السلام عليكم ورحمة الله وبركاته
من كام ساعة كده كده اخويا كان جعان موت وعايز ياكل
وانا بصراحة بحب ادلعه كده ومش اعمله حاجة تقليدية :wink:
فافتكرت زمان كان في حاجة كان حد من قرايبنا عملها وكانت لزيزة فيها بطاطس وبيض وحاجات كده بس مش عارفة والله بتتعمل ازاي
فقولت مهي البطاطس اصلا حلوة والبيض جميل ولو ضيفت حاجات تانية مش هتقول لاء وهتطلع لي حلوة في الآخر فاعمل بقى اللي اخترعه وخلاص :D
المهم انا عملت مقدمة طويلة كده ندخلو في المقاااادير
::المقادير::
1 بطاطساية كبيرة متقشرة ومبشورة بالمبشرة العادية
3 بيضات تكون كبيرة
فلفل أسمر + ملح + شطة
قرن فلفل أخضر متقطع مكعبات
بصلاية صغنونة (قطعتها بالطول وكل نص قطعته حلقات رفيعة قوووي)
وشوية جبنة شيدر مبشورين
2 م.ك مليانة قوي دقيق
3 شرائح بيفي قطعتهم مكعبات
1/4 م. ص كربوناتو
كنت هضيف الحاجات دي ونسيت
(جزرة صغنونة مبشورة + شوية بقدونس مفرومين)
::الطريقة::
في ايناء كبيرة حطيت البطاطس المبشورة+ الفلفل الأخضر + البصل الشرائح + البيفي+ الفلفل الأسمر + الشطة+ الكربوناتو وقلبتهم
بعدين حطيت الدقيق عليه كله وقلبت وبقيت ارشرش بايدي قطرات مية علشان بس الدقيق مش يكلكلع بس مش تحطي مية كتير حاسبي قوي من النقطة دي
بعدين حطيت الجبنة وقلبت
وكسرت البيض في طبق تاني وربيته وحطيته على كل اللي فات كله وقلبت كويس
وبعدين تضبطي بقى الملح
هيطلع عندي خليط شبه سائل زي اللي في الصورة دي
ولو طلع سائل زيادة عن اللزوم زودي م. ك دقيق واحدة وشوفي القوام تاني
تسخني بقى زيت على النار لما يحمى قوووووي او خلال ما انتي هتبدأي تعملي الخلطة دي تحطي زيت غزير على النار وتخلي النار واطية ويسخن براحته
تبدأي بقى تاخدي بالمغرفة شوية صغننين قووووي تقليهم لانها هتنفش جداااا ويبقى قرص كبير فلو حطيتي كتير هتلاقيها كبرت قوي ومش هتبقى ظريفة
وتنزليها في الزيت بهدوء بحيث كلها تلم على بعضها وتخلي النار هادية جداااا علشان البطاطس كمان تستوي
وتسيبيها تستوي زي ما قولنا على نار هادية خلي بالكم علشان تستوي كويس من جوا والبطاطس تبقى طرية ومش تتحرق بسرعة
وتقلبيها لما تتتحمر وتبقى دهبي وتسيبيها برضه تاخد سواها على الجمب التاني
وده شكل الطبق النهااااااااااااائي :D
ودي صورة على طربيزة السفرة
واخويا كل شوية يناديني انا جعاااااان انتي بتعملي ايه جه في الاخر يبص عليا
قالي ايه ده انتي عاملة لي فراخ بانيه قولتله ايوا اهدى بقى وروح شوف كنت بتعمل ايه :21_131:
والحمد لله كانت جميلة قوي وكان عندي سلطة طحينة من الغدا حطيتها جمبها وجبنة قريش بالطماطم والفلفل وكبايتين شاي بلبن وكانت عشوة جميلة
((الحمد لله الذي اطعمنا وسقانا))
يارب تكون عجبتكم ولو استحق التقييم قيموني :21_201:
من كام ساعة كده كده اخويا كان جعان موت وعايز ياكل
وانا بصراحة بحب ادلعه كده ومش اعمله حاجة تقليدية :wink:
فافتكرت زمان كان في حاجة كان حد من قرايبنا عملها وكانت لزيزة فيها بطاطس وبيض وحاجات كده بس مش عارفة والله بتتعمل ازاي
فقولت مهي البطاطس اصلا حلوة والبيض جميل ولو ضيفت حاجات تانية مش هتقول لاء وهتطلع لي حلوة في الآخر فاعمل بقى اللي اخترعه وخلاص :D
المهم انا عملت مقدمة طويلة كده ندخلو في المقاااادير
::المقادير::
1 بطاطساية كبيرة متقشرة ومبشورة بالمبشرة العادية
3 بيضات تكون كبيرة
فلفل أسمر + ملح + شطة
قرن فلفل أخضر متقطع مكعبات
بصلاية صغنونة (قطعتها بالطول وكل نص قطعته حلقات رفيعة قوووي)
وشوية جبنة شيدر مبشورين
2 م.ك مليانة قوي دقيق
3 شرائح بيفي قطعتهم مكعبات
1/4 م. ص كربوناتو
كنت هضيف الحاجات دي ونسيت
(جزرة صغنونة مبشورة + شوية بقدونس مفرومين)
::الطريقة::
في ايناء كبيرة حطيت البطاطس المبشورة+ الفلفل الأخضر + البصل الشرائح + البيفي+ الفلفل الأسمر + الشطة+ الكربوناتو وقلبتهم
بعدين حطيت الدقيق عليه كله وقلبت وبقيت ارشرش بايدي قطرات مية علشان بس الدقيق مش يكلكلع بس مش تحطي مية كتير حاسبي قوي من النقطة دي
بعدين حطيت الجبنة وقلبت
وكسرت البيض في طبق تاني وربيته وحطيته على كل اللي فات كله وقلبت كويس
وبعدين تضبطي بقى الملح
هيطلع عندي خليط شبه سائل زي اللي في الصورة دي
ولو طلع سائل زيادة عن اللزوم زودي م. ك دقيق واحدة وشوفي القوام تاني
تسخني بقى زيت على النار لما يحمى قوووووي او خلال ما انتي هتبدأي تعملي الخلطة دي تحطي زيت غزير على النار وتخلي النار واطية ويسخن براحته
تبدأي بقى تاخدي بالمغرفة شوية صغننين قووووي تقليهم لانها هتنفش جداااا ويبقى قرص كبير فلو حطيتي كتير هتلاقيها كبرت قوي ومش هتبقى ظريفة
وتنزليها في الزيت بهدوء بحيث كلها تلم على بعضها وتخلي النار هادية جداااا علشان البطاطس كمان تستوي
وتسيبيها تستوي زي ما قولنا على نار هادية خلي بالكم علشان تستوي كويس من جوا والبطاطس تبقى طرية ومش تتحرق بسرعة
وتقلبيها لما تتتحمر وتبقى دهبي وتسيبيها برضه تاخد سواها على الجمب التاني
وده شكل الطبق النهااااااااااااائي :D
ودي صورة على طربيزة السفرة
واخويا كل شوية يناديني انا جعاااااان انتي بتعملي ايه جه في الاخر يبص عليا
قالي ايه ده انتي عاملة لي فراخ بانيه قولتله ايوا اهدى بقى وروح شوف كنت بتعمل ايه :21_131:
والحمد لله كانت جميلة قوي وكان عندي سلطة طحينة من الغدا حطيتها جمبها وجبنة قريش بالطماطم والفلفل وكبايتين شاي بلبن وكانت عشوة جميلة
((الحمد لله الذي اطعمنا وسقانا))
يارب تكون عجبتكم ولو استحق التقييم قيموني :21_201: