تجمع بنات مصر فى ركن العناية بالشعر الجزء (5)

aseel 22;8728535:
ازيكو يا قمرات


اخر تجاربى استعملت امبولات البانثينول بتاعه ايفا وملاحظه ان شعرى اغمق حتى ماما لاحظت ده والتساقط قل شويه مش عارفه بى التساقط ده صدفه ولا عشان رجعت اخد حبوب الزنك

المهم فى حاجه كمان اللى مش بيلاقوا وقت لحمام الزيت وكده وبيقضوا اليوم بره حطى الزيت على شعرك قبل ما تخرجى والبسى الطرحه عادى ولما ترجعى اغسلى شعرك انا جربتها لانى تقريبا بقعد 7 او 8 ساعات بره البيت وطبعا دول كفايه جدا وخصوصا لو مافيش تغطيه محكمه تساعد على تفتيح المسام بسرعه

ليه سؤال بقى فى البانفلت بتاعه الامبولات مكتوب ليسته بمنتجات عائله ايفا بالبانثينول واللى هى

1- شامبو البانثينول للعنايه بالشعر ومنع جفافه واعطاؤه بريقا
2-جل للشعر بالبانثينول للتصفيف وامداد الشعر بجرعه فيتامين ب5 طوال النهار
3- زيت للشعر بالبانثينول يمنحه الحمايه ويحافظ على مقاومته للعوامل الجويه
4-بلسم للشعر بالبانثينول ليزيد من نعومه الشعر ويعادل تاثير الشامبو
5-صابون الجلسرين الشفاف بالبانثينول ليرطب بشره الوجه ويزيد تماسكها


حد عنده فكره عن حاجه من الحاجات دى او جربها ؟

ازاي يااسيل هاغطي شعري واخرج بالزيت؟
طب مش الحجاب كده هيبقى مزيت ومنظري هيبقى بيئه ولا ايه النظام؟ الحجاب مش هيبقع؟

وبالنسبه للمنتجات دي معظمها اتوقف انتاجه
خلاص مفيش شامبوهات ايفا ولا بلسم
الصابونه موجوده تقريبا

Didem;8689054:
ربنا يكرمك ياانسانه(f)(f)
بعد اللى كتبتيه ده عرفت انى مش هاروحلها ابدا
اسعارها مبالغ فيها شويه
لان منتجاتها عاديه خالص

رووفة;8689585:

ماشي

طيب اعرف هيا مش بتعمل تجهيز عرايس او يعني الحاجات دي والتقشير مش في عندها
او حمام مغريب بوكده والا ايه وماسكات الشعر
؟؟؟

بصى انا من تجربتى عندها حاجات ممتازهزى الشامبو وكريم الشعر والنخاع للشعر وزبده الجسم دوله عجبونى وريحتهم تحفه بجد وراقيه بمعنى انا جربت من عندها شامبو 4 فى 1 ريحته جميله وتحسى انك حاطه برفان وجربت شامبو 4 فى 1 من حراز ريحته حلوه بس تحسى انك بنت بلد يا رب اكون عرفت اوصل المعلومه بس الملح بتاع السليوليت ماعرفتش استخدمه وركناه زيوتها ريحتها ما عجبتنيش ووركنتهم كده يعنى بس من ناحيه انها غاليه فديه حقيقه لا مفر منها
انا مش عارفه اذا كانت بتعمل حمام مغربى عندها ولا لا هى بتعمل عندها الحنه وحمامات الثوم

Didem;8728753:

ازاي يااسيل هاغطي شعري واخرج بالزيت؟
طب مش الحجاب كده هيبقى مزيت ومنظري هيبقى بيئه ولا ايه النظام؟ الحجاب مش هيبقع؟

وبالنسبه للمنتجات دي معظمها اتوقف انتاجه
خلاص مفيش شامبوهات ايفا ولا بلسم
الصابونه موجوده تقريبا

بصى انا الصراحه جربتها بزيت الخروع ومكنتش مكتره يعنى يدوب مدلكه فروه الراس وماسحه الشعر من بره مسحه خفيفه ويرحته عادى تحت الطرحه وبجد جاب معايا نتيجه والحجاب مش بقع خالص لانى بلبس طرح وبنداناه قطن المهم الفروه هى اللى تدلك كويس ويوم الاجازه بغرقوا بزيت الثوم والخاع وسعات بحط معاهم النخاع السايح

kasndra;8727013:
مفيش فروع تانيه؟:eek:

بنات انهارده شفت فب برنامج الرجل الكوافير بيقول ان الحنه احسن علاج للشعر وان الحنه اللي بتدي الوان اللي اسود واللي معرفش ايه دي مضروبه صبغه ومش هتفيد الشعر والحنه اللي هي مش مضروبه هي الي بتدي لون احمر
وقال ان البنات اللي بتحط زبادي مع الحنه اكبر غلط عشان بتخلي الحنه تفصل مش عارفه ايه تفصل يعني
وقال ننكم تحطولها كركديه او شاي ميضرش
انا قلت اقلكم مع اني مش ليا في الكلام ده خالص

ميااده2006;8723059:
نسيت اقولك انى بعد ما غسلت شعرى بشامبو جبت طبق صغير عندى بلستك شبه السلطنيات الصغيره
حطيت فيه مايه دافيه وحطيت شويت ديتول فيه وشطفت فيه شعرى والفروه قعدت ادلكها تدليك بسيط
بس بجد فعلا القشره راحت بنسبت 90% ودى كانت اول مره استعمل الديتول

انا مش بستخدم اللي عندك يامياده خفت علي شعري ينشفه وانا كمان عامله صبغه او يتفاعل مع اللون وكمان كنت سالت البنات هنا وقالوا انهم استخدموا ده ونافع معاهم وكانت من ظمنهم نونا وقالوا انه بيجيبوا ده علشان اخف علي الشعر وتركيزه اخف اصلا كده كده انا كنت بجيبه للبيت علشان ابني وكمان للفرش الميك اب والشعر وكده
الشامبوه الجديد انا مقهوره عليه لانه غالي وكمان جبته اغلي من عندكم بس بقول ديه ظريبه البلد هنا كله غالي فامش مشكله ديه المشكله انه زي قلته ايفون برقبته
علي العموم انا جبت شامبوه جديد:D:D:Dواول مره بردوه اجيبه واجربه:D:D:D
نفيا للقشره هجربه واقولكم ايه اخباره :cool::cool:
الاحلي بقا انا نسيته امبارح في مترو:D:D:D:D:D
جبنا كل حاجه وحبكيت ننسا ده عند الكاشير جوزي وهوا راجع هيجيبه كنت عايزه اجربه ومعادي اغسل شعري النهارده يلا بقا مش مشكله
مراسكم ساره ابو قشره

ميااده2006;8727045:
كاسندرا بقولك شامبو نوزورال مش بينشف الشعر وهو سعره بكام؟

لا مش بينشف والعلبه الصغيرة كنت بجبها ب 34 بس من فترة

hoba555;8729769:
بنات انهارده شفت فب برنامج الرجل الكوافير بيقول ان الحنه احسن علاج للشعر وان الحنه اللي بتدي الوان اللي اسود واللي معرفش ايه دي مضروبه صبغه ومش هتفيد الشعر والحنه اللي هي مش مضروبه هي الي بتدي لون احمر
وقال ان البنات اللي بتحط زبادي مع الحنه اكبر غلط عشان بتخلي الحنه تفصل مش عارفه ايه تفصل يعني
وقال ننكم تحطولها كركديه او شاي ميضرش
انا قلت اقلكم مع اني مش ليا في الكلام ده خالص

يعني الزبادي ميخلهاش تعمل لون ولا ميخللهاش فايده اصلاااا:eek:


البنوته اللي جابت الامبولات طب انا كنت بقول هجيب البانثينول عشان ميغمقش لان الصبار هو اللي بيغمق انتي لون شعرك ايه اصلا وغمقه اووي ولا عادي وجبتيهم بكام واستعمالهم ازاي معلش اسألتي كتير بس عايزة اجربه:o:o

كاسي
الراجل قال ان الزبادي يخلي الحنه تفقد اي فوايد ممكن تمد الشعر بيها

ميااده2006;8726416:
انا الديتول منشفش شعرى ولا بوظه بجد جميل وعجبنى وشعرى نضيف خالص
بس انا بخففه بمايه يعنى كنت حطاه في مايه دافيه وكمان كنت مكتراه شويه
بلنسبه للحنه هى حلو وانتى لو حطتيه ساعتين تلاته مش هيلقط لون خصوصا
لو حطه معاها زبادى و صفار بيت وزيوت يعنى مش هتلون بس اسئلى البنات
برضه اليه صبغه شعرها اصل كمان الحنا عشان تدى لون لازم الواحد يحطها طول النهار
على الشعر عشان تدى لون يبان

بامانة انتي اللي معبراني........هههههههههههه......ادخل موضوع الميكب الاقيكي انتي بس اللي رديتي ....... وموضوع الشعر كمان

ميرسي يا جميييييييييييل وحاولت اقيمك مش نفع


يابنات حد يعرف اذا كان ينفع احط حنة علي شعرك ولسه فيه بواقي صبغة عسلي ولا نووووووو؟؟؟؟؟؟؟؟؟؟؟؟

سؤال مهم بامانة ........ انتوا بتدخلو الموضوع الساعة كام ؟؟؟؟؟؟؟........... اصل كل لما ادخل الاقي نفسي لوحدي ........ نفسي اعرف امال الباقيين بيجوا امتي؟؟؟؟؟؟؟؟؟

mes333;8736357:
بامانة انتي اللي معبراني........هههههههههههه......ادخل موضوع الميكب الاقيكي انتي بس اللي رديتي ....... وموضوع الشعر كمان

ميرسي يا جميييييييييييل وحاولت اقيمك مش نفع


يابنات حد يعرف اذا كان ينفع احط حنة علي شعرك ولسه فيه بواقي صبغة عسلي ولا نووووووو؟؟؟؟؟؟؟؟؟؟؟؟

سؤال مهم بامانة ........ انتوا بتدخلو الموضوع الساعة كام ؟؟؟؟؟؟؟........... اصل كل لما ادخل الاقي نفسي لوحدي ........ نفسي اعرف امال الباقيين بيجوا امتي؟؟؟؟؟؟؟؟؟

انا عبرتك هنا وهناك لو اختي بالك من ردي علي مياده جاوبت علي سؤالك لما سالتي علي الديتول اللي اناجايبه والشامبوه ليه مديقه منه بس معملتش لكل وحده رد ورديت في مشاركه واحده علشان القوانين
دلوقتي انا عندي مشكله لون شعري بينزل الجديد ومش عارفه من ايه من الديتول ولا الشامبوه ولا علشان حطيت الغامق علي الفاتح
اصل اول مره اصبغ غامق دايما فاتح وهايلايت

ساره افندي;8736448:
انا عبرتك هنا وهناك لو اختي بالك من ردي علي مياده جاوبت علي سؤالك لما سالتي علي الديتول اللي اناجايبه والشامبوه ليه مديقه منه بس معملتش لكل وحده رد ورديت في مشاركه واحده علشان القوانين
دلوقتي انا عندي مشكله لون شعري بينزل الجديد ومش عارفه من ايه من الديتول ولا الشامبوه ولا علشان حطيت الغامق علي الفاتح
اصل اول مره اصبغ غامق دايما فاتح وهايلايت

ياجميل ربنا يخليكي .....انتي كتير بتعبريني ....... اصل دخلت الموضوعيين ومش لقيت غير رد ميادة في الاتنين ...... وحاولت اقيمك برضه ومش نفع مش عارفة امال التقييم ليه عملوه

الديتول في حد ذاته منظف قوي ..... بيشيل اي رواسب وممكن من ضمنها الصبغة .........وبسمع كتير عن اصحابي صبغو لون ومش عجبهم راحو مغيرينه بلون تاني بعدها علي طول ....... ومش بينزل ولا حاجة

مبروك الشامبو الجديد ........ ان شاء الله يريحك

السلام عليكم ورحمه الله وبركاته

بنات لو سمحتو عايزة دكتورة جلديه وشعر تكون كويسه ياريت لو حد يعرف يدينى التفاصيل

ازيكم يا بنوتات
بالنسبه للقشره انا جبت شامبو نيزابكس ب 17 جنيه وهو حلو فعلا وشالى 90%منها كانت بنوته هنا شكرت فيه
وبالنسبه للحنه انا لو عايزاها تدى لون ما بحطتش عليها لازيت ولا زبادى ولا اى شئ وبعملها بس بميه الاعشاب اللى بغليهم فيها زى الكركديه والشاى والاس والقرنفل كده يعنى وشويه خل اما الزيت فبحطه بعدها علشان التطريه وديه طريقتى
وبعدين من تجاربى الحنه ما بتطلعشى اى لون لومعاها عسل مش عارفه ليه بصراحه

يا بنات والله العظيم ومش بحلف كدب ولا ببالغ ان شعري بيقع من جدوره وضعيف جدااااااا وزهأت والحاجه الوحيده اللي استفدتها من كل الخلطات هي النعومة وبس .

لما باجي اسرحه براحة حتي بخس انه بيتقطع في ايدي والله بسمع صوت الشعرايه وهي بتتقطع
جبت سورسير بس خلصت علبة واحده ومكملتش لاني محستش بفايده .
حطيت نخاع واستخدمت زيوت كتير .
واخد فيروتون كبسولات حديد لان عندي انيميا بس عادي

نفسي شعري يبطل يقع وخصوصا مقدمة شعري هاقرررررررررررررررررررع وانا اصلا عندي قوره مش ممكن زهأت

وقل هاقصه بس مستنيه يوم 16 في الشهر العربي يمكن دي تفلح معايا ولو اني عملتها قبل كده ؟؟؟

ومحدش يقلي حنا بتعملي صادع فظيع بكرههههههههههههه جداااا

rosy2;8698000:
يا شوشو الزيت ده بيتباع في معظم الصيدليات وياستي موجود في الموسكي وفي سو غزة

سؤال يا بنات فين سوق غزة دا بالظبط
يا بنات حد يرد عليا ويعبرني فين السوق دا

يا بنات انا كاتبه معلومه عن ملح الليمون ابقو شوفوها هنا
http://www.3roos.com/forums/t429660.html#post8705218

rosy2;8738590:
يا بنات والله العظيم ومش بحلف كدب ولا ببالغ ان شعري بيقع من جدوره وضعيف جدااااااا وزهأت والحاجه الوحيده اللي استفدتها من كل الخلطات هي النعومة وبس .

لما باجي اسرحه براحة حتي بخس انه بيتقطع في ايدي والله بسمع صوت الشعرايه وهي بتتقطع
جبت سورسير بس خلصت علبة واحده ومكملتش لاني محستش بفايده .
حطيت نخاع واستخدمت زيوت كتير .
واخد فيروتون كبسولات حديد لان عندي انيميا بس عادي

نفسي شعري يبطل يقع وخصوصا مقدمة شعري هاقرررررررررررررررررررع وانا اصلا عندي قوره مش ممكن زهأت

وقل هاقصه بس مستنيه يوم 16 في الشهر العربي يمكن دي تفلح معايا ولو اني عملتها قبل كده ؟؟؟

ومحدش يقلي حنا بتعملي صادع فظيع بكرههههههههههههه جداااا

ده نفسي ياقمرررررررررررر انتي في حاجه عامله ليك توتر دائماااا؟؟؟؟؟؟

فعلا أنا لما استخدمت أنبولات البانثينول من ايفا غمقتلي شعري جدا مع اني شعري بني محمر غامق وهي خلته كإنه اسود
وقوته بس أنا مبقتش أقتنع ان في حاجه تتقل الشعر أكتر من الحنة
وبالنسبة للكوافير اللي قال ان الزبادي مش حلو للحنه ، فأنا سمعت عكس الكلام دا من الدكتور عبد الباسط وهو اللي قال ان أحسن حاجه تتعجن بيها الحنه الزبادي لإنه بيساعدها انها تخمر ، وقال كمان ممكن نحط عليها كركديه وشاي

rosy2;8738590:
يا بنات والله العظيم ومش بحلف كدب ولا ببالغ ان شعري بيقع من جدوره وضعيف جدااااااا وزهأت والحاجه الوحيده اللي استفدتها من كل الخلطات هي النعومة وبس .

لما باجي اسرحه براحة حتي بخس انه بيتقطع في ايدي والله بسمع صوت الشعرايه وهي بتتقطع
جبت سورسير بس خلصت علبة واحده ومكملتش لاني محستش بفايده .
حطيت نخاع واستخدمت زيوت كتير .
واخد فيروتون كبسولات حديد لان عندي انيميا بس عادي

نفسي شعري يبطل يقع وخصوصا مقدمة شعري هاقرررررررررررررررررررع وانا اصلا عندي قوره مش ممكن زهأت

وقل هاقصه بس مستنيه يوم 16 في الشهر العربي يمكن دي تفلح معايا ولو اني عملتها قبل كده ؟؟؟

بصى ما تستخدمى زيت حصااللبان بينفع لسقوط الشعر انا رحت لحراز اللى فى باب الخلق وقلتله على السقوط وادانى ازازه زيت اسمها زيت نبات السوسن لسقوط الشعر ريحتها حصا اللبان بس لازم استخدام على الاقل 3 شهور 3 مرات اسبوعيا انا لسه استعملته مره واحده وعايزه احطه تانى النهارده وما بين كل حمام والتانى ابقى ادهنى لوسيون زى ايفا بالبانثينول انا شايفه انه احلى من اللى بالصبار وجربى واهم حاجه النفسيه لانها بتضيع كل حاجه انتى بتعمليها

ومحدش يقلي حنا بتعملي صادع فظيع بكرههههههههههههه جداااا

سا ندي بيل 2 بصي حبيبتي أنا من العباسية بركب تاكسي وقوله سوق غزة هو قريب جدااااا من الزاوية الحمرا و قولي بقا فين الزاويه الحمرا؟؟؟؟؟؟؟؟؟؟؟؟ بصي يا ستي جنب الوايلي هااا اكتر من كده حاجه مفيش متنقيش طماعة
المهم التاكسي بياخد 5 ج ويوديكي زي البرنسيسة وفي كل حاجه زيوت شعر وكريمات بس مش اكتر من 3 محلات بس الموسكي اكتر بكتيررررررررررررر .
وفيه طبعا بيجامات وقمصان نوم ولحفه فايبر وبطاطين وكتيرررررررررررررررررررر
يارب تكوني مبسوطة