نصيحه من كل ام لكل ام

السلام عليكم ورحمة الله وبركاته

انا عندى كام سؤال كده
1-البنت وهى نايمة بتتشحتف كتير كده وبيبقى فى مقدمات عياط ولو ماحدش طبطب عليها وكلمها ممكن تصحى تقعد تعيط .. ده من ايه ده؟؟ حد قابله حاجة زى كده؟؟

2- انا والدة قيصرى .. عايزة اعرف امتى ممكن العب رياضة عشان بطنى ترجع زى الاول؟

وشكررررررررا

Eng. BoB;11774783:
السلام عليكم ورحمة الله وبركاته

انا عندى كام سؤال كده
1-البنت وهى نايمة بتتشحتف كتير كده وبيبقى فى مقدمات عياط ولو ماحدش طبطب عليها وكلمها ممكن تصحى تقعد تعيط .. ده من ايه ده؟؟ حد قابله حاجة زى كده؟؟

2- انا والدة قيصرى .. عايزة اعرف امتى ممكن العب رياضة عشان بطنى ترجع زى الاول؟

وشكررررررررا

حمدالله ع سلامتك يا جميل وربنا يبارك لك في بنتك يارب وتشوفيها عروسة

الشحتفة دي عند ابني من زمان اوي برضو وهو نايم كده فجاة الاقي عامال يتشحتف كده ومش يكون معيط قبلها ولا حاجة ولما سالت اكتر من دكتور بيقولو لي عادي يعني مش فيها حاجة

وبالنسبة للرياضة لما تحسي انك بقيتي كويسة وتقدري تتحركي زي الاول عادي اعملي رياضة بس تاعتقد دلوقتي لسة بدري اوي انتي بقى لك اسبوعين مش كده
لسة شوية ماتستعجليش

الله يسلمك ويبارك فيكى ويفرحك بمعاذ دايما ان شاء الله

اه بقالى اسبوعين فعلا ...

بس يا عينى الشحتفة دى صعبة بجد بيصعبوا على الواحد قوى انا بخاف تكون مفتقدة الاحساس بالامان

انا كمان محمد ابني كان وماازال احيانا يتشحتف وهو نايم ولازم اطبطب عليه عشان يسكت هم تقريبا بيبقى بيحلموا بحاجه وحشه ..حد خد منهم التيتينه مثلا او مش لاقيين النانو عند ماما هههههههههه ..صحيح ابني بطل ياخد التيتينه ياجماعه مش عارفه ليه لوحده كل ما احطهاله يرميها ..كان نفسي يصبر عليهاكمان 5شهور ولا حاجه دي مريحاني اوي

Eng. BoB;11774783:
السلام عليكم ورحمة الله وبركاته

انا عندى كام سؤال كده
1-البنت وهى نايمة بتتشحتف كتير كده وبيبقى فى مقدمات عياط ولو ماحدش طبطب عليها وكلمها ممكن تصحى تقعد تعيط .. ده من ايه ده؟؟ حد قابله حاجة زى كده؟؟

2- انا والدة قيصرى .. عايزة اعرف امتى ممكن العب رياضة عشان بطنى ترجع زى الاول؟

وشكررررررررا

نفس الاسئلة :094:

طيب انا لسه ماما بقالي 18 يوم بس بس عندي نصيحة نونو كدة اهم حاجة البامبرز يتغير كل ساعتين بالكتير لان البيبيهات ياعيني جلدهم بيبقى حساس خالص
حاجة تانية انا ابني بعد ما بنضفوا بالمية الدافية بمسحله بقطنة مليانة بيبي اويل عشان زيادة نضافة وكمان بتخلي الكيكي مايمسكش في جسمه ويساعد انه مش يتسلخ كمان البيبي لو انعود على النضافة حيعيط اول مايعمل بيبي ويبقى مش نضيف

حاجة كمان الدكتور قالهالي التكريع مش بالضرب على الضهر لأ بالمسح الجامد على الضهر كدة



بس نفسي بجد في حل لابني مش بيرضى ياخد اي اعشاب كاره كله و كمان ماء غريب بيعيط كأني بديله سم وكمان المغص البشع انا بديله ساميثكون بس بحس انه مفعوله قصير

hoobie;11775032:
انا كمان محمد ابني كان وماازال احيانا يتشحتف وهو نايم ولازم اطبطب عليه عشان يسكت هم تقريبا بيبقى بيحلموا بحاجه وحشه ..حد خد منهم التيتينه مثلا او مش لاقيين النانو عند ماما هههههههههه ..صحيح ابني بطل ياخد التيتينه ياجماعه مش عارفه ليه لوحده كل ما احطهاله يرميها ..كان نفسي يصبر عليهاكمان 5شهور ولا حاجه دي مريحاني اوي

