ دهانات؟؟؟

ايوه هي زي يوتن كده هي تقريبا مقرها في السعوديه واتفتح ليها فروع في مصر

وكنت لسه ساله علي الفلفيت كان تقريبا الجالون ب 160 وفيه تقريبا الاسطميه او الصراحه مش عارفه ايه الي بيقي الطبقه اللي فوق ب 70
وده بيعمل تقريبا حطين ونص


وده لينك من علي موقع الشركه
بيبين دهان الفلفيت

http://go.3roos.com/EBjrW8mSJ9G

وفي عندهم نوع اسمه الخيال
الجالون منه ب 1200 جنيه
وفي كام نوع كمان بس الصراحه مش فاكره اسمهم
ومتفاوتين في الاسعار


وده الموقع فيه منتجات الشركه
http://go.3roos.com/GGcZDDpzYLt

علي فكره يا قمر انا نسيت حاجه مهمه قوي
اللي لونه فضي ده مش فيلفت
ده اسمه شامواه
انا لسه فاكره اسمه حالا

Desly;12204452:

مبااارك على العفش يارب تتهنوا بيه و يباركلكوا فيه
بصى الستاير برده لو انتى عامله الوان فى الحيطه ممكن تدخليها فى الستاره
روحى ماردينى برده بتاع الاقمشة عنده افكار و حاجات حلوة اوووى
و فى منتهى الشياكه
كمان نوع الستاره عايزاها مودرن ولا كلاسيك هيفرق معاكى فى نوع القماشة
بس مبدايا كده
اوضة النوم هيليق عليها اى حاجه واى لون ده يتوقف على ذوقك انتى وعايزة لون فاتح ولا غامق


ممكن لو عندك فى الاوضه لون تانى تدخلى لون مع لون
او حتى لو عندك كرسي مثلا فى الاوضه ممكن تجيبى لون للستاره لايق على لون قماش الكرسي

طبعا الصوره دى اهداء لكلاسيك عشان بتحب التفاحى:lol:






لو ما عندكيش الوان حيطان ممكن تدمجى الاوف وايت مع البيج



بالنسبه لليفنج فانتى الحمد لله مختاره الوان سهله
يعنى لو جبنى ستارة بتنجانى من فوق و تحتها كريمى أو بيج او اوف وايت شبفون هتبقى جميييله

ممكن برده الصاله تعمليها شيفون كريمى او اوف وايت و فوقيها ستاره لون بينك او بستاج

:thumbs_up:جزاكى الله كل خير يا قمر بس انا المشكله ان الشقه كلللللللللها ابيض ى ابيض عشان ايجار ف انا عايزه العب بموضوع الالوان عشان تبان و تبقى شيك :L::adore: و انا عندى النوم كلاسيك و الليفنج طبعا مودرن و االسفره و الانتريه بين الكلاسيك و المودرن

ما شاء الله دول مبدعين اوى
بس طبعا لازم النقاش يبقى من عندهم ما ينفعش حد يجيب نقاش من عنده كده و خلاص
يعنى انتى بتسلميلهم الشقه و تقوليلهم عايزه ايه وهما يعملوه
طب اسعارهم كام بئه فى النقاشه نفسها؟؟




طب يا سلمى ابيض فى ابيض يعنى تلعبى فى الالوان براحتك خالص
يعنى اى الوان تختاريها ان شاء الله هتبقى حلوه بس انتى راعى ان الليفنج المشجر تجيبى ستاره سادة و ممكن تدخلى لونين فى بعض
و لو انى شوفت صور كان الليفنج مشجر و الستارة منقوشة عادى بس نفشه بسيطه خالص من نفس اللون
ربنا يوفقك و تجيبى حاجه احسن مانتى عايزه يارب

princess dodi;12186517:
صباح الخير يا احلى بنات
عايزة مساعدتكم ضروووووووووووووري في كذا حاجة

أولا انا مطبخي 2.60*2.60 وفي الحيطة اللي في الوش المفروض فيها الشباك بس لسه متحددش هيكون فين بالظبط المفروض انا اللي اختار يعني على الجنب وللا في النص عايزة بقى من اخواتي اللي بيرسموا بالبرنامج يمخمخولي احط البوتاجاز فين والحوض فين
اصل كله بمزاجي الشقة لسه بتتعمل بس انا حاسة اني افكاري مشتته والمطبخ صغير مش عارفة اظبطه بلييييييييز ساعدوني عشان المفروض السباك هييجي بعد 3 ايام عشان يعمل السباكة ولازم احدد هعمل ايه:'(:'(

