..~..~..~..~..~..~..~..~..
ازيكم يا بنات ؟
كل سنة وانتو طيبين ويارب تكونوا بخير وصحة دايماً
انا قدمتلكم قبل كده
http://forums.3roos.com/t469246-13.html
و
http://forums.3roos.com/t481475-10.html
النهارده هنشوف مع بعض غرف الأطفال بكل تجهيزاتها
هنشوف الحاجات الأوفر اوى والمتواضعة يعني كل الأستايلات
والأمكانيات إن شاء الله
ودايماً غرفة الأطفال الغرفة المظلومة متعددة الأستعمالات
لكن ليه متاخدش مننا نفس الأهتمام ويحس الطفل فيها بشخصيته
علشان كده عملت الموضوع ده علشان استفيد وافيدكو معايا ان شاء الله
(i) ملحوظة بس قبل ما ابدأ دي اول مرة اكتب اسمي على الصور
او بمعنى اصح اسم عروس وبعتذر لكل اصحاب الصور اللى جمعتها
بس بجد حاجة تزعل لما اتعب واجمع صور من مواقع عربية واجنبية
واعلق عليها واظبطها واصغرّها وبعد كده حد ياخدها على الجاهز
يلا بقى كفاية رغي ونبدأ بسم الله ...
طبعاً في حاجات بتكون بناتي شوية ف التصميم والألوان
وفي حاجات بتكون ولادي
لكن ممكن لو الغرفة مشتركة تتقسم جزئين
بمعني ان كل سرير او رف او دولاب يكون بالتصميم المناسب
هنبدأ الأول برسومات الحدارن
دي كلها رسومات رقيقة وبسيطة وسهله تتعمل ف اى مكان
ومعتقدش انها مكلفة وف نفس الوقت شيك
دي رسومات على الجدار كله واكيد بتدي للمكان شكل مختلف
كأنه جنينة او سما فيها نجوم
دي بقى على السقف مش الجدار
شكلها حلو اوى وجديدة ممكن بدل السحاب نعمل نجوم فسفورية
تنور بليل ف الضلمة ناوية اعملها عندي إن شاء الله
الإضاءة
كتير بتكون مهمله ف غرفة الأطفال
لكن ليه متكونش شيك زى باقى الغرف وبحاجات بسيطة
دي اباجورات بأشكال تناسب الأطفال حلوة اوى
دي وحدات اضاءة معلقة او مركبة على الجدار نفسه
عسولة اوى و جديدة
الأرفف والمكتبات
بتكون حاجة لطيفة لما يكون للطفل مكتبه او الارفف او الدولاب الخاص بيه
لأنها بتحسسه بنفسه اوى وكمان بتحفذه انه يذاكر
وياريت تبصوا معايا على تنظيم الغرفة كلها ازاى
ده رف جديد اوى عبارة عن كلمة او اسم بحجم كبير شكله لذيذ
عليقات
براويز
شكلها كيوت اوى وممكن كمان نخليهم هما يرسموا رسومات
ونعلقهالهم ف تابلوهات شيك
