هلا وغلا
حي الله بنات عروس الحلووووووين :065:
حي الله بنات عروس الحلووووووين :065:
من منا ما يحب العطورات الكل يحب الريحه الحلووووه وأنا مدمنة عطورات وأموت بريحة الفانيلا :032: بس أحب التنويع وما اتم على شي معين ....
:032:بسم الله نبتدي بعطوراتي الموجودين عندي حالياً:032:
معطر ذهب من عطورات سيد جنيد يهبل هالعطر اااااينن انا وايد أحبه ريحته حلووووه فانيلا وكراميل بس نطرووو عليه يبرد وأستمتعووو بالريحه الحلوووه
عطر فيري من فان كليف هالعطر أول ما ترشينه أو تشمينه شوي ما تقتنعين فيه بس نطريه شوي يبرد بتنبهرين فيه وااااايد ناااعم وهادي ويصلح لفصل الصيف أو النهار واذا بتستخدمينه في الليل سوي مثلي تبخري ورشي منه يطلع أحلى بوااايد
عطر كان كان من باريس هلتون يايه ريحته على سويت ويصلح حق كل وقت وحلوووه ريحته وثابته
عطر عجبه من الشايع للعطور هالعطر رهيييب يهبل مع البخور وما شاء الله ريحته قويه وثابته
عطر جفنشي هالعطر أول ما شريته ما كنت مقتنعه فيه بس من بديت أستعمله ووووايد حبيته ريحته مميزه وثقيله تصلح لشتاء او الليل وانا دايم أتبخر اذا رشيت لي من هالعطر تصير الريحه فخمه وااايد
عطر جوسي كوتيور وااااايد حلووووه ريحته مريحه وانثويه وشكله كيووووووت يونس ويصلح حق كل وقت
:032:والحين بقولكم عن العطورات الي استخدمهم في البيت بعد الشاور:032:
1- سبراي معطر الجسم بريحة الكاب كيك من فانتسي يهبل هالمعطر اااااااااااينن لين يبرد تصير ريحته مثل البسكوت والكيك بس نصيحه تركيه يبرد وحكمي
2- عطر بريحة الفانيلا يهبل هالعطر أخذته من زهور الريف بس مشكلته أول بخه تشمين ريحته يايه على ليمون وقوووي لكن أول ما تبرد الريحه صج صج صج تصير رووووعه فانيلا على بسكويت واااو
3- سبراي معطر الجسم من باث اند بدي وركس بالفانيلا والسكر ريحته نااااعمه مثل الكريمه بالفانيلا
4- معطر الجسم بالفانيلا من فانتسي وااايد حلو وقوي وثااابت
5- العطور المركزه الاثنين الي جنب بعض واحد روز مسك من أجمل والثاني مسك من عبدالصمد القرشي والعطر الدائري الاصفر وااايد حلو مخلط على ياسمين
:032:مخمريات للشعر:032:
أول مخمريه خذتها من التاجره أم خلافي تهبل بدهن العود وثاني وحده مخمريه بعطر قديييم وايد أحبه وثالث وحده مخمريه رازجي بدهن العود وأخر شي مخمريه من عطورات الحماد وكلهم حلوووووووووين
:032:بخور لغرفتي:032:
وااايد أحب أبخر غرفتي أرتاح تفسيا أول واحد أسمه الدخون الملكي أخذته من التاجره أم خلافي
وثاني واحد الأحمر أحبه أكثر من الاول لانه وااايد حلو وثابت ما شاء الله
أتمنى موضوعي يعجبكم ولا تنسوني من التقييم الحلو :025:
:032: بحفظ الرحمن :032:
