ملف استفسارات بنات مصر للديكور ( الجزء الثاني )

wgh_el2mr;12075744:
بصى يا بنتى
انا عندى نفس المشكلة كدا
وكنت برضه بدور على حل ليها هنا بس ف الجزء الاول

وكنت بحاول ادور على حاجة ترضيها
وكل اما اجيب حاجة وتعجبنى وتعجب خطيبى متعجبهاش
لاها عاوزة حاجة ضخمة زى والدتك كدا
لدرجة انها افتكرت ان خطيبى بيسترخص

انا كان ممكن اقول هى شقتى انا وخطيبى ومش مهم راى حد تانى لاننا هنعيش فيها
بس بامانة ماهناش عليها اكسر فرحتها خصوصا انى اول فرحتها
ولقيت نيش عجبها
بعد لف طويييييييييييييييييل
حتى يارا تعبت معايا جدا
وزهقتها معايا ربنا يكرمها

بس المشكلة ان اليش لوحدة الراجل قال هيتكلف 4 وشوية طبعا انا تنحت

واصلا لسه مش استقرينا على شكل السفرة نفسها
وبحاول ادور على حاجة تانية ابسط

بس نصيحتى يا بنتى
حاولى ترضيها مهما حصل
وممكن اوريكى صورة النيش يمك تعجبها لو حبيتى

والله انا لما لقيتها مش راضيه عليه مقولتش لخطيبى اصلا عليه علشان لو عجبه كان راح عملهولى علشان انا عملت كده فى المطبخ عجبنى فاراح عملهولى كله وفجانى والله وكانت احللى مفجأه بس انا برده مش عايزه اعمل حاجه مكلفه اوى كده يعنى اذا كان السفره لوحدها 6000 فا لو النيش ب 2000 والله هعمله بس يعجب الطرفين .

ابعتيلى يا قمر صوره النيش علشان اشوفه ويارب يعجبهم هما ال 2 علشان احنا بدل ما كنا هنعمل السفره اخر حاجه هنعملها الشهر اللى جاى فى 6 مع اوضه النوم علشان عند نجار واحد :(

ميااااااده;12075604:
بنات محتاجه نصيحتكم اوووووووى هو البياض بيتبيض الاول ولا اجيب الانتريه الاول لانى محتاره اووووووى

ميرسى يا قمر على ردك بس انا والله مش هاين عليا انا اصلى الكبيره واول فرحتها ومش هاين عليا اعمل حاجه فى شقتى مترضاش عنها وبرضه مش عايزه اجى عليه علشان ربنا يباركلى فيها الجوازه

بالنسبه لموضوع البياض ده ملوش علاقه بانك تجيبى العفش او تبيضى انا عملت عفشى كله وعلى اساس العفش والوانه هبيض هو ده الصح لان انا جايبه الانترى جرى كله والخدديات اللى فى الضهر سكرى والصغيره اورانج فا علشان كده هبيض حيطه اورانج ودى هتبقى ورا التليفزيون وباقى الحيطه لون سن الفيل او لون اوف وايت كده علشان ينطق الطقم وطبعا بعد كده الستاير اخر حاجه هى والسجاجيد يارب اكون افادتك يا ميوده:)

اقتباس المشاركة الأساسية كتبها miss cat

داندون انا مامتى بتشطب شقتها الايام دى بس هيا مساحتها 170 متر بصى بنشطبها سووووبر لوكس هسالك على الاسعار كدة وهرد عليكى بس انتى عاوزة التشطيب بس وهو على المحارة ولا الطوب الاحمر لانها هتفرق كتييييير وكمان التشطيب بلابواب والشبابيك بالنجارة والسباكة والكهربا ولا تقصدى تشطيب تركيب سيراميك والبياض وبس

هيا على المحارة و الحلوق الخشب متركبة و اعتقد فيها المواسير اللي بتتركب فيها سلوك الكهرباء انما الباقي كله لسه فكنت عايزة أعرف تاخدلها سعر اد إيه و هل في نظام دفعات او تقسيط او كده يعني


ممكن حد يعبرني و يرد عليا يا قمرات

hoba bodyyy;12076419:
ميرسى يا قمر على ردك بس انا والله مش هاين عليا انا اصلى الكبيره واول فرحتها ومش هاين عليا اعمل حاجه فى شقتى مترضاش عنها وبرضه مش عايزه اجى عليه علشان ربنا يباركلى فيها الجوازه

بالنسبه لموضوع البياض ده ملوش علاقه بانك تجيبى العفش او تبيضى انا عملت عفشى كله وعلى اساس العفش والوانه هبيض هو ده الصح لان انا جايبه الانترى جرى كله والخدديات اللى فى الضهر سكرى والصغيره اورانج فا علشان كده هبيض حيطه اورانج ودى هتبقى ورا التليفزيون وباقى الحيطه لون سن الفيل او لون اوف وايت كده علشان ينطق الطقم وطبعا بعد كده الستاير اخر حاجه هى والسجاجيد يارب اكون افادتك يا ميوده:)

بصي يا قمر انا مقولتش انك تختارى حاجه هى مش رضيه بس انتى اختارى انتى وخطيبك وقوليلها انه عجبك اوى مش معقول هى حاجه هتكون عجباكى وهى هتقول لا وحشه اصل
انا عند والدتى سيبانى برحتى خالص في اختيار الحاجه وكمان ياحبيبتى لو السفره عليكم كانت من حقها تختار بس المشكله دى على العريس وكمان هى لو قالت قدامه على اى حاجه تختاروها دى وحشه ممكن يفتكر ان ده تدخل المهم حولى متزعلهاش بس اختارى حاجه تعجبك وتعجبها وتعجب خطيبك وخدى لفه في السوق تانى وعارفه علشان كده والدتى اى حاجه على خطيبى مش بتتكلم فيها سواء بكتير ولا قليل ااو كبيره ولا صغيره بتقولى براحتهم يجيبوا اليه يجبوه


المهم
كده انا لازم اختار العفش الاول قبل ما الشقه تدهن طب ده المفروض هما هيبيضه الشهر الجاى انا بجد مش عارفه اعمل ايه مش معقول اقولهم ميبيضوش الشقه الا لما العفش يتجاب

بصى يا جميل
دى صورة النيش اللى قولتلك عليه

طبعا اكيد كنت هدخل عليه شوية تعديلات لان دا سهل جدا يجيب بعضه وينزل لانه كل ازاز




كنت ناوية اعمل ضهرة خشب عادى واحط فيه مرايا
واقلل عدد الارفف شوية عشان يستحمل واوسع بينها


وياريت تحطيلى صورة السفرة اللى هتعمليها
ومعلش سؤال بايخ هم ال 6000 دول السفرة نفسها بالكراسى ولا معاها بوفيه؟؟

بطه مشمشه;12073498:
ربنا ييسرلك الحال ويريح بالك يا رب
بصي يا ايمي نصيحه عدي ومتخليش حاجه تعكنن عليكي انا مخترتش ستايري ولا عفشي والؤتي بعمل ستاير جديده اصلها مش اخر الدنيا مع انهم متعلقوش الاشهرين فكبري دماغك وكله عيبقي زي منتي عاوزه
بالنسبه للكمودينو انا حطه اباجوره وشويه دباديب صغيره ومنبه تويتي اصله كبير شويه
روقي يا قمر

اصلى عارفه اللى مش هيتعمل دلوقتى يبقى مش هيتعمل بعدين
حمايه مدخل نفسه فى كل حاجه

* كلاسيك *;12074889:

زي ما بطه قالتلك ان شاء الله لما تبقى ف بيتك يا ايمي

ابقى ظبطي اللى انتى عايزاه معلش يا حبيبتي هتعملي ايه بس F:

وبالنسبة للكومودينو حطي منبه او تابلوه اطفال

ربنا يابنتي يهديكي ويفرح قلبك :L:

فعلا هعمل ايه !!
انت اكتر واحده عارفه اللى بيه

medowawa;12075131:
ايمي معلش انا متابعه القصه دي من الاول وقلتلك ماينفعش كدى
لان كدى حتتعبي معاه لو هو اصر ام مالكيش راي في بيتك انا مش بوقع والله بس مش عاوزاكي تتعبي
بس لو هو الموضوع ده بتاع الستاير عديه لو هو كدى في كزا حاجه معلش مهما كان لازم تشوفي الموضوع بشكل عام ده مش جوازه والسلام لا ده عمر عارفه يعني ايه عمر


عموما الكوميدينو في حاجه عياره عن ويني عارفاه الدب ده في بطنه كدى ساعه وهو بينور اباجوره وعل الجنب تليفون
حلو ده فشوفيه كدى
وممكن تحفه شخصيه كارتون ماسكه برواز شيك ومعاها تليفون روش جنبها او منبه عسول
ربنا يعينك يا جميل ويوفقك

