نصيحه من كل ام لكل ام

اصلي توتا بخاف عليهم وزنهم صغير اووي 2 كيلو ونصف
توتا عايزه اكلمك ابقي ابعتيلي رقمك موبيلك لو ينفع

نصيحة افتكرتها وانا بغير البامبرز لمومو

لبسوا ولادكم الملابس الداخلية على ضهرها عشان الخياطة الداخلية ما تضايقهمش في الحر وتعمل التهابات بعد الشر
انا عارفة هي شكلها مش لطيف بس احنا معظمنا اهلنا كانوا بيعملوا كده معانا عشان حمونيل والحساسية والكلام دا

miko85;11860705:
اصلي توتا بخاف عليهم وزنهم صغير اووي 2 كيلو ونصف
توتا عايزه اكلمك ابقي ابعتيلي رقمك موبيلك لو ينفع

ميكو وفري السودو كريم لعلاج التسلخات ولما تيجي تحطي اي كريم خليه طبقة رقيقةمش سميكة

هاتي زنك اند اوليف او زنكوسيل للحماية بدل ما تخلصي السودو كريم عشان هنا في مصر غالي بهبل

نصيحة كمان للامهات وهي بترضع لما تلاقي البيبي وهو بيرضع بيرفس برجله ومتعصب وبيشد النيبل جامد ويصرخ يبقى الصدر اللي بيرضع منه شطب لبن ولازم يتنقل على الصدر التاني

نصيحة اخيرة قبل ما انام

اغسلوا وش البيبيهات بميه فاترة بلاش وايبس وعلى فكرة غسيل الوش دا عشان بهدلة اللبن و كمان بيحجم شوية نونو كده الحبوب الحمرا اللي بتطلعلهم والتنشيف يبقى طبطبة كده بفوطة ناعمة

white angel 85;11880727:
ميكو وفري السودو كريم لعلاج التسلخات ولما تيجي تحطي اي كريم خليه طبقة رقيقةمش سميكة

هاتي زنك اند اوليف او زنكوسيل للحماية بدل ما تخلصي السودو كريم عشان هنا في مصر غالي بهبل

توتا انا جايبه كتييير علب صغيره كداا وبستخدمها لحد دلوقتي لسه معايا بستخدم منها بس انا لاظت ان لولو هي ال عنها تسلخات مش ادهم

white angel 85;11880734:
نصيحة كمان للامهات وهي بترضع لما تلاقي البيبي وهو بيرضع بيرفس برجله ومتعصب وبيشد النيبل جامد ويصرخ يبقى الصدر اللي بيرضع منه شطب لبن ولازم يتنقل على الصدر التاني

طيب ياتوتا عندي بيعملو كدااا بس بدوس علي البريست بلاقيها لسه فيها كتتير ومابضطر اعمل رضعه صناعيه

miko85;11881455:
توتا انا جايبه كتييير علب صغيره كداا وبستخدمها لحد دلوقتي لسه معايا بستخدم منها بس انا لاظت ان لولو هي ال عنها تسلخات مش ادهم

بصي البنات بيبقوا عرضة للتسلخات اكتر لما تنضفيها نضفي من قدام لورا عشان الكيكي يبقى بعيد عن فتحة المهبل و كمان البنت لازم تغيريلها اول ما تعمل كيكي انا طبعا بفضل ان الاتنين تعملي معاهم كده و كمان تغيير البامبرز يبقى كل 4 ساعات بالكتير يفضل كل ساعتين عشان خاطر ولادنا و جلدهم

miko85;11881457:
طيب ياتوتا عندي بيعملو كدااا بس بدوس علي البريست بلاقيها لسه فيها كتتير ومابضطر اعمل رضعه صناعيه

لا يبقى كده هما مش جعانين شيليهم على صدرك كده و غنيلهم و ارجعي جربي تاني ساعات بيبقى في تكريعة مقريفاهم مخلياهم مش عارفين يرضعوا او مغصة برده حطيهم على بطنهم على رجلك و طبطبي على ضهرهم كده يعني لحد ما يهدوا و جربي ترضعي تاني ممكن يكونوا عايزين يناموا و مش عارفين و مش عايزين ياكلوا

ايه النصايح خلصت وله ايه

انا نصحتى النهارده

اختارى لعب ابنك مش بالصدفه واى حاجه لا خاليكى ذكيه وعمليه مدام هتشترى لعبه يبئا اشترى حاجه تفيد سن ابنك وتنفعه وتنمى قدارتهم الخاصه بسنه وده كمان هيساعدك ان ابنك يتلهى فيها لانها هتكون مناسبه ليه وقدراتهم الموجوده ومش هيزهق منها بسرعه عشان ملهاش علاقه بهتماماته
وكدا متدفعيش فلوس عالفاضى

