نصيحه من كل ام لكل ام

ميرسي يا اناناسه على النقل انا ان شاء الله هروح بكره وللا بعده اعمل لمحمد تحليل براز اشوف سبب الامساك ده ايه ..

وفي حاجه قلت اقولكم عليها الامهات اللي اولادهم او بناتهم قربوا على السنه قبل تطعيم السنه باسبوع كده يعملولهم تحليل هيموجلوبين وفصيلة الدم لانهم هيطلبوهم منهم في مكتب الصحه

طيب لما بيعيطوا بتشلهوم بعد مايرضعوا ولا ايه انا خايفه يتعودوا علي الشيل

يا بنات ايهرايكم فى نوع بامبرز اسمه مولفيكس؟؟؟

انا جيبته امبارح ب 100 جنيه

miko85;11850124:
طيب لما بيعيطوا بتشلهوم بعد مايرضعوا ولا ايه انا خايفه يتعودوا علي الشيل

بصى يا حبى

هقولك حاجه عشان ترتاحى

بعد ما ترضعيهم كرعيهم ونيميهم على بطنهم ربع ساعه وبعدين على نيميهم على ضهرهم عادى

عشان النوم على البطن بيقلل المغص خااااااااالص

يعني بلاش ادي بيبي درينك واجيب ميلوبا احسن ولا ايه
يعني فايده الاعشاب ده انها بتريح البطن وكدااا

miko85;11850124:
طيب لما بيعيطوا بتشلهوم بعد مايرضعوا ولا ايه انا خايفه يتعودوا علي الشيل

متقلقيش يا ميكو هو مش كل الاطفال بيحبوا الشيل او مش بيتعودوا عليه
انتى بس تشيليه بسبب يعنى لو واكل ومغير وهادى سبيه لوحده متشيلهوش عمال على بطال يعنى ولما يكبروا شويه على شهرين ونص تلاته تسبيهم بردو مدام واكلين وشبعنين ومغيرين وممكن تلاعبيهم وهما نايمين عشان ميزنوش بعد كدا عشان يتشالوا وبعد كدا ممكن تديهم لعبه طريه تلهيهم كدا يعنى

كوباية مايه;11850144:
يا بنات ايهرايكم فى نوع بامبرز اسمه مولفيكس؟؟؟

انا جيبته امبارح ب 100 جنيه

حلو يا بسبس وكانت توتى مجرباه وبتقول حلو وكفايه انه ب 100 يعنى اكيد حلو ههههههههه
بس كل طفل وليه الحاجه المناسبه معاه برضو
ويارب يكون حلو مع ياسو وحتى لو مش حلو لبسهوله عشان الفلوس متروحش عالفاضى هههههههههههههههههههه

كوباية مايه;11850157:
بصى يا حبى

هقولك حاجه عشان ترتاحى

بعد ما ترضعيهم كرعيهم ونيميهم على بطنهم ربع ساعه وبعدين على نيميهم على ضهرهم عادى

عشان النوم على البطن بيقلل المغص خااااااااالص

طيب اكرعهم اززاي اززاي والتكريع ليها فايده ولا ايه

طيب مولفكيس ب 100 جنيه في كام واحده يابسبس انا جايبه بامبرز القطن ده تقريبا نفس السعر ب 100 جنيه

كوباية مايه;11850157:
بصى يا حبى

هقولك حاجه عشان ترتاحى

بعد ما ترضعيهم كرعيهم ونيميهم على بطنهم ربع ساعه وبعدين على نيميهم على ضهرهم عادى

عشان النوم على البطن بيقلل المغص خااااااااالص

وممكن تشيلهم على كتفها بدل ميناموا على بطنهم
وبعدين ربع ساعه مش كتير وله ايه وانا كنت سمعت ان النوم عالبطن للرضيع غلط والله اعلم

miko85;11850172:
يعني بلاش ادي بيبي درينك واجيب ميلوبا احسن ولا ايه
يعني فايده الاعشاب ده انها بتريح البطن وكدااا

انتى محيره نفسك ليه انتى ممكن تجيبى ينسون ايزيز وتعمليه من غير سكر او كراويه لوحدهم او كاموميل اللى هو الشيح البابونج
وهى بتريح البطن و بتخليه يعمل كيكيى كامسهل يعنى

crazy ananas;11850192:
متقلقيش يا ميكو هو مش كل الاطفال بيحبوا الشيل او مش بيتعودوا عليه
انتى بس تشيليه بسبب يعنى لو واكل ومغير وهادى سبيه لوحده متشيلهوش عمال على بطال يعنى ولما يكبروا شويه على شهرين ونص تلاته تسبيهم بردو مدام واكلين وشبعنين ومغيرين وممكن تلاعبيهم وهما نايمين عشان ميزنوش بعد كدا عشان يتشالوا وبعد كدا ممكن تديهم لعبه طريه تلهيهم كدا يعنى


حلو يا بسبس وكانت توتى مجرباه وبتقول حلو وكفايه انه ب 100 يعنى اكيد حلو ههههههههه
بس كل طفل وليه الحاجه المناسبه معاه برضو
ويارب يكون حلو مع ياسو وحتى لو مش حلو لبسهوله عشان الفلوس متروحش عالفاضى هههههههههههههههههههه