هو فى كل حاجه كده
انا مخترتش فى شقتى حاجه خالص غير السفره كل حاجه حمايه اللى يروح يجبها ويعملها
ويتفق مع الناس ومش بيخدو رأى فى اى حاجه
غير لما القى حماتى تقولى داحنا اتفقنا مع كذا علشان ييجى يعمل فى الشقه
اقول لاحمد انت مقولتليش ليه يقولى عادى فيها ايه يعنى
انا مش هعمل حاجه وحشه

newlife;12075705:

الكومودينو تحطى عليه اباجورة او ساعة طفوليه مع شخصيات كرتونية او دباديب فرو مع منبه
وربنا يصلح ليكى الاحوال حاولى تشوفى اللى عمله خطيبك وتقوليله انا عاوزة اختار شقتى لو سمحت

والله زهقت من كلمه لو سمحت من فضلك عايزه اختارى حاجتى اللى محدش غيرى هيستعملها ولا هيقعد عليها

لولو احمد;12076280:
بصى ياجميل خلى الامور عادى وماتعتيبهوش وان شاء الله هيطلع الانتريه احسن ماكنتى هتختاريه ولانك شكلك بتحبيه يبقى اكيد زوقه هيعجبك حتى لو ايه وان شاء الله ربنا ييسرلك الحال واعزريه اكيد بيحبك وعايز يخلص بسرعه علشان تنورى حياته واكيد عارف انك هتاخدى وقت على ماتختارى وهوه نفسه تكونى معاه فى اسرع وقت اكيد هوه ده اللى فكر فيه وربنا يوفقك والف مبروك مقدما

ماهو كده كده بيعمل يا لولو مش هيحصله حاجه لو اخد رأى

hoba bodyyy;12075350:
يا قمر انا الانترى بتاعى شوفته فى in&out بس كان ب 21000 جنيه مش عارفه ليه بصراحه :) ووبعد كده اخدت الصوره وروحت للنجار بتاعنا عملهولى كله ب 6000 جنيه :D وبصراحه انا بحس ان الناس دى بتطلب فى الحاجه مبالغ بس لمجرد اسم المحل مش حاجه تانيه انا شايفه انك تروحى لحد يعمله عموله يا قمر وانتى و مزاجك ;)

ممكن توريني صورة الانتريه يا قمر ؟

hoba bodyyy;12076389:
انا برده مش عايزه اعمل حاجه مكلفه اوى كده يعنى اذا كان السفره لوحدها 6000 فا لو النيش ب 2000 والله هعمله بس يعجب الطرفين .

والله انا زيك يابنتي بس توكلت على الله واخترت اللى انا عايزاه

انتى فهميها بالعقل ان اصلاً الفكرة مش الكبير والصغير الفكرة ف المساحة

لأن دي اللى هتحكمك اصلاً ف الاول والآخر يابنتي بغض النظر عن اى اعتبارات تانية

والحل انك تختاري اي شكل سيمبل عاجبك وتكبريه شوية يعني ممكن

تعمليها 150 اعتقد اكبر من كده هيبقى اوفر

ميااااااده;12078023:

المهم
كده انا لازم اختار العفش الاول قبل ما الشقه تدهن طب ده المفروض هما هيبيضه الشهر الجاى انا بجد مش عارفه اعمل ايه مش معقول اقولهم ميبيضوش الشقه الا لما العفش يتجاب

بصي مادام خلاص لازم هيبيضوا والعفش هيتأخر انتى اعملي الالوان

اللى انتى حباها يعني اوضة النوم مفيهاش اختار الوان يعني معظم

الالوان بتليق معاها فاختاري اللون اللى ترتاحيله

السفرة برضه كده يبقى فاضل عندك الصالون او الانتريه و الليفنج

او غرفه الاطفال

الانتريه اختاري الوان سهله يعني سهل انك تلاقي حاجات تمشي معاها

زي التفاحي او الموف او المشمشي او الجراي

لأن دي الوان الانتريهات اللى طالعه اما لو صالون عندك نبيتي

او مشمشي برضه او عسلي او بستاج او درجاتهم لأن معظم الصالونات

قماشاتها على دهبي او زيتي او نبيتي

الليفنج برضه طالع الالوان الفاقعه الفوشيات والموفات والحاجات دي

ياما تعملي كله اوف وايت ولما تجيبي تبقى تدهني حيطه مخالفه

وده اسهل حل

بصى يا بنتى
اولا وقبل اى حاجة صلى استخااااااارة بدل المرة الف

بس نصيحة يا بنتى اقعدى اتكلمى معاه بصراحة متاهية بس من غير غلط
مش تكلميه باسلوب وحش او تهينيه خصوصا ف رجولته

فهمانى؟
بس قوليله كل اللى جواكى واللى بيدور جواكى
دى حياة كاملة اصل اللى بيحصل دا يقلق فعلا
لان تبقى كارثة لو هتكون دى حياتكوا سوا بعد كدا
ويكون باباه هو المتصرف الاول والاخير
خصوصا لو هتعيشوا مع اهله ف نفس البيت

وبرضه صعب ان الحياة تبقى ماشية برايه هو من غير مشاكرة ايعم الرجال قوامون على النساء وان طاعة الزوج واجبه
كلدا على عينى وعلى راسى
بس برضه لازم الواحدة تحس ان هى فعلا شريكة زوجها

فانتى اتكلمى معاه وقوليله كل اللى جواكى بصراحة
ومش بقولك قوليله انك عاوزة تختارى او لا ولا تقوليليه لو سمحت وكدا
اتى اعرضى المشكلة بجد
ولو قالك مش هعمل حاجة وحشة
قوليله انك عارفة دا وانك واثقة ف زوقه وكدا بس محتاجة تختاروا كل حاجة سوا احا هنعيش فيها سوا
واهلك على عينى وراسى بس راينا احنا الاول
وكلام زى دا
انتى المفروض عارفة طريقته
وشوفى تفكيره واتكلمى معاه
على حسب رده وقبلها صلاة الاستخارة تقررى هتعلمى ايه
بس لو هيفضل كدا يبقى استخيرى ربنا وسيبيه
لان تدخل الاهل وحش جدا

سؤال للمخالفة بقى
حد عنده صور ركنة كويسة
واسعار الصالونات الكويسة ف حدود كام؟
وكذلك الركنة والسفرة؟

yoyo butterfly;12069444:
بناااااااااااااااااااااااات نداء عاجل وطلب استغاسه ومحتاجه ردود سريعه واراراء حاااااااسمه وياريت بالصور
عاوزه اخد رايكوا فى الدهانات اللى عاوزه اعملها علشان باذن الله النقاش هيجى على اول الاسبوع علشان يعمل الشقه اولا انا السراميك عندى ابيض فى تمويجه رمادى هااااااديه خااالص انا عاوزه اعمل الوان الريسبشن اللى هو الصاله ومفتوح عليها اوضه الصالون احمر فى ابيض وعاوزه حيطه منهم احمر ساده ودى اللى لما تدخل الصالون فى الوش وعليها شباك وهيبقى عليها ستاره بس مع على كل الحيطه هتبقى فى نص الحيطه والحيطه المواجه ليها فى الصاله عاوزه اعملها ورق حائط احمر ومعاه سلفر او جراى علشان كمان الانتريه بتاعى جراى ولا انتوا ايه رايكوا اما اوضه النوم بقى عاوزه اعملها موف مش عارفه هنقدر نعملها ورق حائط ولا لا علشان لما روحت يوتن الاسعار كانت هناك 250 لل رول والحيط مكن تاخد 3 او 4 لان الحيطه اللى ورا السرير كبيره فكده مش هينفع اعمل ورق حائط ممكن اعمل فيها فكره اييه بقى وخاااصه ان اوضه النوم سمبل قووووووووى وعاوزه حاجه تدى شكل شويه فى الحيطه اللى ورا السرير كدا وباقى الحيطان اعملها لون ايه بقى برضوا ابيض ولا ايه لان اوضه النوم فيها سلفر برضوا هيبقى فاضل لنا اوضه اليفنج ودى فيها ركنه و ترابيزه تلفزيون مودرن انا نفسى قووى اعملها فوشيا بس للاسف الشاب عندى على راى كلاسيكوا القمر هههههه مش مواااااااااااافق على اللون دا خااالص :(:(وبرضوا عاوزه اعملها مع ابيض علشان يبقى فى حاجه رابطه الشقه كلها مع بعض ولا ايه رايكوا وادونى اقتراحات لالوان اليفنج مع العلم انى لسه مش جبت قماش الركنه محتااااااااجه اراء كتيييييييييييير كل واحد تدخل لازم تدينى رايها وبسرعه بلييييييييييييييز

