محتارة مع روضة ومدرسة طفلك.. حياكم

زين امهاات شخبااركم ..

مو كانه الروضات فتحو باب التسجيل من وقت << خرفت !!!

المهم عندي استفسااار ..!!

امم ..

ولدي مواليد 2008 شهر 2 ..

متى اسجله حق الروضه انا اقول حق الفصل الثاني ان شاء الله ..

بس صديقتي ولدها اكبر من ولدي بشهرين ,

وامس راحت سجلته و يصير من مواليد 12-2007 ..

متى اسجله , الفصل الاول في نظري بيكون صغير ممو !!

الفصل الثاني انسب يكون تم الثلاث سنوات بأذن الله ..

شرايكم !!

هلا حبيبتي انا بنتي شهر 14/ 2/2008 مايصير السنة الجاية اسجلينه مو شهر تسعة الياي لا السنة الي بعدها يصير 3 سنوات وتقريبا وخمس شهور انصحج لادخلينه اقل من 3 سنوات لان بعيدونه انصحج السنة بعد الجاية مع بنتي معنه شوفي بنت اختي قبل بنتي باربع شهور يعني عمرها سنتين واربع شهور احين وبنتي سنتين فقط بدش السنة الجاية وبنتي بعد الجاية تاريخ ميلادها 20 /10 /2007

فيون;11521888:
السلام عليكم انا ابي روضه في المحرق يعني روضه خاصه
انا ماعرف شي في البحرين خليجيه انا ومقيمه في البحرين بليز ساعدوني
هل يصير مثلا ادخلها روضه نادي المحرق يقولون زينه يعني مو خ اصه وبعدين انقلها مدرسه خاصه
سالت عن الشويفات سعرها مبالغ فيه
طيب مو شرط في المحرق تعرفون روضه خاصه زينه قريبه من المحرق الله يعافيكم الحين كل الروضات بدا التسجيل واخاف يفوتها التسجيل

روضة سدرة العصافير في عراد ، والبشائر في الحد هذلين اكثر روضتين زينين ويمدحونهم قريبين من منطقة المحرق :)

زهور يانعة;11521788:
انا اسمع عن مادلين زينة ووايد يمدحونها اما بلو سكاي ما عندي فكرة عنها وهي جديدة ما صار لها فترة طويلة

تسلمين اختي على الرد ، وياليت اسمع راي بقية الخوات :049:

مهو التسجيل للسنه القادمه بداء من الحين ..!!

وانا على الفصل الثاني لما يكون ولدي كمل ال3 سنوات يكون ادخله ..!

هذا الا قصدته ..!

ام علاوووي;11529405:
مهو التسجيل للسنه القادمه بداء من الحين ..!!

وانا على الفصل الثاني لما يكون ولدي كمل ال3 سنوات يكون ادخله ..!

هذا الا قصدته ..!

برأي الشخصي تخلينه الا السنة الا عقب يعني شهر 9 /2011لان الفصل الثاني ما بستفيد شي بصير متأخر على الاطفال في الحروف والأرقام وما بتأقلم نفس الكورس الأول وهو جدي جدي راح تنعاد له السنة

طرشوا الينا اوراق للتسجيل من الروضة في بداية شهر مارس
الحمدلله اني سجلت ولدي للسنة القادمة لـ مستوى ثالث جان لا يطوفه التسجيل في روضة أنوار الغدير لان اني مرتاحة من تعاملهم وتدريسهم

اختي شهوده للحين التسجيل مستمر بروضه انوار الغدير؟؟

وجم رسومهم مع المواصلااااات

ووين تصير با الضبط؟؟؟؟

أم علاوي التسجيل في الروضة يكون على سنة الميلاد يعني حق السنة الجاية يسجلون مواليد 2007 أما ولدش بيكون السنة إلي عقبها إلا إذا حصلتي له مجال الكورس الثاني وأخذوه منهم أو من نفسهم لكنه السنة إلي بعدها بعد بيكون مع المستوى الأول يعني في الفصل الثاني بيدرسه مرتين

اهاا ومنكم نستفيد ..!!

لانه ماعندي خبره ..

&& شهوده &&;11533309:
اختي شهوده للحين التسجيل مستمر بروضه انوار الغدير؟؟

وجم رسومهم مع المواصلااااات

ووين تصير با الضبط؟؟؟؟

السلام عليكم
اي فيه تسجيل بس انتي تريدين اي فرع بس بسرعة لا يخلص تسجيل خاصة المواصلات
( فرع عالي / جدحفص / توبلي / جدعلي )
اني ولدي في فرع جدحفص التسجيل 10 ورسوم الشهري 33 والكتب 10 و الرسوم المواصلات على حسب المنطقة
اني اعرف الا في جدحفص بعد مستشفى الدولي الباقي والله ما ادري وين يصيرون اذا تبغين اي فرع بطلب لش رقمه لان اني علاقتي مع الادارة اوكي اتمني لك التوفيق خيو

لؤلؤة الخليج شرايكم فيها؟

انا بسجل ولدي ان شاء الله يوم الاحد لان تعبت من التفكير

المدرسه وايد اللي يمدحونها بس احد عنده فكره عن مدرساتهم شنو جنسياتهم؟؟

انا كنت متحيره بينها و بين الرجاء و كانو و وقع الاختيار على اللؤلؤة لمناسبه المناهج و الاسعار

===============

دلزعه ابوي سألتي عن مادلين

مادلين ممتازه جدا و كنت ابي اسجل ولدي فيها السنه بس ماكنت ادري ان التسجيل لازم يكون من وقت

يعني ماتنطرين لعمر الياهل يكبر و تروحين تبين تسجلين حق السنه اليايه مثلا جذي ماتحصلين

سجلي البيبي و هو بعمر شهور عشان تضمنين له مكان لان كلش ماعندهم مجال كلش ضغط

مشكوره حبيبتي شهوده للرد

انا ابي فرع جد حفص

انا ما ادلها بس قلت اذا جريبه ما ابي مواصلااااات لأني من جد حفص يعني اقدر اودي بنتي وارجعها

مراوي;11536214:

دلزعه ابوي سألتي عن مادلين

مادلين ممتازه جدا و كنت ابي اسجل ولدي فيها السنه بس ماكنت ادري ان التسجيل لازم يكون من وقت

يعني ماتنطرين لعمر الياهل يكبر و تروحين تبين تسجلين حق السنه اليايه مثلا جذي ماتحصلين

سجلي البيبي و هو بعمر شهور عشان تضمنين له مكان لان كلش ماعندهم مجال كلش ضغط

يعني اسجلها وهي شكبر مثلا؟
ماعندج فكره عن الأسعار كلش؟ ومكانها بالضبط؟ واذا موقعهم بعد احسن واحسن؟

&& شهوده &&;11536528:
مشكوره حبيبتي شهوده للرد

انا ابي فرع جد حفص

انا ما ادلها بس قلت اذا جريبه ما ابي مواصلااااات لأني من جد حفص يعني اقدر اودي بنتي وارجعها

لا شكر على واجب حاضرين خيه تمنياتي لعيالنا التوفيق

بنات المحرق و اللي عندها خبره ...

حبيباتي حبيت أستفسر عن أفضل الروضات في منطقة المحرق ، و لو زين بعد أعرف عن أفضل المعلمات اللي في الروضة ...

لأن معظم الأحيان يطغى اسم الروضة و شهرتها على جودة التعليم في الروضة ، و على جودة المعلمة اللي تدرس الطفل.. و شكثر أعرف ناس سجلوا أطفالهم في الروضات ذات الأسماء الرنانة لكن ما استفادوا شي لأن المعلمة اللي تدرسهم مو ماشية وياهم عدل أو لظرف ما يغيرون لهم المعلمة أكثر من مرة خلال الفصل الواحد ... و بعدين اضطروا لنقلهم لروضة ثانية ..


على فكرة تعليم الطفل شراكة بين الروضة و البيت و الطفل نفسه ...

السموحة إذا طولت عليكم

تسجيل لروضة زينة الحياة لطلاب القدامى من 9 مارس الى 30 مارس

صباح الورد يا عرايس...
حبايبي الصراحه أنا من الإمارات و محتاره وااااااااااايد في مدرستين ودي أدخل ولدي فيهم, وسبب إختياري لهذه المدرستين هو قربهم عن البيت أولاً و ثانياً دراستهم جيداً جداً بالنسبه للKG..

المدرستين هم مدرسة جرين وود و مدرسة المهارات الحديثه..وهم في منطقة محيصنه

بتكلم عن الدرستين بإختصار:

1- مدرسة جرين وود عالميه:
- منهج أمريكي هاركوت
-مدرسة معترفه فيها عالمياً و في نفس الوقت الطفل يتعلم الإنجليزي بطلاقة و تركز عليها بالدرجه ا لأولى.
- من حكم مشاهدتي للواقع حسيت إن المدرسة تعود الطفل الإعتماد على النفس, و الإستقلاليه, و الجرأة مما جذبني للمدرسة.
- المدرسة من الداخل و الخارج جيد جداً, بالنسبة للKG1 الصفوف مزوده بأماكن لوضع الكتب و المدرسة بها صالة ألعاب خارجيه و داخليه + مسبح.
- في الKG1 طبعاً يعلمون الطفل كل الحروف الإبجديه بالعربي و الإنجليزي + أيام الإسبوع + قراءة القصص+ الألوان+ الأشكال و أيضاً يعلمونهم السباحه.
- المدرسات بين الأجانب و بين العربيات.
هذه إلي أذكره.

2- بالنسبة لمدرسة المهارات الحديثة:

- أيضا منهج أمريكي هاركوت.
- مدرسة معترفه فيها دولياً و تركز على تحفيظ القرآن بشكل رئيسي من الدرجه الأولى و الإنجليزي من الدرجة الثانيه.
- بحكم مشاهدتي للواقع أحس إن المدرسة ما تعود الطفل على الإعتماد على الذات و أحسه مش جريء في الكلام .
- المدرسة من الداخل و الخارج ممتازه, وعجبتني كثير و أكثر شي الكانتين, وصفوف و حمامات السباحه و طبعا مزوده بصالتين ألعاب خارجيه و داخليه.
- في الKg1 يعلمون الطفل أيضاً جميع الحروف الأبجديه بالعربي و الإنجليزي + الأشكال بس حصص الإنجليزي عندهم أقل و على الطالب إنه يحفظ جزء عمه كامله.
-أغلبيه الطاقم الدراسي هم عربيات و ملتزمات و معاملتهم ممتازه مع الزوار.
- وعلى فكره ترى المدرسة تابعه للشيخ(عبدالله الكمالي) مدير مراكز الشيخ مكتوم لتحفيظ ا لقرآن و هو أشهر من النار على العلم, ودائماً يظهر في البث المباشر و كلامه ماشاء الله رووووعه و يدل على وعي و إلتزام تااام.


حبايبي أنا كتبت هالمعلومات عشان إلي حاب يدخل طفله في وحده من هذه المدرستين ياخذ فكره عنهم و في نفس الوقت

سلام

في احد هني عندة معلومات عن مدرسة كواليتي اديوكيشن سكول؟

ابي أسأل بدأ السجيل في روضة لآلئ البحرين؟

سلااااام شخباركم بغيت اسأل تعرفوون روضات زينة في مدينة عيسى او قريبة منها (ضواحيها ) غير عن روضة انوار الغدير لان رحت شفتها ما يهتمون عدل باللغة الانكليزية وافضل ان تكون الادارة شيعية و رحم الله والديكم