المكرونة النجرسكو من مطبخي يا قمرات قولولي رأيكوا ايه :032::032::032:
اولا المكونات اللي باستخدمها هي : معلقة كبيرة صلصة طماطم ومعلقة كبيرة مستردة ومعلقتين كبار مايونيز وماشروم زي ماتحبي
مكعب مرقة ماجي وشوية شطة وملح وفلفل اسود وبصلة بس نسيت اصورها D:
جبنة موزاريللا وجبنة رومي مبشورة نسيت اصورها بردو
طبعا نسلق كيس مكرونة اسباجتي بعد مانكسرها علي اتنين في مية وزيت وملح ونسيبها علي جنب
وبعدين نفرم البصلة ونصفرها في معلقة سمنة
ونشوح فيها قطع الفراخ النيئة لغاية ماتستوي
وبعد ماتستوي خالص نحط عليها المكونات كلها اللي هي الصلصة والمستردة والمايونيز والملح والفلفل والشطة ومكعب المرقة المفتت والماشروم في الاخر
وبعدين نعمل البشاميل بقي انا بعمله معلقتين سمنة اصفر فيهم معلقتين دقيق واحط عليهم كوبايتين لبن وكوباية شوربة وملح ورشة فلفل اسود بسييييطة اوي وساعات بحط ربع مكعب مرقة دجاج و اقلب كويس علشان مايكلكعش لغاية القوام المطلوب وطبعا النجرسكو بتبقي عايزة بشاميل خفيف شوية
وبعدين نحط شوية بشاميل علي المكرونة المسلوقة ونقلب كويس
ونبدأ بقي نحط في الصينية الاول نص كمية المكرونة وعليها الفراخ كلها ونرش عليها رشة جبنة موزاريللا
وبعد كدة نحط نص المكرونة التاني وفوقيه الباشميل كله ونرش فوق الوش جبنة رومي مبشورة ورشة بسيطة موزاريللا وندخلها الفرن
ودي بقي بعد ماطلعت من الفرن بس الصورة مش حلوة :040:
وكانت طعمها حلو وخفيفة الحمدلله
:032::032::032::032::032::032::032::032::032::032::032::032::032:
في انتظار آرائكوا وتقييماتكوا وتشجيعكم ياقمرات :072::072:
الي اللقاء :025:
