DodyCat;10091613:
ماشاء الله عفشك كله جميل والصالون ماشاء الله ربنا يباركلك فى حاجتك انتى تعبتى كتير فى الحاجه وأحنا شاهدين
بس مطبخك كده رخيص جدا انا مطبخى زان وكونتر ومن غير الأكسسورات دخل فى 9000
ميرسى يا جميله ربنا يخليكى
بصى موضوع السعر ده اولا حسب المساحه ثانيا فى نجارين بيبقو حراميه او مش عارفه بالظبط بس النجار بتاعى انا ضمناه لانه عمل لناس كتيره نعرفهم فى عيلتهم كلهم وكمان خال خطيبى كان معايا فى كل حاجه وهو اصلا بتاع مقاولات فكان رايه ان الخشب حلو اوى وكل اللى شافه قالى الخشب ممتاز
حتى جبت نجار بعد كده يعملى حاجه فى المطبخ قالى الخشب ده ممتاز
فمش عارفه يمكن فرق مناطق انا النجار بتاعى فى المرج
dando adel;10091803:
تتهنى بيه يارب ممكن تبعتيلى رقم النجار لو سمحتى
بصى معنديش مانع ابعتلك رقم النجار بس انا بقولك اهو انا مش مسئوله عن مواعيده خاللللللص انا كان المفروض استلم شهر 12 استلمت شهر 4 :D
وهو على طول كده مع كل الناس مش انا بس ,, بس الصراحه هوا شاطر اوى ونجار كبير
مسلمة موحدة;10091987:
مشيمارو اللهم بارك المطبخ جميل ربنا يبعد عنك الصراصير انا ليا سؤالين لو سمحتى كنت عايزة اعرف التلاجة الهيتاشي بكام وجيباها منين
وكمان الخوص أو البامبو اللي انتي حاطه في البصل جايباه بكام ومنين
وجزاكِ الله خيراً
الله يباركلك يارب يا مسلمه ياررررررب
التلاجه الهيتاشى مش عارفه بكام بالظبط بس اعتقد انها حوالى 3 الاف بس مش مقغولين يعنى تقريبا 2900 وشويه
الخوص ده بقى ياستى انا عملته عموله عند بتوع البامبو اللى فى رمسيس وعملت الواحد ب 100 ساعتها .. هوا عموما حسب المقاس عندك والراجل عملهم فى الميعاد وكان ملتزم بكل حاجه قولتهاله
du;10092115:
طيب يا مشمش ممكن تدينى رقم النجار بتاع المطبخ
بصى معنديش مانع ابعتلك رقم النجار بس انا بقولك اهو انا مش مسئوله عن مواعيده خاللللللص انا كان المفروض استلم شهر 12 استلمت شهر 4 :D
وهو على طول كده مع كل الناس مش انا بس ,, بس الصراحه هوا شاطر اوى ونجار كبير
tota.batoot;10092391:بنات اشترى منين النجف المودرن فى القاهرة
احلى نجف مودرن شوفته فى القاهره كلها فى شارع الكهربا وده شارع جنب شارع عبد العزيز
وفى برده فى ميدان الجامع بس مش كتير زى شارع الكهربا
انا كنت منزله تقرير عن موضوع النجف ده بس مش مسيفاه عندى الصراحه ياريت حد يبقى عنده ويبعتهولك
كنت ككاتبه اسماء المحلات وكل حاجه
:Dايام بقى كانت والله جميله :D
حبيبه مادو;10093644:
مشيمارو شقتك جميله ما شاء الله سيراميك المطبخ ده كليوباترا مش كده
انا اختى اتجوزت الحمد لله يا عيال وانا هحطلكم صور من الشقه ان شاء الله
لولولولىىىىىىىى الف مليون مبروك للاختك يا جميله عقبالك يارررررب
ربنا يخليكى يارب على كلامك الجميل
السيراميك بتاعى كله الجوهره مش كليوباترا
Warde;10094376:
أحيكى بجد يابنتى على زوقك، عارفه شقتك فكرتنى بديكورات شقق الأجانب (y)
ماشاء الله والله أكبر
بصى بدام مش هتحطى صور النوم ، قوليلى إختارتى ألوان إيه للديكور ؟ يعنى لون أوضة النوم بنى زى الكل ولا غيرتى فيه ؟ ولون الحيطه كمان إخترتيه إيه ؟ وأخر سؤال ورق الحائط حطيتيه فى أنى حاطه ؟ أصل بشوف الأجانب بيعملوا فكرة ورق الحائط ديه بس ورا السرير ..
وبرده قوليلى ألوان الليفنج إيه ؟ ويفضل صور لو أمكن طبعاً؟ :)
ميرسى جدا ، ربنا يرزقك إن شاء الله بيبى زى القمر إن شاء الله
عقبال شقتك ياررررب يا جميله
بصى يا ستى
اوضه النوم بنى محروق او بنى شيكولاته بس مش محمررررر
ولون الحيطه بستاج ( اخضر فاتح كده ) وورق الحائط فعلا حطيته فى حيطه ورا السرير بس هيا حته فى الحيطه داخله كده عرضها مترين فكانت مناسبه جداا انها تتعمل مختلفه وعملته ورق حيطه الارضيه بتاعته ابيض وعليه رسومات ورد وورق شجر لونه اخضر واسود بس شكله جميل ححاول انزلك الصوره اللى كنت مصوراها زمان ايام التجهيز
الليفينج بقى حنزلك ان شاءالله الصور
:D بس استنى الزياره الجايه لاى حد ييجى علشان يبقى مكتمل وشكله ابن ناس كده
MAYODAA;10094589:
ازيكو يابنات
انا عندى مشكله الراجل بتاع السيراميك اتخانق مع خطيبى وساب الشقه
سبب الخناقه من وجه نظره ان خطيبى قاعد معاه وهوا بيشتغل بزمتكم ده سبب
المهم انو معملش حاجه وخلصها عمل المطبخ وناقص حوالين الشباك والشفاط والباب
الحمام عمل فيه 3 حوائط وساب واحده وواحده برضو مش كامله
الارضيات طبعا مجاش جنبها
الازمه دلوقتى انو كسر الليستلو بتاع الحمام الواحده ب30 ده اولا بس مش دى المشكله
المشكله ان دول كانو اخر حبه الراجل كملنا من اللى بيكون معروض عنده
خطيبى داخ عشان يشترى بدل اللى الصنايعى كسره فى الاخر لقى واحد عنده 3 اخدهم وراح لاقاهم نفس الرسمه بس فاتح والزفت ركب منهم واحده من غير حتى مايقول
دلوقتى عندى ليستلو بالطول صف غامق وصف غامق ماعدا واحده فاتحه
مش عارفه اعمل ايه ؟؟؟؟؟؟؟؟؟؟
المشكله اننا دايخين على حد يجى يكمل لانهم مش بيرضو يدخلو شقه كان عليها مشكله
انا جالى اكتئاب وانا وخطيبى شغاليين خناق بسبب الموضوع ده
معلش طولت عليكو بس انتو اخواتى ساعدونى بليز
بصى يا جميله معلش
اهى اخدت العين فى حاجه
كويس انها جت ان الراجل عمل كده وخلاص
صدقينى والله انا برده حصلى حاجات كتيره كنت بقول الحمدلله
بصى انزلى مخازن السلاب عندهم كلللللللللللل حاجه
مخازن السلاب اللى اعرفها فى زهراء مدينه نصر فى اخر الزهراء وعندهم كل حاجه واسئلى كمان لو تعرفى بالتليفون النوع بتاع السيراميك ورقمه وان شاءالله تلاقيه
والحمدلله انها جت فى الليستلو يعنى الحمدلله مش حتبان اوى
nonastar;10095213:
احلى بنات
بقولكم يا قمرات عايزه اخد رايكم فى شويه حجات كده وبالله عليكم تردوا عليا وتقولولى رايكم بصراحه
اولا عايزه اسالكم اللى اشترى نجف قريب او اللى نزل الاماكن بتاعت النجف قريب حد شاف نجف لونه
ثانيا انا عايزه اعمل الصالون عندى بالالوان الاوف وايت والاسود مع العلم ان المكان بتاع الصالون عندى كبير مش ضيق والارضيات بيج رخامى فعايزه اخد رايكم فى الافكار اللى هانزلهلكم وتقولولى رايكم ولو حد منكم عنده افكار تانيه ياريت يقولى عليها
ملحوظه:انا عندى الصالون والسفره مع بعض مفتوحين على بعض زى شقه كتكوته القمر كده صحيح يا بنات هى فين انا يقالى كتير مش شوفتها محدش يعرف عنها حاجه ويعرف هى مختفيه فين
وعايزاكم كمان تقولولى الوان الوان للسفره علشان تمشى مع الصالون لا النجف والسجاد هايبقى واحد لانهم مفتوحين على بعض
يعنى بصوا يا بنات فى كرسين فى الجنب كده القماش بتاعهم اسود فى فضى انا عايزه اعمل الكراسى كده اوك
والكنبه هاتبقى فاتحه كده وقماش المخدات هو اللى على اسود زى كده
اما بقى بالنسبه للحيطه والوان الدهانات هاتبقى كلها اوف وايت والحيطه اللى فى ضهر الصالون ستاره كبيره والجنبين التانين فى حيطه منهم فيها عامودين والحيطه التانيه سده من غير عواميد
يعنى ياما اعمل الحيطه اللى من غير عواميد ورق حائط ياما اعمل العمودين بس ورق حائط يأما اعمل الحيطه اللى بينهم هى اللى ورق حائط وطبعا ورق الحائط اللى اقصده على اسود زى كده
والوان الخشب بتاعت السفره ايه رايكم تبقى الالوان دى فى فضى برده
بس خلاص يالا بقى مستنيه ارائكم وافكاركم وبالله عليكم مش تنسونى وتقولولى ارائكم بصراحه لان محدش مشجعنى على الاسود ده خالص
بصى انا حرد عليكى فى موضوع النجف
موجوده بالظبط بالظبط فى شارع الكهربا وبرده لونها اسود وتحفففففه تجنن وكانت ب 1500 بس تحففففففففه كانت عند محل على كورنر كده وعنده حاجات وهميه
يارب الاقى التقرير وانا اقولك انهى محل كنت كتبت عنه
بصى انا رايى فعلا بلاش بيج خاللللللص فى حاجه اساسيه
يعنى دى كنبه والناس حتقعد وبتاع مش معاكى انها تبقى بيج
انا عندى السفره كده وبخاف عليها فعلا من الهوا واسمى محدش بييجى عندى ولا انا بستعملها الصراحه :D
ونصيحه منى ليكى لو المساحات عندك واسعه اوى اعملى الاسود وكده لو مش واسعه اوى متعمليش اسود بيكتم اوى
بس لو عايزه العفش نفسه يبقى فيه اسود اوك بس خلى الدهانات فواتح احسن
حرجعلك تانى ان شاءالله وارد على باقى اللى بتسئلى عليه
