السر العجيب بقيام الليل , والدعاء, والاستغفار.. قصص رآآئعه ..( متجدد)..

السلام عليكم
انا واعوذ بالله من كلمة أنا صارت لي مدة وانا اقرا القصص اللي موجودة قي هذا الموضوع وجزاكم الله خير والله ماني عارفة كيف اشكركم لانها فعلا افادتني وقربتي لربي اكثر
اولا ببدا بمشكلتي وبعدين كيف شفت موضوعكم وبعدين الاخبار السارة
انا من صار لي تقريبا اكثر من سنة واعاني من مشكلتي ، انا تعرفت على شاب بغرض انه بغا يتزوحني وكانت اول مره اتعرف واكلم شاب لاني الحمدلله متربية بس للاسف الشيطان شاطر، استمرت علاقتنا سنة ومع المخططات كيف راح يخطنبي وفتحت الموضوع مع امي انه في ناس يبون يخطبوني وكذا بس رفضت لاني صغيرة لذلك اتاخر الزواج ونفس الوقت قلنا راح ننتظر عالاقل سنة ثانية حتى تتيسر الامور اكثر وانا عرفت عيوبه واتقبلته بكل عيوبه ، ولكن للاسف وصلنا لمرحلة ماعدنا نتحمل المشاكل اللي بينا اهو مايتقبل تصرفاتي مع اني ما اعمل شي غلط ابدا اطلع مع اخواتي عادي ومتحجبه واثناء مضايقات الشباب انا اصرفهم لكن هو كان عنيد جدا وماتقبل هالامور فوق كل هذا كان يشتمني ومايحترمني ابدا وقت الغضب وصلت انه يلعنني ، لكن انا يوم اكتشفت انه كذب علي في شي معين وطلعت مني زله هو ماتقبلها وزعل واتخذها كسبب اخر للفراق وقال خلاص ماننفع وماتتخيلون كيف ذليت لنفسي لهالانسان الواطي الخسيس الحقير، كنت ابكي واترجاه مثل الحماره لكن صد عني بدووون رحمه وقالها بلسانه وللحين اتذكر الجملة هذي "يلا مناك ماشي رحمة" انا مابغي الرحمه الا من ربي لكن الانسان فيه ذرة رحمه عالاقل لما حد يترجا، فوق هذا كله كان يغايضني وبدا بعلاقة جديدة بعد شهرين تقريبا ..

