يا مسهل
* كلاسيك *;13511108:
الله يبارك في عمرك يا حبيبتي
خلى اخر وش خالص لما تحددوا الميعاد ان شاء الله
يميم و كلاسيك ليهم نفس الرأي ان انا استني شويه
انا هكلم خطيبي اخلية يسئل العمال كده و ربنا يسهل
وزة محمد;13512171:
بنات لو دى اوضة النوم بتاعتى ياترى الوان دهاناتها يعنى ايه احسن لون يخلى الاوضه حلوة
وهل اللون ده يبقى حلو ولا لا
وكمان عاوزة افكار للحيطه اللى ورا السرير مع العلم انه وراه شباك وستاره على قد الشباك اعمل الحيطه اللى ورا السرير ايه نفس اللون مع فلفيتولا مقلم ولا ايه بالظبط عاوزة حاجه جديده وحلوة قولولى افكارركم عشان اسالكم على دهانات بقى الشقة وميرس ليكم جميعا وبوسسسسسسسسسسسه كبيرة للهترد عليا:thumbs_up:
اللون اللي انتي حاطاه حلو ماشاء الله
بس انا شايفه ان لو ورا السرير شباك يبقي متعمليش حاجه في الحيطة و العبي في الستاره و الوانها بس برده حاجه سيمبل مش مدهب و براقع و كده
فشفوشة;13513187:
بالنسبة للدهان أنا ميالة للبني الغامق
السؤال بقى ::
أوضة الأطفال بيكون لها كمود واحد ولا اتنين ؟؟؟
ولا أعمل كمود عريض بين السريرين ؟؟؟
مع العلم إني حابة كمود واحد بين السريرين مش العريض
بس حابة رأيكوا برضه
السؤال التاني ::
الوردة اللي على الدولاب دي أنا حاسة إن بعد الدهان البني الغامق وده أكيد إنها مش هتظهر إلا لو إتعملت بلون مختلف أو متتعملش أصلاً ؟؟؟
فأنا مش عارفة ومش قادرة أتخيل ألغيها ولا أعملها بلون مختلف هي ووردة المراية ؟؟؟ ولا مش هتكون شكلها شيك لو بلون تاني ؟؟؟
بصي الاوضه مفيش عليها كلام حلوه جدا
انا شايفه بقي ان البني هيطفيها خالص
ممكن ابيض اوف وايت كريمي بيج
اي لون فاتح يبين جمالها
و كمود واحد بين السريرين
الورده حسب ما تحددي اللون يا تغمقيها درجه او تفتحيها درجه
ده رأيي و الله اعلم
miss cat;13514494:
طالما الشقة فيها العمال خليكى تخلصى مرة واحدة عشان مش يدخلوا الشقة تانى
كمان كلللللل الناقص ليكى دة بيتعمل بعد اااااااااخر وش دهان مش ينفع قبل خالص
واعملى كل دة واقفلى الشقة على نظافتها قبل الفرح فى اااااااااى وقت
بس نصيحة
سباكة الحمام تبقى ااااااخر حاجة عشان محدش من العمال يستخدمها
:D
واى خدمة فى الدهانات تحت امرك اصلى دوقت الامرين منهم :hysterical:
ربنا يخليكي
و الله انا عاوزه اخلص اكتر منهم بس المشكله ان هناك منطقه جديده يعني كل اللي حوالينا عماير لسه بتتيني و تراب و عفار و كده
و ده اللي قالقني
ربنا يقدم الله فيه الخير
اهو هنسئل الراجل اللي شغال لو ينفع بنفس الحساب يجي كمان شهرين و لا حاجه لو هيزود يبقي هبيض و اخلص
تعالي بقي بما انك خبره في الدهان
ان ان شاء الله الريسبشن عندي هيبقي لون واحد فاتح هتقولولي ليه لون واحد هقولكوا لانه حيطه واحده بسسسسسسسسسسسسسسسسسسسسسسس
بفكر في الاوف وايت او البيج المصفر
المعضله بقي ايه ان انا لما بشوف الورقه بتاعت الالوان دي مش بلاقي اللون اللي انا عاوزاه و الراجل قالي يا لون كمبيوتر يا الصنايعي و شطارته
اختار اللون ازاي بقي
taky21;13514730:
اول حاجة عاوزة صور اوض نوم مدهونة سيمون عشان بحب اللون ده اوي وخصوصا الغامق منه وعاوزة احطه خلفيه سرير اوضة النوم وعاوزة رايكم اخليه سادة ولا اعمله سبونج
ثانيا عاوزة حد يحطللي لون سن الفيل ده ودرجاته واي الالوان اللي تليق عليه
ثالثا ابواب الأوض عندي خشب والمفروض يتحط له زجاج بس مش عاوزة حاجة تشف لان حتى الحمام برضوه بزجاج ان مش عايزة زجاج يبين حتى الظل خطيبي بيقولي نعملهم كلهم مرايا من بره وجوه اي رايكم ؟ وهو الباب اتمعجن كده مينفعش اعمله استر طب برايكم اخليه ابيض.
