الرئيسية أركان العروس والجمال ركن العناية بالبشرة والجسم مشغل عروس

مشغل عروس

سناء حياتي 08-12-2009 208 رد 47,349 مشاهدة
س
سناء حياتي
عروس مشرقة
23-02-2010 | 09:03 PM





اليوم جايبه لكم درس جديد في دورتنا


أولا (( أضاءة العين))

نسمع عن شي اسمه الأضاءه... وانا راح اذكر لكم أضاءة العين
(( الشدو ))

أضاءة تحت الحاجب


والأضاءه ضروريه .. لابراز العين أكثر!!!!

عندج الفضي + الابيض + الذهبي

الأكثر أستخداما الألوان الفاتحه..للسهره تستخدمين الأضاءه اللي فيها لمعه
وللأيام العاديه..الاضاءه العاديه.. بدون لمعه..!!!

مثال للأضاءات!!
الابيض والذهبي والفضي..>>> الألوان الفاتحه





========================

اللحين أول درس





1_>>>>> نحط الكونسيلر
2_ ثانيا >>>> نحط الأضاءه تحت الحاجب




3_ ثالثا >>> نحط مثل ثلاث نقاط.. وحده بداية مدمع العين..والثانيه في الوسط والثالثه في نهاية
الجفن متحرك



4_ رابعا>>> نختار اي لون..انا اخترت لون البنفسجي



وانمد لون البنفسجي ع النقاط اللي احنا حددناهم...



5_ بعدها أنحاول انموه اللون ع فوق وانموه وانموه..حتى نمزج لون البنفسجي مع الاضاءه
ع الجفن الثابت





6_ بعدها ناخذ بطبطبه بسيطه من اللون البنفسجي ونحط ع كامل الجفن المتحرك






7_ وبكذي انتهينا.. نحط الكحل والمسكره..ونرسم الحاجب

اللمسات النهائيه!!!






اهني شوي اضاءة الكيمره اوضح والألوان اوضح







الصور من تصويري واعدادي...
أصايل
=======================

أعاده للدرس

أول شغله... انحط الكونسيلر ع العين



ثانيا>>>> انحط الأضاءه تحت الحاجب..مثلا لون ابيض

ثالثا>>>> ع الجفن المتحرك بنحط ع خط زوايه الجفن ثلاث نقاط... مثل اللي في صوره
مثلا لون الأحمر



رابعا>>> ع النقاط نرسم خط..باللون الاحمر..



خامسا >>>> أنموه لون الأحمر اللي رسمناه ( الخط ) ع فوق..ع الجفن الثابت



سادسا>>>> ناخذ الفرشاه بس بطبطبه خفيفه من اللون الأحمر ع الجفن
المتحرك



وهذا الشكل النهائي!!!!



==============

طبعا الدروس من شرح واعداد الاخت أصايل الله يعطيها الف عافيه على مجهودها ويجعله في موازين حسناتها...








س
سناء حياتي
عروس مشرقة
23-02-2010 | 09:06 PM






نكمل دورتنا










أولا>>>>>

طريقة الظل اللون الواحد...!!!

بأستطاعتك استخدام هالنوع من الظل..للصباح..او الأوقات العاديه

أذا أردتي ان تجعلي من طريقة لون الظل الواحد بالطريقه الداكنه..
ماعليك ألا أن تزيدي من حدة اللون..وتكرري بأن تضعي نفس اللون عليه بدرجة أغمق!!!
وسوف تكون النتيجه..لون اكثر وضوحا وغامقا...!!



ثانيا >>>>
في بعض انواع الشدوهات لما تشترينها واتجربينها ع يدج يصبغ اللون..ولما ترجعين البيت واتجربينه
للأسف..يطلع العكس...لكن لاتقطينه وتتنازلين عنه!!!

آنا عندي لج الحل...!!!!

في ناس تشتري مثل ماده سائله تنباع في في احد الصالونات..وفي ماركة فور ايفر..!!!
لكن ليش التكلفه....!!!

الله عطانا نعمه..وهي متوفره بكل بيت..( الماء) وفري فلوسج..
الماي احسن حل..بللي الفرشاه بشوية ماي..ومرريها ع الشدو..وجربيه ع ايدج..!!
بتلقين الشدو صبغ ع يدج!!!

حركه مضمونه..انا جربتها!!!!
وهذه تجربتي لها!!!

اولا..جبت نوع من الشدو اللي مستحيل يصبغ لوايش!!!

وجبت فرشاه..وشوية ماي!!!




وهذه النتيجه ع ايدي!!!

=========
ثالثا >>>>>



علشان اتحافظين ع فراشيج نظيفه..لوقت طويل..يمكن البعض يحب يشتري معقم ومطهر الفراشي..
وسعره 100 وزود..لكن عندي لج الحل الأمثل!!!!



أستخدمي مناديل تنظيف الوجه من المكياج... ونظفي فيهم الفراشي!!!!

