ملف استفسارات بنات مصر للديكور

بنات عندى سؤال انا عندى حيطه حوالى 60 سم بين شباكين فى الصاله عايزه افكار اعمل فيها ايه انا كان نفسى اعمل دفايه بس حاسه المساحه هتبقى صغننه اوى
قولولى رايكم وافكار جديده اعملها فى المساحه دى
اه وكمان هى هتكون بين الصالون والانتريه عشان تكونو متخيلين المنظر

CuTie KaTkOoTa;10024225:
بسكوتة انا النقاش بتاعي كويس جدا جدا وبشهادة الكل بس هو يمكن غالي شوية عشان شغله تمام، مش عارفة بالنسبة لك سعره هايبقي كويس ولا غالي، هو اخد مننا 2500 علي شقة 130 متر.

ممكن رقم النقاش وكل التفاصيل ولو عندك صور لشغله يبقى كتر خيرك
ومتعرفيش يرضى يروح مدينت الشروق ولا لاء؟

مايونيز;10036313:
وانا كمان يابنات هاشترك بصورة مطبخي بس الصوره دي بعد التركيب علطول قبل الفرش وهابقي انزل صورته بعد الفرش بس اما ارجع شقتي








وده الصالون بتاعي




ودي السفره












الصور كلها قبل الفرش ايه رايكو؟

بسم الله ماشاء الله
ربنا يبارك يارررب
كلو حلو اوووووووووووى والمطبخ ماشاء الله عاجبنى جداااااااااا

نكمل مطابخ تانى

الحب هو الحياة;10036434:
ماشاء الله ذوقك حلو اوى وربنا يهنيكى يارب ويسعدك وتفرشيها احلى فرش قوليلى ايه نظام الاسعار ؟
وعمولة كله ولاجاهز وومنين ؟
انا اتجوزت خلاص ياقمر بس انا عند ماما والصور اللي علي الجهاز هنا قبل الفرش بس اما اروح هاحط صور الشقه بعد الفرش والعفش بتاعي كله جاهز من دمياط واسعاره بسيطه خالص يعني السفره 10 والصالون 7 والانتريه 5 والنوم الاتنين 17
http://forums.3roos.com/t474793.html

ღ ღ°•.••فستان ليلة العمر ღ ღ°•.••

ღ ღ°•.•• شاورما لذيذة يارب تعجبكمღ ღ°•.••

اشرى;10036766:

نانى فيبس
ما شاء اللة بجد مطبخك تحفة جدا ربنا يارب يباركلك فية وبسيط كدة بجد عجبنى يارب تتهنى بية يارب وبجد متشوقة لصور شقتك
مايونيز
ما شاء الله عفشك حلو جداااااا وبجد واضح ان ذوقك عالى ياااااااااااارب تتهنى بحاجتك ويقدرك على فرشها ياااااااااااااااارب وغلاسة بقا كنت عايزة اشوف الانترية عشان بجد شكلة باين علية شيك اوى وفخم وياريب صور الحمام وباقى الشقة
وكنت عايزة اعرف هو المطبخ المونتيال صح؟ طب هو كام فى كام؟ مساحتة يعنى اد اية وكلفك كام معلش؟
وعلى فكرة السيراميك بتاع المطبخ بتاعك نفس لون سيراميكى بس انا ان شاء الله ناوية اعمل المطبخ احمر اية رايك؟ تفتكرى هيليق؟

ميرسي ياحبيبتي عقبال شققكم كلكم وحاضر هاحط صور الشقه كلها بس اما اروح شقتي بكره او بعده بالكتير والمطبخ المونيتال هوا المطبخ بتاعي واخد 15 متر ونص المونيتال وكلف كله علي بعضه 20 الف
وبالنسبه انك هاتعملي مطبخك احمر اعتقد مش هاييجي خالص انا كان نفسي اعمله احمر بس كان هايبقي نشاز مع لون السيراميك

فلاور الحاجة جميلة ما شاء الله، حطي صور نوم وسفرة كمان ياريت
مايونيز حاجتك تجنن الله اكبر وعجبتني اوي رغم اني من مشجعي المودرن

خطيبة عمرو;10028570:

والسبونش الزيتي ده يليق معاه إيه ألوان للسفره ؟

والموف الفاتح يليق معاه أوضة نوم لونها إيه؟ هينفع بني غاااااامق أوي؟ ولا الأبيض أحلى؟
[/COLOR][/SIZE]

تصدقي اني لسه جاية من بيت بتاع ناس قرايبنا في المنصورة بس تحفة مفهوش غلطة، وعمالين الريسيبشن كله هو 3 قطع جنب بعض واحد صالون مدهب وواحد انتريه زي وصفك بالظبط انتريه صالون شيك جدا وخشبه بني وواحد سفرة، بس هما ظبطوها صح وكله يمشي مع الزيتي ، يعني الصالون دهبي وزيتي فااااااااااااااااااااااااااااااتح والانتريه زيتي غامق شوية منقوش والسفرة بني اقرب للغامق ورخامتها بيج عسلي غامق، المهم عاملين الدهان كله بستاج هاااادي جدا يعني كأنه زيتي في افتح درجاته والعواميد او اقصد الزوايا ونهايات الكمرات والاجزاء الفاصلة ما بين كل واحد زيتي غامق، والستاير كلهم نفس القماشة واللون عشان طبعا كله مفتح علي بعضه زيتي في دهبي هادي، والطرقة عشان بردو متبقاش نشاذ معاهم عاملينها اصفر هادي وبردو الزوايا زيتي.

اما بقي الموف فانا عملاه في اوضتي اصلا وبيبقي حلو اوي مع البنيات بس مش الفاتحة اوي ولا المحروق بردو يعني احلي حاجة المتوسط والغامق سنة.

الحب هو الحياة;10029810:
حتوحشينا ياكتكوتة بجد وترجعة بالسلامة ياقمر

تسلمي يا توتي يا جميلة ، الله يسلمك يا قمر انا رجعت اهو خلاص وكنت والله مش قادرةاني سبتكم اليومين دول.

مايونيز;10036313:

ما شاء الله تحفة بجد وذوقك فعلا حلو اوي، الصالون شيك اوي ورقيق وانا بحب كده اوي انه يكون الصالون المدهب هادي ومش منقوش يكون سادة او فيه نقشة خفيفة مش باينة ومفهوش الوان كتيرة مع بعض.

Jumanaa;10037999:
ممكن رقم النقاش وكل التفاصيل ولو عندك صور لشغله يبقى كتر خيرك
ومتعرفيش يرضى يروح مدينت الشروق ولا لاء؟

هبعتهالك حالا يا جميلة، علي فكرة انا من ساعة ما قلتلك اني هبعتلك الصور والله جربت كذا مرة ومكنش بيرضي معايا خالص ولما رضي واتظبط الجهاز بقي بيهنج كتير ويضيع كل اللي عملته فاللي هايحصل بقي اني هجزأهم علي مراحل اوكي.
والنقاش اه بيروح عادي جدا مادام شغلانة كويسة وهايمسك شقة كاملة، مش مجرد ترميمات مثلا، ده اللي انا اعرفه عنه، مبيحبش يمسك الحاجات البسيطة وكمان مش هايبقي عنده وقت ليها لأنه فعلا ما شاء الله عالطول مش بيقعد .

يا بنوتات بليز لو عايزه اعمل وش بياض نظافه لغرفه تقريبا 3 و نص متر فى 7 متر
الوان عادى مش كمبيوتر

حد يعرف تتكلف اد ايه تقريبا ؟


وبليز تقريبا كتكوتة كنتى عامله السفرة بتاعتك لونها نبيتى تقريبا الحيطان يعنى كانت نبيتى مقلمة دهبى كده
دى كانت الوان عادى ولا كمبيوتر ؟

bosy_md;10039438:
يا بنوتات بليز لو عايزه اعمل وش بياض نظافه لغرفه تقريبا 3 و نص متر فى 7 متر
الوان عادى مش كمبيوتر

حد يعرف تتكلف اد ايه تقريبا ؟


وبليز تقريبا كتكوتة كنتى عامله السفرة بتاعتك لونها نبيتى تقريبا الحيطان يعنى كانت نبيتى مقلمة دهبى كده
دى كانت الوان عادى ولا كمبيوتر ؟

ايوة فعلا يا جميلة، بس كانت كمبيوتر فعلا النبيتي بس هو والأورانج اللي كده والباقي كله هو عمله بنفسه التركواز والموف والاخضر التفاحي والاصفر وكله، والدهبي ده بيبقي جاهز كده.

soshe;9701896:
بنات هحطلكم صور شقتى انا خلصتها الحمدلله واستلمت الصالون وغرفة الاطفال بس

ادعولى بالله عليكم علشان المشاكل عمالة تزيد اوي ومش بقينا طايقين بعض خلاص

اسيبكم مع الصور اول حاجة الريسبشن

ما شاء الله حاجاتك جميلة اوى تتهنى بيهم
ممكن ياقمر لون الحيطة اللى فى الوش ده تقوليلي اسمه او درجته بليز
و ياريت كمان هو كمبيوتر ولا عادى

اتفضلي يا بوسي دهانات السفرة اهي.