محدش رد عليا بخصوص المشاركة دي :'(:'(:'(
بلييييز يا إخواتي ساعدوني انا مليش غيركو

لو انتى مش هتجيبى شفاط اللى بيبقى فوق البوتاجاز
اعملى الشباك فى نص الحيطه والبوتاجاز تحتيه

nanoo99;12203480:









بنات ايه رايكم فى شغل المقاول دا اعتمد على الله واخليه يشتغل فى الشقه ولا شغله مش اااااااااااااااوى
ردوا عليا ضرورى ولو عايزين صور كمان عندى كتتتتتتتتير من شغل المقاول دا

حلو أوي الشغل ده توكلي على الله
وبصراحة انا عاجبني اوي الشغل اللي في الصورة التانية وكنت عايزة اعرف هو ده خشب وللا ايه ؟؟؟
وياريت لو عندك صور تانية عشان كلنا نستفيد تبقي :thumbs_up:

monyfofo;12205108:
لو انتى مش هتجيبى شفاط اللى بيبقى فوق البوتاجاز
اعملى الشباك فى نص الحيطه والبوتاجاز تحتيه

ميرسي يا قمر لاهتمامك
طب سؤال لو عملت الشباك في النص والبوتاجاز ينفع تقفيلة المطبخ تيجي من جنب البوتاجاز من الناحيتين وللا المساحة مش هتكفي؟؟
أصل نفسي اعمل في التقفلة بتاعة المطبخ في الركن تبقى واخدة زاوية عشان استفيد منها
على العلم مساحة المطبخ 2.6*2.6 والبوتاجاز تقريبا بيبقى 90 سم

بصى الركنه بتاخد تقريبا 80 سنتى لو انتى عاوزاها زى الرسمه اللى فى الصوره
يعنى انتى عاوزه مساحه 260 سنتى لو مش هتكفى عندك ممكن تعمليها من تحت عادى ومن فوق على شكل ركنه لان فوق بتبقى بتبقى اصغر من تحت

monyfofo;12205123:

انتي بجد فاهماني
وادي بوسة كبيرة ليكي :K:
الباب عندي من على اليمين خالص
سؤال تاني بقى المساحة دي ينفع احط فيها الغسالة كمان وللا كدة هزنق الدنيا ؟؟

هو ينفع لانها مش بتاخد مكان كبير بس انتى كمان اكيد هتحطى التلاجه جنب التقفيله
كده مطبخك مش هيبقى فيه غير الركنتين وقطعه بضلفتين كمان دول اللى تحت طبعا
فانتى شوفى لو شايفه ان التقفيله دى كده ممكن تكفى كل حاجاتك اعمليها لكن لو حاسه ان انتى فى حاجات مش هتلاقيلها مكان يبقى الغى الغساله واعملى بدالها قطعه بضلفتين كمان

monyfofo;12205179:
هو ينفع لانها مش بتاخد مكان كبير بس انتى كمان اكيد هتحطى التلاجه جنب التقفيله
كده مطبخك مش هيبقى فيه غير الركنتين وقطعه بضلفتين كمان دول اللى تحت طبعا
فانتى شوفى لو شايفه ان التقفيله دى كده ممكن تكفى كل حاجاتك اعمليها لكن لو حاسه ان انتى فى حاجات مش هتلاقيلها مكان يبقى الغى الغساله واعملى بدالها قطعه بضلفتين كمان

انا بصراحة مش ناوية احط التلاجة في المطبخ لأنه صغير زي مانتي عارفة انا هحطها كدة في طرقة جنب المطبخ على طول
سؤال بقى متعرفيش حد بتاع مطابخ كويس يعمللي مطبخ زي اللي في الصورة دي

لا معرفش والله يا جميل اصلى مش من القاهره بس انتى انزلى روحى لكذا واحد واتفرجى على شغله وربنا يوفقك ويتمملك بخير

monyfofo;12205295:
لا معرفش والله يا جميل اصلى مش من القاهره بس انتى انزلى روحى لكذا واحد واتفرجى على شغله وربنا يوفقك ويتمملك بخير

ميرسي ياموني بجد تعبتك معاياF:

Desly;12204545:
ما شاء الله مبارك عليكى الحاجه ربنا يباركلك فيها و يهنيكى بيها يارب