محتارة مع روضة ومدرسة طفلك.. حياكم

انثى ... للاسف تأخرتين في تفكيرش و اني مثلش

ما كنت بودي ولدي بس الحين توني افكر اوديه و قعدت اتصل في الروضات كلها فل الا في الروضات العاديه بتحصلين

المهد اتصلت فيهم و لؤلؤة الخليخ و لآلئ البحرين كله على الويتنج لست خلوه :-o
يعني ما اتأمل يتصلون اصلا

و للحين ما سجلت الولد في مكان ... شكلي بدور روضه اي كلام و خلاص ولين اتصلوا ذلاك افراج و السنه الجايه بنقله

فتاه حاليا جربي انوار الغدير ترى مستواهم تمام ,

وفعالياتهم تمام ..!

احسن من اي كلام هههههه ..

أنثى ... المهد شطبي عليهااااا ...

ولدي فيها وماحسه تعلم شي غير اللغه .... يتكلم انجليزي زين بس مستواه متوسط بكل المواد


وماحسها مدرسه قويه ولا زينه حتى و لا اهتمام ولا شي ..... بس الله يهديه ولدي مو راضي انقله


الحين علاوي بصف اول

سلام حبايبي عجبني موضوعكم وحبيت انقل لكم تجربة أختي مع روضة واجد ممتازة جدا كأنها مدرسه خاصة بسعر روضة عاديه مستوى بنات أختي ممتاز اتخرج ولدها والحين بناتها تؤام فيها مستوى الانجليزي فوق الممتاز كأنهم متخرجين من مدرسة خاصة والعربي بعد احسن واحسن والمعلومات اللي عدهم حتى في الزراعه يعلمونهم ورياضه والصحه وفعاليات دينية ومستوى جدا رائع وراقي وتعامل ممتاز الادارة متعاونه ومتفهمه وفوق هذا عدهم أخصائية نفسية واسعاره تناسب الجميع ومقاعدهم محدوده ما يأخذون اعداد كبيره في الروضة اسم الروضة العالم الصغير وهي موجودة بسلماباد.
إنشاء الله ترتاحون وياهم مثل ما ارتحنا واني عن نفسي بودي ولدي بس يكبر عدهم لاني ادرس ولد اختي حاليا وصراحه ما شفت مستوى رياضيات مثل اللي اجوفه حاليا تصوروا القسمة يعرف ليها يعني شفوي بس علموهم اساسيات غريبه اول مره اشوفها وطبعا حتى الانجليزي بالاصوات يعلمونها بالفونيكسF::!!::thumbs_up::*::*::*::*::*:.

ام علاوووي;12196954:
فتاه حاليا جربي انوار الغدير ترى مستواهم تمام ,

وفعالياتهم تمام ..!

احسن من اي كلام هههههه ..

شكرا ام علاوي ... اتصلت فيهم قالوا في مكان ... بروح اسجله :)

فتاة الازهاار ، اني بعد اتصلت في المهد و لؤلؤة الخليج اليوم و طلع التسجيل مسكر و مثل الشي اخذو اسمه و رقمنا حتى لو صار احد انسحب يقوولون لنا اذا نبه مكانه .


اتصلت في الوسام و اخذت معلومات و ابي اسجله ، بس ماسمعت حد يمدح هالمدرسة ابدا و لو انها معروفة ممتازة ، لكن هني محد يذكرها و تخوفت


شكلي بسوي مثلش بسجله في انوار الغدير ، خوب اهلنا اغلبهم هناك ، و بشوف معهد كومون اذا ياخذون الا بعمره عشان انجليزيته ،،

!بنونه!;12196978:
أنثى ... المهد شطبي عليهااااا ...

ولدي فيها وماحسه تعلم شي غير اللغه .... يتكلم انجليزي زين بس مستواه متوسط بكل المواد


وماحسها مدرسه قويه ولا زينه حتى و لا اهتمام ولا شي ..... بس الله يهديه ولدي مو راضي انقله


الحين علاوي بصف اول

صدق ؟

هي الا فيها انها قريبة منا و اسعارها حلوة !

ياهلا

الوسام انا ماعجبتي ابدا اول شي رحت ماحسيت فيها نظام
وثاني شي وقفت عن باب المدرسه :D وقمت اسأل واحد واحد ( اولياء الامور ) عن المدرسه وكلهم قالوا انه زينه بس مو قويه يعني يعطونها من 100% 70 % وهذا خوفني
وآخر شي سالت ناس في هيئة ضمان جودة التنظيم قالوا كلش مو اوكي ومنهجها قديمه خصوصا العربيه ( المنهج اللبناني القديم ) وغيره :-o

فغيرت راي وكنسلت عليها

وبالنسبه للي ينتظر مدرسة لؤلؤة الخليج مافي امل تحصلون صار لي سنتين على الويتنج ليست 8o|

والرجاء جدا قويه لكن كله ويتنج ليست من سنتين بعد

آخر شي سجلته الحين في المعارف الي في الجفير طبعا هي قويه لكن الي مخلني ما اسجله في البدايه المسافه .

العيناوية بالتووفيق له البطل


انا في بالي الف خياار بس كلهم بعيدين و ماابي اخلي ولدي في منطقة بعيدة و عندنا القريب ،،


سمعت يقولون انه الملاك الصغير ممتازة و لغه انجليزية مكثفة عندهم .


