محتارة مع روضة ومدرسة طفلك.. حياكم

غريبه22;13261773:
انا بعد اسال عن ابجد هوز هي في النويدرات مبناهم اصفر وكان عندهم توسعه كنت رايحه عشان اسجل ولدي بس قالوا لي بدايه نوفمبر اما عن الرسوم ماعندي فكره وتدريسهم سمعت ولد صديق زوجي قول ممتاز حتى يعطونهم اسماء الحيوانات بالانجليزيه ويهيون الطفل للصف الاول من قلب ! ان شاءا لله ما تتغير اذا بغينا نسجل ولادنا وبسال بعد وبخبركم

مشكورة خيوو
سالي الينا خيوو لان ابغي اسجل بنتي وخايفه

خيوو ياسمينه الفريج

صح كلامش بس ويش يضمن اليي انها اوكي
غير اذا احد مجرب الشي واستفاد منه

وعن روضه انوار الغدير ناس واجد ما ارتاحو حق الا في توبلي
اقولون فرع الا في جدعلي احسن تدريسهم

ولا يندرى عنهم

السلام عليكم
كيفكم يا امهات وشخباركم مع المدارس؟؟

اني طافشة والحمد لله لحد الحين وتونا اول اسبوع
المهم خواتي مو هذا الموضوع الي ابي اسألكم عنه

الموضوع انه اني سجلت بنتي الي عمرها 5 سنوات في مدرسة النور العالمية بعد ما طفشت ادور روضات حوالين سترة
كلهم مسكرين التسجيل خاصة انها بتكون تمهيدي

المهم رحت النور وقبلوها بس قالوا لي تروح الصف الاول مو الروضة !!

كلش مو في بالي اني اوديها الصف الاول ما ادري احس روحي مو متقبلة السالفة

بنتي كانت في روضة النورين بس لان انتقلنا الى سترة لازم انقلهافي روضة قريبة
وما حصلت كلهم ما يقبلون


بغيت اسأل هل بيكون سهل عليي وعليها ؟ الامهات الي مجربين يدخلون اولادهم مدارس خاصة
شلون تقبل الطفل الي عمره 5 سنوات لمناهج الصف الاول ؟ ومناهج النور خاصة

الي يعرف اي معلومات عن المدرسة ارجوكم لا تترددون
صار لي ساعة ابحث في النت وهالموقع ما شفت شي يفيدني

للحين ما داومت بنتي بس رحت دفعت الرسوم الى شهر 10 يعني تداوم الاحد الجاي ان شاء الله
ورحت اخدت الكتب بس مو كامل يعني بس الكتب الي بالعربي نفس كتب المدارس الحكومية اخدتهم
يقولون في كتب غير خاصة للنور للحين ما استلمتهم بعد كلهم بالانج وفي فرنسي بعد

ابي اسأل شخبار المدرسة وشلون تعاملهم مع الاطفال ؟ وكم الواجبات ؟

المدرسة ما عجبتني واجد احسها صنادق في المبنى القديم اتوقعت انهم في المبنى الجديد !

طمنوني يا امهات اذا تدريسهم زين بغاور عن سالفة المدرسة والمبنى


اني عندي بنتين بعد غير في مدرسة سترة ادعو لي الله يهدي بناتي ويتأقلمون مع مدرستهم الجديدة كانوا في الدراز والحين نقلتهم

احس اوضاعهم زينة نوعا ما بس بنتي الصغيرة الحين واجد احاتيها صراحة طمنوني الله يخليكم

مع الشكر

*بنت النوخذة*;13263814:
السلام عليكم
كيفكم يا امهات وشخباركم مع المدارس؟؟

اني طافشة والحمد لله لحد الحين وتونا اول اسبوع
المهم خواتي مو هذا الموضوع الي ابي اسألكم عنه

الموضوع انه اني سجلت بنتي الي عمرها 5 سنوات في مدرسة النور العالمية بعد ما طفشت ادور روضات حوالين سترة
كلهم مسكرين التسجيل خاصة انها بتكون تمهيدي

المهم رحت النور وقبلوها بس قالوا لي تروح الصف الاول مو الروضة !!