ههههههههههه ضحكتينى قوى بجد فى موضوع الكوابيس ده
انا شايفة انه طالما رفضا يبقى احسنلك عشان ماتعانيش معاه لما تيجى تفطميه منها
دوريله على الغاب تشغله وتطور قدراته أحسن

white angel 85;11775944:
نفس الاسئلة :094:

طيب انا لسه ماما بقالي 18 يوم بس بس عندي نصيحة نونو كدة اهم حاجة البامبرز يتغير كل ساعتين بالكتير لان البيبيهات ياعيني جلدهم بيبقى حساس خالص
حاجة تانية انا ابني بعد ما بنضفوا بالمية الدافية بمسحله بقطنة مليانة بيبي اويل عشان زيادة نضافة وكمان بتخلي الكيكي مايمسكش في جسمه ويساعد انه مش يتسلخ كمان البيبي لو انعود على النضافة حيعيط اول مايعمل بيبي ويبقى مش نضيف

حاجة كمان الدكتور قالهالي التكريع مش بالضرب على الضهر لأ بالمسح الجامد على الضهر كدة



بس نفسي بجد في حل لابني مش بيرضى ياخد اي اعشاب كاره كله و كمان ماء غريب بيعيط كأني بديله سم وكمان المغص البشع انا بديله ساميثكون بس بحس انه مفعوله قصير

حلوة فكرة البيبى أويل دى

انا بنتى برضه بتكره البيبى كالم جداااااااا وماء غريب برضه بتكره بس بديهولها عشان عندها دايما غازات صوتها يصحى الجيران.. مع انى بقعد اكرعها كتير ومش بتتكرع..
جبتلها بيبى درينك بس لسة ماجربتوش..
الدكتور كان قايلى ممكن اديها ماء غريب مرتين فى اليوم كوقاية .. ولو جالها مغص اديها دنتينوكس . وقالى ماديهاش سبازموتال عشان فيه منوم
انتى لو دوقتى البيبى كالم او ماء غريب هتلاقى طعمهم وحش قوى ربنا يكون فى عونهم
وابقى جربى نيميه على بطنه

تخيلى يا توتا ان الهانم سرتها لسة واقعة امبارح :( سرة مومو وقعت عادى ولا اتأخرت برضه؟؟؟

white angel 85;11775944:
نفس الاسئلة :094:

طيب انا لسه ماما بقالي 18 يوم بس بس عندي نصيحة نونو كدة اهم حاجة البامبرز يتغير كل ساعتين بالكتير لان البيبيهات ياعيني جلدهم بيبقى حساس خالص
حاجة تانية انا ابني بعد ما بنضفوا بالمية الدافية بمسحله بقطنة مليانة بيبي اويل عشان زيادة نضافة وكمان بتخلي الكيكي مايمسكش في جسمه ويساعد انه مش يتسلخ كمان البيبي لو انعود على النضافة حيعيط اول مايعمل بيبي ويبقى مش نضيف

حاجة كمان الدكتور قالهالي التكريع مش بالضرب على الضهر لأ بالمسح الجامد على الضهر كدة



بس نفسي بجد في حل لابني مش بيرضى ياخد اي اعشاب كاره كله و كمان ماء غريب بيعيط كأني بديله سم وكمان المغص البشع انا بديله ساميثكون بس بحس انه مفعوله قصير

عادي في اطفال بترفض الاعشاب فعلا بالنسبه لماء غريب ليه بيرفضه ده طعمه حلو وفي نعناع كده ..بصي انا كنت بديه لابني ازاي بملى المعلقه واقربها من بقه كده وهو بيقى اللي يفضل يلحسن بلسانه وشفايفه كده لحد ما يخلصها ..جربي كده

Eng. BoB;11776400:
ههههههههههه ضحكتينى قوى بجد فى موضوع الكوابيس ده
انا شايفة انه طالما رفضا يبقى احسنلك عشان ماتعانيش معاه لما تيجى تفطميه منها
دوريله على الغاب تشغله وتطور قدراته أحسن

