ملف استفسارات بنات مصر للديكور ( الجزء الثاني )

hoba bodyyy;13073143:
يا بنااااااااااااات سؤال مهم اوى اوى دلوقتى انا بعمل سيراميك الحمام وروحت معرض الجوهره وكليوباترا ولقيت ان حاجه كليوباترا تقليديه مووووووووووووووت والجوهره اغلى واحلى ايه رأيكوا اانا فى ناس صحابى كتير قالولى الجوهره احلى واشيك انتوا شايفين ايه وخلوا بالكوا الحمام بتاعى كبييييير يعنى لازم حاجه تنطقه

وكمان انا نزلت شوفت الاسبته اللى بتتحط فى الحمام اللى بنشوفها فى الافلام الاجنبيه دى اللى بتبقى بخشب البامبو وفيها ادراج وتحسى انها ترابيزه بس للحمام المهم انا لقيتها ب 600 جنيه والسبت البامبو برده بس سبت عادى ب 150 جنيه ايه رأيكوا بصراحه انا ما صدقت لقيتهم

.. Hopes;13073220:
بنات سؤال فني
هو الشفاط السبليت المسطح ده بيتركب امتي؟
مع السيراميك ولا بعد كده ولا ايه
ولو هيتفتحله مكان للمدخنه ولسه المطبخ متقسمش يعني ومش عارفه بدقه يعني البوتجاز هيتحط فين
ممكن الراجل يعمل الفتحه بعيد عن البوتجاز ولا ايه؟
انا عاوز حد يفهمني آليه عمل الشفاط ده :DD

hoba bodyyy;13085440:

ميرسى اوى يا بنااااااااااااات انا الحمد لله جبت سيراميك الشقه كلها 3 اوض وصاله وحمام والمطبخ كان خطيبى عامله الوان انا بحبها قبل ما يعرفنى ههههههههههه بصوا انا هوريكوا شكل الشيراميك اوكى

ده الحمام من الجوهره بس هو لونه مش كده هو الوانه بنى فى بيج فاتح البنى هيبقى مكان النبيتى ده والبيج مكان الدهبى ونفس بلاطه الديكور والمتر منه ب 126 جنيه هههههههههه

ده سيراميك الشقه كلها وهو من كليوباترا فرز اول 58 جنيه

وده السيكوهات اللى الراجل عملهالى وشكلها شيك اوى فى الحقيقه لان انا عفشى كله بنى ان شاء الله

بالله عليكوا تدعولى ربنا يكملها على خير واخلص الشباكه والكهربا علشان انا ناقصلى الحمام والكهربا بابا هو اللى هيعملهالى وقالى انا هظبطلك الكهربا من غير اى تكسير فى الارض كله هيبقى فى الحيطه وكمان مش تكسير هيبقى على خفيف علشان انا كهربه الشقه معموله بس الحاجات الزياده اللى انا طلباها بقه

شيك اوى ما شاء الله ربنا يباركلك فيها وتتهنى بيها وباذن الله تكمل على خير ...

باركولى يا بنات الحمد لله اشتريت السيراميك امبارح وقلت اخد رايكو
ده سيراميك الرسيبشن والاوض مش عارفه ظاهر فى الصوره ولا لا بس هو بيج وفى تجزيعه زى الباركيه كده بس خفيفه

وجبته فرز اول ونوعه الامراء والمتر ب 25 ج ونص وجبته من ترسا







وده سيراميك المطبخ برده الامراء بس فرز تانى ب 19 ونص الفاتح والغامق ب 22 ونص







وده الحمام ونوعه بريما وده ب 27 ج





ده الفاتح



وده الغامق





ايه رايكو؟؟:o
وكنت عايزه اسال هل موضوع نص الحيطه الغامق ونصها الفاتح فى المطبخ لسه موضه اصلى بفكر اعمل الغامق فى الركنات كده ولو حد عنده صور للافكار زى ديه يحطها ربنا يكرمكو

سيراميك الاوض حلو اوووووووووى ماشاء الله اكتر حاجة عجباني

وبعده الحمام حلو ماشاء الله ربنا يباركلك فيها يارب وتبقى احلى شقه

totytwety;13091186:
باركولى يا بنات الحمد لله اشتريت السيراميك امبارح وقلت اخد رايكو
ده سيراميك الرسيبشن والاوض مش عارفه ظاهر فى الصوره ولا لا بس هو بيج وفى تجزيعه زى الباركيه كده بس خفيفه

وجبته فرز اول ونوعه الامراء والمتر ب 25 ج ونص وجبته من ترسا







وده سيراميك المطبخ برده الامراء بس فرز تانى ب 19 ونص الفاتح والغامق ب 22 ونص



وده الحمام ونوعه بريما وده ب 27 ج





ده الفاتح


وده الغامق





ايه رايكو؟؟:o
وكنت عايزه اسال هل موضوع نص الحيطه الغامق ونصها الفاتح فى المطبخ لسه موضه اصلى بفكر اعمل الغامق فى الركنات كده ولو حد عنده صور للافكار زى ديه يحطها ربنا يكرمكو

مبروك عليكى ياقمر انا برضو جايبه سراميك المطبخ والحمام نص فاتح و نص غامق ودا عشان يفتح المكان
أنتى عارفه انا جايبه سراميك ارضية الشقه الفا المتر بى27 جنيه
بس برضو حلو
ياريت بقى لو حد عندو افكار حلوة عشان فرش الدولاب بطريقه شيك للعروسه
اصل عايزه طريقه جديده افرش بيها الهدوم بتاعتى وانا بفرش الشقه

ما شاء الله يا بنات هوبا وتويتي
حلو اوي السيراميك بجد
بس يعني ايه فاتح وغامق ايه الفكره
قولولي عشان انا الاسبوع الجي هشتري السيراميك عشان ابقي علي نور من الاول

توتى مبروك عليكى يا قمر ربنا يهنيكى بيه سيراميك الحمام تحفه والارضيات رائعه واه يا جميل لسة فيه جزء غامق وجزء فاتح انا لسة مركبة سيراميك الشقة من 3 ايام وعاملة المطبخ تلتين فاتح وتلت غامق والحمد لله جميل ومنور وجايباه الامراء ب 21.5 وعامة فى ناس عاملاه بالطول الفاتح والغامق يعنى وشكله حلو بس عايز صنايعى شاطر انا عن نفسى خفت بصراحة الصنايعى يبوظه فعملت التلت اللى تحت غامق والارض فينوس والحمد لله طلع حلو اوى ب 25 و26
الحمام كليوباترا ب 30
هوبا الف مبروك وربنا يكملك على خير يا قمر وربنا يسهلنا كلنا ويقدرنا على فرشها

ميرسى لكل البنات اللى ردت
كلاسيك انا مش عارفه كلامك موجه ليا ولا لهوبا هههههههههه
انا كنت بفكر اعمل فى المطبخ الغامق فى الاركان بحيث تبقى واحده بالطول واللى تحتها بالعرض فتدى شكل طوب مش عارفه فهمتونى ولا لا ؟

لأ اقصدك انتى يا توتي بس مكسلة اعمل اقتباس

انا للأسف مش لاقيه صور لسيراميك المطبخ

بس مش فاهمة فكرتك اعتقد يا اما تعملي العواميد لو عندك غامق

والباقي فاتح ياما تعملى نص فوق ونص تحت وكده احسن وخلاص

بس لو مطبخك ضيق يبقى بلاش

والمفترض اللى هيعملك يقولك فى كذا وكذا وكذا

totytwety;13091186:
باركولى يا بنات الحمد لله اشتريت السيراميك امبارح وقلت اخد رايكو
ده سيراميك الرسيبشن والاوض مش عارفه ظاهر فى الصوره ولا لا بس هو بيج وفى تجزيعه زى الباركيه كده بس خفيفه

وجبته فرز اول ونوعه الامراء والمتر ب 25 ج ونص وجبته من ترسا







وده سيراميك المطبخ برده الامراء بس فرز تانى ب 19 ونص الفاتح والغامق ب 22 ونص




وده الحمام ونوعه بريما وده ب 27 ج





ده الفاتح



وده الغامق





ايه رايكو؟؟:o
وكنت عايزه اسال هل موضوع نص الحيطه الغامق ونصها الفاتح فى المطبخ لسه موضه اصلى بفكر اعمل الغامق فى الركنات كده ولو حد عنده صور للافكار زى ديه يحطها ربنا يكرمكو

حلويييييييين جدا ما شاء اللهF:

hoba bodyyy;13073143:
يا بنااااااااااااات سؤال مهم اوى اوى دلوقتى انا بعمل سيراميك الحمام وروحت معرض الجوهره وكليوباترا ولقيت ان حاجه كليوباترا تقليديه مووووووووووووووت والجوهره اغلى واحلى ايه رأيكوا اانا فى ناس صحابى كتير قالولى الجوهره احلى واشيك انتوا شايفين ايه وخلوا بالكوا الحمام بتاعى كبييييير يعنى لازم حاجه تنطقه

وكمان انا نزلت شوفت الاسبته اللى بتتحط فى الحمام اللى بنشوفها فى الافلام الاجنبيه دى اللى بتبقى بخشب البامبو وفيها ادراج وتحسى انها ترابيزه بس للحمام المهم انا لقيتها ب 600 جنيه والسبت البامبو برده بس سبت عادى ب 150 جنيه ايه رأيكوا بصراحه انا ما صدقت لقيتهم

لقيتيهم فين اذا سمحتى والعنوان وهل دول بيستحملو بخار الحمام

والاسبته المضفره البلاستيك منين وممكن صورة ليهم

totytwety;13092939:
ميرسى لكل البنات اللى ردت
كلاسيك انا مش عارفه كلامك موجه ليا ولا لهوبا هههههههههه
انا كنت بفكر اعمل فى المطبخ الغامق فى الاركان بحيث تبقى واحده بالطول واللى تحتها بالعرض فتدى شكل طوب مش عارفه فهمتونى ولا لا ؟

قرآنيه;13096503:

جميييييييييييييييل اوى السيراميك بتاعك
مبارك
فرحتلك والله

والفكره اللى بتقولى عليها حلوه

بصى
مش عارفه ليه مش مستزرفه نص فاتح ونص غامق

الموضه دلوقتى الجوانب
او المقلم

بفكر ابقى اعمل فى المطبخه حيطه مقلمه بالسيراميك
اقصه رفيع كدا وارصه بكشل مقلم
او اعلم حيطه كامله بالغامق والباقى فاتح

دى افكار فى دماغى
وبردو شكل البلاطه بيحكم


هى فين الترسا دى

؟؟؟؟؟؟؟؟؟؟؟؟؟؟؟؟؟


وسيراميك الامراء بيتجاب من فين

انا نزلت المعرض الكبيره وبردو مفيش حاجه عجبتنى


الترسا فيها بورسلين
وسعره كام

كل سنه وانتو طيبين اولا
ثانيا ترسا دى فى الهرم وراء كايرو مول
وترسا فيها بورسلين اه شفت وانا بشترى

* كلاسيك *;13093458:
لأ اقصدك انتى يا توتي بس مكسلة اعمل اقتباس

انا للأسف مش لاقيه صور لسيراميك المطبخ

بس مش فاهمة فكرتك اعتقد يا اما تعملي العواميد لو عندك غامق

والباقي فاتح ياما تعملى نص فوق ونص تحت وكده احسن وخلاص

بس لو مطبخك ضيق يبقى بلاش

والمفترض اللى هيعملك يقولك فى كذا وكذا وكذا

totytwety;13092939:
ميرسى لكل البنات اللى ردت
كلاسيك انا مش عارفه كلامك موجه ليا ولا لهوبا هههههههههه
انا كنت بفكر اعمل فى المطبخ الغامق فى الاركان بحيث تبقى واحده بالطول واللى تحتها بالعرض فتدى شكل طوب مش عارفه فهمتونى ولا لا ؟

miss cat;13096915:

هههههههههههههههههههههههه
الصنايعى يقولها فى كذا وكذا وكذا
دانتى طيبة اوووى يايارا
:lol:
يابنتى الراجل كان عاوز يشتغل الحمام عندى كلللللللللله بالسيراميكة البيضا ورامى السيراميكة الحمرا الى هيا المفروض بحاجة وخمسين 58
ويقولى الاحمر وحش ههههههههههههههه
كانة الحمام بتاعة :lol::lol:

عارفة ياتوتى
وانا فى المعرض لقيت الراجل عمال يحسب والسيراميك الغامق كان اغلى بكتير وكمان جايباه رويال
يعنى تلاقى اغلب المطبخ هيكون غامق
والغامق ركزى هتلاقية اصلالالالالالالالالالالا مش بيبان بعد كدة بعد مالمطبخ بيتركب
النص التحتانى كللللللللللللة غامق وبيتقفل خشب اساساااااااااااااااا بتاع المطبخ
يبقى مالوش ريحة اللازمة
وفوق خااااااااااااااالص اصلا مش بيبان اوووووووى والنص بقى هو الى بيبان
روحت قولتلة لالالالالالالالالالا
هاتلى المطبخ العكس كتر الفاتح وهاتلى شوية غامق بس للاركان
:D
وعملت فعلا حركة الطوب فى الاركان لان كمان السيراميكة كانت متقسمة شكل الطوب

روحت قولت لعمو الصنايعى قصدى البيييييييية وطبعا طلع روحى على مافهم عاوزة اية
لدرجة انى اقولة اقسم السيراميكة بالعرض على 3 يقولى ماينفعش لازم بالطول
لحد مخليتة عمالها زى ماهو عاوزة وبعدين قولتلة اعمل بقى الى عاوزاة وفعلا عملة
وطبعااااااااااااااااااااااا كل دة على الارض قبل مايلزق اى حاجة بس بوريلة الحاجات المبدائة
وعملت الاركان كللللللللللللها على شكل طوب غامق عاشق ومعشوق مع الطوب الفاتح
وفوق خاااااااااااااالص عند السقف نزلت بصفين غامق برضوااااااااااااااااا وبس
هحاول انزلك صورتة










بنات
مش عارفة مين الى كانت عاوزة تعمل مطبخها متقفل بالسيراميك
وكنت نزلت صور لتقسيمة المطبخ وانا لسة بصممة
دى صورتة بعد ماخلص بالمستوى الى تحت










هااااااااااااا طبعا ولا حد يقدر يقول ان المطبخ من جوة سيراميك ;)

هنزلكواااااااا المطبخ لما يكمل بقى :D

بجد بجد
ميرسىىىىى جدا لان ده كان تخيلى بالظبطططططططططططط
بس انا كنت عايزه احط السيراميكه من غير ما اكسر منها يعنى واحده كامله بالطول وبعدين واحده كامله بالعرض ايه رايك ؟؟؟
وياريت تدينى صور للحمام كمان عشان افكرله فى افكار هو كمان عشان مش بحب موضوع نص ونص ده خاااالص

ازيكم يابنات بقالى فترة مش بدخل قسم الديكور وحشتونى اووووووووووووى

وكل سنة وانتوا طيبين وعيد سعيد عليكم

عايزة رايكم ضرورى

ااوضة النوم كلها لون واحد وانا كنت عايزة اعمل لون مختلف وراء السرير وخطيبى رررررررررفض:'( والنقاش كمان قالى خلاص معنديش وقت لازم افنش النهارده المهم بقى عايزة افكار حلوة اعملها وراء السرير
وميرسى مقدما

بنات ياريت اللى تعرف نقاش كويس تبعتلى رقمه ع الخاص وياريت يبقى فيه صور من شغله

نوران 85;13071643:
بصوا يا بنات الراجل بتاع السيرميك لما جه يركبلى السيراميك شال البتاعه الهوايه اللى بتبقى جنب السخان ده وقالى انها مش مهمه ومفيش حد بيركبها وبتبوظ منظر الحمام فايه رايكم اخلى بتاع الغاز يركبهالى ثانى ولا هى فعلا مش مهمه .........

لو قدرت انت ترجعيها احسن لان الغاز هيدفعك عليها غرامة مش فاكرة كام بصراحة عشان شليتها وهي أمان ومفيش داعي تشيليها