جومانا بصي انا هحطهم هنا بردو احسن وابعتلك لينك الصفحة علي الخاص اوكي.

ما شاء الله يا كتكوتة هم فعلا حلوين تتهنى بيهم انتى و زوجك و الكتكوت الصغنن لما يوصل ان شاء الله

خطيبي للأسف انا قررت اللون النبيتى و سافرت لظروف وفاة عندى و حصل خلاف بينى و بينه
رجعت لقيته عمل الصاله سيمون فى درجة شكله كده بس اغمق و انا بكره الاورنجات بدرجاتها كلها

عايزه اغير لون الصاله بس اعرف يتكلف كام

bosy_md;10039499:
ما شاء الله يا كتكوتة هم فعلا حلوين تتهنى بيهم انتى و زوجك و الكتكوت الصغنن لما يوصل ان شاء الله

خطيبي للأسف انا قررت اللون النبيتى و سافرت لظروف وفاة عندى و حصل خلاف بينى و بينه
رجعت لقيته عمل الصاله سيمون فى درجة شكله كده بس اغمق و انا بكره الاورنجات بدرجاتها كلها

عايزه اغير لون الصاله بس اعرف يتكلف كام

بصي انا طبعا مش فاكرة بالظبط دلوقتي بس اللي مكنتش اعرفه إلا ساعة وانا بختار اللون في المحل انه السعر حسب اللون والكمبيوتر هو اللي بيحدد بمعني بيشوف يعني هيحتاج يخلط اد ايه من كل حاجة عشان يوصل للدرجة اللي عايزاها فبتتحسب كده، احنا ساعتها تقريبا واحد كلفنا 2 وكسر والتاني 1 وكسر، بس ال200 دي كانت قرب الاخر وده كان النبيتي عشان كان عايز كمية، لكن التاني اقل عشان الدرجة نفسها اسهل في العميل وهي الاورانج وكمان الكمية كانت النص تقريبا بتاعة التانية.

ميرسي يا كتكوتة
طيب النقاش عندك و هو بيشتغل هو الى قالك اللون ده مينفعش الا كمبيوتر
ولا على اى اساس اخترتوه كمبيوتر مش عادى ؟

معلش اصلى لسه راجعه من الشقه و الموضوع ده مضايقنى مووووت

وادي دهانات الصالون كافيه او كاكاوي والعواميد سيمون والزوايا بردو دهبي.

bosy_md;10039527:
ميرسي يا كتكوتة
طيب النقاش عندك و هو بيشتغل هو الى قالك اللون ده مينفعش الا كمبيوتر
ولا على اى اساس اخترتوه كمبيوتر مش عادى ؟

معلش اصلى لسه راجعه من الشقه و الموضوع ده مضايقنى مووووت

لا يا بنتي متضايقيش نفسك وان شاء الله كل حاجة هاتتظبط كله ممكن يتغير متخافيش بس المهم هي واخدة كام وش قلتي حاولي تعرفي الاول عشان دي بجد هتفرق في الموضوع ده، لأن كل ما بتدي وشوش كتير بزيادة ده وحش ومش هايبقي كويس للحيطة وهتلاقي الحيطة مبقتش تستوعب الزيادة ده وممكن يقع بسهولة، ده كان كلام النقاش لينا عشان احنا عملنا 4 وشوش في كله وده كده الماكسيمام وكانكتير بردو بس شغال عادي مفهوش ضرر الحمدلله بس قالنا المفروض والاصح تبقي 3 بس بتفرق ساعات بقي حسب الدرجة، يعني النبيتي ده كان معجب به جداااااااا وبيقولي الغامق ده والدرجة دي بالذات حلوة اوي وكل ما تديها اكتر تبان اكتر وتبقي غنية كده ومظبوطة، هو كان يعرف يعملهم عادي علي ايده بردو، بس كلمنا بصراحة وقالنا لو كده هنحتاج نجيب كمية الوان عشان ادرجها وخامات ممكن تكلفكم اكتر من انكم تجيبوه جاهز وكمان الدرجة بردو هاتبقي صعبة شوية بصراحة انها تيجي زي ما انتي عايزة تمام لكن لو حبيتي انا اعملها مفيش مشكلة بس انا قلتلك اهو.

يا بنات ده لون اوضة نومى ان شاء الله
هو عامل كل حيطتين لون
بس معلش ده تصوير اختى مش تصويري انا



وده لون الصاله الى مش عاجبنى ابداااااااااا




دى بقى غرفة البيبي ان شاء الله





ايه رأيكم
و تفتكروا لو غيرت لون كورنيشة السقف و السكلو الى فى الصاله بس اغيرهم للون ايه لان لونهم بشععععععع مش عاجبنى خااااالص

ميرس يا كتكوتة على ذوقك معلش دوشتك
اساسا الشقه ايجار و جديد يعنى الموضوع مفيهوش شغل جديد
كله وش نظافه و بس
و انا مشكلتى انى مش بطيق الاورنجات و كمان مع نور الشمس كانت عاملالى شغل فى دماغى مش مظبوط
علشان كده عايزه اديها وش لون تانى بس متكونش مكلفه
خصوصا ان النقاش عمل لخطيبي فيلم على اللون النبيتى ده مع انى كنت مختارة لون افتح من بتاعك
وقاله مكلف اوى و اشتغالات فظيعه
وقاله انا هعملك اقرب درجة له رجع من شغله لقاه عامل جزء كبير باللون ده للأسف

Jumanaa;10037983:
بنات عندى سؤال انا عندى حيطه حوالى 60 سم بين شباكين فى الصاله عايزه افكار اعمل فيها ايه انا كان نفسى اعمل دفايه بس حاسه المساحه هتبقى صغننه اوى
قولولى رايكم وافكار جديده اعملها فى المساحه دى
اه وكمان هى هتكون بين الصالون والانتريه عشان تكونو متخيلين المنظر

ممكن تحطى مجموعة مرايات شيك او تابلوه حلو او 3 تابلوه شكل واحد

اشرى;10036766:

نانى فيبس

ما شاء اللة بجد مطبخك تحفة جدا ربنا يارب يباركلك فية وبسيط كدة بجد عجبنى يارب تتهنى بية يارب وبجد متشوقة لصور شقتك
مايونيز
ما شاء الله عفشك حلو جداااااا وبجد واضح ان ذوقك عالى ياااااااااااارب تتهنى بحاجتك ويقدرك على فرشها ياااااااااااااااارب وغلاسة بقا كنت عايزة اشوف الانترية عشان بجد شكلة باين علية شيك اوى وفخم وياريب صور الحمام وباقى الشقة
وكنت عايزة اعرف هو المطبخ المونتيال صح؟ طب هو كام فى كام؟ مساحتة يعنى اد اية وكلفك كام معلش؟

وعلى فكرة السيراميك بتاع المطبخ بتاعك نفس لون سيراميكى بس انا ان شاء الله ناوية اعمل المطبخ احمر اية رايك؟ تفتكرى هيليق؟

اشرى صعب الاحمر مع لون السيراميك
ممكن لبنى فى سيلفر احلى او فى بيج

CuTie KaTkOoTa;10039403:
تسلمي يا توتي يا جميلة ، الله يسلمك يا قمر انا رجعت اهو خلاص وكنت والله مش قادرةاني سبتكم اليومين دول.


ما شاء الله تحفة بجد وذوقك فعلا حلو اوي، الصالون شيك اوي ورقيق وانا بحب كده اوي انه يكون الصالون المدهب هادي ومش منقوش يكون سادة او فيه نقشة خفيفة مش باينة ومفهوش الوان كتيرة مع بعض.



هبعتهالك حالا يا جميلة، علي فكرة انا من ساعة ما قلتلك اني هبعتلك الصور والله جربت كذا مرة ومكنش بيرضي معايا خالص ولما رضي واتظبط الجهاز بقي بيهنج كتير ويضيع كل اللي عملته فاللي هايحصل بقي اني هجزأهم علي مراحل اوكي.
والنقاش اه بيروح عادي جدا مادام شغلانة كويسة وهايمسك شقة كاملة، مش مجرد ترميمات مثلا، ده اللي انا اعرفه عنه، مبيحبش يمسك الحاجات البسيطة وكمان مش هايبقي عنده وقت ليها لأنه فعلا ما شاء الله عالطول مش بيقعد .

حمد اله على السلامة ياكتكوتة ونورتى المنتدى وكتاكيتو نورت كمان :wink:

bosy_md;10039550:
يا بنات ده لون اوضة نومى ان شاء الله
هو عامل كل حيطتين لون
بس معلش ده تصوير اختى مش تصويري انا






وده لون الصاله الى مش عاجبنى ابداااااااااا










دى بقى غرفة البيبي ان شاء الله











ايه رأيكم
و تفتكروا لو غيرت لون كورنيشة السقف و السكلو الى فى الصاله بس اغيرهم للون ايه لان لونهم بشععععععع مش عاجبنى خااااالص

الدرجات كلها حلوة ماشاء الله
بصى طالما الصالة مش عاجباكى غيرى اللون واعمليه كمبيوتر زى كتكوتة ما قالتلك
واعملى ذهبى فى نبتى الكورنيشية اعملى ذهبى والسكلو نبتى