أولا .. مارح اتضر عينج وبشرتج..لأنه المناديل مخصصه للبشره..!!!
وثانيا..راح تتنظف الفراشي بكل سهوله وبكل سرعه!!!

وهذا لليوم..وأن شاءالله لنا عوده للدروس النظريه!!!!



ب
بنوتة الرفاع
عروس نشيطة
24-02-2010 | 12:48 AM
يسلمو ع الموضوع الرائع وصاحبته الاروع و اذا في شي فادني راح احطه لكم :038:
س
سناء حياتي
عروس مشرقة
24-02-2010 | 01:04 AM
بنوتة الرفاع تسلمين على المرور
س
سناء حياتي
عروس مشرقة
24-02-2010 | 07:02 PM
وينكم بنـــــــــــــات
س
سناء حياتي
عروس مشرقة
25-02-2010 | 02:10 AM
مساء الخيرات




بالنسبه لرسم انواع الكحل..

عندنا ثلاثة أنواع معروفه..


اولا>>> طريقة الكحل المسكر

ثانيا>>> طريقة الكحل المفتوح

ثالثا >>> طريقة الكحل اللبناني

=====

للمبتدئات...

أنصحهم أستخدام الآي لاينر كيك..بدال الكحل السائل..
انا صورت لكم اللي عندي..يستخدم بالماء.. وعندج ماركة فور ايفر..نوعه كريمي
وعندج ماركة مكياجي وماك..اللي اتجيج العلبه مع الريشه..هم حلوه في الاستخدام!!
أنا أحب استخدام اللي يجيج مع الماي..وأنتي شوفي اللي يدج ترتاح عليه!!!




وبالنسبه للكحل السائل..أذا تبين كحل لونه اسود..واتحسين نوعه ممتاز
عليج بكحل محمود سعيد..تلقينه في محل حميد تريم..بسوق العسيري
لكن بما انج مبتدئه انصحج بنفس طريقة نوع هالكحل..
لأنه سهل الأستخدام..اتحسينه مثل القلم...






وأفضل أنواع قلم الكحل..ماركة سمايلنج..بعد راح تلقينه عند متجر حميد في منه الكبير والصغير
وهذا اللي عندي الكبير!!



وهذا لونه ع يدي



=========

((( الدرس ))

وأنتي ترسمين الكحل..حاولي ماتنزلين فرشاة الكحل ع تحت..خليه ع حركه مستقيمه..حتى مايعرض لج الكحل..ويخرب شغلج...

وتحت لما ترسمين خط الكحل..حاولي ترسمينه ع خط مستقيم..
حتى تقدرين بعدها ترسمين خط الشدو ع فوق!!!





الكحل المسكر طريقته>>>> من قدام ضعيف وفي الأخير عريض




=====




المفتوح يكون مفتوح من قدام... ومن اخر شي مفتوح...





=====




يكون من قدام مصكر...وفي الأخير مفتوح



وبعدين اتجيبين فرشاه اتحطين فيها شوي شدو اسود واتمدينه في القسم الاخير مفتوح




ملاحظه / طريقة رسم الكحل اللبناني
((دائما تكون بستخدام قلم الكحل الأسود))
====




طبقت لج طريقه سهله اتساعدج تتمرسين في وضع الكحل..!!!





اولااتحطين صبعج في هذه المنطقه..وانا افضل الاصبغ الصغير..اتمدينها ع حركة السهم اللي انا رسمته

وبعدها ترسمين الكحل من بداية مدمع العين الى اخر منطقة الجفن
متحرك




هذه صوره ثانيه اترويج كيف الطريقه..!!



وتابعونا
&
�||�
عروس مشاركة
25-02-2010 | 07:07 PM
ما شاء موضوع اكثر من رائع
تسلمين على طرحك هالموضوع
و ان شاء الله لي عودة
س
سناء حياتي
عروس مشرقة
26-02-2010 | 02:57 AM
أهلاً وسهلاً أختي:

"¨°°o°°¨]§[° توايلايت °]§[¨°°o°°¨"

أسعدني تواجدك بيننا على أمل أن تستمتع وتستفيد
وننتظر مشاركاتك وتفاعلك فمرحباً بك بين أخواتك
ونسأل الله لك التوفيق والنجاح والتميز




ع
عزتي في شموخ ذآتي
عروس فضية
26-02-2010 | 03:17 AM
موضوع روووووووووعه
ع
عزتي في شموخ ذآتي
عروس فضية
26-02-2010 | 03:30 AM
نجـــــــــــــــــــــــد

انا امووووووووووووووووووت على اسم نجد امووووووووت عليه , مع انه انا حجازيه خخخخخخخخخخخخ

ايش رايك اذا جاتني بنوته عسوله مثلك اسميها نجد ...
س
سناء حياتي
عروس مشرقة
26-02-2010 | 04:39 AM
عزتي في شموخ ذاتي;11430722:
نجـــــــــــــــــــــــد

انا امووووووووووووووووووت على اسم نجد امووووووووت عليه , مع انه انا حجازيه خخخخخخخخخخخخ

ايش رايك اذا جاتني بنوته عسوله مثلك اسميها نجد ...








يسلمووووووووووووووو ياعسل يالله شدي حيلك ياقمر وجيبي بنت وسميها نجد وهديتها عندي








H
HOBBOZ
عروس مبدعة
26-02-2010 | 12:40 PM
انتى بجد هايلة يا نجد المشغل كله متميز وموضوع متميز جداااااااا ومفيد
ربنا يكرمك ويوفقك ويرحم والدك ويوسع قبره هو وجميع موتى المسلمين
آمين يا رب
ج
جونسون
عروس برونزية
26-02-2010 | 12:49 PM
للاسف مافتحت الصور معايا

بس الله يعطيك العافيه
س
سناء حياتي
عروس مشرقة
26-02-2010 | 09:29 PM
HOBBOZ;11431964:
انتى بجد هايلة يا نجد المشغل كله متميز وموضوع متميز جداااااااا ومفيد

ربنا يكرمك ويوفقك ويرحم والدك ويوسع قبره هو وجميع موتى المسلمين
آمين يا رب









تسلمين يالغلا الله يجمعنا في الفردوس الاعلى والله العظيم احلى رد مر علي في المنتديات كلها ردك صحيح البنات ماقصرو بس ردكـ غير ماتدرين ان دعوتك هذي قد ايش اسعدتني





تسلمين اختي جونسون على المرور والردود





ت
تاله33
عروس جديدة
26-02-2010 | 11:00 PM
عجبني مشغلكم ويعطيكم العافيه ان شاء الله لي مشاركه عن قريب عندما يسمح لي لانني عضوه جديده
س
سناء حياتي
عروس مشرقة
28-02-2010 | 06:40 AM
بليز بنوتات قيموني اذا عجبكم الموضوع
س
سناء حياتي
عروس مشرقة
28-02-2010 | 06:59 AM
صباح الخيرات ياحلوات



نابي اطول عليكم على طول بدش في الدرس












أولا>>>> .. نحط الكونسيلر ع دار مدار العين


ثانيا >>> نحط الأضاءه تحت الحاجب..اي اضاءه تحبينها>> فضي + او ذهبي او الأبيض..الخ..




ثالثا >>> نحط طريقة ثلاث نقاط ع خط جفن متحرك آنا أخترت اللون الأزرق الفاتح





رابعا >>> انوزع اللون الأزرق ع كامل الجفن متحرك




خامسا >>> بعد ماوزعنا اللون الأزرق نرسم خط باللون مختلف فوق اللون الأزرق
وانا أخترت اللون الوردي







سادسا >>>> اموه بفرشاة الدمج ع فوق..انموه وانموه..يعني ندمجه اللونبين الازرق
والوردي..ع فوق






سابعا >>>> تاخذين اي اصبع يسهل عليج شغلج في الدمج..
انا بالنسبه لي اختار الصبع الصغير..!!!
حطي الصبع ابخفه اطلعي به فوق وع تحت.فوق وتحت..مثل اللي بالسهم..
اللي بين الأضاءه ومنطقة الدمج اللي فوق..!!!









ثامنا >>>> نحط اللمسات النهائيه... المسكره والكحل.ونرسم الحواجب..








وهذه النتيجه ....

وإنشاء الله استفدتو من الدرس وتابعو جديدنا ولاتنسون شاااااااااااااااااااااااااركو انو كمان
س
سناء حياتي
عروس مشرقة
02-03-2010 | 05:25 AM
مساء الخير ياعرايس درس اليووم كمان عن دمج الظل تابعوا وانشاء الله يعجبكم









أولا>>>>> نحط الكونسيلر ع دار مدار العين
بعدين انحط الأضاءه تحت الحاجب



ثانيا>>>>> اذا ماكنتي اتعرفين طريقة تقسيم كل جزء في الجفن المتحرك تقدرين اتقسمينه بالنقاط ثلاثة اقسام...او اتسوين خط بين كل قسم



وأنا حطيت أول لون الأصفر



ثالثا>>>> نحط لون الأخضر

ونحاول ندمج بين اللون الاخضر والأصفر بطرف الصبع ع الخط اللي انا اموضحته





رابعا>>>> نحط لون الوردي



خامسا >>>نحاول نحاول انموه اللون الوردي ع فوق وصولا للون الاصفر



وهذا الشكل النهائي بعد مارسمنا الحواجب وحطينا الكحل والمسكره

وانشاء الله بكره راح اطرح استفسارات الاخوات على الاخت صاحبة الدوره أصايل الله يعطيها العافيه تابعوووونا بس على فكره ماراح انزلها الا اذا شفت ردين على الاقل يبرد القلب
s
s0o0ome
عروس جديدة
03-03-2010 | 07:58 PM
ماشاء الله
ه
همس999
عروس نشيطة
12-03-2010 | 01:08 AM
مشكوره ياعسوله على موضوع قريت كل صفحاته

ودي اقيمك بس ما اعرف طريقت التقيم
X