شحالكم يا حلوات ؟ ان شاء الله الكل بخير يا رب
اليوم حبيت انزل لكم موضوع مصور عن الاشيا المختلفه الل ممكن نستخدمها ك بيس للشادو او الستار باودر و البيجمنت ... الخ
سامحوني على الموضوع اللي فيه احلى mix بين اللغه العربيه و العاميه خخخخخ
نكمل الموضوع
أنا عن نفسي اعاني من مشكله و هيه ان جفون عيوني دهنيه يعني ما يمديني احط الشادو الا و يتجمع مكان واحد في ثنيه الجفن :(
مب شي صح ! خص اذا كنتي في حفله ولا عرس
سيتم عرض التجارب في اخر الموضوع
من خلال تجاربي انا اكتشفت ان ممكن يكون عندنا شي نقدر نستخدمه بيس للشادو
اول شي ممكن نسويه في البيت mixing medium
و هو عباره عن قليسرين + ماي
مقدار ملعقه صغيره قليسرين على 3 ملاعق صغار ماي
حطيهم في علبه قطره – ممكن تشترينها من دايسو- و كل ما تبين تستخدمينه ما عليج الا رج العلبه جيدا و بعدين قطره منه – يفضل استخدامه للبيجمنت والشادو البودره – لانه ممكن يخرب الشادو العادي
نبدا الحين بالاشيا العاديه اللي موجوده عندنا الوان قريبه من لون البشره وتصلح بيس
ماك فكس+
ممكن استخدامه برش الفرشاه ومن ثم وضعها على البيجمنت او -طرف الشادو- و ممكن نستخدم غطى البيجمنت او اللوس باودر شادو ك اداه لخلط المكونات
كونسيلر + prep and prime
قطرة ديورلاين الشهيره وهي تحول الشادو لشادو كريمي قوي اللون والثبات وممكن نستخدمينه لتحويل الشادو او البيجمنت ل آيلاينر
urban decay primer potion
المنتج هذا رهيب بمعنى الكلمه يا بنات ويثبت الشادو بطريقه مب طبيعيه
وشوفو كيف يخلي شادو شيمر من بورجوا - لونه ابيض – يبين واضح
من ماك shadesticks
و شي منهم الوان و ينزلون منهم ليمتد بين فتره وفتره و شي الوان اساسيه موجوده في ماك
الشيد ستك عبارة عن شادو كريمي waterproof
اول ما تحطينه يسهل توزيعه باصبع اليد وبعدين تحطين فوقه الشادو
