ملف استفسارات بنات مصر للديكور ( الجزء الثاني )

ده معرض بيعمل ستاير مودرن انا كنت نزلت صور ستاير من عنده

والله
فيين ده يا بيبى
وممكن تورينى الصور

انابعتله ميل سالته علي الاسعار عنده وكان ده رده
دي ستاره بعرض 3 متر قالي انها بالقماش تعمل 450 جنيه لو تفصيل بس وانا الي حجيب القماش حياخد هو 170 جنيه

ودي ستاره بعرض 1.5 متر بالقماش تعمل 350 جنية لو انا الي حجيب القماش حياخد هو 100 جنيه .

ها ايه رائيك في الموديل وفي السعر ؟؟؟؟

ودي تعمل 600 جنيه بالقماش ولو انا حجيب القماش حياخد هو 170 جنيه

ها ايه رائيكم في الاسعار دي يا بنات

على فكرة انا ماعرفش كتير بالاسعااار صراحه
بس حاسه انها حلوة

على فكرة انا كنت اعده بدور على ستاير وتصاميم وكده عشان اعملهم فى شقتى ان شاء الله

طيب ادينى اللينك يا بيبى سمايل

baby smile
الاسعار حلوة والشغل كمان ممكن تبعتيلى اللينك انا كمان وعايزة اعرف هو له فروع مثلا فى اسكندرية ؟

lasposadelnilo;13907820:
ايه يابنتي الروشه اللي عملتهالنا دي
هههههههههههههههههه
اهدي كده واشربي موز بالبن مفيش اي حاجه خالص يا عبيطه
محسساني انك قلتلتي قتيل ومش عارفاه تتاويه فيه وهيبان ومش هتعرفي تخبيه
وجعتي قلبي فكرت في كارثه
يا روحي كل الشغل اللي في السفره ده والحفر والشغل ده وتبقى مودرن صريح
لالالالالالالالالالالالالالالالالا طبعا دي سيمي مودرن واقرب للاكسيك اكتر
اهدي بقى وقولي هديت
ده انا عملت شقلبظات في الشغل عشان اعرف اشوف الصور لان النت كان بايظ في الشركه وبطيئ موووووووووووووووووووت مش بيفتح غير بالعافيه
ودخلت ولقطت ويلرس ومعرفتش اشوف حاجه
قلت ابعتلك على الخاص عقبال ما اروح الليت واشوف حصل ايه
الحمدلله يابطه الاوده جميله وزقك حلو
والف مبرووووووووووووووووووووووووووووووووووووووووووووووووووووووووووووووووووووووووووووووك
وعقبال ما تفرشيها وتتنهى بيها يارب

yomizo;13908491:
ماشاء الله الله اكبر حلوة جداااا السفره بس ليا تعقيب بسيط عليها
بما ان الكرسي فيه لعب بحديد او يعنى بالاصح لون سيلفر الاحلى بقى انك تغيري مقابض النيش والبوفيه كمان لحاجه لونها سيلفر مط برده زي اللي في الكرسي
وهايليق عليها ان شاء الله ديكورات بيتك
انت بس توكلي على الله وان شاء الله مايحصلش الا كل خير

.* اميرة *.;13914972:
dr.muslimah
مبروك ياحبيبتى ماشاء الله السفرة امورة تتهنى بيها
ياريت تحطى صورة الصالون

dr.muslima
فين باقي الصور


baby smile انا كمان عاوزه اللينك من فضلك

شكرا علي تعاونكم ومساعدتكم ليا واجابة سؤالي الي متجوبتش

الستاير حلوه اوى وذوقك يجنن ممكن تبعتيلى الموقع بليز

hananany;13895839:
السلام عليكم
ازيكم يا احلي بنات ممكن حد يقولي اماكن بيع تابلوهات كلاسيك شيك ومش مهم انها تكون غالية سواء في القاهرة او الاسكندرية ارجوكم بليييييييييييز تردو عليا

انا عايزاهم زي الي بيبقو في الجاليرات شيك اوي

ممكن الاخت الي كانت بتتكلم علي الستاير ياريت يبعتلي الموقع علي الخاص ولها كثير الشكر

متزعليش يا قمر هتلاقى البنات مش عارفين بس او مقروش سؤالك انا بصراحة من اسكندرية بس مش عارفه
عموماانا عملت اقتباس لمشاركتك يمكن حد يعرف



انا عايزة منكم حاجة بأه
بصوا انا عملت فى الريسبشن ورق حائط على حيطة اللى هى فى وش باب الشقة والحيطة دى هيتحط عليها ان شاء الله البوفيه طبعا اهل جوزى زعلوا عشان ورق الحائط كان غالى وانا كده هداريه بالبوفيه 8o| مش عارفه اللى انا عملته ده صح ولا لا
المهم عندى بواقى من ورق الحائط ده حتت كويسة يعنى مش صغيرة ممكن استغلها فى ايه يا ترى ؟ لو عندكم افكار قولولى والريسبشن عموما هيتحط فى السفرة ان شاء الله

انا بعت لينك المعرض بتاع الستاير لكل البنات
ياريت بجد يابنات الي يروح ويتعامل مع المعرض ده بجد ويشوف نوع القماش عنده ومعاملته ومواعيده وكده ياريت يدينا تقرير عشان انا من اسوان فوقتي في القاهره حيكون محدود محتاجه اني مضيعش وقت

شكرا علي ردك يا مني


بالنسبة لورق الحائط ممكن تحطية في عامود لو عندك في الرسبشن وعلي فكرة هو المفروض البوفية يتحط ورا حيطة سادة لانه هيغطيها لوينفع تغيري مكانة ياريت

هو للأسف صعب اغير مكان البوفيه لان الحيطة اللى قصادها فيها باب الشقة وعامودين انا بقول لو جبت بوفيه من اللى هم مراياتهم صغيرة او قطعتين هيكون احسن
مش عارفه بأه اصل انا كنت عايزة اعمل اى حركة فى الريسبشن ومعرفتش اعمل ورق الحائط فى الحيطة التانية عشان زى ما قلت فيها عامودين العامود متر
وورق الحائط ميرسى يا قمر على ردك بس كنت عايزة حاجة سهلى انا اعملها يعنى باسكت مثلا اغلفه بيه او افكار تانية
اعااااااا :o:o شاركونى بأه


baby smile
ميرسى يا قمر

بنااااااااات
انا نزلت النهارده
شوفت الانتريهات

وفيه انتريه كده عجبنى وحلو

وعايز رايكم كمان
عشان متردده شويه
وعايزة رايكم فيييييييه بجد

fulla
فين الانتريه يا قمر



د. مسلمة
ماشاء الله لا قوة الا بالله بجد الانتريه حلو اوى تتهنى بيه والصالون وهم بجد شيك اوى وجديد ربنا يهنيكى بيهم يارب ويباركلك انتى وزوجك وقولى لنا الاسعار يا قمر
وبالنسبة للانتريه انا رأيى متحطيش مفرش هو كده حلو



متنسوش سؤالى بتاع ورق الحائط الزياده اعم بيه ايه ؟

الحمد لله انه عجبك يامونا عقبال حاجتك يااااااااااارب

بصى يامونا الانتريه بعد الفصال عامل 6000
والصالون بعد الفصال بردو عامل 17500 هو غالى انا عارفة بس مفيش اى حاجة عجبتنى غيره
وهوطرابيزته مش رخام هى زجاج عليه رسم بلاش مفرش له هو كمان ولا ايه؟؟؟؟؟؟؟؟؟؟؟

سؤال ورق الحائط اكيد يميم هتجاوبك عليه اصلها ماشاء الله خبرة