بداية الطريق للعلاج :
... وتعذبت اكثر والله ماتتخيلون كيف تعذبت فالبداية كنت نوووم ما انام كنت اقوم من نومي وانا اشهههههققق كانه روحي راح تطلع وابكي ابكي ابكي لين ادوخ وارجع انام ساعة وارجع اقوم واانا اشهق كاني بموت وعلى هالموال فترة واكل ما اكل عدل صرت معدومة من الحياة واشوف الدنيا سووودة وكنت ضااايعه ماعندي احد يفهمني كثير يعاتبوني خواتي خاصة وزميلتي كان لها نفس رايي ولكن احس بنفسي ضااااايعة ومادري وين طريقي بعده حسيت باني مظلووومه كثييير، ضليت فترة على هالحال لحد حاولت اني اصر على نفسي وانقطع عنه وفعلا هالانقطاع بين لي حقارته ووجهه الثاني لو انه حبني ماكان سوا هالشي خاصة انه يبدا بعلاقة ثانية بعدي بشهرين تقريبا بسسسس !! شوي شوي انتبهت اني نسيت رب فوووق ماينسى العبد المظلووم بدأت اواضب على صلواتي وبديت اصلي في الثلث الاخير من الليل كنت استمر على هالشي وشوي شوي التجأت لقيام الليل واحاول افهم كيف طريقة صلاة قيام الليل ومن هالامور ، كنت ابكي بتضرررررع وكنت اكثر شي كنت كأني افضفض لربي وفعععلاا ارتاااااااااااح وكلما تضايقت باي وقت كنت افرش سجادتي واصلي ركعتين وادعي اي شي بقلبي وماعرف كثير عن هالادعية اللي ذكرتوها ، تقربت لربي كثير لدرجة احصل اهانات من خواتي اني صرت مطوعة فجأة لكن ماهتميت بكلامهم واستمريت علي هالحال شهوووور ، مرات اشوف نتيجة بسيييطة وصغيره ومرات اوصل للاحباط لكن احاول ما ايأس افضفض لربي ولزميلتي واقول انا مابي ايأس ابي ربي ياخذ حقي منه اباه يجيني ذليييييل مثل ما ذلاني وخلاني اترجااااه وهو ماعبرني ابغا الادوار تتبدل واكون انا العزيزه وهو الذليل امامي ابا هاللحظات تجيني ، كانت زميلتي ترفعلي معنوياتي وللحين لما اوصل للاحباط اعمل اي شي بس عشان ما انحبط وايأس، وشوي شوي شفت في اشيا ثانية تفيد وتسرع الاستجابة ، فاستمريت وبديت ادعي باوقات الاستجابة مثل اثناء نزول المطر والخ ، وشوي شوي اشوف في اليوتيوب لشيوخ يتحدثون عن هالموضوع الدعاء والمظلوم وكذا ، كنت ابكي كثير يووم اسمع كلامهم بكاء فرحه انه في امل باذن الله انه الله ياخذ حقي لاني مظلومه ، فجاة قلت لنفسي انا ابا اعرف هل فعلا انا مظلومه ام لا، فرحت اسال زميلتي اولا وخواتي و بعدين احاول اوصل لشيوخ الدين و وصلي جواب من الاوقاف اني لست مظلومة ولكنني لم اياس وسالت شيخ معروف نسيت اسمه سالته وقلت له القصة فالبداية كان على باله اني عملت الحرام معاه لما قلت اني ماعملت شي حرام قال بارك الله فيكي واني مظلومه وادعي وكذا من هالكلام فرححححححت كثييييير لانه دعاء المظلوم مستجاااب وانا ابا استغل هالفرصة، شوي شوي قمت اوصل لقصص صارت لناس وكيفية استجابة الدعاء لحد وصلت لعندكم ....

الوصول لهذا الموضوع الذي افادني كثيرا:
لما وصلت لموضوعكم وقريت القصص والله ثم والله اني كنت ابي بكااااااء فرحه على قهر اني انظلمت وفرحه لاني لي حق منه عند ربي وانه شي امل كبييييييير وكنت كلما اوصل للياس اقوم واقرا قصص ثانية لين اتشجع ، واكتشفت اني في اشيا انا غافلة عنها مثل الاستغفار والصدقة !!!! بديت فيهم .....

الاخبار السااااارة :
لما بديت بالاستغفار والصدقة ليس فقط في هذه المشكلة بس بامور اخرى كانت تضايقني وتحزنني، والله ثم والله ثم والله ثم والله انه الاجابة جت اليوم الثااااااني ، من اول مره ما ادري ثاني مره يمكن تصدقت بنية اني اشوف هالشخص مكان وابغا اطالعه بنظرات احتقار لانه هالنظرات تخلي الواحد يحس بالذنب المهم تصدقت ووكلت امري لربي خلاص مانتظرت متى الاجابة ومتى بشوفه لا .. كنت ادعي نفس الدعاء اللي ادعيه من شهور انه يارب يرجع لي وهو ذليل وانا العزيزة امامه (طبعا بعزة الله وجلاله) ، والله العظيييم اقسم بربي اني اليوم الثاني طلعت وكنت حاسة اني راح اشوفه ، سبحاااااااااااان الله شفته بس ما امداني اطالعه بنظرات احتقار من كثر ماني مصدقه ومليون شي في بالي، بديت استمر اكككثر عالصدقة والاستغفار وكلما يأست ارجع اقرا قصص وفيديو في يوتيوب عن هالمواضيع وارجع اتفائل، وجت مره ثانيه يوم ثاني الحمدلله استجاب الله لما في خاطري و شفته في مول وشفته بهالنظرات وبينت له انك احقر انساااان بحياتي واكرررهك كل هالمشاعر في نظرة وحده ، وصرت مابي الا انه اذا فيه خير يارب يرجع لي ذليل وندمااان واصلحه واهديه ثم اكتب بينا الزواج واذا مافيه خير وهو شر لي يارب رجعه لي ذلييييييل امامي وانا اعزني بعزتك ثم ازقني خيرا منه يارب . .

مشاكل اخرى:
1- قريت واكتشفت انه لما ندعي للاخرين الملائكة تقول ولك مثله ، وانا قدمت على امتحان انجليزي الايلس وكان صعب واول امره وانا مستواي مو لين هناك ، وزميلتي قدمت عليه كذا مره بس فشلت ، وانا هالمره قدمت الامتحان معاها بنفس اليوم، وجربت ودعيت من خااااطري يااارب نجحنا انا وزميلتي يارب هي حاولت كثير بس فشلت يارب هالمره وفقها ووفقني يااارب وسبحااااااااااااااااااان الله هي بنفسها بشرتتتني وقالت نجحتتت وانا بعد نجحت بس في قسم معين الدرجة نازله لكن درجاتي كلها مع المجموع ممتاااااازة ومن ذاك اليوم اطبق هالشي اني ادعي لغيري اللي يعانون بنفس مشكلتي

2- بسبب ظروفنا المادية وابوي المتقاعد كنت اتضايق كثييير اني ما استمتع بمراهقتي واشتري اللي ابغاه مثل باجي البنات اللي بسني، وبسبب تفوقي في ماده معينه قدمت على مسابقة وكان مبلغ المركز الاول 12000 ريال، ودعيت ياارب اتوووفق يارب وكنت ادعي الادعية اللي ذكرتوها وسبحاااااان الله مااااشاااااء الله قل اعوذ بدب الفلق الحمممممدلله توفقت وحصلت عالمركز الاول ، وشكرت ربي كثييييير ماكنت اعرف كيف اشكره، استمريت اني اشكره يمكن كمن يوم او يوم واحد حتى لانه اكتشفت انه شكر الله يزيد الرزق، بعد اسبوووع جاني خبر انه بتحصلين على مكرمه من الشيخ باذن الله وفررررحت كثيييييييييييييير ، مر شهر لكن المشكلة اني للحين ما استلمت المبلغ ولا المكرمه !!! كنت اتصل واسال لكن كانت الاجابة انتظري للحين ، المهم مر شهر وانا ادعي يارب ينصرني وياخذ حقي من ذاك الحقير واتصدق واستغفر، لين اكتشفت في القصص المذكورة هنا وكذلك مواقع اخرى انه هالدعاء عجييييب له نتايج عجيييييبه (ربي اني لما انزلت علي من خير فقير) وقلت ليش مادعي يارب ييسر لي ويزقني، مع اني في ذيك الفترة ماكنت محتاجة للمبلغ لكن قلت بدعي يارب يرزقني وكنت ادعي هالدعاء بنية الله يوفر لي بسبب الضيق المادي اللي اعيشه وكنت مستمره عالصدقة احاول اني يوميا اتصدق، وانا البااارحة قبل نومي دعيت بس دعيييت ماصليت بسبب الدورة ، دعيت بهالدعاء على نية انه يارب ينصرني ويرزقني ايش مادري المهم يرزقني وكنت مستمره عالاستغفار احاول يوميا قبل ما انام استغفر 100 مره او اكثر، والله العظيييييييييييييم اليوم الثااااااااااااااني جاني اتصال تعالي استلمي المبلغ وانا فرحححححححححت وشكرت رررربييييي ، واليوم رحت استلم المبلغ وجت المفاااااجأة الكبررررى رزق من رررربي الكرييييم مش من البشر رررزق من رببببي الكرييييم الرحيييييم، وانا اوقع على استلام الشيك قريت انه المبلغ مش 12 الف لاااا صار المبلغ 20 الف رياااااال يعني المكرمة من ررررربي ثم من الشيخ كانت هذي المكرمة وهي زيادة المبلغ والله ظليت طوووول الطريق اشكر ربي واقول الحمدلله واشتغفر اكككككثر،

بسبب الاستغفاااااار وشكر الله و كلللل الامور اللي ذكروها خواتي واخواني والله الله وفققققني بهالمشاكل الصغيره صحيح اني للحين مشكلتي الكبيره وهي اني اشوفه ذليييل قدامي وانا العزيزة بعد ربي سبحانه العزيز الكريييم ، لكن ان شاء الله هذي المشكلة اللي اعتبرها شبه مستحيله بسبب عناد هالشاب وحقااااارته وخبثه لكن الله مغير الاحوال باذنه تعالى راح تنحل مشكلتي

العلاج:
احب اذكر العلاج واللي سوبته بنية الاجر والثواب ولاجل اني افرح كثيرين خاصة اللي يعانون من ظلم احد ما..

1- الدعااااااااااااء مع آدابه + قياااام الليل +صلاة الحاجة + وركعتين لله تراهم مش استجابة فقط والله هي رااااااحة وماتحتاجون تفضفضون وتشكون لحد

2- الاستغفاااااااااااار والله لو اقولكم الاستغفار وكيف فادني والله ماخلص لانه هو كان السببب الكبيير لاتوقفووووون منه والله العظيم اشوف حوالي ناس طوووول الوقت يستغفرون والكل حاسدنهم ليه بالهم مرتاح ولين الحين اكتشفت السر فالاستغفار لانه سر وعلاج عجيييب لكل المشاكل. استغفروا فاليوم اكثر من 1000 واستغفروا باصابعكم عشان تشهد عليكم يوم القيامة

3- الصدقققققققة والله الصددددقة قلت لكم نتايجي مع الصدقة وان شااااء الله ماراح اتركها ابد

4- قبل ايييي شي كونوا على ثقه ويقييييين انه الله راح يستجيب لكم، هذا رب العبااااد احنا نذل نفسنا للبشر وفوق هذا مايعطونا مطالبنا، فما بالكم بربنا الرحيييم هذا الله مش اي احد هذا يستحيي من العبد اذا رفع يده ودعاه ويردهما خائبين !!!! احنا ننزل رؤوسنا لما نطلب من احد اما ربنا لما نطلب منه نررررفع رؤوووسنا عزيزيييين مكرمييين !!!!! انتوا اعملوا هالامور الصدقة والاستغفااار واي شيء عمل خير سوووه ايي شيء حتى لو ما انذكر بس بنية الاجر ،المهم قبل ايييي شي لما تتصدقون وتدعون خلاص وكلوا امركم لربكم هو قال (ادعوني استجب لكم) خلاص وعدنا وخلاص ليش نحاتي ونفكر متى بيستجيب !!! انا طبقت هالشي مع سالفة الامتحان والمبلغ المالي كنت استغفر واتصدق وخلااااص مافكر انسسسى لانه كان همي الثاني والاكبر اني ابغاه الله يذل هذا امااامي يجيني ذلييييل واكون انا العزيزة بعد ربي العزيز. وسبحان الله فعلا صار ومثلما توقعت صار.

5- لاتنسوووووون هالدعااااء تراه والله فعلا عجييييب (ربي اني لما انزلت الي من خير فقير)

6- وابدؤا قبل الدعاء وذكر الحاجة بهالجملة : يا ارحم الراحمين 3 مراات ثم اذكروا حاجتكم

7- والاهمم ذلووون نفسكم لله تضرعوا له اخشعوووا الله يحب العبد اللي يذل نفسه لله والعبد اللي مصر و الحوووا في الدعااء

8- صلاااة الفجر ترا فيها راااحة

9- اذكروا هالاشيا قبل وبعد النوم:
(اللهم ما أصبح/امسى بي من نعمة أو بأحد من خلقك، فمنك وحدك لا شريك لك ، فلك الحمد ولك الشكر)
رضيت بالله ربا وبالاسلام دينا وبمحمد صلى الله عليه وسلم نبيا ورسولا 3 مراات
وكل شي ذكروه هنا فالموضوع خاصه كثيير مفيد فادني انا شخصيا
واكثروا من العمل الصالح واي شي تعملونه استغفار صلاة عالنبي صدقة اي شي بنية الاجر وبنية اللي تبونه يعني حاجتكم


واخيرا رجاءا اتمنى احد يريحني ابا اطمئن اكثر هل تشوفون اني مظلومه ؟ ابا ادعي كعبد مظلوم لاني للحين مشكلتي الاكبر مانحلت وباذن الله راح تنحل بس ابغا منكم نصايح اكثر وامور اخرى عن الدعاء وعشان يفيدني في الاستجابة
وادعولي رجاءا ودمتم بود