تجمع البنات اللى بيستعملوا براون سيلك ابيل لنزع الشعر

شيكو 2008;10115631:
اولا تسلم ايدك يا سومه على الموضوع الجميل ده وفعلا ده مرجع كويس لكل البنات اللى عايزين يشتروا براون انا هقولكوا تجربتى انا اشتريت براون تقريبا من شهر ونصف اللى هى اخر حاجه اللى بتتغسل وتتشحن اللى هى معاها طقم باديكير وبتهيالى يا سومه كنت قولتلك عليها قبل كده اول مجبتها المهم انا استعملتها اول مرة لرجلى ومش عايزة اقولكوا كنت سايبه نفسى شيتا والشعر كان كتير وطويل عملت بيها كانت تحفه نعومه وبياض وبعديها بفترة مش كتير عملت بيها ايدى كانت مش حلوه خالص مش عارفه ليه كانت بتقصف الشعرة مش بتشيل كويس وكان فى شعر تحت الجلد عامل نقط سوده وبعد حوالى اسبوع كان الشعر طلع تانى طبعا صغير كان عندى حنه صاحبيتى عملت بيها تانى برده قصفت الشعر اتعصبت جدا انا اصلا متعوده عليها بس كان عندى واحده موديل قديم وكان شغال بس انا جبت دى للجواز فمش عارفه ده عيب ولا ايه هى بتعمل رجلى حلو اوى لكن ايدى لا اتصلت بالتوكيل بتاعهم اللى فى مدينه نصر قالولى هاتيها نشوفها وكنت هروحلهم مش عارفه اللى اللى خلانى اتصل كمان بالفرع اللى فى المهندسين اسالهم والحمد لله انى اتصلت رد عليه واحد ربنا يباركلوا قالى انتى شارياها منين قولتلوا من ماركاتو قالى اهم حاجه معاكى الضمان ومختوم قولتلوا اه قالى يبقى انتى متجيش هنا عشان التوكيل بيصلح الحاجه اللى هنا ومكرم عبيد وكده بيصلح على حساب العميل ادانى رقم قالى اتصلى بيهم وهما هيدوكى عنوانهم ترويحلهم قولتلوا طيب هما هيعملوا ايه قالى لو عيب صغير هيصلحوه لو غير كده هيدوكى واحده تانيه واتصلت بيهم وقالولى هاتيها نشوفها ولسه مروحتش هروح قريب ان شاء الله
انطباعى عن المكنه بقى هى حلوه اوى واحسن من القديمه القديمه كنت بموت وانا بشيل بيها رغم انى متعوده لكن دى العجلات اللىا فيها مخلياها حنينه على الجلد واحلى حاجه انها بتتغسل عشان الشعر الصغير مش بيطلع بالفرشه والواحد يقدر يغسلها ويعقمها بالديتول باقى الرووس لسه مستعملتهاش جربت بس تحط باطى على كام شعره كده من باب الفضول موجعتش اوى شغاله يعنى وشالتهم من الجدور
وبالنسبه لطقم الباديكير انا حاسه انها فاشله او انا معرفتش استعملها مش عارفه انا جربتها مرة احلى حاجه انها بتبرد الضوافر من غير متعدى تهرى ايدك بالمبرد العادى لكن الحاجات التانيه مش عارفه هبقى اجرب تانى واقولكوا ومعلش رغيت بس انا كمن عايزة انقلكوا تجربتى بالتفصيل والعموم اول مروح الضمان واشوف ايه النظام هقولكوا علطول

manosha;10147003:
معلش ياقمر كنت عايزة اعرف عنوان المكان اللى هتروحى تصلحى عنه لائنى انا جايباها بردو من المركاتو وعايزة اعرف علشان لو باظت هعمل ايه وسانكس يا شيكو مقدما:D