بصى ياقمر انا عن نفسى هاعمل ان شاءالله اوف ويت لغرفه النوم والحيطه اللى ورا السرير هاعملها ورق حائط ورد احمر كبير وفيه لمعه كده وارضيته اوف ويت بس شكله تحفه شوفته ف الرويعى الرول عملت 280 بس 15 متر ف رايئ ان الاحمر لازم يبقى معاه اوف ويت ابيض مش هايكون حلو اوى يعنى وانزلى الرويعى هاتلاقى حوالى 3 او4 اشكال لورق حائط مودرن انا هاخد من هناك الاحمر وعايزه اروح يوتن اشوف الاشكال
سؤالى بقى ممكن تطمنينى ع الاشكال المودرن والاسعار وياريت بقى عنوان فروع يوتن او اللى انتى روحتيه ياقمر وربنا معاكى:L::L:

ميااااااده;12078023:
بصي يا قمر انا مقولتش انك تختارى حاجه هى مش رضيه بس انتى اختارى انتى وخطيبك وقوليلها انه عجبك اوى مش معقول هى حاجه هتكون عجباكى وهى هتقول لا وحشه اصل
انا عند والدتى سيبانى برحتى خالص في اختيار الحاجه وكمان ياحبيبتى لو السفره عليكم كانت من حقها تختار بس المشكله دى على العريس وكمان هى لو قالت قدامه على اى حاجه تختاروها دى وحشه ممكن يفتكر ان ده تدخل المهم حولى متزعلهاش بس اختارى حاجه تعجبك وتعجبها وتعجب خطيبك وخدى لفه في السوق تانى وعارفه علشان كده والدتى اى حاجه على خطيبى مش بتتكلم فيها سواء بكتير ولا قليل ااو كبيره ولا صغيره بتقولى براحتهم يجيبوا اليه يجبوه


المهم
كده انا لازم اختار العفش الاول قبل ما الشقه تدهن طب ده المفروض هما هيبيضه الشهر الجاى انا بجد مش عارفه اعمل ايه مش معقول اقولهم ميبيضوش الشقه الا لما العفش يتجاب

ربنا يخليكى يا قمر


بصى موضوع البياض ده مش عارفه والله بس المفروض العفش قبل البياض علشان ده اللى بيحكمك علشان انتى لو بيضتى انتى كده هتبقى محكومه فى لون العفش يا اما هتجيبيه كله لون واحد وحاولى كده تظبطى العفش فى الفتره دى

wgh_el2mr;12078170:
بصى يا جميل
دى صورة النيش اللى قولتلك عليه

طبعا اكيد كنت هدخل عليه شوية تعديلات لان دا سهل جدا يجيب بعضه وينزل لانه كل ازاز




كنت ناوية اعمل ضهرة خشب عادى واحط فيه مرايا
واقلل عدد الارفف شوية عشان يستحمل واوسع بينها


وياريت تحطيلى صورة السفرة اللى هتعمليها
ومعلش سؤال بايخ هم ال 6000 دول السفرة نفسها بالكراسى ولا معاها بوفيه؟؟

والله يا قمر النيش حلو ما شاء الله هوريه لماما وخطيبى برده وال 6000 دول السفره بالكراسى بس والدهان والخشب انا مفيش عندى مكان للبوفيه وهحطلك صوره السفره

http://forums.3roos.com/attachment.php?attachmentid=112323&stc=1&d=1273935236

[QUOTE=* كلاسيك *;12078899]ممكن توريني صورة الانتريه يا قمر ؟





والله انا زيك يابنتي بس توكلت على الله واخترت اللى انا عايزاه

انتى فهميها بالعقل ان اصلاً الفكرة مش الكبير والصغير الفكرة ف المساحة

لأن دي اللى هتحكمك اصلاً ف الاول والآخر يابنتي بغض النظر عن اى اعتبارات تانية

والحل انك تختاري اي شكل سيمبل عاجبك وتكبريه شوية يعني ممكن

تعمليها 150 اعتقد اكبر من كده هيبقى اوفر




بصى يا قمر دى صوره الانتريه والترابيزات اللى فيه دى بردوا انا هعملها بس من غير التربيزه اللى فوق التليفزيون يعنىهعمل اللى على الارض واللى التليفزيون عليها

http://forums.3roos.com/attachment.php?attachmentid=112324&stc=1&d=1273935509



والله يا يارا المشكله ان ماما لما بتبص للحاجه مش بتعجببها ومش بتتخيل شكلها لو كبرت ربنا يسهل كده واوريها بتاعك وبتاع وجه القمر