كلش مو في بالي اني اوديها الصف الاول ما ادري احس روحي مو متقبلة السالفة

بنتي كانت في روضة النورين بس لان انتقلنا الى سترة لازم انقلهافي روضة قريبة
وما حصلت كلهم ما يقبلون


بغيت اسأل هل بيكون سهل عليي وعليها ؟ الامهات الي مجربين يدخلون اولادهم مدارس خاصة
شلون تقبل الطفل الي عمره 5 سنوات لمناهج الصف الاول ؟ ومناهج النور خاصة

الي يعرف اي معلومات عن المدرسة ارجوكم لا تترددون
صار لي ساعة ابحث في النت وهالموقع ما شفت شي يفيدني

للحين ما داومت بنتي بس رحت دفعت الرسوم الى شهر 10 يعني تداوم الاحد الجاي ان شاء الله
ورحت اخدت الكتب بس مو كامل يعني بس الكتب الي بالعربي نفس كتب المدارس الحكومية اخدتهم
يقولون في كتب غير خاصة للنور للحين ما استلمتهم بعد كلهم بالانج وفي فرنسي بعد

ابي اسأل شخبار المدرسة وشلون تعاملهم مع الاطفال ؟ وكم الواجبات ؟

المدرسة ما عجبتني واجد احسها صنادق في المبنى القديم اتوقعت انهم في المبنى الجديد !

طمنوني يا امهات اذا تدريسهم زين بغاور عن سالفة المدرسة والمبنى


اني عندي بنتين بعد غير في مدرسة سترة ادعو لي الله يهدي بناتي ويتأقلمون مع مدرستهم الجديدة كانوا في الدراز والحين نقلتهم

احس اوضاعهم زينة نوعا ما بس بنتي الصغيرة الحين واجد احاتيها صراحة طمنوني الله يخليكم

مع الشكر

مرحبا اختي كأنش تقصين قصتي مع بنتي بالضبط رحت النور وقالوا لنا صف الأول والمفروض يسوون لها امتحان قبول بس قالوا لي اذا تعرف الحروف والأرقام بالانقليزي بس هي ماتعرفهم لأنها كانت في روضه الغـــدير ومايعطونهم الأنقليزي الا اخر سنه وعمرها 5 سنوات وهي المفروض مثل بنتش اخر سنه روضه بس ماكنت ابغي اخليها في الروضه وابغي روضه ثانيه بس ماحصلت الا النور

بس الحين زوجي اقترح عليي انه نقول لهم يخلونها في الروضه اخر سنه وعادي مايقولون شي وقالي لا تسبقين عمرها وتبهدلينها في اشياء اكبر من عقلها رغم انه الطفل بسرعه يحفظ ويتعلم بس مادري تحيرت

وبغيت اسألش اذا سووا لها امتحان شنو كان كتابي ولا شفوي وشنو المحتوى

وجم الوقت الي اخذوه لين ردوا عليكم انه في مجال لأنه قالوا لنا بيتصلون اذا في مجال :(

احس روحي تعبانه وموعارفه شنو اسوي صدق التربيه صعبه :'(واحنا تونا اول المشوار الله يعينا ويعينهم ان شاء الله

هلا اختي 3bm
اي سووا اليها امتحان قبول وتقريبا اخدنا فيه ساعة الا ربع بس

الامتحان طبعا اني ما شفته بس بنتي تقول سهل واجد

بنتي كانت في روضة الغدير سنة وفي روضة النورين سنة ومسكينة واجد تحاتي طالعة عليي وخايفة ترسب مسكينة بس بعد الامتحان تقول سهل واجد مال الروضة كأن هههه يا زعم هي الحين كبيرة وبتروح المدرسة

ما تذكر ويش عطوها بس تقول العربي في الحروف تتعرف عليهم وفي صور وتوصيل للحرف الي يبدأ به وفي الرياضيات تكتب الارقام وفي اشياء تعدهم وتكتب العدد

والانجليزي صور واشكال وحيوانات لازم تعرفهم بالانج وبعد الارقام بالانج

عموما نفس مستوى الروضة مو اقل بنتي ما شاء الله جابت زين فيهم كامل واتصلوا الينا عقبها يمكن ب 3ايام يعني اتأخروا بعد
واني اتصل ما يعطون وجه يقولون احنا بنتصل لا تتصلون انتون اني خفت انها ما نجحت وان رحت اشوف سالفة الزي المدرسي مالهم

المشكلة انهم ابتدوا العام الدراسي يعني صار 8 ايام تأخير عليها واكيد بتتجمع الواجبات بعد

اجراءاتهم بطيئة

ويبون ندفع رسوم شهر 9 ادا نبي نوديهم اخر يومين في الشهر وطبعا اني ما رضيت خليتها في البيت وخل تداوم الاحد الجاي بداية شهر 10 وقالوا عادي


وطبعا ثياب الروضة تروحين تاخدينهم من بيت الازياء

ما عجبني موديلهم بس هم زي موحد امرنا لله ويش نسوي شريته ورحت عدلت في المقاس في الخياط لاني ما حصلت مقاس بنتي شريت طويل ورحت ضبطه واحس الخياط عفسه شوي :(

شريت مريولين وقميص ابيض واحد وفانيلة بيضه وسروال ابيض ب 30 دينار احس واجد الاسعار ما تسوى نحصل نوعية واجد افضل في السوق بأقل من شدي بس لان يبون شعار المدرسة فيهم

كل شي يهون وعادي بس اهم شي بنتي اشوفها مرتاحة ومتقبلة ومستوعبة للمناهج ان شاء الله

يا ريت الي يدري عن مناهجهم لا يبخل علينا واجد احاتي

الله يوفق الجميع

مراحب

انا رحت سجلت ولدي في مدرسه النور ع شهر 8 بس هو كان عمره 4 سنوات قالوا لي بخلونه نيرسي من جدي سحبت الاوراق يوم المقابله ؟

ليش يعني على اي اساس يحددون الصف مو على العمر .

هلا اختي

اكيد على العمر
اني بنتي عمرها 5 سنوات وقالوا لي يسجلون الي عمرهم 5 في الصف الاول

دعواتكم بكرة اول يوم بتداوم في المدرسة

امهات شرايكم في المدرسة الهندية تتوقعون اوكي اسجل ولدي فيها ولا اروح لخيار ثاني أفضل؟؟؟؟؟؟؟؟؟؟

بنت النوخذة الله يوفق لج بنتج وتتاقلم مع المدرسة بس وين موقعها مدرسة النور؟؟؟؟

عروس ديرتي

مدرسة النور في سترة

*بنت النوخذة*;13276697:
هلا اختي

اكيد على العمر
اني بنتي عمرها 5 سنوات وقالوا لي يسجلون الي عمرهم 5 في الصف الاول

دعواتكم بكرة اول يوم بتداوم في المدرسة

الله يوفقها وينجحها ويحفظها لكم يارب

! أنــثــى !;13216372:
امهات ابي منكم معلومات عن المعهد الديني الجعفري .


و لكم ألف شكر !

*بنت النوخذة*;13271446:
هلا اختي 3bm
اي سووا اليها امتحان قبول وتقريبا اخدنا فيه ساعة الا ربع بس

الامتحان طبعا اني ما شفته بس بنتي تقول سهل واجد

بنتي كانت في روضة الغدير سنة وفي روضة النورين سنة ومسكينة واجد تحاتي طالعة عليي وخايفة ترسب مسكينة بس بعد الامتحان تقول سهل واجد مال الروضة كأن هههه يا زعم هي الحين كبيرة وبتروح المدرسة

ما تذكر ويش عطوها بس تقول العربي في الحروف تتعرف عليهم وفي صور وتوصيل للحرف الي يبدأ به وفي الرياضيات تكتب الارقام وفي اشياء تعدهم وتكتب العدد

والانجليزي صور واشكال وحيوانات لازم تعرفهم بالانج وبعد الارقام بالانج

عموما نفس مستوى الروضة مو اقل بنتي ما شاء الله جابت زين فيهم كامل واتصلوا الينا عقبها يمكن ب 3ايام يعني اتأخروا بعد
واني اتصل ما يعطون وجه يقولون احنا بنتصل لا تتصلون انتون اني خفت انها ما نجحت وان رحت اشوف سالفة الزي المدرسي مالهم

المشكلة انهم ابتدوا العام الدراسي يعني صار 8 ايام تأخير عليها واكيد بتتجمع الواجبات بعد

اجراءاتهم بطيئة

ويبون ندفع رسوم شهر 9 ادا نبي نوديهم اخر يومين في الشهر وطبعا اني ما رضيت خليتها في البيت وخل تداوم الاحد الجاي بداية شهر 10 وقالوا عادي


وطبعا ثياب الروضة تروحين تاخدينهم من بيت الازياء

ما عجبني موديلهم بس هم زي موحد امرنا لله ويش نسوي شريته ورحت عدلت في المقاس في الخياط لاني ما حصلت مقاس بنتي شريت طويل ورحت ضبطه واحس الخياط عفسه شوي :(