ومستنين نصايحكم

طيب انوس امتي الطفل يبدا يلعب من الشهر الكام وايه العاب ال مناسبه كل شهر ايه

من سن 3 شهور كدة يا ميكو هاتلهم البلاى جيم



انا جبت لسن مايا دلوقتى لعب جميلة هبئة اصورها وانزلهالكم

نصيحة منى
عودو ولادكم على ميعاد للنوم
ومش تتنازلو عنو حتى لو مش جيلهم نوم
ادخلو وخفضوا النور ورضعوهم وحطوهم في السرير هيعملو شقلاباظات وممكن كمان يعيطو علشان ميناموش ربع ساعة باذن الله وهتلاقيهم في سابع نومة
ولو عملتى الحركة دى واستسلمتى وقومتى علشان بيعيط
هيتعود كل مرة انة لما يعيط هتقومى فلازم التصميم

miko85;11969961:
طيب انوس امتي الطفل يبدا يلعب من الشهر الكام وايه العاب ال مناسبه كل شهر ايه

من الشهر التالت ممكن تجيبى بيبى جيم او لعبه السرير الحاجات ديه بتلفت نظرهم وبيتفاعلوا معاها
وانا كنت منزله قبل كدا شويه لعب هحاول اجبهالك تانى وعموما خالى بالك عالعلبه بتاعت اللعب بيكون مكتون من سن كام

نصيحه حلو يا توووووووووتى فعلا والاسلوب ده مهم جدا فى اى سلوك بتعلمه للاولاد لما يلاقونا مصممين ومستحملين زنهم والضغط اللى بيعملوا هيستسلموا لينا ومش هيكرروها وحتى لو كرروا الضغط علينا ويلاقونا مصممين برضو هيتعلموا السلوك الجديد بس الموضوع عاوز صبررررررررررر جامد لانهم اذكيه وبيعملوا اى حاجه وكل حاجه تنرفزنا عشان نعمل اللى هما عوزينه ربنا يعنا عليهم ويهديهم يارب

صباح الفل على انوسه النشيطه وحشانى يامجرمه
بصوا هقول على شوية نصايح عالسريع
1- التكريع مهم جدا اول 6 شهور لانه بيمنع الانتفاخ والقئ لان انا شفت الويل مع بنتى ورحت بيها لدكتور حمار عشان الترجيع واداها حقن وهى عندها شهرين ونص تقريبا فخلوا بالكوا كويس وتنظيم الرضاعه كمان يعنى تبقى كل ساعتين ولما يعدوا 4 شهور تبقى كل 3 ساعات لانى كنت مش منظمه وبنتى جالها over feeding يعنى كانت كل ماتعيط ارضعا وده كان بيبقى كتير فالاكل زاد فجالها اسهال وترجيع كتير لكن الدكتور اللى بقيت اروحله دلوقتى ممتاز ربنا يباركله هو اللى عرف
2- استعمال نوع حفاظات كويس لان الانواع الرخيصه بتعمل التهابات وهتصرفى اكتر من فرق السعر بكتير فى العلاج
3- بلاش ترضعوا الاطفال بالليل يعنى تبقى اخر رضعه الساعه 12 وبعدين 5 الفجر فى الفتره دى تدوا الاعشاب بتاعت الاطفال ده هيخليهم يناموا كويس لان انا برضوا شفت ايام صعبه
4- قشر الشعر بلاش نحط زيت ونسرحه بالعكس لان ده بيخلى الشعر يقع انا رحت لدكتور جلديه وكتبلى على مرهم ادهنه وبعد ساعتين امسحه بقطنه مبلوله بس فى اتجاه نمو الشعر مش العكس 3 مرات فى اليوم والحمد لله جاب نتيجه هايله بس هشوف اسمه وابقى اقولكم عليه

لو افتكرت حاجه تانيه هقولهالكم

طيب امتى البيبى يقدر يقعد

دلوقتى يا مشمش قعديها وسنديها بمخدات

انا بقى عندي نصيحة لامهات الاولاد الجداد قبل عملية الطهارة حطي في دماغك انها حاجة بسيطة واهدي داخليا لان البيبي بيحس بخوفك فبيخاف انا ابني لما دخلوا بيه العمليات فضل يصرخ عشان انا كنت خايفة جدا بس لما باباه شاله بعد العملية هدى شوية لان باباه كان مش خايف زيي طبعا

كمان هي صعبة شوية بس مش الرهيبة يعني البيبي بيعيط و يصرخ في جميع الاحوال وهو بيعيط زي وجع المغص كده

انا قالولي مش حيحتاج مسكن بس انا اديته سيتال حلو بصراحة على الاققل نيمه شوية اول يوم

يلا علقة تفوت

بس حاولوا تعملوها بجد قبل الاسبوع الاول و دي سنة عن الرسول عليه الصلاة والسلام على فكرة بس مش يوم الولادة عشان الصفرة وكمان انا ابني كان عنده نزيف في البول ما بنش غيلر تالت يوم واخد حقنة فيتامين K عشان هو كان عنده نقص فيه فالافضل تستنووا لحد ما تطمنوا

انا غلطت اني استنيت للاربعين لانه بجد حاسس بكل حاجة

جزاك الله خير
موضوع جميل جداااااااااااااا وفكرته حلوه ما شاء الله


نصيحتى مممممممممممم
تغير البامبرز ومش نخليه يطول لان دا بيقريف النونو جدا الحمد لله
وبرده لو نايم عينا عليه على طول
وتعقيم الببرونه على كل رضعه سواء اعشاب او لبن
قص ضوافر النونو لانهم بحركات لا اراديه بيخربشوا نفسهم وبيعيطوا من كدا
واى ملاحظه فى العين رمش فيها ولا عماص يتحطلهم القطره الى الدكتور بيكون كتبها من يوم الولاده الحمد لله
والصدر لو مرتفع عادى جدا المهم منجيش جمبه خالص لا عصر ولا كلام من دا
وهو هيخف لوحده ان شاء الله

بنات انا سألت الدكتور علي ماء غريب قاللي كويس اوي وقلتله هو مفروض اديهولها وقت المغص بس؟
قاللي اه لو فيه مغص ايدها معلقة كده بالليل ولو مفيش يبقي مفيش لزوم تاخده.

وطلع عندها فتق سري بسيط هايروح لوحده ان شاء الله مع الوقت وبسأله علي الجل بتاع اللسان بتاعها ان مفيش خوف انه يتبلع وكده، فقاللي هو اصلا معمول انه يتبلع عشان ينضف البكتريا اللي موجودة في البطن ويمنعها تطلع فطريات علي اللسان وبيتدهن ازاي اني الف شاش علي صوباعي وادهن الجل بيها 3 مرات في اليوم.

والبريست بتاعها كان منفوخ ووارم من ساعة الولادة والدكتور الاولاني كان قاللي كمادات مية دافية بس كنت بكسل اعمل مرة اه و10 لأ لأنها كان لازم تقلع كله عشان اعملهم وكنت بخاف عليها من البرد، والدكتور ده بقي قاللي سيبيها هتروح لوحدها بردو مع الوقت وفعلا سمعت كلامه وخفوا خالص الحمدلله بس اوعوا حد يعصرهم لو عنده البيبي بتاعه كده لأنه غلط جداااااااااااااا.

وبقوله هو الزيادة بتبقي كام في الشهور الاولي للبيبي، قاللي يعني كيلو إلا ربع في اول 4 شهور كده.

وقلتله بردو علي الفزع والخضة الهيستيرية اللي بتجيلها وهي نايمة دي كتير، بلاقيها نايمة في امان الله وفجأة عينيها تفتح وتبرق كانها شايفة حاجة وحشة استغفر الله العظيم ومخضوضة اوي ومشنجة ايديها كده وتبدأ بعد كده تصوت وتصرخ وتعيط ومهما اطبطب عليها واحضنها واهديها مش بتسكت إلا لوحدها بعد حبة كده.

فقاللي دي اسمها نوبات فزع ليلية وبتيجي للأطفال فعلا كتير ولغاية دلوقتي محدش قدر يعرف سببها ايه بس الاحتمال الاكبر بردو زي ما بتقولي كده انهم بيكونوا شافوا حاجة.

اه وقلتله بردو اني بدأت اديها مية من كام يوم وهي مش حابة طعمها خالص وبتدي ردود افعال كده مش بتعملها مع الدوا حتي، فقاللي خلاص مش مهم بلاش مية دلوقتي خالص كده كده اللبن فيه نسبة مية كبيرة وكمان الاعشاب دي بردو، قلتله ما انا مش بديها الاعشاب كل يوم يعني غالبا وانا بره بس، قاللي لأ خليها بقي مرة في اليوم عالطول.

وسألته علي الترجيع الكتير وخصوصا النافورة ده مش اللي هو بينزل من الجنب كده من بقها علي خدودها حتي لو كمية كبيرة، لأ هي ساعات بتعمل حركة تانية انيل بقي بتكون بترضع اصلا في نفس الوقت فجأة الاقيها عملت هوووووووووووف في وشي وعلي هدومي نافورة لبن كبييييييييييييييرة اوي، فقاللي لو اتكررت اكتر من 3 مرات في اليوم بيبقي يها علاج لكن غير كده مفيش مشكلة متقلقيش بردو، وجاب سيرة ارتجاع بسيط باين ولا ايه مسمتعتش دي كويس مكنتش مركزة معاه، بس اهم حاجة انه قاللي مادام وزنا بيزيد ومعدله كويس الحمدلله يبقي مفيش قلق ولا مشكلة من مسألة الترجيع العادي ده، تكملي وترضعيها عادي.

بالنسبة للقشر اللي ساعات بيطلع في وش البيبي الدكتور قاللي امسح عليه باللبن بتاعي وهايوديه ان شاء الله.


والحبوب اللي بتطلع في الوش دي او الراس وصغيرة كده وكتيرة ، قاللي متقلقيش منها دي حبوب موسمية بتروح لوحدها وطبعا لما بغسل وشها دايما بمية بس بحس انها راقت خالص وراحت.


السرة لما تقع كملوا بردو مسح وتنضيف كويس بالكحول والقطنة عشان بيبقي لسه في بواقي دم وبواقي لسه منشفتش كويس، يعني في خلال يومين او تلاتة بالكتير ان شاء الله كل ده هايروح سواء الم او القشر الاسود الناشف بس المهم تعملوا كده كويس قبل ما السرة تدخل جوا واحدة واحدة.