محتارة مع روضة ومدرسة طفلك.. حياكم

بسمةقلبي;11678474:
بنات انا ولدي بيكمل 3 سنوات السنة الجاية شهر 12 /2011
و الروضات تفتح على شهر 10/2011
يعني بيكون عمرة سنتين و تسعة اشهر
يصير يقبلونه بهذا العمر
ومتى المفروض اسجله

اي يقبلونه يبتدي التسجيل من بداية مارس

الريح الباردة;11628165:
Talents International & The Infant School

بنات من تعرف عنها ؟ في فرع في الرفاع..

اسمع عنها زينة

hayawa;11668685:
ابي منكم اتقولولي من احسن المدارس من الروضة الى مرحلة الابتدائي فقط واشلون اللغة العربية والانج والدين عندهم المهد والمنار والتعليم العصري وبوابة المعالي وممكن معلومات عن الاسعار وهل هي رسوم شهرية او سنوية لان مافهمت للجدول الاخت رانيا احسه مخربط وابي مدارس تبتدي من 400 دينار للسنة واذا في مدارس غير اذكروها وممكن اتقوليلي عن الزي كل مدرسة للمرحلة الروضة والابتدائي وفي اي منطقة المدرسة من احسن المدارس الخاصة او الحكومية انا موحابة اودي بناتي مدارس خاصة بس اسمع هاذي وهاذي ومفتر راسي ساعدوني لان هاذي الايام لازم لغة الانجليزية اتكون قوية عند اطفالنا بس انا من المؤيدين بالمدارس الحكومية لانها صارت مناهجها قوية بس متحيرة ومن رايي ان يدرسون في مدارس حكومية والانجليزية ادرسهم في معاهد ولا اشرايكم يا امهات مفتر راسي ساعدوني قبل مايفوت القطار احين بنتي 3 سنوات مستوى اول في روضة عادية وبنتي الثانيةتو عليها عمرها سنتين ساعدوووووووووووووووووووووووووووووووووووووني

الرسوم المذكورة لمرحلة الروضة فقط

المهد

زينة بس العربي عندهم مو قوي

التسجيل 120 والشهري45 دون المواصلات

تصير في سار

المنار

اسمع انها زينة

التسجيل100 والشهري45 دون المواصلات

في سلماباد

التعليم العصري جديدة صار لها 3 سنوات

التسجيل 80 والشهري45 دون المواصلات
في الدراز

بوابة المعالي

الروضة تدريسهم مو قوي بس مرحلة الابتدئي ناس يقولون اوكي التسجيل50 والشهري35 دون المواصلات

في عالي

خيوتي عن التسجيل حاليا 38 بالمواصلات وبدون مواصلات30 وخبروني الادارة أنه سنة القادمة برفعون المواصلات 10 دينار وعن المدرسات بصراحه كلهم ممتازات لانه بنتي بصف الكتاكيت وبنت أختي البط وولد أخوي الكناري وبصراحه ثلاثهم بنفس المستوى ما شاء الله عليهم والسعر لو برفعونه أزيد عادي عندي لانه وايد مرتاحه من بنتي وأختي بعد مرتاحه نفس الشي ما أبغي أظلم أحد من المدرسات ولدي كان في روضة ثانية ما أبغي أذكر أسمها ولدي الحين بالصف الاول الحين الكورس الثاني توه يتهجى لدرجة مدرسة على باله ما راح روضة على الله ونصيحه اليكم يا أمهات في هذي الروضة

سلام بنات

ابي اعرف عن افضل الروضات بشارع البديع بليييز

وردة البحرين1;11689148:
سلام بنات

ابي اعرف عن افضل الروضات بشارع البديع بليييز

اني أفضل روضة أنوار الغدير لان ما شاء الله اولادي كلهم ممتازين مازال ولدي هناك

بنات ما تعرفون شي عن مدرسة حوار؟ قويه و لا لا؟

الرازجية;11700296:
بنات ما تعرفون شي عن مدرسة حوار؟ قويه و لا لا؟

ما عندي فكرة بس ان شاء الله البنات يفيدونش

خيو بيبي فيس بسألش ولدي كنت مسجلتنه في المهد وطرشوا على السبت انترفيو والامتحان بس فاتنا للأسف واني مضايقة على هالسبب اتصلنا ليهم امس وسالناهم اللين يسون امتحان ليه مرة ثانية قالت مالت التسجيل بتشوف مو حاطة في بالي مدرسة غيرها حتى حكومة ما سجلتنه
وبسالش ويش عطوهم يعني ويش سالوهم ويش الامتحان لان هو في الروضةالمعالي وما تعطيهم امتحان يعني على تقييمه اخر السنة يطلعون الشهادة
ردي علي ضروري

السلام عليكم
اشلونكم شخباركم خواتي بغيت اسئل عن مدرسه المهد الي عندها اعيال اموديتهم
من ناحيه المعامله مع الطلاب هل احطون بالهم عليهم من كل النواحي لان انا بنتي في سدره العصافير وابي اوديها صف الاول في مدرسه المهد وعجبني مكانهم يوم دخلت طبعا قالولي لازم انسوي حق بنتج امتحان انجلينزي والحمدلله نجحت في الامتحان بس سمعت ناس امدحونه وناس ما يمدحونها ولي خوفني اكثر ان يوم دخلت تفاجئت ان عمال النظافه اهمه اسيوين رياييل مو نسوان
ممكن الي عندها فكره عن هاي المدرسه اتقولي
وشكرا

اختي لو سمحتي متى بتش سوت الامتحان يوم السبت؟؟ ولدي فاته الامتحان امس ويش عطوهم فيه يعني اسئله لو شفهي وردوا عليكم في نفس الوقت الى تسجليها؟؟

ولدي في روضة المعالي اوكي بالانجليزي والعربي بس مايعطونهم امتحانات يعني مو متعود على طبيعه الامتحان
وفي احتمال ضئيل ان يتصلون لينا مرة ثانية الى المقابله

المدرسة زينة بنت خالتي في المهد واعرف ناس وايد اهناك بعد .. بس انتي اي فرع بتودينة ؟؟ اللي في سار اوكي لانة ..

بنت خالي في مدرسة المهد مرت خالي تمدح فيها وبدات الانجلينزي بس سمعت من ناس غير

ان اللغه العربيه مواوكي لان يعتمدون على الانجلينزي

نارما;11726674:
اختي لو سمحتي متى بتش سوت الامتحان يوم السبت؟؟ ولدي فاته الامتحان امس ويش عطوهم فيه يعني اسئله لو شفهي وردوا عليكم في نفس الوقت الى تسجليها؟؟

ولدي في روضة المعالي اوكي بالانجليزي والعربي بس مايعطونهم امتحانات يعني مو متعود على طبيعه الامتحان
وفي احتمال ضئيل ان يتصلون لينا مرة ثانية الى المقابله

هلا اختي بنتي سوت الامتحان يوم السبت وياتني مدرستها قالتلي بنتج في الانجلينزي ممتازه وعربي مو شاطره وايد كل الي عطوهم في الانجلينزي صوره قبعه ويكتب تحتها بالانجلينزي اسمها وديك وقدم والحروف الانجلينزيه سمولتر وكبتل لتر والارقام لي تن وزائد وناقص وعربي بعد يكتب صور ويكتب تحتهم بلعربي بس لان خذو بنت وقالولي انتظري ما خلوني معاهم

يتوم;11727387:
المدرسة زينة بنت خالتي في المهد واعرف ناس وايد اهناك بعد .. بس انتي اي فرع بتودينة ؟؟ اللي في سار اوكي لانة ..

انا بوديها فرع المحرق مشكوره على المرور

نوريين;11727441:
بنت خالي في مدرسة المهد مرت خالي تمدح فيها وبدات الانجلينزي بس سمعت من ناس غير

ان اللغه العربيه مواوكي لان يعتمدون على الانجلينزي

اي ان سمعت جذي ان العربي مو اوكي والمشكله بعد ان لين صف السادس بس ولين ادخلها مدرسه حكوميه اتصير صعبه في العربي

رضا الناس غاية لا تدرك..

انتي روحي المدرسة وعايني الموقع ..

وسألي وتوكلي على الله..

بسرعة اختي لا يخلص التسجيل ..

موفقة

نور المدينة;11728102:
رضا الناس غاية لا تدرك..

انتي روحي المدرسة وعايني الموقع ..

وسألي وتوكلي على الله..

بسرعة اختي لا يخلص التسجيل ..

موفقة

انا رحت حق المدرسه وسجلت بنتي بس شي خوفني سمعت انا ما حطون بالهم للاطفال مافي اهتمام مثل انا بنتي خوافه مستحيل بتروح ابروحه اللله اعزكم الحمام من جذي انا خفت ابي بس اعرف في اهتمام حق اليهال في احد امودي اعياله

المدرسه اوكي

بس اللغه العربية داون

يعني بنت اخوي فيها تعرف تتكلم انجلينزي وتحفظ اناشيد وجي

بس تعالي لها بالعربي

المعلمه مالت العربي اتجي لهم في الاسبوع مره

يعني اذا العربي مومهم عندج تقدرين تودينها

بس اكيد العربي اهم من الانجلينزي

دموع ساخنة;11731725:
المدرسه اوكي

بس اللغه العربية داون

يعني بنت اخوي فيها تعرف تتكلم انجلينزي وتحفظ اناشيد وجي

بس تعالي لها بالعربي

المعلمه مالت العربي اتجي لهم في الاسبوع مره

يعني اذا العربي مومهم عندج تقدرين تودينها

بس اكيد العربي اهم من الانجلينزي

اي اكيد العربي