تسلمي يا قمر

الانتريه شيك ماشاء الله بس المشكلة انى مش عايزة انتريه مكسي

عايزاه يكون في جزء خشب علشان يستحمل مش عارفه اعمل ايه

يعنى انتى يا كلاسيك
عاوزة تغيرى ف دا
ولا عاوزة استايل مختلف؟؟؟؟؟؟؟

مانا عارفه انه هو كدى وانت قلت في كل حاجه ويعني ايه مش حيعمل حاجه وحشه ماهو ده بيتك وانت لازم تنقيه لو زوقك وحش اهه بيتك وعاجبك
يا ايمي طريقته دي حتتعبك لان ده جواز مش لعب لو كل حاجه مشى فيها كدى وانا رايي كويس وانت مانقتيش حاجه وايه المشكله حتتعبي
لان في عيال وفي بيت واستقرار ولازم في مناقشه واخد راي
والمركب اللي بيسوقها واحد بتغرق لازم 2ومتشاركين
مالكيش دعوه باهلك ماحدش حينفعك لما تتطلقي وماتقوليش مش حيحصل لا ممكن جدا بالاسلوب ده يخوف بصراحه ,,القوامه يعني يقوم على مصاريف مراته ويعتني بيها مش قوامه يعني يؤمرك وكلامه اوامر وهو افضل منك وحاضر ونعم وماتنطقيش ربنا ماقلش كدى
ده ربنا نصف الست وقال له انت تقوم على شؤونها بشغلك وفلوسك وجسدك اللي اقوى منها تحميها وتحفظها
في ناس بتفسر الكلام على مزاجها والدين زي ماهي عاوزه
انت مش بتتجوزيه هو.لا وبتعاشري اهله كمان ولو هم وهو طريقتهم كدى واعتبروكي هامشيه ومالكيش راي حتفضلي كدى علطول
دي حياتك انت يا ايمي ماحدش تاني حيعيشها
وسؤال المخالفه
الشفاطات اللي بهرم او بمدخنه بكام

medowawa;12081767:
مانا عارفه انه هو كدى وانت قلت في كل حاجه ويعني ايه مش حيعمل حاجه وحشه ماهو ده بيتك وانت لازم تنقيه لو زوقك وحش اهه بيتك وعاجبك
يا ايمي طريقته دي حتتعبك لان ده جواز مش لعب لو كل حاجه مشى فيها كدى وانا رايي كويس وانت مانقتيش حاجه وايه المشكله حتتعبي
لان في عيال وفي بيت واستقرار ولازم في مناقشه واخد راي
والمركب اللي بيسوقها واحد بتغرق لازم 2ومتشاركين
مالكيش دعوه باهلك ماحدش حينفعك لما تتطلقي وماتقوليش مش حيحصل لا ممكن جدا بالاسلوب ده يخوف بصراحه ,,القوامه يعني يقوم على مصاريف مراته ويعتني بيها مش قوامه يعني يؤمرك وكلامه اوامر وهو افضل منك وحاضر ونعم وماتنطقيش ربنا ماقلش كدى
ده ربنا نصف الست وقال له انت تقوم على شؤونها بشغلك وفلوسك وجسدك اللي اقوى منها تحميها وتحفظها
في ناس بتفسر الكلام على مزاجها والدين زي ماهي عاوزه
انت مش بتتجوزيه هو.لا وبتعاشري اهله كمان ولو هم وهو طريقتهم كدى واعتبروكي هامشيه ومالكيش راي حتفضلي كدى علطول
دي حياتك انت يا ايمي ماحدش تاني حيعيشها
وسؤال المخالفه
الشفاطات اللي بهرم او بمدخنه بكام

انا كنت عاوزة اقولك ياايمي نفس الكلام اللي بتقوله ميدواوا
مش تروحي تخربيها يعني .. بس خدي موقف وقولي ان ده حقك
حرام يابنتي المفروض انتي عروسه وتختاري حاجاتك علي ذوقك .. ده بيتك اللي هتعيشي فيه بعد كده علطول
لو حاجه طلعت مش علي ذوقك هتفضلي علطول كل ماتبصيلها تتخنقي
مبنفعش لازم تاخدي موقف وتقولي ان ده حقك ومتبقيش سلبيه
ربنا يهديلك الحال يااربF:

بنات
انا ف دماغي اني افصل
بس انا خوافه وقلوقه اوووووي
خايفه اتفق مع نجار علي حاجه متطلعش زي مانا عاوزه
في نفس الوقت خايفه انزل الف علي جاهز ملاقيش حاجه تعجبني .. خصووووصا الانتريه عقدة حياتي :(
اعمل ايه .. لو هنزل اخد فكرة عن الجاهز قبل مااقرر يعني انزل اتفرج فين؟

