ملف استفسارات بنات مصر للديكور ( الجزء الثاني )

saso_mc;13609588:
الف شكر لكل البنات الى ردوا عليا فى موضوع السفرة وانا فعلا عملت بنصيحة كل واحدة فيكو ورحت كمان استلمت الانتريه قبل معاده بشهر من باب العند وحطيته فى الريسبشن وريتها المكان الى فاضل والمفروض احط فيه السفرة وهى من نفسها قالتلى دى يادوب تاخد قطعتين بالعافية وقلتلها اصل ابنك حاسس انه اتظلم وانا عشان اثبت ان المشكله عندى مش مشكلة فلوس هشيل معاه اوضه الاطفال بالنص افتكرتها هتقولى لا لقيتها رحبت وانا مش عارفة ماما هتعمل فيا ايه ع التدبيسة دى
المهم محدش يعرف مكان اجيب منه سرير ودولاب للاطفال بس مش اطفال اوى حاجة عادية يعنى بس شكلها حلو لان الاشكال تحت عادية خالص ؟؟؟

بصى انت زى اختى ومتزعليش منى بس انا اتغاظت منك جداااااااااااااااااااااااا
انتى ازاى تعملى حاجة زى كدة
ميفتكروا اللى يفتكروا وازاى تعملى حاجة زى كدة من غير ما ترجعى لاهلك
وبعدين انتى تعرفى ان بعد الاتفاقات لما الواحد يقعد يغير فيها بتحصل مشاكل وازاى تطمعيهوم فيكى انا اتغظت منك اووووووووووووووووووووووووووووووى يا بنتى الحاجة مش بحجمها الحاجة بقيمتها وبخشبها وبقماشها يعنى حاجات كتيير اوووووووووى
اوعى تعمليها اوعى ,,قوليلهم بابا او ماما اعترضت وقالت احنا خلاص اتفقنا على كل حاجة ومينفعش حد يرجع وبالنسبة للاوضة السفرة انتى جبتيها كدة علشان المكان مقيدك وبعدين ما فى سفرات بيبقى الاستايل بتاعها نيش بس عادى يعنى مش جريمة وخاللى مامتك هى اللى تقول الكلام دة
واطلعى انتى برو الحوارات دى خاااااااااااااااااااااااالص

اه طبعا احنا اخوات بس انا والله اتغاظت اوووى لما حسيت فى عيونهم انى انا عملت الى يوفر وانى بدور على الرخيص والله صدقينى حاجة تخنق اووووى مع انى حاجتى كتير وغالية اوووى لانى الكبيرة وماما بتجبلى من زمان غير مانا جبت انا وهو حاجات كتير اوى لاقيت نفسي بقول كده وكنت فاكرة ان مامته هترفض مش عارفة ربنا يسهل بقى
سؤال المخالفة اجيب منين اوضه اطفال حلوة ؟؟

بنات عاوزة اخد رايكم فى الانترية ده حلو ولا لا





بس ان شاء الله هغير القماش بتاعه لاتى عاوزاه يبقى مقلم فى ساده
كنت عاوزة اعرف الازاز بتاع الشقه الابواب السلسه دى الاحسن العسلى الملون ده ولا الابيض العادى ولا المرايا مين اشيك و احلى كمان فى الشكل

وزة محمد;13611429:
بنات عاوزة اخد رايكم فى الانترية ده حلو ولا لا





بس ان شاء الله هغير القماش بتاعه لاتى عاوزاه يبقى مقلم فى ساده
كنت عاوزة اعرف الازاز بتاع الشقه الابواب السلسه دى الاحسن العسلى الملون ده ولا الابيض العادى ولا المرايا مين اشيك و احلى كمان فى الشكل

ماشاء الله شيك اوى وهااادى وكنت هاقولك لو عايزة تفخمى فيه غيرى القماش لانه هو اللى مقلل منه وخصوصا لو هتحطيه فى ريسبشن وانتى وذوقك وفلوسك فى القماش وحاولى تعدلى فى الكنب بمعنى ان الخشب يكون ظاهر فيه بلاش المكسى كله ده لان الكراسى احلى بكتير من الكنبة بقى بس عجبنى اوى لانه ناااااااعم دة رأيى ومبروك عليكى وحاولى تاخدى اراء تانية
بالنسبة للسؤال التانى للاسف مفهمتش انتى عايزة اية :D؟؟

حد يعرف يا بنوتات فين شارع بورسعيد عند ابو الجوخ اللى بيبعوه فيه الابواب والشبابيك الخشب ويا ريت لو حد يعرف مكان بيبيع باسعار رخصية يقولى عليه ...

العروسه لوكا;13607664:
بصى ياقمر هى الاعمده فى الحيطه وعريضه
وعندى حطين قصاد بعض
وكل وحده فيها عمودين وبينهم مسافه فا اية رايك ادهنهم بيج وباقى الحيطه بيج فى كاكاوى
ومعلش عندك فكره اعمل اية بين العمودين عايزه اعمل حاجه لذيذه كدا

بصى متعرفيش تجيبى صورة
الحاجة التانية مبدئيا انا شايفة انك العمدان تبقى بنفس اللون الكريمى للشقه عادى جداااا ومابين العمودين فى حيطةو واحدة بس ممكن تدهنى الكاكاوى الفاتح دة اشيك واهدى كتيير
بالنسبة لفكرة ما بين العموديين مش فاهمة قصدك فكرة زى اية يتحط مثلا ولا ايه؟؟؟

لية الناس هنا مبقتش بتدخل كتيير
ميس كات
يميم
كلاسيك انتو روحتو فييين

نوران 85;13611922:
حد يعرف يا بنوتات فين شارع بورسعيد عند ابو الجوخ اللى بيبعوه فيه الابواب والشبابيك الخشب ويا ريت لو حد يعرف مكان بيبيع باسعار رخصية يقولى عليه ...

للاسف يا حبيبتى انا معرفش والله واتمنى حد تانى يفيدك

نوران 85;13611922:
حد يعرف يا بنوتات فين شارع بورسعيد عند ابو الجوخ اللى بيبعوه فيه الابواب والشبابيك الخشب ويا ريت لو حد يعرف مكان بيبيع باسعار رخصية يقولى عليه ...

ايوه ياقمر انا اعرفه ده فمنطقه الوايلي جمب حدائق القبه بشويه تروحي جسر السويس كدا عند اشاره روكسي واركبي تاكسي قوليله الوايلي شارع بورسعيد عند ابو الجوخ وهوا هيوديكي وومكن كمان تروحي جسر السويس هتلاقي ميني باصات بتقولي وايلي تركبي وتقوليله نزلني عند ابو الجوخ هينزلك هناك هتلاقي بتوع الخشب دول بس بصراحه مجربتهمش قبل كدا ولا اعرف اسعار ولا اي شي

بنات على فكرة الجزء ده كان اتقفل الظهر كده الساعه واحده وكان مكتوب لينك للجزء الجديد صفحة 449 بس دلوقتى ملقتوش فأكيد باقى البنات على الجزء الجديد ميعرفوش ان ده اتفتح تانى
والبنوتة اللى حاطة النتريه شكله جميل ان شاء الله يطلع حلو وبالنسبة للازاز والله انا مش عارفه عشان لسة معملتوش

[QUOTE=saso_mc;13609908]


بصي ياقمر انا رايي تخلى كلو مرة واحدة انا عملت زى مانتى فكرتى كده واديت بطانة للالوان وقفلت الشقة على كده ولما جيت ابيض غيرت الالوان خااااالص مفيش لون فضل على حاله والله ماعدا اوضه النوم هى الى فضلت موف لانى اتجننت وعملت حيطة فوشيا ولقيت الموف حلو معاها ايه الرغى ده ههههه ده غير انك لو غيرتى النقاش الى عملك البطانة هيجى نقاش يقولك ده شغله زى الزفت ويعمل بطانة جديدة ويحاسبك طبعا عليها
المهم انا بعد كده بيضت فى شهر 7 مع انى لسه مش حددت معاكو يعنى دفعة 2011 وعملت ع الشبابيك من برة مشمع كده عشان التراب وامبارح كنت فى الشقة والله نضيفة زى ماهى وبصيت ع المشمع لاقته حاجز بلاوى


[/CENTER]

ميرسي يا جميل على ردك
وكويس اوي انك نبهتيني لحته ان الالوان ممكن تتغير ربنا يخليكي يارب ياجميله
وانا في العيد هغير سلك الشبايبك كله وحمايا هيركب جديد
وباذن الله بعد الدهان هركب مشمع على الشبايبك كلها وهدبسها بدابيس الخشب دي هشتري دباسه واشتغل بيها واهي بالمره هتنفعني لما اركب مشمع المطبخ اللي هيتحط في الضلف
وكويس انك دفعتي انا برضه صيف 2011
هههههههههههه
ربنا يتمملنا كلنا على خير يارب



بصى انا رايي انك ممكن تلعبى فى الوان الشقة براحتك انا عملت كل اوضه بلون مختلف ومش حاساه انه كتير ولا حاجة بس انتى ممكن تخلى اوضه النوم لون هادى كده موف روز او اوف وايت وتعملى حيطة اسبونش والاطفال دى متقلقيش منها خالص اى لون حتى لو مجنون مع الاستكيرات والحركات هيظبط وممكن تعملى الموجة لونين فى بعض ازرق فى اصفر او بستاج فى اصفر او روز فى لبنى براحتك خالص انا عن نفسى عاملاها اورانج فى اصفر
انما الريسبشن وعن خبرة انا غيرت الدهان مرتين عشان اعمل الاوف وايت وصدقينى بيدى وسع للمكان وبينوره وطبعا اعملى حيطة اسبونش اى لون يعجبك شغال
بس انتى بقى ابدأى بسراميك المطبخ والحمام وعادى يبقوا مختلفين برضه والشقة الاول وربنا يوفقك



[/CENTER]


كلامك معقول اوي وموزون ياجميل وجبتي من الاخر في الجون
والله ريحتيني وريحتي بنات كتير في حيره الالوان
فعلا بعد لف ودوران بنات كتير قالوا الافضل للرسبشن اللون الكريمي او الاوف وايت
انتى كده خلتيني ارسى واستقر على الالوان
انا الرسبيشن عندي والصالون جمب بعض فعملهم كريمي واعمل حيطه سبونش لاني مش حابه الفيفلت ولا الخطوط المضلعه
انا ستاره الطرقه اللي بتبص على الرسبشن لونها زيتي التقيله والخفيفه من جوه سكري
ولون الركنه زيتي برضه
تفتكري اعمل الحيطه الاسبونش لونها يكون ايه بحكم زوقك
ونفس الحكياه هعملها في اوده الصالون هخلي كله كريمي وحيه واحده سبونش والصالون برضه هعمل خشبه دهبي وهخلى القماش على زيتي
وستايره انا جايبها نفس قماش الستاره بتاعه الصاله برضه التقله دهبي في زيتي والخفيفه سكري
فختاري معايا لون الاسبونش برضه



اوده النوم بقى لونها عسلي هعملها اللون ده بس ده مش شكل الاوده ده اللون بس




والستاره دي الروز ده بس انا جبت القماش اللي من جوه كوريشه روز في ابيض والشيفون روز وبيج





ادهنها كلها روز وحيطه واحده سبونش اهتار لونه ايه
مع العلم انى هحط ستاره ورا السرير زي اللي في الصوره برده
تفتكري اعمل الحيطه سبونش روز في ابيض ولا ايه


اوده الاطفال هيبقى لونها كده





وستارتها عليها كل الالوان سما وارض وبحر وعاريس ولعب وخضره فيها من كله
وانا كنت حابه اللون الازرق بس هيديض الاوده
واصلا الاوده صغيره جدااااااااااااااا
عاوزه لون يوسعها
تفتكري اعمل اورانج ولا اعمل ايه يدي وسع


والسرير فيها شغل فورفوجيه كده في الشباك بفكر اعمله اورانج بس مش هعمل فورفوجيه حديد هعمله خشب عشان محدش يتعور ايه رايك ادهن اورانج ساده ولا اورانج في اصفر
انا بعشق الاصفر وبيدي بهجه وومكن يوسع تفتكر ادهن اوده الاطفال ايه

سؤال بقى فى السريع كدة
عارفين الارفف الخشب المودرن انا عايزاها
اجيبها منين ولا اخللى نجار يعملها ولو حد عارف تكلفتها فى حدود كام انا عايزة رفين اتنين موازيين لبعض
وهل لو بيتعملوا خشب ام دى اف هتكون مشكله بالنسبة انهم ارفف ولا هيبقى زفت برضه اصلى بقول الارفف مش عفش يعنى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا بنات
عاوزة اعرف لو هجيب حد ينجد الصالون بياخد اد ايه وقت
ويتكلف كام
التنجيد والدهان المدهب تقريبا

غير سعر القماش باة