حلوة فكرة البيبى أويل دى

انا بنتى برضه بتكره البيبى كالم جداااااااا وماء غريب برضه بتكره بس بديهولها عشان عندها دايما غازات صوتها يصحى الجيران.. مع انى بقعد اكرعها كتير ومش بتتكرع..
جبتلها بيبى درينك بس لسة ماجربتوش..
الدكتور كان قايلى ممكن اديها ماء غريب مرتين فى اليوم كوقاية .. ولو جالها مغص اديها دنتينوكس . وقالى ماديهاش سبازموتال عشان فيه منوم
انتى لو دوقتى البيبى كالم او ماء غريب هتلاقى طعمهم وحش قوى ربنا يكون فى عونهم
وابقى جربى نيميه على بطنه

تخيلى يا توتا ان الهانم سرتها لسة واقعة امبارح :( سرة مومو وقعت عادى ولا اتأخرت برضه؟؟؟

لا مومو سرته الحمد لله وقعت على اليوم التامن كده تقريبا بس انا كنت بغرقها كحول مع كل غيار بامبرز بصراحة
بصي البيبي درينك طعمه مسكر شوية يعني مومو بياخد شوية من مع تفتفة الباقي طبعا :037:

على فكرة دنتينوكس هو هو ماء غريب ريحته هي هي و لزج كده مومو تفهولي اول ما اديتهوله انما ماء غريب بيحوشه في بقه و بعدين يتفه هههههه بيسطعبتني وعلى فكرة سايمثيكون احسن من سبازموتال لانه فعلا مدحت الزيات قال فيه منوم قبل كده

الغازات اللي بتخرج دي عشان انتي بتدي طارد ليها يا بنتي دي احسن ما تبقى في بطنهم النونو دي

طيب قوليلي يا بيبو هو انتي اطرافك لسه منملة من يوم العملية؟
وسؤال عام حد اشتكى من البواسير بعد الولادة السيزيرين مع العلم انا جالي طلق الطبيعي لحد ما حمي؟

نصيحة على الماشي حاولوا دايما في اي وقت من اليوم بعد ما ترضعوا بيبيهاتكم حتى لو معودينهم يناموا في سرير لوحدهم خدوهم في حضنكم وناموا هما في حضنكم وارقوهم الرقية الشرعية كل يوم وياسلام لو فيه سورة معينة متعود البيبي عليها بصوت معين انا مثلا معودة مومو على سورة يوسف من وانا حامل فيه كنت دايما بسمعها بالليل قبل ما انام بصوت عبد الباسط ولحد دلوقتي بعمل كده معاه جربوها بجد تحفة

hoobie;11776412:
عادي في اطفال بترفض الاعشاب فعلا بالنسبه لماء غريب ليه بيرفضه ده طعمه حلو وفي نعناع كده ..بصي انا كنت بديه لابني ازاي بملى المعلقه واقربها من بقه كده وهو بيقى اللي يفضل يلحسن بلسانه وشفايفه كده لحد ما يخلصها ..جربي كده

ابدا يا هوبي انا ابني جزمة يعني لا معلقة ولا دروبر ولا سرنجة نافعة معاه والله بيفرج عليا العمارة كأني بديه سم

يااااه يا توتا انا كنت فاكرة انى حالة مع نفسى انا فعلا ايدى الشمال اللى كان فيها الكانيولا بتنمل لحد دلوقتى مع نفسها والعرق بيوجعنى لو لمسته بالصدفة مش عارفة ليه بصراحة .. بس باقى الاطراف مش بتنمل

انا جايبالها برضه سايمثيكون بس ماجربتوش ولا مرة

والبواسير هدى أجمل أيام العمر كانت اشتكت منها وهى برضه كانت والدة قيصرى .. وانا فضلت كذا يوم بعد الولادة مش بعرف ادخل الحمام والدكتورة كانت كاتبالى ملين .. بيتهيألى انه حاجة عادية بس اسألى الدكتور بتاعك عشان يديكى حاجة للبواسير دى المها زفت ربنا يعينك


وجربت البيبى درينك عجب أوجى الحمد لله وبقت بتنام معاه .. مش هجيب البيبى كالم تانى بقى
بس هو ينفع اعملها رضعة من البيبى درينك 100 ملل ؟؟؟ ولا مايتفعش لديها منه اكتر من 50 ملل؟؟؟

لي عودة مرة تانية

Eng. BoB;11780201:
يااااه يا توتا انا كنت فاكرة انى حالة مع نفسى انا فعلا ايدى الشمال اللى كان فيها الكانيولا بتنمل لحد دلوقتى مع نفسها والعرق بيوجعنى لو لمسته بالصدفة مش عارفة ليه بصراحة .. بس باقى الاطراف مش بتنمل

انا جايبالها برضه سايمثيكون بس ماجربتوش ولا مرة

والبواسير هدى أجمل أيام العمر كانت اشتكت منها وهى برضه كانت والدة قيصرى .. وانا فضلت كذا يوم بعد الولادة مش بعرف ادخل الحمام والدكتورة كانت كاتبالى ملين .. بيتهيألى انه حاجة عادية بس اسألى الدكتور بتاعك عشان يديكى حاجة للبواسير دى المها زفت ربنا يعينك


وجربت البيبى درينك عجب أوجى الحمد لله وبقت بتنام معاه .. مش هجيب البيبى كالم تانى بقى
بس هو ينفع اعملها رضعة من البيبى درينك 100 ملل ؟؟؟ ولا مايتفعش لديها منه اكتر من 50 ملل؟؟؟

تخيلي اني انا ايدي اللي ما كنش فيها الكانولا هي الي بتوجعني

على فكرة ينفع عادي تدي 100 ملل بيبي درينك

الدكتور قالى البيبي درينك بيعمل مغص و مش حلو
كتبلي على ميلوبا او ميلودى:)
ياااا وديييع

m@hy;11785268:
الدكتور قالى البيبي درينك بيعمل مغص و مش حلو
كتبلي على ميلوبا او ميلودى:)
ياااا وديييع

ميلوبا دا طعمه اكي بصراحة انا اللي بشربه لانه مش قابله تماما وانا كمان معدتي بتتقلب منه بس اعمل ايه حرام الفلوس بصراحة :037:

انا فعلا جبت ميلوبا ومش مشجعة ابدا اني اديه ليوسف بديه بيبي درنك بس فعلا جوزي لحظ اني لما بدهولة بيبقا مزرجن جدا

white angel 85;11775944:
نفس الاسئلة :094:

طيب انا لسه ماما بقالي 18 يوم بس بس عندي نصيحة نونو كدة اهم حاجة البامبرز يتغير كل ساعتين بالكتير لان البيبيهات ياعيني جلدهم بيبقى حساس خالص
حاجة تانية انا ابني بعد ما بنضفوا بالمية الدافية بمسحله بقطنة مليانة بيبي اويل عشان زيادة نضافة وكمان بتخلي الكيكي مايمسكش في جسمه ويساعد انه مش يتسلخ كمان البيبي لو انعود على النضافة حيعيط اول مايعمل بيبي ويبقى مش نضيف

حاجة كمان الدكتور قالهالي التكريع مش بالضرب على الضهر لأ بالمسح الجامد على الضهر كدة



بس نفسي بجد في حل لابني مش بيرضى ياخد اي اعشاب كاره كله و كمان ماء غريب بيعيط كأني بديله سم وكمان المغص البشع انا بديله ساميثكون بس بحس انه مفعوله قصير

انا برده بنتي كانت رفضه الاعشاب خالص
اما بالنسبة لموضوع المغص ده طبيعي برده في الاول انا بدي يوسف مع سايمثكون دوه اسمه ديندينوكس 2.5 مللي
واحيانا ال2 مبيعملوش حاجة واقعد انا اشد في شعري

بالنسبة لموضوع البواسير بعد القيصري انا في بنتي الاولي جتلي وكانت عذاب
بس لحقت نفسي في الولادة الثانية وخدت لبوسة جلسرين بتاعت الاطفال مش الكبار والحمد لله الموضوع كان رحمة عن الولادة الاولي

جزاك الله خير

كريزي اناناس انتي فيييييييييييييين ؟

يابنات لو عاوين تسكروا الاعشاب سكروها بسكر البنات عارفينه ده سكر طبيعي ومش مضر ان شاء الله
بس يعني مش هم لسه مولودين
انا كنت بعمل كدى والاعشاب دافيه وبحطها تدوب وتحلي من غير سكر وعسل


كنت عاوزه اكول كمان للي بترضع صناعي بلاش تدفي الميه الا لو الجور برد اوي غير كدى اعملي الرضعه بميه فتره لان الطفل لما يتعود عل اللبن دافي حيفضل كدى علطول ويتعود ماياخدش الرضعه غير لما تبقى دافيه فخليها فاتره
الا الرضع اوي يعني من 3 شهور كدى

البرج اليسر;11787673:
انا برده بنتي كانت رفضه الاعشاب خالص
اما بالنسبة لموضوع المغص ده طبيعي برده في الاول انا بدي يوسف مع سايمثكون دوه اسمه ديندينوكس 2.5 مللي
واحيانا ال2 مبيعملوش حاجة واقعد انا اشد في شعري

انا كمان عندي ديدينوكس بس هو لزج اوي و مومو مش بياخده بيتفه ويقريف اكتر