* كلاسيك *;12081216:
تسلمي يا قمر

الانتريه شيك ماشاء الله بس المشكلة انى مش عايزة انتريه مكسي

عايزاه يكون في جزء خشب علشان يستحمل مش عارفه اعمل ايه

بصى دول كده يا يارا


http://forums.3roos.com/attachment.php?attachmentid=112338&stc=1&d=1273950896

http://forums.3roos.com/attachment.php?attachmentid=112339&stc=1&d=1273950896

http://forums.3roos.com/attachment.php?attachmentid=112340&stc=1&d=1273950896



فى مشكله تانيه بقى غير النيش ان خطيبى من النوع اللى مش بيحب حد يقوله اعمل ومتعملش غيرى يعنى انا وهو بس اللى نحط لمساتنا فى الشقه فا ماما لما بتقوله حاجه بيحس ان هى بتقوله امر فا انا فهمته ان هى مش قصدها قالى والله انا فاهم بس انا متربى ان كل واحد بيعمل اللى يريحه محدش بيدخل فى حياته المهم بقه ماما كانت قالتله على تقفيله تحت الحوض وهو كان هيعملها بس ماما قالتله عليها كذا مره فا قالى على فكره انا مش هعملها فا طبعا انتوا متخيلين الشكل فا مش عارفه اقنعه يعملها ازاى اصله دماغه ناشفه

معلش يابنات ليا تعليق بس على كلامكو
انا متفقة معاكم ف كل كلامكم الا حاجة واحدة
حكاية الطاعة
الست مأمورة انها تطيع جوزها وفيه احاديث بتقول كدا
ودا مفيش فيه جدال
وطبعا فيه حديث فيما معناه ان ربنا سبحانه وتعالى لو امر حد يسجد لحد غيره هيأمر الست تسجد لزوجها
ودا اكيد مش اقلال من قيمتها
وانما عشان نفهم يعنى ايه علاقة زوجية
ولازم الزوج يفهم ان القوامة مش تحكيم رأى وسلطة وانا الراجل وانا اللى بفهم
القوامة كانت من قوته وضعفها ليه
وانه يكون المسئول عنها وعن كل حاجة تخصها ويصرف عليها
يعنى الأفضل ان كل واحد يبقى عارف حقوقه وواجباته
والافضل ان كل واحد يراعى ربنا ف التانى
ولو واحد من التانى بعد عن منهج ربنا التانى يحاول ينصحه ويفهمه ويكلمه بالحسنى ويصبر عليه
ولو منفعش ياما الزوجة تصبر وتحتسب
ياما تسريح باحسان

wgh_el2mr;12081608:
يعنى انتى يا كلاسيك
عاوزة تغيرى ف دا
ولا عاوزة استايل مختلف؟؟؟؟؟؟؟

لأ انا عايزة ستايل مودرن بس يكون فيه خشب ومتنجد فهماني

زي الانتريهات العادية شوية بس سيمبل بقى

علشان يستحمل شوية ويبقى فخم للضيوف دي الفكرة

انما لو ملقتش عليا وعلى الاستايلات دي بقى هاعمل ايه

hoba bodyyy;12082011:
بصى دول كده يا يارا


http://forums.3roos.com/attachment.php?attachmentid=112338&stc=1&d=1273950896

http://forums.3roos.com/attachment.php?attachmentid=112339&stc=1&d=1273950896

http://forums.3roos.com/attachment.php?attachmentid=112340&stc=1&d=1273950896



فى مشكله تانيه بقى غير النيش ان خطيبى من النوع اللى مش بيحب حد يقوله اعمل ومتعملش غيرى يعنى انا وهو بس اللى نحط لمساتنا فى الشقه فا ماما لما بتقوله حاجه بيحس ان هى بتقوله امر فا انا فهمته ان هى مش قصدها قالى والله انا فاهم بس انا متربى ان كل واحد بيعمل اللى يريحه محدش بيدخل فى حياته المهم بقه ماما كانت قالتله على تقفيله تحت الحوض وهو كان هيعملها بس ماما قالتله عليها كذا مره فا قالى على فكره انا مش هعملها فا طبعا انتوا متخيلين الشكل فا مش عارفه اقنعه يعملها ازاى اصله دماغه ناشفه

