ملف استفسارات بنات مصر للديكور ( الجزء الثاني )

الحمدالله يا يميم

اهو بعافر مع النجار وخطيبى يا عينى فى النص
لغايه لما قولت لخطيبى قول للنجار انا عايزة الحاجه مودرن مش عايزها كلاسيك خاالص
وهو هيفهم
وربنا يستر فى باقى العفش

بصي كراسي مودرن ومتنجده





HomeAbout UsHow to OrderFAQ'sContact UsMy Inquiry







وفي انك تعمليها من تحت بس وتعمليلها كسوه من فوق كده

كانها حته واحده

تسلمى يا يميم

ربنا يخليكى يا حببتى

ويارب يفهم النجار باه

te amo;13326477:
ازيكم يابنات انا جديدة معاكم وعاوزة اسالكم كذا حاجة
اللى جابت عفشها ممكن تقولى اماكن انزل اشوف فيها ويكون فيها مودرن بس يريت ضرورى لان عاوزة انزل الاسبوع ده واناسمعت منكم عن معرض القوات المسلحة ومعرض دمياط ممكن تقولولى حاجتهم كويسة والعنوان
انا نزلت اركاديا ومعجتنيش حاجة
عاوزة اماكن بتبيع سيراميك انا شوفت بنوتة قالت على ترسا وشوفت سيراميكها شكله حلو اوى لوحد يعرف العنوان واماكن تانية

انا يا قمر اللى قلت على ترسا وميرسى ان السيراميك عجبك


بس حلوه بنوته دى :D دا ابنى عنده سنه و7 شهور دلوقتى :lol:


بصى ترسا دى هتنزلى قدام كايرو مول اللى فى شارع الهرم وتدخلى الشارع اللى جنبه على طول هتلاقى ترسا دى ورا كايرو مول
وعامه ترسا انا شيفاها احسن وارخص من الفجاله

totytwety;13335546:
انا يا قمر اللى قلت على ترسا وميرسى ان السيراميك عجبك


بس حلوه بنوته دى :D دا ابنى عنده سنه و7 شهور دلوقتى :lol:


بصى ترسا دى هتنزلى قدام كايرو مول اللى فى شارع الهرم وتدخلى الشارع اللى جنبه على طول هتلاقى ترسا دى ورا كايرو مول
وعامه ترسا انا شيفاها احسن وارخص من الفجاله

ميرسى ياقمر ربنا يباركلك ويريت لو تعرفى اماكن اشوف فيها العفش ؟ انتى مستعجلة على ايه عاوزة ابنك يكبرك بدرى مانتى كنتى ليسه بنوتةمن قريب :D

بنات انا لو عيزة اشترى ورق حائط اشتريه منين ؟

شكرا لكل البنات اللى ردت عليا بخصوص الجرار ومبروك للبنوته اللى جابت السفره بتاعتها حلوه ما شاء الله تتهنى بيها وعقبال باقى الشقه
فلا يارب العفش يطلع حلوو

M!ss Tuky;13334598:
انا جبت صور التابلوهين وكمان جوزى جابلي الحجم الاكبر بتاعهم جابلي واحد عشان احطو ف النص واعمل واحد من الاتنين الى متعلقين دول ف اليمين من تحت والتاني ف الشمال من فوق يعني يعملو كإنهم تابلوه واحد تلات قطع اتنين صغيرين والى ف النص كبير