هههههههههههههههههه هو انا مجربتوش عشان بلبسه كوافيل دلوقتى بس هو شكله فخم كدا

miko85;11850194:
طيب اكرعهم اززاي اززاي والتكريع ليها فايده ولا ايه

شيليهم على كتفك وتطبطبى تحت الرقبه بشويه كدا طبطبه خفيفه هيتكرعوا ان شاء الله

miko85;11850205:
طيب مولفكيس ب 100 جنيه في كام واحده يابسبس انا جايبه بامبرز القطن ده تقريبا نفس السعر ب 100 جنيه

فيه 98 واحده

crazy ananas;11850212:
وممكن تشيلهم على كتفها بدل ميناموا على بطنهم
وبعدين ربع ساعه مش كتير وله ايه وانا كنت سمعت ان النوم عالبطن للرضيع غلط والله اعلم

انتى محيره نفسك ليه انتى ممكن تجيبى ينسون ايزيز وتعمليه من غير سكر او كراويه لوحدهم او كاموميل اللى هو الشيح البابونج
وهى بتريح البطن و بتخليه يعمل كيكيى كامسهل يعنى

انا مش بنيم يويو غير على بطنه وهو مش بيرتاح غير كدا والله والدكتور اللى قايلى ينام على بطنه

كوباية مايه;11850144:
يا بنات ايهرايكم فى نوع بامبرز اسمه مولفيكس؟؟؟

انا جيبته امبارح ب 100 جنيه

ممتاز

طيب الحمدلله انكوا قولتوا انه ممتاز لحسن كنت هعيط على ال 100 جنيه ههههههههههههههههه

جوزى لما جابها قولتله انا قولتلك تجيب بامبرز غالى كدا؟؟؟

مش هدفع تمنه ومخصوم من مصروفك هع هع هع هع هع

كوباية مايه;11850270:
جوزى لما جابها قولتله انا قولتلك تجيب بامبرز غالى كدا؟؟؟

مش هدفع تمنه ومخصوم من مصروفك هع هع هع هع هع

بصي هو غالي بس ميزته انه مهما سبتيه مش بيعمل التهاب وغالبا مش بيسرب ..انا استعملته لمحمد لحد ما بقى عنده يمكن 5 شهور بس لما كبر مبقتش بعرف اظبط المقاس يأما بجيب مقاس يطلع كبير او صغير فبيسرب في الحالتين ..فجربت بيبي جوي وعجبني برضه بس مش زي مولفيكس

hoobie;11850301:
بصي هو غالي بس ميزته انه مهما سبتيه مش بيعمل التهاب وغالبا مش بيسرب ..انا استعملته لمحمد لحد ما بقى عنده يمكن 5 شهور بس لما كبر مبقتش بعرف اظبط المقاس يأما بجيب مقاس يطلع كبير او صغير فبيسرب في الحالتين ..فجربت بيبي جوي وعجبني برضه بس مش زي مولفيكس

انا جيبت بامبرز العادى اول شهر كان تحفه ومناسب جدا بس بعد كدا بقى يسرب

وبيعمل تسلخات بشعه

بعد كدا جيبت بيبى جوى هو حلو فعلا اوى اوى بس فيه عيب بشع

البتااع اللى بيلزق من الجنب دا بيفك علطوووووووووول ومش مماسك نفسه كدا

كوباية مايه;11850144:
يا بنات ايهرايكم فى نوع بامبرز اسمه مولفيكس؟؟؟

انا جيبته امبارح ب 100 جنيه

انا بستعمله لحمزه يابسبس حلو اوى اوى

العيال مايجوا يعملو بيبي كل مره بشتطفوهم بمياه ولا بمياه وصابون اصلي انا مش بشطفهم غير لما بيعملو كيكي
وخايفه كل مره اشطفهم لما يعملو بيبي اشطفهم فوطه وبس

هو انا المفوض احمي البيبي كل اد ايه علشان بخاف عليهم
وياريت تقوولي بعد ماتحموهم بتحطوا ايه

شكرا عالنصائح الحلوة

miko85;11852424:
العيال مايجوا يعملو بيبي كل مره بشتطفوهم بمياه ولا بمياه وصابون اصلي انا مش بشطفهم غير لما بيعملو كيكي
وخايفه كل مره اشطفهم لما يعملو بيبي اشطفهم فوطه وبس

بصي انا بشطفه بميه وصابون سيباميد كل مرة لان التسلخات ممكن تحصل من البيبي الميه حتى ممكن يعمل تسلخات خليكي في الامان وحطي دايما سودو كريم في التنيات والفخاد والبوبو وكمان نشفي كويس جداااااااااااااااااااااااااا هو انتي ممكن تمسحي بقطنة مبلولة بس الامان اكتر التشطيف والجو بقى كويس يعني ماتخافيش بس اهم حاجة وانتي خارجة من الحمام لفيهم بالفوطة كويس جداااااااا

التكريع مهم جدا طبعا لان لو ما اتكرعش الغازات بتفضل في بطنه و بتعزبه

الاعشاب كويسة والبيبي درينك مقبولة شوية عن باقي الحاجات

miko85;11853455:
هو انا المفوض احمي البيبي كل اد ايه علشان بخاف عليهم
وياريت تقوولي بعد ماتحموهم بتحطوا ايه

انا شخصيا بحمي كل يومين عشان بيعرقوا جامد جدا في الجو دا

بصي لو جسمهم مقشر سيبيه هو حيروح مع الحمى بس لو الحمى ما نضفش التنيات كويس بس دا لو مافيش تسلخات امسحيها بقطنة فيها بيبي اويل انما لو في تسلخات البيبي اويل بيزودها