اخيرآ صورت اغراض البيبي ..شوفوهم وقوليلي رايكم بكل صراحه ،،
لحد الحين ماكملت كل الاغراض باقي اشياء بسيطه للبيبي ..وكم جلابيه قطن لي حق البيت ..
السرير طلبته ويبيله شهر ونص لين شهرين من بريناتال معاه الدروج ..
قبل كل شي
قولوا ماشاء الله
اولآ ببتدي بملابس البيبي :
انا متعمده مااشتري قاسات شوي مبيره من 3-6 واكبر ..والسبب اني قبل الاربعين احب اطلع شوي اتمشى فالسوق ..واشتري اللي يعجبني في وقته.. وغير اني ماخذت فساتين وملابس كشخه مالت طلعه ..لأن البيبي توه مولود اريحله الاوفرولات وراح يتضايق بالفساتين اكثر الوقت بيكون يا يرضع او نايم ..واكثر الالوان اللي اخترتهم الابيض والوردي
هاي الطقم خذته من بيبي شوب وايد عجبني ..شكلي بلبسها فالمستشفى ..:025:
من بيبي شوب
وهذيله كلهم من ماركس
طقم كامل مع بعض من ماركس بعد+ الكبوس نسيت اصوره مع الطقم
هالطقمين خذتهم من قسم الاولاد ..بس عادي ..حسيت لونهم محايد ..اقدر البس البنوته
وهذيله الاثنين من ماذركير
نجي للفنايل :
..ماخذت كميه مثل الملابس لأني ماحصلت القياس اللي ابيه ..
واعتقد مايبيلي وايد ..بعد كم واحد وكفايه
من بيبي شوب
المهادات والفوط:
هذيلا شفتهم اون لاين وطلبتهم من موقع اسمه cozy cocoon كيووووت ..لبست اللعبه لأن لو صورتهم جذيه جان مابتعرفون شلون شكلهم او موديلهم ،،،
ماخذتهم حق التصوير ..
وهذي فوطه شكلها غريب من نفس الموقع ..
فوط صغيره للتجشؤ (التجدي) ،،او لما يرضع البيبي
هذي قطعه من البلاستك حق تبديل حفاظة البيبي ..خذتها من زارا هوم والصوره اللي عقبها من زارا هوم بعد
وهاي امس خذته من جاكادي وااااايد عجبني ومعاه شنطته والعده اللي داخل الشنطه ..وفيه منه مفرش حق السرير بس ماخذته ..
شفت هالمرضعه في بيبي شوب .. وقريت ان المصاصه مالتها تشبه حلمة الام ،،فقلت اجرب وحده ..اذا اوكيه اخذ اكثر ..
الحوض من بريناتال
زباله خاصه للحفاضات ..من بنتي الاولى وانا اشوفها ومتردده اخذها ...قلت هالمره اجربها..من تويز ار اص
كريم للحلمات ،،وشفاطه ..واكياس معقمه للحليب الام عشان تنحفظ فالفريزر او الثلاجه من تويز
شفاطة مخاط البيبي ،،تره صوب تشفطينه بحلجج ويطلع المخاط من خشم البيبي في الصوب الثاني مش في.... خخخخخ :037:
+ قطن للصدر ..
نجي لجزء من أغراضي المستشفى:
،،ماخلصتهم لحد الحين ،، شوي شوي كل ماحصلت شي اخذ ..حبه اسوي شي سممميل ،ايد ..والوان هاديه ،،فاخترت الوردي الفاتح والابيض او الاوف وايت ،،واواني التقديم باللون الفضي ،،
هذا مفرشي من زارا هوم ،،خذته من فتره واستخدمته عندي في الغرفه ..حسيته حلو لو حطيته فالمستشفى بدال مااشتري جديد ،،والبرنوص الوردي بحطه مثل الثرو على طرف السرير
الجلابيات ماخذت الا ثنتين حق الاستقبال احس كفايه ،،اما القطن العاديين فناويه اخذهم من بي اتج اس و ماركس
الصواني من هوم سنتر ..ستايل مغربي ،،بترسهم ميني فطاير ،،وجوكلت وماكرون وكب كيك وميني كيك للقهوه ..
واخيرآ السكر ..او القند ..
خذته من المعرض ،،العلبه فيها 50 حبه
اسمحولي الاضاءه مش ولا بد ،،لأني صورتهم عالمغرب بعد ماغابت الشمس :01:
والتوقيع بالانجلش (الفوتوشوب يكتب العربي متقطع)
ابي دعوه حلوه منكم بتيسير ولادتي ..وولادة بنوتي بصحه وسلامه :087: