ملف استفسارات بنات مصر للديكور ( الجزء الثاني )

السلام عليكم ورحمة الله وبركاته
ازيكوا يا يا بنات وحشتوونى
ازيك يا كلاسيك يارب تكونى بخير
دلوقتى يا بنات انا عايزه صالون سيمى مودرن
يعنى لا هو كلاسيك صرف بتفاصيل كتيرررر ولا هو مودرن زى الانتريه كده
ليه بئه
لانى واقعه فى مشكله ظريفه جدا
خطيبى نفسه فى حاجه سيمبل و بسيطه ومريحه فى القاعده وطبعا طبعا طبعا بيفضل الانتريهات المودرن
ماما بئه عايزه فخاااامه ولازم صالون مدهب
عاااااااااااا
انا والله بحب الفخامه والكلاسيك والشياكه بس يكون بسيط فى نفس الوقت وبجد مش عايزه حاجه تاخد مكان كبيرررر
ومعظم الصالونات الحلوة كبيررررره
طبعا مطلوب منى الفتره دى اسايس الامور واعمل نفسي بارده واقنع كلا من الطرفين بالوسط
اقترحت على ماما نجيب كنبة صالون وكرسيين جنبها بس
ونجيب طقم انتريه كامل قالتلى لاااااااا
واللى يدخل شقتك يقول ايه والشقه المفروض تبقى فخمه وما فيش اشيك من الصالونات والكلام ده
وانا بجد سيبت ايدى من موضوع الشقه والله خااااااااااااالص
قولتلها اختارى اللى تختاريه والى انتى عاوزاه انا هسيبك انتى تنقى
طبعا فضلت تراضينى وتقولى لا ودى حاجتك وبتاع
المشكله ان هما اللى هيدفعوا فلوس الصالون فدى فلوسها وانا مش قادره اتناقش فى الموضوع ده تانى
لانى بحاول اسايس الامور يعنى هى لما تكلمنى على الصالون اقولها صح عندك حق وهو حلو
خطيبى يكلمنى على الانتريه بقوله صح عندك حق وهو حلو
وحاسه ان فى مره هيجوا يطقشوا فى بعض وانا فى النص
اهرب انا يعنى ولا اعمل ايه
معلش رغيت كتير
بس عايزه صورة صالونات سيمى مودرن
ده اذا كان فى حاجه اسمها كده اصلا

:|:|

حبيب قلبي حمزة;12092738:
:|:|

السلام عليكم
لو سمحتو طلب حغلس عليكم شوية معلش انا اسفه
انا شوفت غرفة السفرة بتاعت الاوضة دي

في كتالوج وعاوزة صورة ليها من علي النت واضحه عشان النجار عاوزها
الي عنه الصورة غرفة السفرة او يقدر يجبهالي يكسب ثواب فيا يلحقني ارجوكم

عشان مزنوقه اووووي

حبيبتى مفيش صور ظاهره خاصه ب السفر الى ظاهر حجره النوم دى

om eyad&jana;12092905:
حبيبتى مفيش صور ظاهره خاصه ب السفر الى ظاهر حجره النوم دى

ايوا انا عاوزة السفرة بتاعت الغرفة دي انا مش عندي انا شوفتها في كتالوج
وعاوزة صورة السفرة بتاعتها

baata;12092999:

بصي ياقمر اناعندي حاجه شبها شويه لوعجبتك ادعيلي وانا عارفه انتي قصدك ايه بس بدورلك عليها

بارك الله فيكي
جزاكي الله كل الخير
حاولي بالله عليكي انا مستنياكي :|

hoba bodyyy;12087397:
بمناسبه العود الحميد عندى ليكوا خبر حلووووووووووووو خطيبى وماما وافقوا على النيش هييييييييييييييييييييييييه الحمد لله الحمد لله حتى كمان مامتوا واختوا عجبهم اوى قالولى شيك اوى انا وريته اللى هو كله زجاج ده ودخلنا عليه تعديلات برده انا الحمد لله مبسوطه رنا يكرمكم يا بناااااااااات والله انا فرحانه بيكوا اوى :D:):D:):D:):DF:F:F:F:

ما شاء الله ربنا يباركلك فى حاجتك وفى فرحتك وربنا يتمم بخير

wgh_el2mr;12088141:
كنت عاوزة اخد رايكم ف الصالون دا؟؟

هو حلو طبعا بس ممكن يتنفذ بالشكل ده فعلا تفصيل يعنى

Desly;12092326:
السلام عليكم ورحمة الله وبركاته
ازيكوا يا يا بنات وحشتوونى
ازيك يا كلاسيك يارب تكونى بخير
دلوقتى يا بنات انا عايزه صالون سيمى مودرن
يعنى لا هو كلاسيك صرف بتفاصيل كتيرررر ولا هو مودرن زى الانتريه كده
ليه بئه
لانى واقعه فى مشكله ظريفه جدا
خطيبى نفسه فى حاجه سيمبل و بسيطه ومريحه فى القاعده وطبعا طبعا طبعا بيفضل الانتريهات المودرن
ماما بئه عايزه فخاااامه ولازم صالون مدهب
عاااااااااااا
انا والله بحب الفخامه والكلاسيك والشياكه بس يكون بسيط فى نفس الوقت وبجد مش عايزه حاجه تاخد مكان كبيرررر
ومعظم الصالونات الحلوة كبيررررره
طبعا مطلوب منى الفتره دى اسايس الامور واعمل نفسي بارده واقنع كلا من الطرفين بالوسط
اقترحت على ماما نجيب كنبة صالون وكرسيين جنبها بس
ونجيب طقم انتريه كامل قالتلى لاااااااا
واللى يدخل شقتك يقول ايه والشقه المفروض تبقى فخمه وما فيش اشيك من الصالونات والكلام ده
وانا بجد سيبت ايدى من موضوع الشقه والله خااااااااااااالص
قولتلها اختارى اللى تختاريه والى انتى عاوزاه انا هسيبك انتى تنقى
طبعا فضلت تراضينى وتقولى لا ودى حاجتك وبتاع
المشكله ان هما اللى هيدفعوا فلوس الصالون فدى فلوسها وانا مش قادره اتناقش فى الموضوع ده تانى
لانى بحاول اسايس الامور يعنى هى لما تكلمنى على الصالون اقولها صح عندك حق وهو حلو
خطيبى يكلمنى على الانتريه بقوله صح عندك حق وهو حلو
وحاسه ان فى مره هيجوا يطقشوا فى بعض وانا فى النص
اهرب انا يعنى ولا اعمل ايه
معلش رغيت كتير
بس عايزه صورة صالونات سيمى مودرن
ده اذا كان فى حاجه اسمها كده اصلا

شوفتى صالون ماشيماروا فى الصفحة اللى فاتت بجد جميل وجامع بين الكلاسيك والمودرن عشان هو على فضى وشكله فخم شوفيه كده

نانو الشفاط ابو مدخنة حلو عشان بيطلع كل الادخنة بره الشقة اول باول لكن الفلتر لازن بيتغير كل فترة ده اللى انا اعرفه بس انا مش عندى زيه انا عرفت من البنات هنا ويا ريت حد مركبه يقولك بس اللى اعرفه ان الشقة لو على المحارة يبقى بالمرة تعملى فتحة المدخنة

ايه ياجماعه محدش دورلي عليها لسا

بنات حد يعرف اصغر الصورة ازاااى
عايزة اوريكم سيراميك للشقه وتقولولى رايكوا ايييه

نيو لايف جزاكى الله خيرا يا جميل انا معاكى هو فعلا جميل ما شاء الله
هوريه لخطيبى ان شاء الله
اصل عارفه هو عايز حاجه مريحة فى القاعده لان مافيش اوضة لفنج خالص
هى الشقة اوضتين والرسيبشن قطعتين المفروض
ربنا ييسر الحال

newlife;12093070:
نانو الشفاط ابو مدخنة حلو عشان بيطلع كل الادخنة بره الشقة اول باول لكن الفلتر لازن بيتغير كل فترة ده اللى انا اعرفه بس انا مش عندى زيه انا عرفت من البنات هنا ويا ريت حد مركبه يقولك بس اللى اعرفه ان الشقة لو على المحارة يبقى بالمرة تعملى فتحة المدخنة

امممممممم مش عارفه والله يانيو محتاره خالص وياريت لوحد من البنات مركب الشفاط يفدنى
وانا فعلا بقول طالما على المحاره اعمله وخلاص

سورى يا بنات بقالى كام يوم مش بدخل والمنتدى مكنش بيفتح معايا خالص امبارح المهم بالنسيه للقمرايه هوبى الف مبروووووك على الاتفاق الجماعى على النيش انا لسه شايفه الرساله بتاعتك بس الحمد لله الموضوع اتحل من غير ردى ولا حاجه بس حاولى تعملى النيش بضرفتين قزاز كبار ويبقى فى درج واحد تحت كبير بيتهيقلى هيبقى حلو باذن الله قويلى لمامتك ان كل الحاجات الجديده دلوقتى كدا وان دى الموضه وانها بقالها كتير مش بتنزل تشوف عفش علشان كدا هى مش مقتنعه بيه وكلام من دا كدا وربنا يوفقك يا قمرايه
كلاسيكوا تعرفى انا اتبسط قووى لما سالتينى على الدولاب طول عمرى مطلعه عينك وجاه الدووووور ارد جمايك يا قمر ولو انى حاسه انى مش هفيدك قوووى لان الدولاب بتاعلى برضوا مسح وللاسف معدنيش صور ليه لان النجار لما قالى انوا عمل الاوضه بتاعتى دى قبل كدا سالتوا الدولاب كان عامل ازاى و وهيعملى زيه وهو كالتالى لو فاكره السرير هوه فيه سلفر فالدولاب بتاعى هيبقى 3 ضرف جرار اللى فى النص هتبقى مرايه بطول الضرفه والضرفتين اللى على الجناب هيبقى فى نصهم بالعرض خط سلفر عريض فشوفى انتى ايه الفكره او الديكور المميز اللى الديكور اللى فى السرير واعمليه بدل السلفر دا وكدا ويااااااااااارب اكون افدتك اما بالنسبه للانتريه انا فاهمه قصدك لانى كنت بدور على نفس اللى انتى بتدورى عليه و بس للاسف اى حاجه بيقى داخل فيها خشب بتلاقيها قلبت على كلاسيك انا دورت كتير على حاجه تبقى على الاقل مميزه شويه بس للاسف برضوا ملقيتش حاجه مميزه قوووى كلوا زى الانتريهات فجبتوا كلوا منجد عاااااادى من غير خشب بس والله لذيذ انا للاسف معنديش صور ليه بس انا جبتوا من محل اسموا تاتش وود فى مكرم عبيد وهما فرعين للمحل جنب بعض بس عندهم ماشاء الله تشكيله انتريهات لذيذ قووى وكبيره واسعارهم كويس قووى ما شاء الله يعنى انا الانتريه بتاعى كنبه 3 وكنبه 2 و2 فوتيه ب6 ونص والخشب زان والتنجيد عند هابيتات وفيه كمان محل اسموا ديار ليه فرعين واحد عند كوبرى التجنيد والتانى فى عباس العقاد بس اسعارهم عاليه شويه يعنى 10 وانتى طالعه وكمان فى طارق تريد وهو برضوا ليه فرعين واحد عند مستشفى هليوبلس ودا اكبر و فيه حاجات مودرن اكتر من التانى اللى هو فى الشارع اللى فيه جنينه مول وانتى جايه من عباس العقاد على ايدك اليمين بس دا برضو اسعاره بتبقى عاليه شويه لانوا بيحيسب االانتريه بالكنبتين بس وانتى تزودى زى ما انتى عاوزه فوتيهات وكل فوتيه ليه سعره روحى اتفرجى وباذن الله تلاقى حاجات تعجبك ان شاء الله

بنات هو ايه اشيك بالنسبه لباب الحمام الالمونيوم ولا الخشب اصل محتاره خالص مالص بالص
وكالعاده مختلفه مع جوزى فى الموضوع دا هو عايز الالمونيوم وانا طبعا الخشب
انتو ايه رايكم؟؟؟؟؟؟؟؟؟؟؟

البنوته اللى حطة صورة اوضه النوم وعيزة السفرة انا عندى صورة بس مش كاملة اوى بس اهو احسن مما فيش يارب تفيدك

لو سمحتو لو عنده صور لاكسسورات مطابخ ييعنى اللى هى من جوه وكده ياريت يوريهانى عشان اخد منها افكار زى بتاعت ادوات النظافة والازايز والبرطمانات والكلام ده ؟

ra_tamima;12079698:
بصى ياقمر انا عن نفسى هاعمل ان شاءالله اوف ويت لغرفه النوم والحيطه اللى ورا السرير هاعملها ورق حائط ورد احمر كبير وفيه لمعه كده وارضيته اوف ويت بس شكله تحفه شوفته ف الرويعى الرول عملت 280 بس 15 متر ف رايئ ان الاحمر لازم يبقى معاه اوف ويت ابيض مش هايكون حلو اوى يعنى وانزلى الرويعى هاتلاقى حوالى 3 او4 اشكال لورق حائط مودرن انا هاخد من هناك الاحمر وعايزه اروح يوتن اشوف الاشكال
سؤالى بقى ممكن تطمنينى ع الاشكال المودرن والاسعار وياريت بقى عنوان فروع يوتن او اللى انتى روحتيه ياقمر وربنا معاكى:L::L:

انا فعلا روحت العتبه عند الروعى بس كانوا حوالى 4 او 5 محلات بس بتوع ورق الحائط هما دول بس اللى موجودين هناك ولا فى تانى ياريت تقوليلى وفعلا انا شوفت هناك ورق حائط بورده حمرا وفيها جليتر شويه عجبنى بس الراجل قالى انوا خلصان من كل المحلات ولاقيت دا بس مش عجبنى قووى



اما بالنسبه ليوتن عندوا حاجات جاااااااااااااااااااااااامدا جدااااااااااااااااااا بس طبعا اسعاره عاليه يعنى من 160 لحد 250 للرول والرول دا عباره عن 5 متر مربع ودى صور لاشكال من هناك هتلاقى كلها تقريبا لون واحد لان دا اللى كنت بدور عليه بس فى اشكال تانى كتييييير والوان اكتررر وخاصه الاحمر فى اوف وايت كتير قوى واشكال تجنن والموفات تحفه والتركواز هتتهبلى والفرع دا فى مدينه نصر قدام دار الدفاع الجوى الناحيه التانيه جنب برينت شوب وديفانوا بتاع الاثاث







ودا بصراحه هو اكتر واحد حاسه انوا هيليق عندى لانى عاوزه اعمل حيطه حمرا ساده بنفس لون باقى الحيطان ابيض مش اوف وايت (لان الاحمر مع الاوف وايت بقى منتشر قووى فانا عاوزه اعملوا بطريقه مختلفه خاصه ان السراميك عندى ابيض فى تمويجه جراى هاديه والنتريه جراى )مع حيطه من الورق دا ايييييييييه رايكوا
هو مش واضح قووى بس الخطوط دى سلفر والراجل اللى هناك قالى ان بيبقى فى خطين سلفر كمان على حرف الورق



اوضه النوم عاوزه اعملها نفس الون دا وكمان الخطين دول ايه رايكوا

بنات انا رحت النهارده يوتن اشوف ورق الحائط لقيت فيه رول 5 متر ب275 واشكاله والوانه بصراحه تهبل

ولقيت نوع تانى الساده منه ب180 ال5 متر برضه والمقلم والمشجر بتاعه ب225 برضه تحفه

والاستيكر بتاع الاطفال ال5 متر ب15 جنيه وشكل الراجل بقواله دى اسعار نهائيه قالى بس لما تيجى تشترى يعنى ممكن ينزل فيهم وهو مقاسه 53 سم ببس مش فاهمه هتتحسب ازاى ودا فى اسكندريه عندنا لبنات اسكندريه فى يوتن اللى فى فيكتوريا

dr.doby;12093393:

البنوته اللى حطة صورة اوضه النوم وعيزة السفرة انا عندى صورة بس مش كاملة اوى بس اهو احسن مما فيش يارب تفيدك

ميس كات يا قمرا مافيش جديد في موضوع تشطيب الشقة فاكرة ال 160 متر على المحارة و و الحلوق يعملوا تشطيب أد إيه يا قمراية