مش عارفة تعملي ايه النهاردة؟قولي عندك ايه و نفكر معاكي في اكلة جديدة

ميه ميه انا عندى سدور بانيه معلش اسل حرف الساد مكبوب عليه ميه اسل بناتى مسكو ازازه الميه وكبوها على اللاب توب وشويه حروف بايظه كده هه فاعزرينى ها ممكن توسيفيلى الطريقه ونجربوتكونى مشكور دا انتى جيتى فى وقتك والله بالموظوع التحفه ده انا وراكى كل يوم(y)

ههههه ربنا يخليهملك يا جميل! انا كنت فاكراكي بنتوتة اصلا!! طيب ليه مش بتدخلي تجمع امهات مصر معانا!! انا عندي سلمي اربت تتم اربع شهور..بصي يا ستي ممكن لو عندك فلفل اخضر و بصل تعملي بيكاتا او شاورما فراخ مع رز ابيض او عيش براحتك بصي يا ستي...

قطعي الفراخ شرايح طويلة و رفيعة و حطي عليهم ملح و فلفل و معلقة زبادي و سيبيهم في التلاجة شوية و بعدين شوحي الفراخ في شوية زيت و يستحسن زيت زتون طبعا لحد ما الفراخ تحمر شوية و تاخد لون دهبي...قطعي بصلة متوسطة جوانح و فلفل اخضر و مشروم لو عندك و شوحيهم مع الفراخ و تبليهم بئة زي ما تحبي فلفل و قرفة لو بتحبيها او زعتر كدة يعني شوفي انتي بتحبي ايه و غطي عليهم يكملوا سوا مع شوية مية لو احتاج الموضوع.. وشوية صويا صوص او لو مش عندك ممكن بلاش خالص بس حطي معلقة عسل اسود مع رشة خل نفس تاثير الصويا صوص و كمان معلقة صلصة طماطم... (لو بتحبي المكرونة الاسباجتي اسلئيها بس متكونش طرية اوي يعني يا دوبك تستوي و صفيها و حطيها علي افراخ هتبئة مكرونة بالفراخ تحفة و ممكن تحطي معاهم زتون اسود لو عايزة)

ممكن كمان تئلبيها بيكاتا لو هتعملي رز ابيض! يعني بعد ما الفراخ تستوي رشي شوية دقيق حوالي معلقة و شوية مية و قلبيهم كويس هيعملولك صوص و بطريقة صحية من غير تحمير الدقيق(مع ملاحظة انك مش هتحطي الصلصة الطماطم لو عايزة بيكاتا)..ها عجبتك و لا اشوف حاجة تانية؟

يا حبيبتي بصي انا مش ضامنة اني اكون هنا النهاردة عموما هديلك طريقة تانية للفراخ هي اكلة هندي اسمها فراخ تندوري...بنتبل الفراخ بعلبتين زبادي و توم مفروم و عصير لمونتين و زعتر و ملح و فلفل و تسيبيهم في التلاجة ساعتين كدة او تلاتة علي قد ما تقدري و بعدين تحطيهم في صينية فرن زي ما هي كدة و بس تتاكدي ان الخليط مغطي الفراخ و غطي الصينية قبل بغطا او فويل زي ما تحبي و بعد نص ساعة كدة ممكن تشوفي لو استوت خلاص شيلي الغطا و سيبيها شوية...و بس كدة طبعا تحفة و انا جربتها و تاكليها مع رز ابيض

انا عندى كلاوى حعملها واعمل مكرونة واعمل بطاطس محمرة او شيبسى

بس يابنات طبعا عشان الحمل والوحم نفسى اكل مكرونة بس مش عايزاها بالصلصة عايزاها مفلفلة بس بالطماطم الطبيعية .. اعملها ازاى ؟؟ قولولى عشان الحق

بصي يا ستي انا بقطع مكعبات طماطم اشوحها في شوية زيت زتون و اط معاهم توابل بئة ساعات زعتر و ملح و فلفل و ساعات بدل الزعتر شوية قرفة (بس انتي حامل بلاش قرفة) المهم بضيف شوية صويا صوص علي الطماطم و بس كدة...احط المكرونة فوئهم و خلااص بتطلع خفيفة و لذيذة و الله. انا معرفش الكلاوي بس بعد ما تستوي ممكن تحطيها علي المكرونة و خلاص تديلها طعم و بلااااااش محمرات يا رشا مش حلوة ليكي كمان لشان الحمل و كدة هتحسي بحرئان خليكي في الاكل الخفيف احسن حتي علشان وزنك مش يزيد جامد و البيبي يطلع امور و صحته كويسه

ازيكم يا بنات عاملين ايه...انا النهاردة محتارة مش عارفة اعمل ايه علي الغدا بس سلئت فرخة! مش عارفة بئة اعمل ايه بفكر اعمل شوربة فلفل اهه تجديد بس اعمل ايه بئة رز و لا مكرونة؟! محتااااارة جدااا اصل الرز هيتاكل مع ايه؟ شوربة الفلفل مش هتنفع مع رز هي بتتشرب كدة لوحدها...اعمل خضار سوتيه مع الرز و لا اعمل مكرونة و خلاص؟

انا مش عارفة ايه شوربة الفلفل دى بس ممكن تعملى رز وملوخية جمبها وعلى فكرة مش لازم شوربة الفلفل دى ههههههههههه


بصى طريقتك حلو للمكرونة اللى قلتيلى عليها بس جوزى مش من هواة البهارات فا انا عايزة المكرونة المفلفلة العادية بس بالصلصة بتاعت الطماطم مش عارفةاعملها ازاى ؟

ميرسى ياروحى انشالله حجربهم تسلم ايديكى انا النهارده عامله مكورنه بالسدقوالفلفل اهه يوم ويعدى اسل انا نايمه الساعه 9 كنت عالنت اما مش شايفه

انا عملت شوربة الفلفل خلاص و عملت فراخ بالمكرونة

roshy&hany;10043415:
انا مش عارفة ايه شوربة الفلفل دى بس ممكن تعملى رز وملوخية جمبها وعلى فكرة مش لازم شوربة الفلفل دى ههههههههههه


بصى طريقتك حلو للمكرونة اللى قلتيلى عليها بس جوزى مش من هواة البهارات فا انا عايزة المكرونة المفلفلة العادية بس بالصلصة بتاعت الطماطم مش عارفةاعملها ازاى ؟

(e)

كلمة حب;10046674:

بصي انا هقولك هما في طريقتين بس علشان انتي حامل بيتهيألي البصل المتشوح بيعمل حرقان ولا ايه مش عارفة باسمع كده اصل انا مش متجوزة ولا حاجة بس باسمع يعني :D

في طريقتين بصي
تبشري البصلة وفي شوية زيت مع حتة زبدة صغيرة قلبي فيها لبصلة لما تصفر تكوني انتي ضاربة الطماطم في الخلاط نزليها على البصلة ومعاها قرن فلفل اخضر بس مش تفتحيه خليه مقفول وشوية شطة وفلفل اسمر ومكعب ماجي وتسيبيها لما الطماطم تتسبك خاااااااالص ميكونش فيها ولا نقطة مية وبس تضبطي بقى الملح بعد كده في الاخر مش في الاول علشان المرقة مالحة والطماطم هتقل اه ونسيت ومعاها معلقة صلصة لو الطماطم مش حمرة
وبس يا ستي وتنزلي عليها المكرونة تقلبيها كويس وخليها على النار 10 دقايق كده تشرب من الصلصلة وكل شوية تقلبيها وبس.

الطريقة التانية من غير البصلة المتشوحة تحطي زيت ولما يسخن تنزلي عليها الطماطم برضه وبصلالة اربع تربع وقرن الفلفل ونفس البهارات وتتسبك برضه خااااااااااااالص وتروحي شايلة البصلة رامياها بس انا باسيبها اخويا بيحب ياكلها وتكون بصلة صغنونة كده
وبس يا ستي وعليها المكرونة وخلاص

انا بقى في حتة كده باحب اعملها باجيب فص توم واحد بس ادقه في الهون وقبل ما الطماطم تتسبك ارميها فيه وتاخدلها بقى غلوتين التسبيك وبس واحط المكرونة

وبالهنا والشفا

:Dشويه دقه بقى ياعينى فتحتى نفسى اسل انا مدمنه مكرونه بس بعد الجواز مابئتش ارتاح فيها بس ممكن لو بالدقه وليا مزاج ليه بس انتى شوقتينى(y)