بشووف بكرة

انثى عندك روضة السيف قوية وقريبة منكم

هذا الى اعرفه ........وروضة السماات بعد واايد يمدحونها

سلام عليكم


اني بعد ادور لبنتي روضه ومتحيره وايد

العيناويه بنتي بعد على الويتنج ليست في لؤلؤة الخليج بس انتي كنتي تبين تسجلين ولدش لأي مرحله

اني رحت الساعه 7 وشوي وماكنت اعرف انه التسجيل يخلص من وقت عدل استغربت وايد

متى فتحوا المدرسه وجوا الناس وسجلوا اولادهم !!!

3bm;12201429:
سلام عليكم


اني بعد ادور لبنتي روضه ومتحيره وايد

العيناويه بنتي بعد على الويتنج ليست في لؤلؤة الخليج بس انتي كنتي تبين تسجلين ولدش لأي مرحله

اني رحت الساعه 7 وشوي وماكنت اعرف انه التسجيل يخلص من وقت عدل استغربت وايد

متى فتحوا المدرسه وجوا الناس وسجلوا اولادهم !!!

بسجله كنت الى KG ، بصراحه كان يوم التسجيل زحمة وبدون نظام وماعجبني الوضع ابدا كانه في سوق السمج والي هناك كانو كلهم بالواسطه و مسوين التسجيل مجرد Show لانه اعرف واحد سجل بنته للصف الاول مع انه هالصف فل مافيه تسجيل لانه يعرف المديرة ويشتغل مصور للمدرسه .
يعني كلشي واسطه
اذا بدايتها جذيه خلها تولي

امهات

الحمدلله اليوم اتصلت في روضة الملاك الصغير و بعدها رحت سجلت ولدي


انطباعي عن الروضة


حلوة حلوة حلوووة ، و بجد مكان مناسب لدراسة و تسلية ..


اسلوب المديرة رااقي جدا ، سألتها عن كل شي و تكلمت لي عن كل شي ، و بعدها اخذنا لفة على كل الصفوف و طول ماانا قاعدة لاحظت اسلوب المعلمات مع الأطفال كلش حلوو و حتى الشياطين منهم ههه بدون صراخ و عصبية .


و طبعا هي لحد اللعام جزء بريطاني ( بسعر أكثر ) و جزء عربي و طبعي معاه انجليزي بس ضعيف .


لكن من السنة اعتمدو عربي و بريطاني مكثف لكل الصفوف و بنفس السعر و هناك الاطفال ماشاء الله يتكلموون انجليزي مع بعض بكلمات سهله .
و راجعه بتفاصيل أكثر عن الروضة

انثى

وين روضة الملاك الصغير

اثنى في وين الروضه هذي وشلون عن الرسوم


بالتوفيق الى السيد ان شاء الله

اي انثى ... تكلمي ازيد عن الروضه مكانها و رسومها

شجعتينا نروح نسجل فيها ;)
لا تتأخرين علينا لان بكرة ناويه اروح اسجله في انوار الغدير بس اذا هذي احسن بنروح ليها

بنات مفيش حد مغترب في السعوديه ويعرف حاجه عن المدارس الانترناشيونال

الملاك الصغير ورا صالة نريمان و المنطقة محسوبة على ( مقابه ) .


الرسوم 35 بدون المواصلات


القرطاسية 20 لطول السنة


المواصلات لمنطقتنا بس 8 دينار .


يعني 43 بس ، السعر جدا جدا معقووول بالنسبة للروضه .



لما رحت قعدت مع المديرة تقريبا نص ساعه ، سألتها عن كل شي و بقول لكم بإختصار .


طبعا مثل ما قلت لكم نظامهم الحين عربي مكثف و انجليزي مكثف ، هناك شفت ولد وحدة اعرفها اولادها كلهم في مدرسة لؤلؤة الخليج و متوقعه انه هالولد معاهم ، فتأكد لي انه فعلا الروضة تهتم بالانجليزي ،،


في الاسبوع الواحد نشاط ( سباحة ، رمل ، شي نسيته لو ذكرت برجع اكتبه ) .. لما رحت كان وقت الفطور و صف داخلين نشاط سباحة ، هناك برجة كبيييييرة و نظيفة و الاطفال مستانسين و جنبهم 3 معلمات يراقبونهم من دخلت لين طلعت ،،


اخذنا لفة على كل الصفووف ، المعلمات يبين عليهم كلش حبووبات و مهتمين بالاطفال ، لاحظت انه كل صف ادخله المعلمة الا فيه تشجعهم انه يسلمون علي و على ولدي و يرحبون فينا و يضيفونا بعد :) ،،


الدراسة تبدا 8 الى 12 .


و طبعا دوامهم مثل المدارس ، بعد العيد يبدأ .


الروضة نظييييفة و مرتبة و جووو يرتاح فيه الطفل و يحبه ،،



و اي استفسار تفضلوو

مشكورة انثى ... الله يعطيش العافيه على التقرير

اليوم ان شاء الله تكون لنا زيارة ... و شنو المستندات المطلوبه للتسجيل من صور وجدي يعني على اساس مرة وحده نوديهم

مشكورة انثى على المعلومات