ملف استفسارات بنات مصر للديكور

dandana;9962538:
بمناسبة سؤال مى

ممكن اعرف الفواحة دى بكام ؟
ولو فيه صورة ياريت اشوفها ؟

واضافة لكلام مورو فيه كمان فواحة برضه ب 3.5

شكرا ياتوتى انتى وصوت
بس بجد انا ماعرفش شكلها خالص

وايه الفرق بين اللى 35 واللى ب 3.5

وهما بالكهربا ولا ايه

منال
و لا يهمك اللي يجي في الريش بقشيش الحمد لله انها بتيجي في الحاجات دي
متخليش حاجه تبوظ فرحتك و لا حتي جزمة العريس

نيسو
الشقه حلوه موت ما شاء الله ربنا يهنيكي بيها و تمليها نسانيس صغيريين قصدي نونات صغيريين
عاوزة اسئلك سؤال بقي لا 2 و لا اقولك 3 اخر كلام

1- هوا الابيض ده مش صعب في النظافه و لا عادي يعني اصل بحس ان العفش الابيض راقي اوي بس بخاف عشان البهدله
2- هوا سؤال رخم هوا انتي مش حاطه تليفزيون في الريسبشن اصل انا تقريبا نفس نظامك هحط في الريسبشن صالون و سفره و بصراحه مستبوخه قوي احط مكتبه عشان التليفزيون و كمان هتاكل المساحهو برده مش عارفه لما الناس تيجي هيعدوا كده من غير تليفزيون

3- شفتي كنت هنساه
الليفنج المودرن ده انتي حاطاه في اوضه منفصله مش كده
طيب هوا لما بيجي ضيوف مش بيعدوا هنا صح بيعدوا بره مفيش حد غير القريبين بس اللي ممكن يعدوا جوا



بنات ارجوكم ادعوا لواحده صحبتي عملت حادثه هيا و والدها بالعربيه هيا في المستشفي و باباها توفي

نيسو

ماشاء الله شقتك جميله ربنا يهنيكى بيها يارب وتمليها عيال
قوليلى ياقمر المطبخ كنت عاملاه بكام والخشب ده نوعه ايه؟
وسجاده الانتريه كنت جايباها بكام واسمها ايه؟

منافولا
مبرووووووووووك يا جميل ربنا يتمملك بخير يارب

عاشقه الرحمن دينا
بصى يا جميل سيبى حماكى يجيب الى هو عايزه كده كده الصنايعيه مش هيرضوا يركبوا حاجه غير بالترتيب ولو لقدر الله حاجه باظت حماكى برضه الى هيصلحها فريحى انت دماغك وان شاء الله كله هيطلع زى الفل

بنات انا كنت عرفت ان الكيراتين الاصلى اسمه جلوبال كيراتين ولقيت السايت بتاعهم على النت متعرفوش بقى ازاى اجيبه من مصر بدل الشحن وكده

:D:D

Nesoo;9980987:

ياقمر اسألى براحتك
الاول بس انتى عاملا ايه وحشااااااااااانى

بصي ياجميل نعم انا من القااااااااااااهره ومتجوزه في اليكس
عفشى كلو عموله في القاهره
ماعاااااااااااااااااااادا
المطبخ عملاه في اليكس ياجميل

والسجاده كانت ب 850 جنيه
وكل ما تزوجدى 10 سم طول وعرض بتزيد 100 جنيه

ايه ده بجد ازرغط طلع فعلا فيه امل :D:D
احمدك يارب
قوليلى بسرعه يا جميل فين النجار ده وهو عمل المتر الواحد بكام ومتر فوق وتحت ولا متر مربع
وربنا يخليكى ليه وانت كمان وحشانى وهدخلك الشات يا جميل(f)(f)

مريم ءادم;9981114:
:D:D

ايه ده بجد ازرغط طلع فعلا فيه امل :D:D
احمدك يارب
قوليلى بسرعه يا جميل فين النجار ده وهو عمل المتر الواحد بكام ومتر فوق وتحت ولا متر مربع
وربنا يخليكى ليه وانت كمان وحشانى وهدخلك الشات يا جميل(f)(f)

طبعا ياقمر فيه امل خلى ثقتك بالله
النجار دا في سبروتج ياجميل لا معرفش تفاتصيل بصراحه لان زوجى ايلي عملوا بس هوا كلفوا كلووو بدون الرخام 3000 جنييييييه

بنات اقروا ده ...منقوووووووووووووووووول
عايزين نأخذ فكرة عن الاستايلات الجديدة للستائر؟!
أشكال الستائر وحجمها اختلف عن زمان، لأن زمان كانت ارتفاعات الحوائط داخل المنزل عالية، لكن الآن معظم الشقق ارتفاعاها قليل، وعشان كده شغل البراقع تراجع شوية، بالإضافة إلى إن الموضة بالنسبة للستائر اختلفت، وأصبحت هناك ستائر مطرزة جاهزة، وستائر برنت شوب "مطبوعة"، وستائر مشغولة، وستائر "قصة الجبير"، بالإضافة إلى إن شغل التطريز والسجأ والفرنشات والعقادة غير من شكل الستائر، بجانب طبعاً الستائر المعدنية والرأسية والسينمائية والبامبو...
ودايما اختيار الستارة بيرجع لذوق البنت وشكل شقتها واستايل الموبيليا بتاعتها، ولذلك أنصح بتصميم الستائر بعد عمل ديكور الشقة واختيار الموبيليا والسجاد، يعني الستائر آخر حاجة تتعمل، وعلى فكرة الستائر دلوقتي بالريموت كنترول.




إيه الأشكال الحديثة من "البلتكانات"؟!

البلتكانة زمان كانت عبارة عن خشب وبها مجرى، ودلوقتي بيطلق عليها تراك "التراك إما يكون يدوي أو حبل"، والتراك اليدوي فيه منه مصري وألماني وأمريكي، ومنه "صاج وألمونيوم"...
والتراك الكويس لازم تكون العجلة بتاعته سهلة، وتجري بسرعة من غير صوت أثناء جري الستارة، ده غير التراك الفورفورجيه، والماسورة العادية التايواني اللي بتتميز بأنها لا تصدأ، والماسورة الخشب الأويما اللي ليها شكل قيم، علشان كده بنلاقيها غالية شوية، وفي النهاية اختيار التراك يتوقف على شكل الستارة وتصميمه.





إيه أحدث خامات الستائر دلوقتي؟!
خامات الأقمشة التي تناسب جوانب الستائر والبورد بيكون قماش سادة تفتا أو قطيفة أو شانيليا، وبيتعمل عليها شغل وتطريز أو قماش جاكار وحرير مطرز ومشغول...
أما الستائر الخفيفة اللي بتكون في النصف بين الجوانب، فيه منها أورجانزا مشغولة أو سادة أو مفرغة أو مطرزة أو ستائر حرير طبيعي أو كتان أو قماش مطبوع أو فوال سادة ومقلم.




بنسمع عن القماش الهندي والإيطالي والتركي، إيه الفرق بين كل نوع من الأقمشة دي؟!
الفرق بيكون في الأسعار والجودة، وعلى فكرة القماش المصري دلوقتي كويس جداً؛ ولكن بشكل عام القماش الإيطالي والتركي واليوناني بيكون في الأورجنزا، أما الهندي فبيكون في الستائر والأقمشة المشغولة....
وعلى فكرة الفرق بين القماش الهندي والمصري بيكون في الملمس لكن مفيش اختلاف كبير، والواضح في السوق إن الصين بدأت تغزو الأسواق بالأورجنزا السادة بأسعار قليلة جداً.




إيه ألوان الستائر الموضة دلوقتي؟!
ألوان الأبيض والأسود والأوكسديه هي الألوان الأولى في عالم الستائر، بالإضافة إلى ألوان زي النبيتي والبني والموف والبيج والذهبي...
والأوكسديه ميزته إنه بيمشي مع كل بيت، ومش لازم اللون بتاع الستارة يطابق لون الفرش بالضبط، يعني مثلاً لو الأنتريه نبيتي الستارة تكون أوكسديه ومطرزة نبيتي، بالإضافة إلى إن اختيار التركواز بيكون مع الأوكسديه وأكثر الستائر موضة قوي دلوقتي هي الستائر الخيوط والكريستالات.
الأشكال الحديثة للعقادة والفرنشة والرابطة عاملة إزاي؟!
العقادة والفرنشة أصبحت كلها كريستالات وخرز، والعقادة الخيط تراجعت شوية، أما المربط بيأخذ من شكل العقادة والفرنشة ولكن على شكل أكبر وبيكون على أطراف جوانب الستارة أو على جانب واحد وتتميز أن حجمها كبير قوي.
السجأ عبارة عن إيه؟!
السجأ عبارة عن بلتكانة أو قطعة طويلة من الخشب مشدود عليها قماش مطرز وفرنشة وعرضها 35 سم، وبها أشكال جمالية كثيرة وداخل فيها كريستالات ونحاس وبتكون مساحتها على حسب مساحة الستارة...
والسجأ كلها هاند ميد مصنوع على نول، والعقادة والسجأ والفرنشة برضه هاند ميد من ألوان الستارة نفسها، ويوجد كتالوج بيكون فيه أشكال كثيرة من السجأ والعقادة، والعميل بيختار الشكل المناسب لاستايل ولون الستارة بتاعته، والسجأ بيستخدم في حاجتين في الأنتريهات والكنب الأمريكي.
إيه أحدث خامة "للبلاك أوت" وهل لازم يكون مع كل ستائر البيت؟!
"البلاك أوت" الأمريكي والأسترالي أحسن حاجة في السوق، وبيكون مستورد، وعادة بيكون قماش معتم من طبقة أو ثلاث طبقات، ودرجة التعتيم بتاعته بتكون 100%، وممكن يتغسل بسهولة، ولازم "البلاك أوت" يكون وراء كل الستائر لأن الستائر دلوقتي معظمها خفيفة وأورجانزا ولما بتتعرض للشمس بعد حوالي سنتين بتتشقق علشان كده "البلاك أوت" بيحمي كل الستائر.




إيه الستائر اللي بتناسب المطابخ والحمامات دلوقتي؟!

المطابخ بالذات بيتناسب معها "شيش حصيرة"، لأنه سهل غسله بسفنجة وصابون لأن طبعاً القماش بيتأثر بالزيوت وبخار الطعام، أما ستارة الحمام أفضل حاجة هي الستارة الووتر بروف.





إيه الستائر اللي بتناسب غرفة النوم للكبار والأطفال؟!
غرفة نوم الكبار بيتناسب معها الستائر الناعمة والفوال والأورجنزا، والبراقع بتاعتها بتكون تكسير وكشكشة، واختيارها بيكون على حسب لون واستايل الغرفة، أما غرفة الأطفال بيتناسب معها ستائر خفيفة فوال أو حرير ومرسوم عليها بطوط وميكي ورسومات أطفال أو قماش مطبوع.




هل ستارة الشبابيك بتكون من نفس ألوان وتصميم الستارة الأساسية؟!
ستارة الشباك لازم تكون من نفس التصميم، لكن ممكن نعملها بجنب واحد وممكن نغير في شكل العقادة، لكن لازم يكون من نفس التصميم والألوان.




إيه الفرق بين الستائر المعدنية والستائر الرأسية؟!
الستائر المعدنية هي شرائح من الألمونيوم مدهونة "بالإلكتروستيك" ومقاساتها مختلفة منها 5 سم، 3.30 سم، 2.30 سم، 12ملي، وتناسب أماكن معينة زي الشركات، المكاتب، العيادات... وتساعد على دخول الإضاءة بكميات معينة وتناسب المنازل التي بها غرف مسلطة عليها الشمس لأنها تساعد على حجب الشمس.
أما الستائر الرأسية هي ستائر رأسية من القماش "الفايبر المعالج" عرضها من 12.7 سم، إلى 11 سم بأي ارتفاعات وألوانها متعددة.





هل الستائر "البامبو" تناسب مساحات معينة من الشقق؟!
الستائر البامبو عبارة عن "الحصير القديم" ودلوقتي بقت حصير طبيعي وألوانها متداخلة مع بعضها وممكن يتعمل منها "فرنشات" زي البراقع لكن بتناسب مساحات واسعة زي الشاليهات والفيلات والقرى السياحية وشكلها بيكون حلو على الشبابيك وبتمنع الضوء والحشرات.




وهل فيه ستائر بتكون عاكسة للحرارة وتلطف جو الشقة؟!
الستائر البليسيه من ضمن أنواع الستائر العاكسة لأشعة الشمس، وهي عبارة عن ستائر قماش، والخلفية بتاعتها سيلفر، وهي عاكسة للحرارة وعرضها 2 متر ومتنية فوق بعضها، وبتناسب غرفة المعيشة وغرفة الأطفال.
بنسمع كثير عن "ستائر الرول"... بتكون عاملة إزاي؟!
ستائر الرول عبارة عن قطعة قماش "صني سكرين"، وهو قماش مسقط خفيف عبارة عن طبقة قماش وطبقة جلد، والقماش كله نازل قطعة واحدة عرض 2 متر وبارتفاعات وألوان كثيرة جداً.




وأخيراً إزاي أحافظ على نظافة ولون الستائر فترة طويلة؟!
أنصح بعد فرش الشقة وتركيب الستائر لابد أن نرشها بمادة تسمى "سكوتش جارد"، وهي عبارة عن مادة عازلة تحميها من الاتساخ والأتربة ووقوع الشاي والقهوة، وهي مادة صحية، لكن أنصح برشها قبل دخول العروسة البيت بحوالي خمسة أيام، وبكده تحافظي على الستائر العمر كله.

ماتنسوووووووووووووش الي تعجبه المشاركة يقيمها هه ماليش دعوة

كيتي حاولت اقيمك معرفتش انا قريت التقرير كلو ماشاء الله هايل

والمادة الى بيترش بيها الستاير دى اجيبها منين ضرورى ده ممكن ارش بيها الانترية كمان ولا حاجه

معرفش والله انا اول مرة اسمع عنها بردو
لو عرفتي قوليلي
والف شكر لمشرفتنا النشيطة انا للاسف كنت كتبت التقرير ده ف التجهيزات وهي جزاها الله خير نقلته هنا وتحت اسمي بردو معرفش ازاي هههههههههههههههههههههه الف شكر لها

اشري حبيبتي ايه رأيك في اللونين دول ؟؟؟
دي أوضة ولاد أختي وحاسة ان اللونين حلوين أوي مع بعض ممكن تعملي انتي كمان نفس الألوان وهيا تنفع أوضة أطفال وكبار كمان والألوان بتاعتها مش بناتي بس





















وإن شاء الله لو لقيت صور من النت هحطلك

وبالله عليكم متنسوش تدعوا لأختي عشان تعبانه ان ربنا يشفيها

Nesoo;9980534:

السلام عليكم

كتكوتا وحشااااااااااااااااااااااانى بجد اخبار الحمل ايه ياقمر ربنا يتمملك على خير
والله يابنات كلللللللللللللكم وحشتونى جدااااااااااااااااا

يالا بقا

نقول بسم الله تبارك الله

هنا هتلاقوا الصالون والسفره والحمام

ستاره الريسبشن نبيتى وفيه قمشتني بس مش عارفا ليه مش باينا في الصوره تفتاه مطرزه وقطيفه مكسره

ماشاء الله شقتك جميلة اوى ربنا يهنيكى وتمليها احلى اطفال يارب
بس سوال هو لون الحمام ايه لانه مش واضح معلش ؟

عاشقة الرحمن دينا;9980857:
منال
و لا يهمك اللي يجي في الريش بقشيش الحمد لله انها بتيجي في الحاجات دي
متخليش حاجه تبوظ فرحتك و لا حتي جزمة العريس

نيسو
الشقه حلوه موت ما شاء الله ربنا يهنيكي بيها و تمليها نسانيس صغيريين قصدي نونات صغيريين
عاوزة اسئلك سؤال بقي لا 2 و لا اقولك 3 اخر كلام

1- هوا الابيض ده مش صعب في النظافه و لا عادي يعني اصل بحس ان العفش الابيض راقي اوي بس بخاف عشان البهدله
2- هوا سؤال رخم هوا انتي مش حاطه تليفزيون في الريسبشن اصل انا تقريبا نفس نظامك هحط في الريسبشن صالون و سفره و بصراحه مستبوخه قوي احط مكتبه عشان التليفزيون و كمان هتاكل المساحهو برده مش عارفه لما الناس تيجي هيعدوا كده من غير تليفزيون

3- شفتي كنت هنساه
الليفنج المودرن ده انتي حاطاه في اوضه منفصله مش كده
طيب هوا لما بيجي ضيوف مش بيعدوا هنا صح بيعدوا بره مفيش حد غير القريبين بس اللي ممكن يعدوا جوا



بنات ارجوكم ادعوا لواحده صحبتي عملت حادثه هيا و والدها بالعربيه هيا في المستشفي و باباها توفي

ربنا يقوم صاحبتك بالسلانة ويغفر لوالدها ويرحمه
بصى نظام الليفنج فى اوضة منفصل حل كويس لموضوع متلا عدم الاختلاط

ربنا يعزك يا نيسو ويثبتك :)
شقتك جميلة ومتناسقة ربنا يهنيكي يارب

مسلمة موحدة;9983483:
اشري حبيبتي ايه رأيك في اللونين دول ؟؟؟
دي أوضة ولاد أختي وحاسة ان اللونين حلوين أوي مع بعض ممكن تعملي انتي كمان نفس الألوان وهيا تنفع أوضة أطفال وكبار كمان والألوان بتاعتها مش بناتي بس



























وإن شاء الله لو لقيت صور من النت هحطلك

وبالله عليكم متنسوش تدعوا لأختي عشان تعبانه ان ربنا يشفيها

السلام عليكم ازيكو يابناويت ياحلوين

نيسو يانيسو

يارب تكونى فكرانى كنا بنلك فى الشات الفجر دايما
يارب تكونى بخير وربنا يرزقك بالذريه الصالحه

شقتك ما شاء الله جميله وفيها ذوق اول ما شوفتها عرفت انك عندك لمسات حلوه كده
استفسار صغير
الكفر بتاع الغساله ازاى عملاه لون ستاره البانيو ده طقم جاهز يعنى

كيتى مرسيه عالتقرير مكنتش عارفه انك زى من زباين بص وطل فرصه سعيده ياقمر