شريت مريولين وقميص ابيض واحد وفانيلة بيضه وسروال ابيض ب 30 دينار احس واجد الاسعار ما تسوى نحصل نوعية واجد افضل في السوق بأقل من شدي بس لان يبون شعار المدرسة فيهم

كل شي يهون وعادي بس اهم شي بنتي اشوفها مرتاحة ومتقبلة ومستوعبة للمناهج ان شاء الله

يا ريت الي يدري عن مناهجهم لا يبخل علينا واجد احاتي

الله يوفق الجميع

مشكوره خيوتي ماقصرتي وان شاء الله ربي يخليها ويوفقها

وترفع راسش دايما


وعلى الزي ترا بيت الأزياء يضبطون المقاس جان قلتي لهم يسوونه عادي


والله يطمن قلبش وريح بالش احس اني خفت اني بعد :hysterical:

هلا خواتي ومشكورين ما تقصرون

الله يخليكم ويحفظ اليكم اولادكم يا رب وينجحون ويتفوقون بإذن الله

اليوم رحت وديت بنتي مدرسة النور اول يوم دوام اليها وعلى الله بنشوف اذا رجعت ويش القصص الي بتقولها

الكتب للحين ما عطوني كلهم يقولون كان لازم يوم السبت اروح اخدهم واني السبت كنت مشغولة ما قدرت توقعت اليوم بيعطوني مرة وحدة

تقول مو كل يوم نبيع الكتب عجل ويش؟ شلون يدرسون بدون كتب؟؟ ولا ادري متى بيتصلون لي اذا صار وقت البيع !!

واليوم بعد رحت لقاء اولياء الامور لبنتي الي في صف الرابع في مدرسة سترة عجبني قابلنا المديرة والمساعدة والمشرفة ومدرسات الصف الرابع وشرحوا الينا عن المناهج والمتطلبات يعني لقاء مثمر صراحة اني استفذت منه

الله يهديهم ويهدي الجميع وتعدي السنة الدراسية على خير يا رب

خيو بنت النوخذه بنتش اللعام في النورين كانت عند اي معلمة؟

وبالتوفيق

هلا ام فطومة

بنتي اللعام كانت عند ماما صديقة وما شاء الله عليها واجد ممتازة

بنتي تموت عليها تحبها وتدريسها ممتاز وتعاملها واجد زين وراقي معاي

عموما الي سمعته انه كل المعلمات زينين تبع الروضة وعلى راسهم المديرة الفاضلة ام احمد

بنات قطر ممكن اتساعدوني .. ابي حضانه زينه قريبه من مدينه خليفة حق ولدي عمره 3 سنوات .. الي اتعرف اتقول لي .. والله تعبت وانا ادور له ..

ان شاء الله البنات يفيدونج

ابي اسأل صديقتي بنتها بتسجلها في مدرسة نسيبة بنت كعب في مدينة حمد احد يعرف افضل مدرسة نظام فصل للصف الأول؟

بنات عندي كم مدرسة أبي أسأل عنها ياريت اللي تعرف عنهم ترد علي ضروررري

1- تالنت انترناشونول اند انفنت سكول ياريت أعرف اي أفضل الفرع اللي في المنامة أو اللي في الرفاع من ناحية الشكل وكل شي .. وبعد عن المنهج بالنسبة للعربي والدين
وبالنسبة للمعلمات والادارة كلهم أجانب والا فيه بحرينيات وعرب ؟
و بعد عن كل شي الاهتمام والتواصل ...
وبالنسبة لليونيفورم شفته في موقعهم وعجبني وااايد :014:


2- كوالتي ايديوكيشن سكول بعد بسأل عن المنهج وعن الادارة والمعلمات كلهم أجانب والا فيه عرب وكم نسبة المدرسات العرب في المدرسة تقريبا وحتى بالنسبة للطلبة فيه أجانب وايد والا قليل ؟ وبعد بسأل عن شكل المدرسة وساحة الفسحة واذا حد يعرف عن الزي الألوان والموديل :02:



3- المجد سكول سؤالي عن أهتمام الادارة والمدرسات وعن اليونيفورم الألوان والموديل :02:


ياللا انتظر ردكم اللي تعرف لا تطنشوني ضروري ابي أبدل بنتي السنة الياية من المدرسة الحالية وأدور على مدرسة أفضل ..