بالله عليكم ما تطنشونيش ومستنياكم
انا بموت في السيمون الغامق اوي اللي بيدي علي مشمشي و ان شاء الله هعمله في اوضه نومي يا هوا يا الفوشيا
سن الفيل ده تحسيه البيض بس عليه سنه رمادي كده
و بالتالي نعامله زي الابيض يعني ان شاء الله بيليق عليه كل الالوان
هوا لون حيادي زي الابيض و الاوف وايت
الابواب بقي نفس مشكلتي بصي انا كنت مقرره اعمل الزجاج اللي اسمه عاكس بمعني انك تشوفي اللي بره و الناس تشوف مرايا
لحد ما رحت لواحد معرفه بتاع زجاج
قالي ان الزجاج المرايا ده بيعتمد علي فرق لبلضاءه يعنب جوه نور و بره ضلمه او العكس
فبلييل مش بيبقي له لازم خالص ممكن اللي بره يشوفوا عادي بس خيالات مش اشخاص
فبفكر في الزجاج المسنفر لو حد عندوا افكار بقي يقولنا
* كلاسيك *;13514898:
دي درجات مختلفة للون السيمون
ممكن تعملى حاجة زي كده
يارب اكون قدرت افيدك F:
كلاسيك اول لونين دول انهي احلي في اوضه نوم كحيطه واحده و الباقي اوف وايت او بيج
و يا ريت لو ليهم اسم
الصوره التالته دي نوع الدهان اسمه ايه
ده مش اسبونج صح
انا عاوزه حاجه كده بس مش عارفه اسمه
و تفتكروا هيبان مع اوف وايت او بيج و لا هيبقي بهتان
shemooo1405;13515738:
ازيكو يا قمرات .. محتاجة مساعدتكم ضرووووووووووري بجد :(
بصو بقى انا مفروض ان البلكونة عندي 1 متر بس انا كنا عايزة اوسعها يعني اخليها 160 أو 170 كده و بقترح الفكرة دي على خطيبي و هو معترضش اوي انتو بقى ايه رايكو حتبقة عملية و لا و هي ضغيرة احسن مع العلم ان الصاله عندي طويلة ؟؟
و ثانيا بقى معلش سؤال تاني ... اعملها الوميتال و لا خشب عادي ... بس الراجل قالي لو الوميتال مش حيبقي في شيش ف كده حينفع و لا ايه ؟؟
و يا سلاااااااااااااام لو حد يعرف اسعار البكونه لو 160 سم الوميتال و خشب ؟؟!!!!1
معلش طولت عليكو بس بليييييييز محتاجة مساعدتكو بسرعة عشان لازم ابدأ فيها و هي متوقف عليها كل الشغل اللي جاي ^o)
بلاش تكبري باب البلاكون علشان تستفيدي من الحيطه اللي حواليه تحطي فيها كرسي و لا حاجه كده
انا عندي 2 متر و كان نفسي تصغر خصوصا اني مس عارفه ارص العفش
اعملي كده الاول تصور عاوزه تحطي الفرش ايه فين و بعدين حددي عاوزه الحيطه و لا تخليها بلاكونه
و بعدين لو بتتكلمي علي الشكل كبري الستاره من حواليها بس و مش تكبري الباب
الالوميتال مفيهوش شيش و لذلك انا عملت سلسله بس برده شلت الشيش عشان مش بحبه في الريسبشن و هعمل بلاك اوت علشان الشمس
و لو علي شان الامان ربنا الحارس بقي هعمل ايه
و الاسعار مش عارفه الصراحه علشان كانت ضمن حاجات كتير اوي
مشمشة.;13515941:
بصوا يابنات النقاش بيقولى ان الدرجات اللى هعملها فى الريسبشن مش ماشية مع بعضها
دى درجة الحيطان كلها
ودى درجة الحيطة المختلفة
لا تعليق علي النقاش طبعا حلوين لو عاوزه يعني خففي الدرجه التانيه شويه او تقلي الاولانيه سنه بسيطة
ممكن اعرف بقي الدرجه الاولانيه دي اسمها ايه ؟
taky21;13516083:
بنات حد جرب دهانات يوتن خطيبي عاوزة يجيب منها بس اي رايكم يعني درجاتها عالحيطة زي اللي في الكتالوج
يوتن احسن و اغلي ماركه فيهم و ممكن تعمليها بالكمبيوتر بس اغلي كمان
ممكن تودي للراجل اي حاجه و تقوليلو عاوزه الدرجه دي يعني لو حتي عاوزه الاوضه لون الايشلرب بتاعك خدي الايشارب و قوليلو عاوزه م ده
Nahaneeho;13516243:
كلاسيك عاوزاكى تساعديني في حاجة يا حبيبة قلبي دلوقتي الريسيبشن عندنا انا عايزة اعملو بيج فاتح سادة كلو من غير اى ديكورات غير الكرانيش هبتنها بس .. هل عندك صور حلوة للتبتين عشان انا خايفة النقاش يشطح؟
ممكن لو لفيتي كرانيش بتينه تحطيلي الصوره انا كمان عشان مش لاقيه صور ليهم
* كلاسيك *;13516339:
دلوقتي انا شقتي صغيرة 85 متر بس الحمد لله
فانا الاول خالص كنت متخيلة انى هادهن شقتي ان شاء الله
كل غرفة لون مختلف وبعد كده اقتنعت ان الشقة
كلها تكون لون واحد ( اوف وايت )
ولما جت الشقة الحمد لله وطلعت صغيرة اقتنعت اكتر
علشان تدي وسع مع السيراميك الفاتح
قولت بس هاعمل ف كل اوضة ثيم معين ف الوان الستاير
والسجاد والاكسسوارات
فدلوقتي زوجي عايز يلون ف الشقة وانا عايزاها سادة
بيقولي الاوف وايت هيليق مع البيج اللى هو السيراميك
ومع العفش اللى كله لونه بني شيكولاته مط ؟
فانتوا ايه رأيكوا اختار فواتح خالص من الالوان اللى انا عايزاها
ولااعملها زي ما قولتلكوا احسن اوف وايت والوان ف الاكسسوارات ؟
انا بفكر اوف وايت و اللعب في الاكسيسوريز
و ممكن استيكر
بس علي فكره انا هعمل كده اجبار
و لو عندي اختيار هلعب في الليفنج و النوم و الاطفال بس الريسبشن ساده
only712;13518174:
بنات لو سمحتم جبت قماش الصالون بنفسجى ممكن تقولولى ديكورات الغرفة يعنى الدهانات والستائروكل ديكولر الغرفة
معلش هتعبكم معاياF:F:
ويا ترى ايه المفروض يتحط على ترابيزة الصالونوبفرش ولا بدون ونوعه ايه
معلش اسئلتى كتير بس محتارة قوى
البنفسجي بيليق عليه الوان كتير
شوفي انتي اللون اللي في القماش
دهبي فضي ايه بالضبط لو القماش ساده
شوفي بقي لو الدهان بيج ممكن دهبيات او اوف وايت
ممكن فضيات لو ابيض او سن الفيل
ادينا تفاصيل اكتر علشان نفيدك و ممكن تصوري القماش
و حسب ديزاين الترابيزه بتاعت الصالون نقولك حطي مفرش و لا لا
خلصت الحمد لله