نجيب كميه البطاطس ونقشرها وبعدين نسلقها فى ميه وملح ونكون مجهزين الباشميل بس انا بعمله دسم شويه بجيب سمن حوالى من5الى6 ملاعق سمن او زبده وعليهم من4الى 5ملاعق دقيق ونحمرهم شويه لحد ماريحه الدقيق تروح وبعدين نحط اللبن لتر وتظبطى بقلى يعنى لوتقيل زودى اللبن ولو سايب دوبى معلقه دقيق فى حبه لبن بره وزودى لحد مايربط وبعدين شويه ملح على حسب زوقك المهم البطاطس زمنها اتسلقت نسلقها اوى ونسفى الميه كلها ونحط 3معالق سمنه وملح وفلفل ونهرسها بالهراسه اليدوى اللى موجوه فى كل محلات اتنين ونس ونحطلها ربع كوبيه لبن او اقل شويه ونهرس لحد ماتتهرس خالس ونحط معلقتين باشميل مع البطاطس وبعدين نفردها فى قالب بيركس وتحط الباشميل على الوش وبعدين قى الفرن لحد مالوش يحمر وبالهنا والشفا جربوها وقولوى وانالله حنزلكم السور

ايه يا بنات انتو فين...طيب انا جوزي مش هيتغدي معانا النهاردة...و عندي اخت جوزي الصغنونة في 3 اعدادي اقترحوا كدة اعمل ايه النهاردة..عندي لحمة مفرومة و فراخ و بطاطس و جزر

اعملى همبورجر وبطاطس محمرة يا نهى

و الله يا توبي فكرة برضه بس انا للاسف واخدة عهد علي نفسي اني الغي التحمير ده خااااالص من البيت علشان بحاول اطبق نظام صحي في الاكل و كدة.بس ممكن اعمل كفتة و مكرونة او همبورجر و بطاطس بيوريه بس مش عارفة البنت هتحب البيوريه و لا لا...طيب انا عندي بوائي فراخ كتييير حوالي 3/4 فرخة... بفكر اخليها و اعمل مرونة بالفراخ...او ممكن لو حد يقولي كفتة الفراخ بتعملوها ازاي

خلاص مدام عندك فرخة مستوية ومش عاوزة تقلى خليها شاورما فراخ

فكرة يا توبي و الله...طيب انا ممكن عمل كفتة فراخ؟

يا بنات انا جوزي هيجي بالليل علي العشا و عايزة احضر عشا كويس...عندي فرخة مستوية بفكر اقلبها كفتة فراخ و عندي لحمة مفرومة و الحلو عملته كيك بالمرشميلو...بس عايزة افكار للعشا نفسه...عايزة اوضب سفرة حلوة كدة...مستنية اقتراحتكم

اعملى مكرونة بشاميل باللحمة المفروم اصلى نفسى فيها اوى هههههههههههه
وسلطة خضرا او مخلل

واعملى شاى بلبن او عصير جمب الكيك

وحدورلك على طريقة كفتة الفراخ واقولك ... ثوانى

دى الصورة عشان افتح نفسك



ودى الطريقة :-

كفته الفراخ بالبطاطس

1 فرخه كيلو مسلوقه و مخليه من العضم و الجلد
2 بطاطس متوسطه الحجم مسلوقه
3 بيض
نص كوب بقسماط
ملح-فلفل
زيت للتحمير



نحط الفراخ في الفرامه و نفرمها بالشكل ده


بعد كده نحط البطاطس و نضرب


بعد كده نحط البيض و الملح و الفلفل و نضرب


بعد كده نحط البقسماط و نضرب


ممكن تحتاجي شوية بقسماط زيادة مش مشكله حطي بس مش كتير لغاية ما تبقي المقدار بالشكل ده


نشكلها بالشكل الي انتي عايزاه من الشكلين دول و دحرجيهم في البقسماط


دخليها التلاجه ربع ساعه و بعدين حمريها في زيت غزير


و قدميها بالشكل ده معاها سلطه زبادي



امانة عليكى لو الطريقة عجبتك وعملتيها .. ادعيلى ربنا يجعل الجنين اللى فى بطنى بنوتة زى القمر وتكون من الصالحات البارات وربنا يحسن خلقها وخلقها ويجعلها تامة الخلقة بدون زيادة او نقصان