ميس تاكى الانتريه بتاعك عاجبنى جدا ما شاء الله انا مسجله الصور بتاعتها لما اتفرجت على الشقه انتى بقى عاملاه ولا جاهز وسعره ايه وكمان الستاره بتاعته حلوه اوى ممكن تقوليلى مكونتها بالتفصيل ولو مش يتعبك عايزه صوره ليه كله من بعيد وصوره لكل كرسى وكنبه لوحده معلش هتعبك بس ابعتيلى على الخاص اوكى

towtty;13335739:
بنات انا لو عيزة اشترى ورق حائط اشتريه منين ؟

مركز دارى الهرم فيه كل حاجه تخص البيت من أ الى ي

انا محتارة افرش كلاسيك ولا مودرن محتارة جدااااااااااااااااااا

towtty;13335739:
بنات انا لو عيزة اشترى ورق حائط اشتريه منين ؟

في العتبه وفي ميدان صلاح الدين عند ميدان الجامع مصر الجديده وفي داري الهرم او مكرم عبيد بس طبعا لازم تلفي كويس وتسالي كتير عشان الاسعار بتختلف وتقريبا ارخصهم العتبه
وفي منه اشكال كتير وانواع
يعنى في منه ورق جاهز على اللزق على طول تقدري انت تلزقيه بنفسك وفي ورق تانى بيبقى للبوردات بس يعنى لو عاوزه مثلا تعملى الحيطه تلت وتلتين وتعملى بيها شكل زى الوزره دى بتتعمل بنوع معين من اللصق يعنى النقاش بس اللى يعرف يعملها وفي نوع تانى برده بيكون بارز وغائر زى كده

يعنى مرسوم عليه اشكال منه فيه بس ده بيتلزق على الحيطه وبعدين انت بتختاري اللون اللى انت عاوزاه تدهنيه بيها
يعنى بيكون ساده من فوق ومن تحت منقوش فلما يتدهن يبان من بعيد انه من فوق ساده وكانك مركبه وزره وراسمه او لازقه ورق حيطه من تحت بس
فاهمه حاجه ؟؟

يعنى تقريب بيبقى زى كده الشكل النهائي له
والملمس بتاه لما تيجى تقربي منه بيبقى عامل زى الفنيل او الكرتون المضغووووط كده طري يعنى او اقربلك اكتر عارفه الكوبايات الفل اللى بتشربي فيها وترميها هى بقى الخامه بتاعته زي الكوبايات الفل دى

والشكل بيبقى زي كده

يعنى مقسوم نصين نص ساده ونص منقوش او مقلم او زى مانتِ تختاري بقى

يميم وحشتينى انتى اكيد هتفيدينى انا شقتى ضيقة افرش مودرن ولا كلاسيك طبعا فى بيت بابا احنا فارشين كلاسيك فعينى واخدة علية لكن حاسة انى لو فرشت مودرن هدى وسع للمكان كمان المكان محتاج مراية كبيرة علشان يوسع اية رايك؟

b0nb0n;13337605:
يميم وحشتينى انتى اكيد هتفيدينى انا شقتى ضيقة افرش مودرن ولا كلاسيك طبعا فى بيت بابا احنا فارشين كلاسيك فعينى واخدة علية لكن حاسة انى لو فرشت مودرن هدى وسع للمكان كمان المكان محتاج مراية كبيرة علشان يوسع اية رايك؟

انت وحشتيني اكتر ياقمر ومبروك ياجميله ويتمملك ربنا بخير ان شاء الله ويسعدك

بصي المرايه تليق مع الكلاسيك والمودرن ومش مساحه الشفه اللى هتقيدك انك تفرشي كلاسيك ولا مودرنالمودرن فيه حاجات بتتعمل بمقاسات صغيره تليق للمساحات الصغيره والكلاسيك كمان في اجات ينفع تتعمل على صغير وحاجات على كبير المهم انت تحبي ايه مودرن ولا كلاسيك
الكلاسيك موضته مش بتبطل ابدااااا يعنى تروح السنين وتيجى والكلاسيك له قيمته اللى مش بتنتهى ابدا
لكن المودرن بتبقى حاسه انك عاوزه كل شويه تغيريه او تغيري الاستايل بتاعه

فانت عاوزه انهى ياروحى ولا عاوزه ستايل بيتك يكوزن في النص مابين الاتنين يعنى لاهو مودرن اوى ولا كلاسيك
يمشي الاتنين

عاوزه صور لايه وانا اوريكي

الله يبارك فيكى يا يميومتى
ايوة يا يميم عايزة استايل بين الاتنين

طيب يا سوسي عاوزه صور لاوض الشقه كلها يعنى ؟

M!ss Tuky;13334598:
انا جبت صور التابلوهين وكمان جوزى جابلي الحجم الاكبر بتاعهم جابلي واحد عشان احطو ف النص واعمل واحد من الاتنين الى متعلقين دول ف اليمين من تحت والتاني ف الشمال من فوق يعني يعملو كإنهم تابلوه واحد تلات قطع اتنين صغيرين والى ف النص كبير

ما شاء الله جميله جدا ..........الف مبروك عليكى يا حبيبتى وفعلا مكملين بعض ومتنسيش تصورى الكبار كمان

smsma_mh;13333860:
السلام عليكم
باركولى يا بنات وديت السفره الشقه الحمد لله هوريهالكو وقولولى رايكم بصراحه
عقبال كل البنات الحلوين ويومينكده واوضة النوم تروح الشقه واصورها ليكم
اسيبكم مع الصور وعاوزه دعواتكم

ما شاء الله جميله وشيك جدا تتهنى بيها يارب والف مبرووووووووووووووك عليكى يا قمر

هو غرفة نوم الاطفال ليها واحد ولا اتنين كومودينو ضرورى ردو عليا ؟

yomizo;13334688:
ده على حسب مكنه الجرار المتركب لها ازا كانت مصري او صيني طبعا يبقى بلاش لكن لو المكنه المانى يبقى حلوة وممكن لو انت بتفصلليها او ينفع المحل يغيرلك المكنه تشتري انت الالمانى اضمن وتديهوله يركبها

عارفه ياقمر حتى لو الالمانى مع الوقت بتبوظ انا سالت نجار كويس وقالى مهما كان نوع المكنة الدولاب العادى احسن
انا كان نفسى اجيب الجرار بس خوفت لما سالت ناس كتير

الدولاب بتاعى جرار وما شاء الله كويس اهو بقاله سنتين .. المكان عندى ضيق جدا ماكنش ينفع اعمل دولاب عادى
وهو بس عايز حرص فى الاستعمال من غير ماترزعى فى الدولاب وكله تمام


عندى سؤال ضرورى يا بنات بالله عليكم
دلوقتى انا عندى شباك فى المطبخ عايزة اعمله الوميتال .. مقاس الشباك 120 * 90
وعايزة اركب شفاط ..
الشباك ممكن يتكلف كام تقريبا؟
ومش عارفة انهى احسن اعمل الشفاط فى الشباك ولا اجيب الشفاط اللى فوق البوتاجاز انهى احسن؟؟؟
ولو احسن الشفاط اللى فوق البوتاجاز قولولى على نوع كويس ومقاسه وسعره


وياريت كمان لو حد يعرف حد كويس بتاع الوميتال فى اكتوبر او الهرم مثلا

ويارب اللى ترد عليا ربنا يحققلها اللى نفسها فيه

smsma_mh;13333860:
السلام عليكم
باركولى يا بنات وديت السفره الشقه الحمد لله هوريهالكو وقولولى رايكم بصراحه
عقبال كل البنات الحلوين ويومينكده واوضة النوم تروح الشقه واصورها ليكم
اسيبكم مع الصور وعاوزه دعواتكم

حلووووووووة خالص ما شاء الله و مستنين باقي الصورF:

M!ss Tuky;13334598:
انا جبت صور التابلوهين وكمان جوزى جابلي الحجم الاكبر بتاعهم جابلي واحد عشان احطو ف النص واعمل واحد من الاتنين الى متعلقين دول ف اليمين من تحت والتاني ف الشمال من فوق يعني يعملو كإنهم تابلوه واحد تلات قطع اتنين صغيرين والى ف النص كبير

حلوة اوووي ما شاء اللهF: