ملف استفسارات بنات مصر للديكور

hoda 555 ممكن اسم الجروب بتاع الدهانات يا قمر

i muslamah
ممكن فوق الدفايه تحطي الحاجات اللي هيا بتبقي خشب بني ديكورات كده و تعلقي برواز او ابليك نور
مش عارفه حسب موقع الكمره دي من الشقه

و لو هتعمليها دفايه جبس
ممكن تتفقي مع الراجل يعملك معاها ديكورات جبس بارزه في الحيطة

يا رب اكون افدتك مش عكيت الدنيا

عاشقه الرحمن حاضر يا قمر هبعتلك الينك

بليز يا بنات هو احسن الوان فى السيراميك ايه تمشى مع كله يعنى عشان لسه محددتش الشقه لونها ايه
وكمان بفكر اجيب البنى اللى شبه الباركيه حلو ولا هيجير واجيبب بيج واريح نفسى ياريت تردوا عليا عشان هنزل قريب ولسه مش عارفه

miramiro;8951159:
السلام عليكم
ميرررررررررررررررررررسى ليكى يا اختى ( الحب هو الحياه) معلش اصلى مش عارفه اسمك :o و ميرسى على اللينك اشتغل يا جميل
و حلوه اوى فكره الموف مع السلفر هتبقى حلوه اوى فعلا
بس انا كنت عايزه اوضح ان انا هحط السفره و الصالون و الانتريه فى الريسيبشن بمعنى ان اول ما تدخلى من باب الشقه المطبخ على ايدك الشمال و هو مطبخ امريكان مفتوح على الريسيبشن و فحط السفره او حاجه علشان تبقى قدام المطبخ و بعد كده تمشى خطوتين هحط الصالون عند الحيطه وراه فيها شباك
اما الانتريه فهيكون شمال الصالون علشان هو كان اوضه و اتفتحت علشان توسع الريسيبشن فتحسى ان الانتريه فى كورنر لوحده مع انه مفتوح على الصالون برد و جايز الاحساس ده
جاى من العمود الموجود و االكرمه مش عارفه
اسمها ايه بصراحه بتبقى فوق من ناحيه السقف حته من الحيطه
الحيطه اللى اتشالت و فى شباك برده ناحيه اللانتريه
فهل الوان الدهان دى تنفع مع الريسبشن بالوصف اللى قلته

maro18;8958271:
بليز يا بنات هو احسن الوان فى السيراميك ايه تمشى مع كله يعنى عشان لسه محددتش الشقه لونها ايه
وكمان بفكر اجيب البنى اللى شبه الباركيه حلو ولا هيجير واجيبب بيج واريح نفسى ياريت تردوا عليا عشان هنزل قريب ولسه مش عارفه

ممكن الجروب بتاع الدهانات

ميررررررررررسى اختى ( الحب هو الحياه) جزاكى الله الف خير انا مبسوطه اوى انك رديتى عليا :8875:وانا فهمت قصدك و ان شاء الله هعمله كده باذن الله
و عايزه اسالك برده على فكره جاتلى النهارده
انا عندى المطبخ اميركان مش كله مفتوح لا هو له باب و مفتوح على الريسيبشن بزى الشباك الكبير فيه رخامه و هجبلهم 2 كرسى نظام البار ايه رايك لو عملت الحيطه اللى حول الشباك دى كلها نبيتى لانى بحب لون الاحمر او النبيتى فى المطبخ لكن المطبخ لونه بنى فاتح فعايزه اعمل الحيطه دى لونها نبيتى و هتبقى قدامها السفره ايه رايك تبقى حلوه؟:o

miramiro;8962327:
ميررررررررررسى اختى ( الحب هو الحياه) جزاكى الله الف خير انا مبسوطه اوى انك رديتى عليا :8875:وانا فهمت قصدك و ان شاء الله هعمله كده باذن الله
و عايزه اسالك برده على فكره جاتلى النهارده
انا عندى المطبخ اميركان مش كله مفتوح لا هو له باب و مفتوح على الريسيبشن بزى الشباك الكبير فيه رخامه و هجبلهم 2 كرسى نظام البار ايه رايك لو عملت الحيطه اللى حول الشباك دى كلها نبيتى لانى بحب لون الاحمر او النبيتى فى المطبخ لكن المطبخ لونه بنى فاتح فعايزه اعمل الحيطه دى لونها نبيتى و هتبقى قدامها السفره ايه رايك تبقى حلوه؟:o

Jumanaa;8946283:
سلام عليكم يابنات مصر القمرات
شوفوا بقى انا عندى اساله كتييييييييييييييييييييير يعنى هستغلكو اخر حاجه:sm2441: بس اوعو تتخنقو منى
بصوا بقى انا لسه بشطب شقتى من الصفر يعن لسه فى مرحلة الكهربا والسباكه فعايزه اعرف شقه 160 متر بالتقريب تكلف اد ايه الكهربا والسباكه ؟
ثانيا من رأيكم الشبابيك الفرينش ( السلسله ) احلى شكلا ولا الوميتال؟
ثالثا ايه الموضه فى الدهانات يعنى هل الحيطه تكون ساده ولا اسبونج ولا ورق الحاءط مع العلم ان العفش سيمى مودرن ؟
بس كفايه عليكو كده النهرده احسن تقتلونى
يالا ورونى الهمه
:Zd_bye_3::8875:

بصي يا جومانا احنا الشقه عندنا 210 متر فطبعا معاكي هيبقي اقل من كده بس برده اقولك على الاسعار احنا جبنا حاجات للكهربا ب 2000 و شويه و لسه مش عارفه كده هتكفي و لا هنحتاج حاجه تانى و الكهربائي هياخد 1500 مصنعيه ايده بس خدي بالك ان انا خطيبي عامل حاجات بزياده يعني هى كانت ممكن تتعمل باقل من كده كمان
الشبابيك اللي فيها سلسله احلي طبعا بس اختاري شكل سلسله حلو
الدهانات بقي انا بفضل ان الشقه كلها تكون لون واحد و كل اوضه تعملي فيها بقي حيطه مختلفه سواء اسبونش او ورق حائط

miramiro;8951159:
السلام عليكم
ميرررررررررررررررررررسى ليكى يا اختى ( الحب هو الحياه) معلش اصلى مش عارفه اسمك :o و ميرسى على اللينك اشتغل يا جميل
و حلوه اوى فكره الموف مع السلفر هتبقى حلوه اوى فعلا
بس انا كنت عايزه اوضح ان انا هحط السفره و الصالون و الانتريه فى الريسيبشن بمعنى ان اول ما تدخلى من باب الشقه المطبخ على ايدك الشمال و هو مطبخ امريكان مفتوح على الريسيبشن و فحط السفره او حاجه علشان تبقى قدام المطبخ و بعد كده تمشى خطوتين هحط الصالون عند الحيطه وراه فيها شباك
اما الانتريه فهيكون شمال الصالون علشان هو كان اوضه و اتفتحت علشان توسع الريسيبشن فتحسى ان الانتريه فى كورنر لوحده مع انه مفتوح على الصالون برد و جايز الاحساس ده
جاى من العمود الموجود و االكرمه مش عارفه
اسمها ايه بصراحه بتبقى فوق من ناحيه السقف حته من الحيطه
الحيطه اللى اتشالت و فى شباك برده ناحيه اللانتريه
فهل الوان الدهان دى تنفع مع الريسبشن بالوصف اللى قلته

يا ريت توحدي اللون طالما ان الريسبشن كله مفتوح على بعضه عشان تبقي مريحه للعين يعني يا تعملي نبيتي و بيج بس يا تعملي موف و بيج لكن بيج و نبيتي و موف هتبقي صعبه شويه

hoba555;8957545:
عاشقه الرحمن حاضر يا قمر هبعتلك الينك

و انا كمان يا ريت تعتيلي اللينك

maro18;8958271:
بليز يا بنات هو احسن الوان فى السيراميك ايه تمشى مع كله يعنى عشان لسه محددتش الشقه لونها ايه
وكمان بفكر اجيب البنى اللى شبه الباركيه حلو ولا هيجير واجيبب بيج واريح نفسى ياريت تردوا عليا عشان هنزل قريب ولسه مش عارفه

للريسبشن اعملي سيراميك او بورسلين بيج الاوض بقي ممكن السيراميك اللي شبه الباركيه

اقتباس المشاركة الأصلية بواسطة maro18 بليز يا بنات هو احسن الوان فى السيراميك ايه تمشى مع كله يعنى عشان لسه محددتش الشقه لونها ايه
وكمان بفكر اجيب البنى اللى شبه الباركيه حلو ولا هيجير واجيبب بيج واريح نفسى ياريت تردوا عليا عشان هنزل قريب ولسه مش عارفه
مارو بصي انا دايما بحب الريسبشن يبقي لونه افتح درجات البيج الاوف وايت يعني

بس بصراحه نزلت من فترم معرض كليوباتر كان عنده درجات بيجت تهبل و عنده بلاطه ابيض و بلاطة اسود شكلهم يجننوا
بفكر لو ملقتش الوان تانيه اعمل ابيض و اسود و اغير كل النظام اللي في دماغي و لا انتوا ايه رأيكوا يا بنات

لو الريسبشن ابيض في اسود ايه النظام
انا الريسبشن عندي 7 متر في 5 متر يعني اعتقد مش ضيق
للعلم انا مشوفتش الشقه اصلا

ميرسى ليكم اوى يا بنات
بس كده يعنى هيبقى كل حاجة ليها سيراميك لوحدها المطبخ والحمام والريسبشن والاوض

i muslmah;8948225:
السلام عليكم
ممكن مساعدة
انا عندي كمرة ساقطة جنب باب الشقة يعني جنب الريسبشين

فكرت اعمل فيها ديكور دفاية
بس مشكلتها انها عالية يعني 2 مترين طول في 2 عرض

شاركوني بافكاركم
على فكرة الستايل كله ستيل


[URL="http://www.servimg.com/image_preview.php?i=37&u=12865899]"][/URL


يللا مستنياكم

بصي انا حاسه انك مثلا لو قفلتيها ارفف ديكور هتبقي حلوة

لو انتى شفتك مودرن هتليق معاها حاجه زى دى

السلام عليكم
ميررررررررررررررسى يا اختى ( الحب هو الحياه) اصلى لسه مش عارفه اسمك :o
جزااااااااااكى الله الف خير ياااااااااااااااارب تجوزى قرررررررررريب يارب

سويتى رونا ميرسى على ردكم
هوبا
حلوه كتير الصور اللى انتى حطاها

البنوته اللى بتسأل على احسن لون للسيراميك البيجات ياقمر بتليق على كل حاجه وشيك جدا

أزيكم يا بنانييت...........عندي سؤال مهم جدا للي بيفهموا في اساسيات الديكور و ياريت الكل يساعدني

هل تختلف أرجل البرجير مع أرجل الكنب المجاور له أم يجب توحيد الشكل ارجو الرد للاهمية

يعني انا حجيب كنبة تلاتة و كنبة اثنين و برجير كلهم ليهم ارجل خشب بس لاقيت في المعرض ان ارجل البرجير مافيهاش شغل ماري لوي و ارجل الكنب فيها شغل شبه الشمنديل فياتري لازم الارجل تكون واحدة ولا ارجل البرجير لازم تكون سادة كده كده

شكراا ليكم

بنات محتاجه أخد رأيكم

دلوقتي انا الشقه عندي عباررة عن ريسبشن كبير مفتوح وأوضتين

انا نزلت شفت السيراميك وعجبني البلاطه اللي لونها كريمي كده....حسيت انها احسن من البيج الفاتح

وهيا مات مش بتلمع

كنت عاوزة اعمل السيراميك اللي شبه الباركيه لكن خطيبي مش مقتنع بيه ....علشان كده اتفقنا اننا نعمل الشقه كلها اللون الكريمي علشان لسه ماحددناش لون الحيطه
وعلى فكرة فيه بلاطه عجبتني للمطبخ ولو لقيت منها اللون الكريمي هعملها للشقه كلها ان شاء الله
هيا بلاطه اصغر في الحجم من مقاس السيراميك ومطفيه ...لكنها متعرجه من الحواف.....حسيت انها هتدي لوك حلو قوي في الشقه
لسه الراجل هيرد علينا بكرة لو لقاها

السؤال بقى:

ايه الألوان اللي ممكن اعملها للريسبشن

كان في دماغي اني اعمل كل حيطه لون..بس مش عارفه هتطلع حلوة ولا لأ

ولو هعملها يبقى ايه هيا الألوان اللي تنفع مع بعضها؟؟؟

انا اخترت لون الموف لغرفه النوم...واحتمال اعمل الأخضر التفاحي في الأصفر في غرفه المعيشه

بنات معلهش طلب تاني
ماحدش يعرف موقع او موضوع يعلمني ازاي انقي الألوان في الغرف
يعني ساعات يقولك اللون الفلاني يتناسب مع غرفه المعيشه...بنما العلاني يسد نفسك عن الأكل لو في غرفه السفر....وحاجات كده يعني

حبة كريز;8991388:
بنات محتاجه أخد رأيكم

دلوقتي انا الشقه عندي عباررة عن ريسبشن كبير مفتوح وأوضتين

انا نزلت شفت السيراميك وعجبني البلاطه اللي لونها كريمي كده....حسيت انها احسن من البيج الفاتح

وهيا مات مش بتلمع

كنت عاوزة اعمل السيراميك اللي شبه الباركيه لكن خطيبي مش مقتنع بيه ....علشان كده اتفقنا اننا نعمل الشقه كلها اللون الكريمي علشان لسه ماحددناش لون الحيطه
وعلى فكرة فيه بلاطه عجبتني للمطبخ ولو لقيت منها اللون الكريمي هعملها للشقه كلها ان شاء الله
هيا بلاطه اصغر في الحجم من مقاس السيراميك ومطفيه ...لكنها متعرجه من الحواف.....حسيت انها هتدي لوك حلو قوي في الشقه
لسه الراجل هيرد علينا بكرة لو لقاها

السؤال بقى:

ايه الألوان اللي ممكن اعملها للريسبشن

كان في دماغي اني اعمل كل حيطه لون..بس مش عارفه هتطلع حلوة ولا لأ

ولو هعملها يبقى ايه هيا الألوان اللي تنفع مع بعضها؟؟؟

انا اخترت لون الموف لغرفه النوم...واحتمال اعمل الأخضر التفاحي في الأصفر في غرفه المعيشه

بنات معلهش طلب تاني
ماحدش يعرف موقع او موضوع يعلمني ازاي انقي الألوان في الغرف
يعني ساعات يقولك اللون الفلاني يتناسب مع غرفه المعيشه...بنما العلاني يسد نفسك عن الأكل لو في غرفه السفر....وحاجات كده يعني

:(:(:(:(يا بناااات بالله عليكم عايزكوا تساعدوني في ألوان الفرش بتاع الشقة بتاعتي... عشان خاطري الحقوني بألوان تضبط الموقف بدون ماحد يقطمني و يقوللي حاجة وحشة على الألوان بتاعة الحيطة عشان انا نفسيتي خلااص...عايزة أعرف العفش لسة ما جبتوش و غصب عني اضطرينا نبيض الشقة الأول و بدون الدخول في تفاصيل دي ألوان الشقة ...الريسبشن 3 قطع مفتوحين على بعض..الصالون حيطة أزرق فاتح و حيطة درجة أفتح من الأزرق و حيطة رمادي و كل العواميد و الكمرات لونها رمادي..
الأنتريه الحيطة كلها أزرق فاتح و مرسوم فيها سحب كإنها سما..و برضه العمدان كلها رمادي..
السفرة حيطة خضرا فاتح و حيطة اصفر فاتح هادي و الحيطة التالتة امتداد للسحب و السما ...و الطرقة كلها نفس رسمة الأنتريه و العمدان و الكمرات كلها برضه رمادي..
قولولي بقى فرش الصالون و السفرة و الانتريه اعمله ايه عشان يليق ...(العمدان مش عاجباني عشان الاسبونج اللي فيها طلع بايظ و مش متضبط):confused:
بحاول أنزللكم الصور بس الروابط مش راضية تشتغل معايا خااالص

ايه رايكوا فى لون الستاره دى على لون الحيطه لايق ولا لا ولايق مع لون الانتريه

manyaa;8996287:
:(:(:(:(يا بناااات بالله عليكم عايزكوا تساعدوني في ألوان الفرش بتاع الشقة بتاعتي... عشان خاطري الحقوني بألوان تضبط الموقف بدون ماحد يقطمني و يقوللي حاجة وحشة على الألوان بتاعة الحيطة عشان انا نفسيتي خلااص...عايزة أعرف العفش لسة ما جبتوش و غصب عني اضطرينا نبيض الشقة الأول و بدون الدخول في تفاصيل دي ألوان الشقة ...الريسبشن 3 قطع مفتوحين على بعض..الصالون حيطة أزرق فاتح و حيطة درجة أفتح من الأزرق و حيطة رمادي و كل العواميد و الكمرات لونها رمادي..
الأنتريه الحيطة كلها أزرق فاتح و مرسوم فيها سحب كإنها سما..و برضه العمدان كلها رمادي..
السفرة حيطة خضرا فاتح و حيطة اصفر فاتح هادي و الحيطة التالتة امتداد للسحب و السما ...و الطرقة كلها نفس رسمة الأنتريه و العمدان و الكمرات كلها برضه رمادي..
قولولي بقى فرش الصالون و السفرة و الانتريه اعمله ايه عشان يليق ...(العمدان مش عاجباني عشان الاسبونج اللي فيها طلع بايظ و مش متضبط):confused:
بحاول أنزللكم الصور بس الروابط مش راضية تشتغل معايا خااالص

ممكن الصالون يبقى قماشه كحلى او بترولى
والانتريه نبيتى غامق او نفس لون الصالون
ياما تعملى لون اوف وايت بيليق على كله