تجمع بنات مصر فى ركن العناية بالشعر الجزء العاشر

بشرى 1981;10382801:
للتساقط
الحنة يا بنات هايلة جدا بتقوي الشعر قوي
احنا بنحطها من زمان انا واختي وماما بحسها شئ ضروري
وعندي ليكم طرقة سهلة لأني كسلانة برضه انا بغلي الماية واصبها على الحنة اكني بعمل شاي كشري وممكن ابقى حاطة مع الحنة حلبة بصل ثوم اي اعشاب حاسة انها مفيدة والبصل والتوم اخدتها من الخلطة المشهورة الي هي بتاعت بنت اسمها هاجرية كول واغطيها واسيبها كام ساعة كل الاعشاب تنزل محتوياتها اصفيها واغسل بيها شعري والفه بفوطة قديمة علشان اللون وادهنه واسرحه من غير ما اغسله هي الريحة غريبة شوية حتحسي نفسك دكان عطارة ماشي بس مش مشكلة وممكن الحنة لوحدها

كمان عشبة السنامكي هايلة لتساقط الشعر وتطويلة انا غليتها وحطيتها في بخاخة ورشيت على جذور شعري وبرضه بسيبه على شعري عادي
تحسي ان الشعرة بتتقوى ومهما عملتي فيها حتفضل مكانها مش من اقل حاجة تنزل
بس بصراحة انا كسلانة وليا فترة معملتش الخلطات دي بس جربوها والله حتعجبكم
يعني اغلوا المايه وحطوها على الحنة والسنامكي صفوها وحطوها في بخاخ بقى عندكم احسن لوسيون كل يوم قبل ماتنامي رشي على فروة راسك وان شاء الله شعركم يبطل يقع

_LOVE_;10402011:
مساء الخير
بنات الحقونى شعرى بيتساقط بطريقه بشعه اعمل ايه افيدونى
سؤال شامبو جونسون بيمنع التساقط ولا لاء

الحب هو الحياة;10386985:
رشا انا لمحته فى مترو ماركت فى سان ستيفانو بحاجة وعشرين وممكن تشوفيه فى العزبى

nooooooga;10386935:

بصى يا روشى هى مجموعة هير سكسس دى كلها باين عليها حلوة جداااااا

انا قريت عنها امبارح وفعلا شكلها مفيد
فى منها شامبو وبلسم وسيروم
وكلهم هدفهم معالجة الشعر وامداده بالفيتامينات والبروتين
وخصوصا الكريم ده مخصص لفروة الراس لتغذيتها وانبات الشعر بيها يعنى تكثيف الشعر وعامل حماية كمان من الرطوبة

دورى عليه اكيد فى العزبى هتلاقيه

اتصلى بيهم على الرقم المختصر واساليهم

حبق;10402037:
nooooooga
شعري جاف ومنفوش
تركيبة جوز الهند جربته كان حلو بس مو زي الاصفر

وفي هير سكسس (علاج نمو)
ماادري عندكم في مصر او لا
في الرياض ماالاقيه الا بالصيدليات الكبيرة
المهم هو مايلزق في الشعر زي هير فووود
اقرب للكريمات العادية
والصيدلي قال لي انه كويس للجفاف ومع الاستمرار بيفرد الشعر
وعيبه سعره غالي 35 ريال
____________

نصيحة السيروم ينحط بعد الاستشوار او المكواة السيراميك موش قبل
الا اذا مكتوب انه مخصص قبل الاستشوار او المكواة
لان كريم + حرارة = حريقة في الشعر وماتلاحظينها الا بعد ماتغسلي شعرك انه زاد جفافه
المشكلة في وقت استخدام السيروم وليس السيروم نفسه

قصة كبيرة;10402192:
يابنات حد يرد عليا لو سمحتم
بقولكم عايزة شامبو او لوسيون عشان تساقط الشعر بس عشان جووووووزى يعنى مش هيحط خلطات ولا حاجة .. والموضوع مش صلع ولا حاجة هو بس شعره بيتساقط شوية

bon bonaya;10402943:
بنات الحقونى شعرى بيقع بطريقه فظيعه

انا جبت كريم املا مانع التساقط وزيت املا
وجبت حمام كريم كاريتس الفرنسى ده

وبصراحه عملت يوم خلطه من زيوت وزبادى وبيض
فى الفتره اللى ابتديت استخدم الحاجات دى

يا بنات قولولى ممكن العيب يكون من الخلطه ان شعرى مستحملهاش

ولا فيه حجات من الزيوت والكريماتدى بتوقع الشعر

nooooooga;10404076:

بونبوناية اكيد الخلطة مش هتوقع شعرك لان كل اللى فيها مفيد ومغذى للشعر

شوفى حمام الكريم ممكن يكون قوى او انتى حتطيه على فروة الراس

لكن بقيت الكريمات والزيوت اللى جبتيها انا مش جربتها بصراحة علشان اقدر افيدك

bon bonaya;10404202:
طب اعرف ازاى انه قوى ولا لاء حمام الكريم ده
هو بصراحه بينعم شعرى ويفرده
وملمسه مش تقيل ولا حاجه ويادوبك بحطه بكتير 10 دقايق

بشرى 1981;10402467:



قصة كبيرة
لوسيون الوبانثين حلو ومكتوب عليه بيمنع التساقط واغلب دكاترة الجلدية بيكتبوه علشان التساقط وتقوية الشعر
ا

قطره الندي;10402857:
:87457:يابنات ياقمرات
انا شعري نوعه عادي وخفيف بيتساقط مع انه في الاصل كان تقيل جدااااااااا مش عارفه ارجعه تاني ازاي
المهم انا عايزه نوع شامبو حلو للشعر العادي لاني كنت بستعمل دوف وخلص وبصراحه عايزه اغير لانه مش حلو خالص وياريت لو اسم حمام كريم كويس:):)

nooooooga;10404014:

بصى يا قصة لازم تشوفى الاول هو بيستخدم كريم تصفيف ايييييييييييييه
لان معظم كريمات الرجالة فيها نسب مثبتات عاليه
علشان القصات والكلام ده
والمشكلة الاكبر لو بيستخدم جل ده اكيد اللى وقع شعره
وبعدين هاتيله اى شامبو طبى يستخدمه
وراجعى الكلام اللى كنت بقوله ل LOVE بخصوص اسباب السقوط
وممكن كمان القشرة تكون السبب
شوفى ايييييييييييييه الاسباب الاول وحاولى تتجنبيها
وفيه عند حراز لو تحبى منتجاته
شامبو كويس للتساقط والقشرة وكل شىء
وفيه كمان لوسيون اسبراى بخاخ للتساقط جارتى كانت بتجربه ولغاية ما اتجوزت وسافرت السعودية كانت بتبعت تاخده من هنا ممكن يحط منه وهتبقى ريحته حلوة معاه طبعا علشان خروجه وشغله
وفيه لوسيون بخاخ انا شخصيا استعملته من فترة للشعر الخفيف من قدام اسمه ريهير جاب نتيجة برضه كويسه
لكن بعد كل ده لو فيه عوامل وراثية يعنى زى باباه مثلا اقرع يبقى الاكيد ممكن يبقى زيه
واسفة اقولك انه ساعتها مش هينفع اى حاجة وكل اللى هتستخدميه هيأخر فقط عمليه السقوط السريع لاكن مش هتمنعه
بسسسسسسسسسسس
فشوفى يا قمر اييييييييه اسباب السقوط