تسلميلي يا حبيبتي يارب بس دول مديين على كلاسيك اكتر

كلامك على خطيبك اكأنك بتوصفي خطيبي بالظببببببببببببببببببببببط

نفس الكلام ونفس الحوارات

انا رأيي تنسي الموضوع شوية وومادام لسه قدامك لحد 12

وانتى بتظبطوا الشقه ف الاخر او كمان شهر ولا اتنين كده لما ينسى

لو بتروحوا الشقه قوليله بص كده مش لو قفلناها هيبقى شكلها احلى

او قوليله ايه رأيك لو قفلنا تحت الحوض هتبقى اشيك صح ؟

يعني حسسيه ان القرار هيبقى منه هو وقولي لمامتك انه هيعملها

علشان تسكت

Heba 87;12081967:

بنات
انا ف دماغي اني افصل
بس انا خوافه وقلوقه اوووووي
خايفه اتفق مع نجار علي حاجه متطلعش زي مانا عاوزه
في نفس الوقت خايفه انزل الف علي جاهز ملاقيش حاجه تعجبني .. خصووووصا الانتريه عقدة حياتي :(
اعمل ايه .. لو هنزل اخد فكرة عن الجاهز قبل مااقرر يعني انزل اتفرج فين؟

بصي انا زيك بالظبط خاصة ان مفيش حد ف عيلتنا جرب يفصل ابدااااااااااا

كله يشد الرحال على دمياط وخلصت القصه

بس انا ظروف خطيبي مش هينفع انه يجيب العفش مرة واحده

يعني كل فترة بيدي النجار جزء

غير ان دلوقتي بجد مبقتش في حاجة مضمونة الخشب مخلوط وصيني

وام دي اوف وحاجة تقرف علشان كده قولت مادام فى واحد مضمون

يعرفه يبقى نعمل عنده اولى وبمزاجنا بقى


لو حابه تتفرجي انزلي مول دمياط ورا السراج مول او معرض القوات المسلحة

اللى ف العباسية او مفكو حلوان دول اللى اعرفهم واعرف انهم كويسين

wgh_el2mr;12082601:
معلش يابنات ليا تعليق بس على كلامكو
انا متفقة معاكم ف كل كلامكم الا حاجة واحدة
حكاية الطاعة
الست مأمورة انها تطيع جوزها وفيه احاديث بتقول كدا
ودا مفيش فيه جدال
وطبعا فيه حديث فيما معناه ان ربنا سبحانه وتعالى لو امر حد يسجد لحد غيره هيأمر الست تسجد لزوجها
ودا اكيد مش اقلال من قيمتها
وانما عشان نفهم يعنى ايه علاقة زوجية
ولازم الزوج يفهم ان القوامة مش تحكيم رأى وسلطة وانا الراجل وانا اللى بفهم
القوامة كانت من قوته وضعفها ليه
وانه يكون المسئول عنها وعن كل حاجة تخصها ويصرف عليها
يعنى الأفضل ان كل واحد يبقى عارف حقوقه وواجباته
والافضل ان كل واحد يراعى ربنا ف التانى
ولو واحد من التانى بعد عن منهج ربنا التانى يحاول ينصحه ويفهمه ويكلمه بالحسنى ويصبر عليه
ولو منفعش ياما الزوجة تصبر وتحتسب
ياما تسريح باحسان

ردي عليكي ف التقييم F::L::thumbs_up:

بنات صحصح فكرتونى بالشفاط عشان اعمل حسابه فى التكسير الفاط اللى بمدخنه احسن ولا الشفاط اللى بفلتر طبعا اللى هو بيكون فوق البوتجاز مباشار

هيييييه ... هيييييه
اخيرا حد قيمنى
بس لقيت ان فيه 7 تقيمات معرفش جم منيين

هاتى بوسة بقى
بصى انا كان عندى شوية انتريهات
اول ما الجهاز يتصلح هرفعهملك
وربنا يقدملك الخير

يا وجه انا وريت لماما النيش وبرده مع حبه تعديلات وافقت عليه بس لسه هوريه لخطيبى بكره وربنا يستر اصله مش بيعجبه العجب هو كان شاف بتاعك يا يارا وعجبه اوى اوى وقالى فكرى فيه بس ماما قالتلى صغير ههههههههههههههه والله هموتلوهم نفسى

اما بالنسبه لتقفيله تحت الحوض انا كلمته النهارده قالى انا عارف انك عايزه تعمليها بس انا مش عارف هعملها دلوقتى ولا بعدين يمكن احسن عملها مفجأه سبيها على الله فا انا قولتله اوك ربنا يقدم اللى فيه الخير ادعولى بقه احسن ماما وخطيبى هيجننونى والله