ملف استفسارات بنات مصر للديكور ( الجزء الثاني )

منى اختارى حيطة مش يكون فيها حاجة طبعا يعنى مثلا زى اللى ساندة عليها السفرة لان النيش و البوفيه هيدارو الشغل خالص
وربنا يسعدك يارب انتى و كل البنات

ويطمنا على كلاسيك

اسراء
والله انا محتارة لان عندى حيطتين هيبقى عليهم ستاير وحيطة نيش بس فى مكان فاضى جنبه لكن فى عمودين والحيطة الرابعة بوفيه وباب عشان كده مش عارفه

بصى ياmonna vision

الحيطة المختلفة مفروض بتبقا مش وراءها حاجة

اختارى الحيطة اللى هتبقا فى الوش وانتى داخلة كدة عشان تكون ظاهرة لو ترسملنا الريسبشن نقدر نفيدك اكثر

يابنات النجار قالى هيعمل المطبخ الخشب ب 5000ج خطيبى مكنش عامل حسابة

النجار قال المتر مكلف 1200ج غالى كدة ولا اية

miss cat;13774741:
[QUOTE=.

احلى درجة هيا درجة الاصفر الحمصى دى بتبقى رووووووووووووعة بجد
لاهيا فاتحة مالهوش لون ولا هيا قاتمة بالعكس بتبقى شيك ومريحة للاعصاب وبتليق على حاجات كتيييييير جدااااااا
برضوا معلش صور على بالليل عشان خارجة قولت ادخل ارد عليكوا فى السريع لحد ماجى باليل

:D

معلش يا جميله باتقل عليكي

ممكن صوره درجه الاصفر الحمصي عشان اعملها في الريسبشن

و قوليلي كمان هيا تليق على النبيتي لاني هاعمل عارضه نبيتي

ربنا يكرمك بقى صوره لدرجه نبيتي تبقى شيك لحيطه الريسبشن

اسفه طلباتي كتير :o:o

مشمشة.;13793533:
بصى ياmonna vision

الحيطة المختلفة مفروض بتبقا مش وراءها حاجة

اختارى الحيطة اللى هتبقا فى الوش وانتى داخلة كدة عشان تكون ظاهرة لو ترسملنا الريسبشن نقدر نفيدك اكثر

يابنات النجار قالى هيعمل المطبخ الخشب ب 5000ج خطيبى مكنش عامل حسابة

النجار قال المتر مكلف 1200ج غالى كدة ولا اية

هى الحيطة اللى فى الوش هى دى ان شاء اللى هيبقى البوفيه عندها وانا راسمة الشقة على الاوتوكاد بس مش عارفه ازاى انزلها هنا
يعنى عادى انها تبقى عندها البوفيه مفيهاش حاجة غلط كده :woo:

بالنسبة لسعر خشب المطبخ حاساه غالى اوى بصراحة انا معرفش اسعار الخشب بس انا عاملة الالوميتال المتر ب 550 تقريبا فمش عارفه الصراحة

te amo;13789817:
مشمشة هى النجفة القلب دى بكام وشوفتيها فين بالظبط عشان عاوزة اجيبها ؟
ده لينك شقة رشا
http://forums.3roos.com/showthread.php?t=579215

شفتها ياقمر فى شارع الكهرباء كتيييييييييييييير اوووى ومش غالية

يعنى 100-150ج بالكثير اوووى

وفى منها محاطاة بخشب ب 75ج تقريبا مش فاكرة المبلغ بالظبط

يا قمرات مصر ممكن لو حد قريب من الجيزة ويعرف بتاع محارة كويس ويكون متجرب يعنى يدينى رقم تليفونة بليز تردوا عليا

انا نفسى اعرف يتزحلقوا اسالتى ليه ههههههههههه هوا انا هوا؟؟؟
ام هند .....انا خطيبى شبطان ف اوضة نوم وانا معرفش امشى ورا كلامه ولا ازحلقه بردو هههههههه فرصة لانه مش هنا وانا ماسكة الميزانية
دول بيتعملوا عمولة ولا جاهز احسن وهما ازاز ولا ايه ده مش فاهماه و عملى وشيك ولا فشنك و الصورة اللى محلياااه







وعاجبة دى تكون فكرة الصالون يكون مفرغ بس كنبة مش ركنية !! هو بيحب الحاجات اللى مش تقليدية و ف نفس الوقت سمبل

بس انا خايفة من ذوقه الشهادة لله ههههههه

بنااااااات ضرورى

الاقى معارض انتريهات حلوة فييين وتكون فى جسر السويس او مصر الجديده او حاجه قريبه من المناطق دى

إزيكم ياقمرات

أولا يارا كويسه
بس ربنا يكون في عونها مزنووقه جدا
وفرحها خلاص قرب قويييي
ربنا يتمملها علي خير
وأنا بإذن الله هكلمها بكره ولا بعده وأسلملها عيكم

مشمشه الحيطه عاجباني مووووت
ماتغيريهاش
إفرحي بالشقه وبلاش تبوظي فرحتك

إسراء
الصالون عاجبني قوي
بس الأوض حلووه
لكن مش عارفه عمليه ولا لأ

القمرايه إللي بتسأل علي أنهي أهم الليفنج ولا السفره
أعتقد السفره ماهو إنتي عندك صالون يبقي كفايه
ولو كان عندك أوضه أطفال حطي فيها كنبه سرير وكرسي هتبقي ليفنج حلوووه جدا وعمليه

عايزه لفي أسأل سؤال يابنات
دلوقتي أنا فرحي بإذن الله في أول شهر سبعه
بس حمايا مسافر وهينزل يوم 1 سبعه ماشي
وطبعا هايرتاح يومين وبعدين هننزل نجيب العفش
السؤال بقي
أستني علي الستاير والسجاجيد وأجيبهم بعد ماأشتري العفش
طب هلحق
هو الستاير بتاخد كام يوم علي ماتتعمل
وأجيب القماش منييين


مواضيعي

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

meramia;13797610:
إزيكم ياقمرات

أولا يارا كويسه
بس ربنا يكون في عونها مزنووقه جدا
وفرحها خلاص قرب قويييي
ربنا يتمملها علي خير
وأنا بإذن الله هكلمها بكره ولا بعده وأسلملها عيكم

مشمشه الحيطه عاجباني مووووت
ماتغيريهاش
إفرحي بالشقه وبلاش تبوظي فرحتك

إسراء
الصالون عاجبني قوي
بس الأوض حلووه
لكن مش عارفه عمليه ولا لأ

القمرايه إللي بتسأل علي أنهي أهم الليفنج ولا السفره
أعتقد السفره ماهو إنتي عندك صالون يبقي كفايه
ولو كان عندك أوضه أطفال حطي فيها كنبه سرير وكرسي هتبقي ليفنج حلوووه جدا وعمليه

عايزه لفي أسأل سؤال يابنات
دلوقتي أنا فرحي بإذن الله في أول شهر سبعه
بس حمايا مسافر وهينزل يوم 1 سبعه ماشي
وطبعا هايرتاح يومين وبعدين هننزل نجيب العفش
السؤال بقي
أستني علي الستاير والسجاجيد وأجيبهم بعد ماأشتري العفش
طب هلحق
هو الستاير بتاخد كام يوم علي ماتتعمل
وأجيب القماش منييين

ل متشتريش سجاد الا بعد العفش والستائر اللى اعرفه تاخد من 10-15 يوم وممكن اقل حسب الصنايعى ومشغول ولا لا وبعدين حاولى تفكرى فى اى حل لان ده هيكون موسم وكله مشغول جدا علشان يلحق قبل رمضان وعلشان كده بقترح عليكى لو عارفه رينج حماك اللى عايز يشترى بيه ومتاكده منه انزلى لفى لوحدك مع اهلك مرة فى دمياط على شهر 6 او اواخر 5 وحددى ايه اللى هيعجبك وعلى اسسه ممكن تشترى الستائر وتبتدى فيها من بدرى علشان الزنقة وطبعا قولى لخطيبك انك هتعملى كده علشان اختصار الوقت واللف
قماش الستائر ممكن الوكالة بس تفاصلى جامد يعنى تنزلى 50% كده ولو عندك الوان تليق على اللى فى برنت شوب يبقى جميل
مواضيعي

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

esraa_ali;13795686:
انا نفسى اعرف يتزحلقوا اسالتى ليه ههههههههههه هوا انا هوا؟؟؟
ام هند .....انا خطيبى شبطان ف اوضة نوم وانا معرفش امشى ورا كلامه ولا ازحلقه بردو هههههههه فرصة لانه مش هنا وانا ماسكة الميزانية
دول بيتعملوا عمولة ولا جاهز احسن وهما ازاز ولا ايه ده مش فاهماه و عملى وشيك ولا فشنك و الصورة اللى محلياااه







وعاجبة دى تكون فكرة الصالون يكون مفرغ بس كنبة مش ركنية !! هو بيحب الحاجات اللى مش تقليدية و ف نفس الوقت سمبل

بس انا خايفة من ذوقه الشهادة لله ههههههه

الصالون رائع رائع F:F:

esraa_ali الصالون رائع فعلا ومختلف

ايه ده ده ذوق خطيبى لقا شعبية هنا جامدة الكل عجبه .............خلاص توكلنا على الله
طيب اوض النوم دى ازاز دى ولا ايه و مكلفة ؟ وحد جربها او شافها ؟ وعملية ولا شكلها ف الحقيقى وحش؟؟

بنات هو الخشب الموسكى لو اتعمل بية المطبخ هيبقا وحش ولا اية

الالوميتال الراجل قالى المتر ي850 حلو كدة ولا غالى
esraa_ali

مش عارفة ياقمر حاسة ان الاوض دى مش عملية بس معرفش بقا تكلفتها تبقا غالية ولا لا

تحفه فعلااا ياريت تحطلنا باقي صورتها
و اما تجيبها او تعمليها وريهالناااااااا

هو الخشمونيوم ده عباره عن ايه؟؟
احسن خشب يتعمل بيه مطبخ اييييييه؟؟

احممممممممممم احممممممممممممم

السلام عليكم ورحمة الله

ازيكم يا بنات وحشتووووووووووووني والله خاصة ان معظمكوا

كان غايب ايام العيد وانا اختفيت بعد العيد على طول

السبب الاول الجهاز اللى معاندني ده وكل شوية يبوظ

مش هاين عليا يصبر شوية وانا هامشي من وشه

تاني سبب انى مشغولة جداً علشان خلاص فاضل ايام

ان شاء الله :)

وبجد الجهاز فعلاً متعب جداً يا بنات مش زي ما انتوا متخيلين

وبجد عايز صبر وطولة بال وراحة نفسية وانا كمان عندي

مشكلة السفر فكنت مرهقة جداً وربنا يستر الايام الجاية

وهحاول اتواجد معاكم قدر الأمكان ان شاء الله F:

انا هرد على شوية حاجات واقولكوا بعدها تقريري

مشمشة.;13743293:

انا هلونها بالدهان

انا عاملة الحيطة اللى جمب الباب بنى وهلونها كريمى لبون باقى الحيطان بس بصراحة خابفة اوووى تطلع مش اد كدة

انا هلف واشوف الجزامات كدة فى الاماكن دة

كلاسيك انتى مش قولتليلى جبتى الشفاط بكاااااام

ان شاء الله تطلع حلوة يا قمر

الشفاط مش عارفه زوجي هيبجيبه ان شاء الله

وابقى اقولك سعره كام

جويرية المسلمة;13744647:


يا ولاد

بقولكوا إية

أنا عاوزة أشكال ترابيزات تليفزيون بسيطة جدااااااا وحلوة

وعايزة آخد رأيكم ف حاجة

أنا عندي أوضة الليفنج

حيطانها بيضا .... أبيض تلجي كدة ..... وسيراميكها عسلي في بني ( بلاطة وبلاطة ) ......... هعمل فيها بإذن الله ركنة رمادي سادة وجيبت ألون الكوشنز على فسدقي سادة ومنقوش .. كريمي ... ولون كدة على ليموني .... كدة يعني ...

المهم أنا ناوية أجيب السجادة والستارة على فسدقي بردة ...... يارب ألاقي

تفتكروا بقى ألون ترابيزة التليفزيون والترابيزة اللي تبع الركنة بإية .... أنا نفسي أعمله اللون الأسود المودرن دة ... تفتكروا هيغمق الأوضة ولا إية ....؟؟؟

ياريت لو حد يجيبلي صورة فيها درجة لون حلوة تليق :)

صحيح ... كلاسيك و hoppa وباقي البنات .... عاملين إية يا ولاد يارب تكونوا كويسين .... معلش أنا بسأل على طول وأجري :D من غير سلام كدة أصلي مزنوووووقة جدا ف المذاكرة علشان الامتحانات الحلوة دية :D

أنا خلصت مادة وبقالي مادة ..... ادعولي أخلص على خيييييييييييير بقى :)

سلام يا ولاد

ازيك يا جوجو ربنا يوفقك يارب

بصي انا حاسه ان في الوان كتير مش ماشية مع بعض

طيب ليه مش دهنتي على بيج او كريمي علشان يليق

مع السيراميك او تغيري الركنه للألوان بنيات !!

عامة مش عارفه الاسود اعتقد هيبقى افضل

فراولة حبيبى;13745246:

هو لو صالة بشقة دور ارضى بدون شباك
ولا بلكونة المفروض نعمل ايه ياحلوووووووووين؟؟؟

لو عندك منور هاتي منشر ده الحل الوحيد اعتقد

فراولة حبيبى;13746481:

والكونسول بيبقى فى منه مودرن ولا كله كلاسيك ؟؟؟؟

لأ في اشكال مودرن زي كده

only712;13756525:
السلام عليكم يا بنات
استشارة سريعة ويا ريت تردوا عليه بسرعة انا ان شاء الله هشترى قماش الستائر بكره
اولا السفرة الحيطة نبيتى والسفرة لونها كافيه وعايزه اعمل الموديل ده اختار الوان ايه


اما الصاون فلونه بادنجانى قطيفة سادة وعايزه اعمل الستارة دى اختار الوان ايه والحيطه فاتحة قوى يعنى افنح حاجه بين الكافيه والموف


وشكرا ليكم كلكم يا ريت تقولولى لون كل جزء يبقى ايهF:F:

ممكن ستارة السفرة تبقى بيج والصالون تبقى درجة افتح

من البتنجاني او روز فاتح لو حابه تدخلى مع الصالون لون تاني

fulla2010;13761160:
ااه صح النجار بقوله ادهن المطبخ بنى ماط يقولى لا مش هينفع عشان فى ماده ممكن تسيح من سخونية المطبخ وكده
روحت قولتله اوكى اعمل اللون الى مدهون بيه فى الكتالوج رااح قاااالى لا هيتوسخ بعد كده من الرطوبه والدخان وكده

روحت قولتله اومال يتعمل اييه ؟!!!

قالى انا هاعمله بنى بيلمع !!يعنى ايه بنى بيلمع وشكله ايه !!مش عااااااااارفه !!!

روحت قولتله لا استنى كده وهاشوف وهاااقولك

ايه راايكم يا بناااااااات

انا عامله مطبخي بني مط والنجار بتاعي ماشاء الله

فاهم ودارس شغله اوي يعني ومش بيشتغل بأيده اصلاً

لأنه مهندس فانتي اعملي اللي انتى عايزاه وسيبك منه

yomizo;13775886:
fulla

ستاير خرز او كريستال ودي بتتعمل عموله بقى





وتبقى محتاجه غرفه سفره او رسيبشن عشان تظهر فيها نعومتها وفي نفس الوقت شيك وبسيطه

مين يا قمر بيعملها عمولة انا مش لاقيه حاجة شيك كده

خاااااااااااااالص في الرويعي

fulla2010;13775804:

طيب قولولى باااااه

انجد القماش بتاع كراسى السفرة اييييييييييه

عايزة لون حلو كده ومودرن

انا بتاعي مضلع لموني غلى زيتي في هافان في اسود

شكله عسول اوي ومودرن جداً

مشمشة.;13776438:
بصو ا يابنات دى حيطة اللى وراء السرير فى اوضة النوم بس مش عاجبنى خالص من ساعة اما شفتها وانا بعيط

وعايزة اغيرها حتى لو على حسابى ارجوكمقولولى رايكم بكل صراحة بس الالوان مش واضحة فى الصورى عشان الاضاءة وكاميرة الموبايل قولولى رايكم فى الشكل







يابنات محدش رد عليا فى موضوع السرة البلاستيك احسن ولا الجبس

وكمان النجف اللى شوفتة فى درب البرابرة واللى عاجبنى فى شوية كريستالات بس بسيط اوووى ولونة فضى يارب تكونوا شوفتوا دة ينفع مودرن ولا لا



ودى واحدة تانية بس مش واضحة خالص

هو اللون مش باين اوي ايه بالظبط بس في المجمل شكله حلو ومظبوطه

ايه مشكلتك معاها ؟



تقريري بقى عن الستاير والنجف


نزلت يوم الاتنين بعد العيد على طول اجيب الستاير

نزلت الاول على بتاع الستاير وسمسم هي اللى قالتلى عليه

( مؤسسة جروب بنات عروس )

وهو موجود ف ارض اللواء او بولاق مش عارفه المهم

بعدها نزلت على برنت شوب اللي في المهندسين في

شارع محي الدين ابو العز التشكيلة العادية كويسة

وعنده حاجات اعلى ممكن تمشي كلاسيك حلوة جداً

بس غالية علشان اجيبها لركنه هتتكلف جامد

وعلى الرغم انى كنت بهرب من اللون البني علشان ابعد

عن التقليدية وحاولت ادور على زيتي في اورانج بس مفيش

للأسف المهم اخترت الحمد لله الاساسي بني خامة كده

مضلعة حلوة اوي واشيك من السادة اللى عنده العادي

والشازلونج بتاع الركنة عملته مضلع الارضية بيج فاتح اوي

والخطوط عريضة عسلي ف تفاحي والكوشنز مشجرة

بس تشجيرة هادية اوي واتنين مضلع واتنين كموني

جبت ستارة البلكونة في الليفنج نفس القماشة المشجرة

والشباك جبتها قماشة من الكوليكشن اللي لونها كموني


علشان اجيب باقى الستاير نزلت الازهر رحت عند واحد اسمه

راتكس ( احمد انور )

المحلين قبل النفق بتاع الغورية بشوية تحت الكوبري العلوي ده

بجد ماشاء الله عليه حاجته حلوة اوى هو غالي شوية

بس عنده تقريباً كل حاجة مودرن وكلاسيك وخامات جديدة

عسولة اوي جبت قماش السفرة نوع غريب كده منقوش

ارضيته بيج ميته زي ما يكون فيها روز والنقشة اسود وبيج

والسفرة قماش نوع من انوع الشانيليا تقريباً عادية مش مقتنعة

بيها اوي بس كنت زهقت جداً لونها على زيتي

وجبت قماش كراسي السفرة على زيتي في لموني في هافان

في اسود او كحلي مش عارفه بس شكله ماشاء الله عسول اوي


وجبت قماش لكرسي التسريحة لونه انديجو

وجبت ستارة اوضة النوم بس في يوم تاني من برنت شوية

خامة خفيفة كده شوية عند بتاعت الركنات منقوشة فيها انديجو وبيج

مرضتش اجيبها شيفون علشان ماضطرش انى اجيب بلاك اوت


مواسير الستاير جبتها من العربي وبجد المحل ده ماشاء الله

خامات واشكال عالية جداً

جبت المواسير سودا والنهايات فرعين شجره

والستاير دي بتتباع بالقطعة وليها مقاسات ستاندرد معينه

يعني من اول متر - 120 - 2 متر - 4 متر

على ما افتكر ومفيش حاجات في النص يعني المقاسات دي بس

وكل قطعة من دول معاها الحوامل بتاعتها والنهايات والحلقان

سواء محتاجاهم ولا لأ يعني بييجوا في علبة زي باكدج كده


النجف جبته من درب البرابرة برضه طبعاً حاجات مش عالية اوي

بس شكلها في المجمل حلو وكلفني كله 1200

نجفة لأوضة النوم اللى بتكون 3 فوانيس مربعة ازاز

والسفرة برضه 3 عليهم من بره ازاز مكسر زي ما يكون فسيفساء

الانتريه نجفة ليها قرصه مدور لونه اسود فيه اشكال هندسيه

وجوه 3 فوانيس بلمبات والصالة جبتلها حاجة زي الفازة كده فخار

علشان مفيهاش قاعدة المطبخ والطرقة حاجات سيمبل برضه


اعتقد ده كل ما يخص الديكور عندي لحد دلوقتي

ادعولي ربنا يتمم باقي الحاجة على خير ان شاء الله

وعقبال كل البنات يارب في اقرب وقت :) F:

والله يا كلاسيك مش قادرة اقولك وحشتينى اد ايه
بصى لو محتاجى اى حاجة انا ف الزقازيق معاكى ...وابقى اعزمينى ع الفرح بقا هههههه
وربنا ياااارب يتمملك على الف خير و تتهنى و ييسرلك امور و منتظرين صور الشقة و اوعى تختفى من عروس تانى ابدا
عايزاكى يوم الصباحية الاقيكى هنا هههههههههههه

ربنا يتتملك بخير يا كلاسيك
والله يهنيكى يارب ويسعد قلبك انتى وكل البنوتات وييسرلنا امور زواجنا كلنا يارب العالمين

ممكن معلش طلب
ممكن تقوليلي محل العربي بتاع المواسير بتاعة الستاير ده فين

بنات اناعاوزة اعرف اواى بتعملوا مخطط للشقة عشان انزل شقتى واخد رايكم فى حاجات
كلاسيك مبروك عليكى حاجتك بس ينفع تصورلنا القماش وتقوليلنا الاسعار
ومعلش ابقى اقراى صفحة 475 عشان تقوليلى رايك
ممكن حد يقولى على اماكن كويسة اشترى منها السيراميك