خزائن المطبخ

تعالوا ما كملت

حبيبتي لزوم البهدله و علشان تقدرون ليش محبطه من مطبخي المغسله صناعي و الأسطح طبيعي :-#فما ادري عن سالفة الحرارة

ومغسلتي اي منقطه و ما ادري عن الأسئله الباقي صراحه

شنو الفرق بين الالمنيوم الطبيعي والصناعي؟
وحاليا الناس تفصل مطبخهم المنيوم او خشب؟
وليش ماتفضلون يكون الفرن بين الخزاين؟

مطابخ سيدتي والعفيفي والرشيد وعالم المطابخ هذين كلهم شركات سعودية ويستخدمون الألمنيوم السعودي اللي ضربة وحدة وطاح :thumbs_down:

يمكن شغلهم صدق نظيف ومرتب وديزايناتهم حلوة لكن الواحد بعد يدور الجودة ومافي على الألمنيوم البحريني

أنا يوم اسوي لي مطبخ في البداية ما عورت راسي ورحت ادور محلات وااجد مباشرة رحت لألمنيوم الصادق ومن دخلت شفت عنده مطبخ ألمنيوم مخشب ومقابض سانلس ستيل وانهبلت عليه وقلت ابغي جذي :D بس يوم قالي ان المتر 160 دينار بدون اضافات انصعقت يعني المطبخ بيطلع علي في حدود 1500 دينار :-o وطلعت ورحت كم محل لكن ما عجبني الا في الصادق ورجعت وسويت مثله وصراحة كل اللي شافه عجبه >> قلت قصة حياتي :D

المهم اللي اخذته كان عند 3 محلات بس في البحرين الصادق والشرق الأوسط والبحرين

بالنسبة للأسطح اني افضل الصب وحتى المغسلة تكون صب أحلى وأرتب وسرعة في النظافة شوي كلوركس مع صابون وترجع جديدة وتلمع

والفرن انا افضله بين الدواليب ارتب واحلى مو حليو يكون بروحه وانا كان خاطري اسويه بلد ان بس ما حصلت السايز اللي ابغيه فسويت المايكرويف وغسالة المواعين بلد ان والثلاجة خليته بروحها وكل هالاجهزة اخذتها باللون السيلفر علشان يطلع متناسق

انا اتذكر انه في عضوة حطت نموذج للمطبخ المخشب بس ما حصلت الرابط

صراحه بنات أحس مطبخ ب 1500 واجد خصوصاً على شقه هذا عندنا في البحرين مهر مره ههههههه

هلاا أم ملااك >> أقصد أم حسوون

من خلاال شغل زووجي و معرفته بهيك أموور عنده صديق عنده محل ألومنيوم

ماا درت و لاا افتريت >> وفر عليّ تعب و شقى المدااور خخخ

و شغله حلوو و نظيف

أفضل الأنوااع طبعاً الألومنيووم البحريني هذا أمر مفرووغ منه

و أني اللي عجبني و اللي داارج ألحين هو الخشاابي

و الأسطح "فوق الخزائن" الصب يسمونه كوريان توب أفضل و أحلى طبعاً و أغلى بعد

و الفرن أفضله مع الخزاائن أحلى و أرتب >> هذا راايي

اذاا صاار عندي وقت بصوور لج جزء من الخزاائن

و اذا تبغين خيوو اسم الورشة خبريني !!

و رووحي له عنده خيااراات و يعطيج نصاائح في الأفضل و الأحسن في التنظيف و الشكل

و الله يوووفقج خيووو

خيتو احنا فصلنا مطبخنا في الغريب في سوق واقف شغله حليو ونظيف وما يتاخر على موعده وسعره كان الانسب بالنسبة لنا من حيث الجودة طبعا اخترناه بعد بحث ومعاناة والمغسلة حطيتها المنيوم لان احسها في التنظيف اسهل لان اللي تجي جرانيت ما ادري سيراميك اشوفهم يبقعون او لونهم يتغير بس بالشكل هم احلى خصوصا اذا كانو صب

أم مرااام;10984017:
هلاا أم ملااك >> أقصد أم حسوون

من خلاال شغل زووجي و معرفته بهيك أموور عنده صديق عنده محل ألومنيوم

ماا درت و لاا افتريت >> وفر عليّ تعب و شقى المدااور خخخ

و شغله حلوو و نظيف

أفضل الأنوااع طبعاً الألومنيووم البحريني هذا أمر مفرووغ منه

و أني اللي عجبني و اللي داارج ألحين هو الخشاابي

و الأسطح "فوق الخزائن" الصب يسمونه كوريان توب أفضل و أحلى طبعاً و أغلى بعد

و الفرن أفضله مع الخزاائن أحلى و أرتب >> هذا راايي

اذاا صاار عندي وقت بصوور لج جزء من الخزاائن

و اذا تبغين خيوو اسم الورشة خبريني !!

و رووحي له عنده خيااراات و يعطيج نصاائح في الأفضل و الأحسن في التنظيف و الشكل

و الله يوووفقج خيووو

صوري مطبخش ودلينا في وين سويتينه :037:

*نور العيون*;11033941:
خيتو احنا فصلنا مطبخنا في الغريب في سوق واقف شغله حليو ونظيف وما يتاخر على موعده وسعره كان الانسب بالنسبة لنا من حيث الجودة طبعا اخترناه بعد بحث ومعاناة والمغسلة حطيتها المنيوم لان احسها في التنظيف اسهل لان اللي تجي جرانيت ما ادري سيراميك اشوفهم يبقعون او لونهم يتغير بس بالشكل هم احلى خصوصا اذا كانو صب

بكم طلع عليش المطبخ

حطي لنا صورته :014:

بنات اني للحين ما افتريت واجد بس رحت كذا محل وللحين ما عجبني شي واني خاطري في الصب عشان وية المغسلة احس مرتب بس خايفة ان يتغير لونه او يبقع واخاف من الحرارة يخترب ومحتارة واجد والرخام مو عاجبني

ودخلت محل وقالي نصيحة لا تاخذين صب لان بيت اخته مسوين والمغسلة بقعت بالاصفر وحطت قدر حار وللحين اثر الدائرة ويقول من الحرارة صار فيه خدوس وتكسر

فالصراحة خفت اخذ الصب ومادري شنو لبديل وعن المطبخ الخشبي ما ابغي لانه ينخدش ويتغير لونه وانا احب اللون الهادئ بس شفت في محل ابوهاني في سوق واقف مطبخ مخشب على لون بيج ورمادي مخلوط وعجبني وقلت حتى لو انخدش ما يبين وللحين جاري البحث عن مكان يعجبني بس مستحيل افصل 1500 على شقة ابغي شي معقول يعني 800 او 900 دينار

اني للحين ماني فاهمشه
شنو تقصدون بالصب
احنا عقب جم شهر بنوصل الى مرحلة خزائن المطبخ
بس افترينا على محلات واجد
كله يقولون المنيوم سعودي
هو موسعودي 100 % مادري شيقولون نسيت صراحه
الألمنيوم بحريني بس مادري ويش يسوون فيه ويقولون سعودي
مافهمت صراحه و نسيت بعد

أني توني مفصلة مطبخي وافتريت كذا محل ما عجبني إلا ألومنيوم البحرين
هو صدق شوي غالي ويمللون على ما يوصل هالمطبخ ..
لكن في النهاية كواليتي ممتاز جدا وحق اللي تبي شي يدوم

الفرن خليته بين الخزائن لأنه أرتب وأخذته من عندهم .. عجبني لأن سيفتي عن لعب الأطفال

وجدان 2008;11339594:
اني للحين ماني فاهمشه
شنو تقصدون بالصب
احنا عقب جم شهر بنوصل الى مرحلة خزائن المطبخ
بس افترينا على محلات واجد
كله يقولون المنيوم سعودي
هو موسعودي 100 % مادري شيقولون نسيت صراحه
الألمنيوم بحريني بس مادري ويش يسوون فيه ويقولون سعودي
مافهمت صراحه و نسيت بعد

الصب يعني سطح المطبخ يسونه من مادة يصبونها في هيئة قالب يجي قطعة وحدة تتركب بدون فواصل مع المغسلة اللي تصير مثل السطح ويجي منه عدة ألوان ويسمونه الكورين توب

وتقدرين تدمجين لونين او اكثر تسوين ديزاين فيه وتقدرين بعد تسوين السطح لون والمغسلة لون ثاني يعني عندش خيارات واجد

وسعره اغلى من الجرانيت

أم مــــــلاك;11351109:

نور الكوثر, تعالي قربي مني شوي أبغاش في سوالف وااااجد:040:, أني آخر محل رحته مطابخ البحرين و خلاص دخل مخي حتى أقول البارحة لزوجي خلاص ما أعتقد أنجف عن هالمحل لأن دخل مخي و عجبتني مطابخهم بس واااجد مبالغين في أسعارهم و عن الدقة في المواعيد يقول لينا احنا دقيقين في المواعيد :047:, المهم خبريني مطبخش كم في كم , و قالوا لش بكم بسونه إليكم و شنو نوع سطح المطبخ, و شلون عرفتين انهم يمللون على ما يسونه:(

تحياتي, أم ملاك

هلا أم ملاك ..

بالنسبة لأسئلتش ..

مطبخي متوسط .. 3.2 * 3.6 على ما أتذكر .. كلفني 1650 بالفرن ..

لونه خشابي فاتح .. المغسلة سويتها ستيل .. أحسها أسهل في التنظيف ولا تخترب .. لأني تعقدت من مغسلة بيت أبوي صب ولا تتنظف كله مبقعة ..

بس تدرين عجبوني مطابخهم المودرن روووووووووووعة بس أسعارهم واجد فوق .. غضيت النظر عنهم قلت ما عليه لبيت المستقبل :025:

عن سالفة المواعيد ..
أني مطبخي ما جابوه إلا بطلعة الروح وعقب دهر بعد
يمكن أني سالفتي غير ..
الله يسلمش احنا اللي قعد ويانا وتابع موضوع مطبخنا واحد طلع عقب فترة .. فظلت أوراقنا منسية ومحد يتابعها ولما يتصل ليهم زوجي يسألهم محد يعطيه وجه ..
المهم عقبها راح لهم طلعوا أوراقنا عقب العفسة والحالة وقالوا لينا لازم تدفعون باقي المبلغ كامل وخلال 3 أسابيع بيوصل المطبخ ..
للأمانة التاريخ اللي حددوه عقب صدقوا وجوا .. يمكن فعلا يكونون دقيقين بس يبي لهم متابع على طول .. ويمكن أني سالفتي غير بعد ..


يالله سامحيني طولت عليش .. بس حبيت أفيدش .. وترى مطابخهم جد كواليتي ويدومون .. مطبخ بيت أبوي من عندهم وما شاء الله للحين جديد رغم أنه صار له يمكن فوق ال 10 سنوات ..

أنتين شكلش مثلنا .. على قولش حاطين ما ورانا ودونا في هالشقة .. فعلى الأقل نبي شي يدوم ..

وتري خاضرين للأسئلة صارت عندي خبرة :094:

أم ملاك ..

1- الفرن من عندهم .. وهم أساسا يتعاملون مع محل مقابل مجمع البحرين .. ناسية اسمه صراحة :01:.. بس تقدرين تمرينه وتاخذين عنه فكرة .. عندهم أفران كهربائية وعادية / أنواع الشفاطات/ السنكات الستيل ... بعد ما اتذكر .. خبرش من زمان ونسيت كلشي :094:

الفرن أخذته من عتدهم لأني أبيهم يخلونه بين الكباتة أرتب .. هو غالي شوي بس لأنه في سيفتي وماكان عندي خيار آخر أخذته .. أعتقد كان سعره 360
المحل اللي قلت لش عنه كان عندهم الأفران اللي لونها أبيض واجد أرخص .. بس المشكلة ما يناسب المطبخ وما بيطلع حلو .. فأخذت لونه سلفر على ذهبي


2- سطح الخزائن : رخام صناعي .. لونه بني محروق طالع فضيع مع الخشابي الفاتح ..

3- تكلفة المتر : للأسف ما اتذكر

ياريت أقدر أصور ليش مطبخي .. أصلا بدون ما تقولين .. بس للأسف من زمان محطوط وغبر وصار حالته حالة .. على أساس بنجيب مال التنظيفات لأنه بنتحول قريب إن شاء الله :03:


فيه شغلة بعد حبيت ألفت نظرش ليها : ترى مطابخ البحرين ما يجون ياخذون القياسات إلا إذا كان مطبخكم بارز ومركب فيه السيراميك كامل .. واحتا هذا اللي عطلنا

أم مــــــلاك;11351109:

هذيان, شخبارش خيو:f:

بخير ، شخبارش ؟ ووين وصلتين في الشقة؟ :037:

أم مــــــلاك;11351109:

أني آخر محل رحته مطابخ البحرين و خلاص دخل مخي حتى أقول البارحة لزوجي خلاص ما أعتقد أنجف عن هالمحل لأن دخل مخي و عجبتني مطابخهم بس واااجد مبالغين في أسعارهم و عن الدقة في المواعيد يقول لينا احنا دقيقين في المواعيد :047:, المهم خبريني مطبخش كم في كم , و قالوا لش بكم بسونه إليكم و شنو نوع سطح المطبخ, و شلون عرفتين انهم يمللون على ما يسونه:(

تحياتي, أم ملاك

بيت عمي مسوين مطبخهم في مطابخ وألمنيوم البحرين ( هذا الي تقصدينه؟ )
المهم مطبخهم صار له يتراوى لي فوق الـ 10 سنين وللحين ما تغير وقوي :ok:

وخالتي من شهر تقريبا سوت مطبخهم عندهم


بس في الاخير اسعارهم شوي اغلى .. بس يسوى شغلهم :ok:

هلا

الحين المطابخ كل غالية واذا تبغين الجودة لازم تدفعين

بالنسبة لمحلات المطابخ عندي افضل شي ألمنيوم البحرين والشرق الأوسط والصادق

بالنسبة للكورين توب اشوفه عادي والمغسلة عندي ما شاء الله بسرعة تتنظف شوي كلوركس وترجع نظيفة بس هو مثل ما قلتون حساس ويبغى ليه عناية واني اذا اشتغل دائما احاسب ليه وخصوصا الصفاري اذا حارة مستحيل احطها عليه لكن في الشكل عندي احلى من الجرانيت

بنات المنيوم الشرق الاوسط وين يصير؟ والصادق بعد شرحولي لان افتريت سلماباد وما لقيته؟؟
وهل في احد جرب المنيوم الجودة؟؟؟