تجمع بنات مصر فى ركن العناية بالشعر الجزء (5)

ميااده2006;8573165:
دى مجموعه الزيوت اليه جربتها اول مره وكنت وخداها من وحده في منتدى
قالت انها حلوه وجابت نتيجه طولتلها شعرها ونبتته المهم روحت للعطار وخلطها
وكانت اول مره اجيب زيوت من عند العطار ده ورحته تانى لما خلصت بس
خلط خلطه تانى بس تقريبا نفس الزيوت دى ومزود عليها زيوت تانى بس التركيبه التانيه اليه خلطها عنده سيبته هو يبدع فيها ويحط الزيوت اليه شيفها مفيده

زيت لوز مر
وزيت زيتون
وزيت خروع
وزيت دابر املا الهندى
وزيت جرجير
زيت سمسم

انتى اكتبي الزيوت دى في ورقه وقوليله لو في زيوت تانى تمنع التساقط وتكثف الشعر حطها وزودها قوليلوا شعرى عيزاه يطويل ويتقل ويتمنع التساقط
سعر تركيبه الزيوت 15 جنيه الازازه مش كبيره

الزيت العطرى انا كنت وخداه تقريبا ب 13 جنيه قولتله عايزه زيت يدهن بعد الحمام وفي نفس الوقت يخلى ريحت جسمى حلوه بعد الحمام المغربي فا ادهونى وريحته حلوه اوى كانها فواكه وريحته نفاذه كمان بعد ما بعمل حمام مغربي او بستحمى عادى وجسمى مندى شويه ببل اطراف ايدى بلزيت وادهن على جسمى وهو مندى بدل ما استخدم لوشن ولا كريم وانا الصراحه بخاف من الكريمات والحاجات اليه بيبقي فيها كيماويت

الزيوت بقي انا بستخدمها قبل الحمام ب 4 ساعات تقريبا بدهن كل شعرى والفروه بتاعت الشعر واعمل تدليك بسيط وبغسلها شعرى بعد كده وبعد الحمام ولما شعرى اسرحه واحط كريم وينشف شويه ميكونش مبلول عشان ميقعش ادهن بعد كده الفروه باطراف صوابعى بلزيت بس مبحطش كميه كبيره على الفروه بس مبدهنش باقي شعرى بلزيت عشان الزيوت بتنشف شعرى فا الفروه بس بدهن فيها بعد الحمام مره وحده واغسل شعرى كل 4 ايام بس انا اوقات كتير مبدهنش شعرى واعمل حمام زيت يعنى مش علطول بدهن شعرى قبل الحمام احيانا بكتفي بس انى ادهن في الفروه بس بعد الحمام
وباقي الشعر كريم عادى يعنى انتى برحتك شوفي هتستخدميه ازاى يعنى ممكن تستعملى كحمام زيت ومتدهنيش بعد الحمام ولو هتستخدميه بعد الحمام متدهنيش قبل الحمام
يعنى خليها مره ومره عشان تريحى فروه الراس شويه من الزيوت انا بعمل كده احيانا

ايمان حسن;8572729:
السلام عليكم ،عندي استفسار يابنات هل حد يعرف هربال اسنسز شامبو كويس ولا لأ ولو كويس أي نوع أحسن؟
كمان للي بجد دايسين أوي في الشامبوهات وحمام الكريم والسيروم حد يقولي احسن حاجة تنفعني شعري عادي و لونه فاتح شويه وفتلته خفيفة وطوله وسط..انا اديتكو كل البيانات ياريت حد يرد لأني عايزة اشتري الحاجات دي بسرعة وخايفة اصرف فلوسي على حاجات اي كلام..ربنا يبارك لكم جميعاً(f)

kasndra;8574673:
يا بنات كلوكوا بتقولوا البلسم بيوقع الشعر انا فعلا بستعمل بلسم وبيوقع شعري بس لو مستعملتوش بيبقى شعري وحش جدا وبيزيق كمان هههههههه وهايش كده ايه البديل ارجوكوا للبلسم مع العلم ان الزيوت بتنشف شعري اوي واصلا مش بيمتصها مش فاهمه ليه اعمل ايه بقه :(

nona.aly2008;8575142:
بنات كنت عايزه اسالكو على حاجه بس ياريت الي عندها فكره تجاوبني وماتتاخرش عليه انا كنت اول مادخلت المنتدى اتكلمت على شعري الي اتدمر من الفرد بصو الحمد لله هو ابتدا يتصلح وكل الشعر المتقطه ابتدا يملا تاني ويرجع لتقله عادي جد بس في حاجه غريبه الجزور نفسها مجعده جدا مش زي شعري القديم هي ناعمه وكل حاجه لانه فتلته ناعمه مش خشنه بس من جوه التجعيده نفسها مكوره بطريقه غريبه طيب ده من ايه وايه علاجه ولا ممكن بس علشان المنبت ده لسه صغير وماطولش التجعيده فيه باينه اوي مع العلم اني لاحظت ان الحمد لله شعري ابتدجا ينمو بمعدل كويس جد معلش يابنات طولت عليكو بس ياريت الي عندها معلومه تفيدني وتقولي اعمل ايه علشان يرجع حتى زي ماكان انا ملاحظه بتحسن في لونه وسقوطه قل كتيييييييييييييير الحمد لله والشعر نفسه حسه انه بالعنايه بيرجع تاني لكن الي قلقني بعد مافرحت بيه التجعيد الزايد الي من عند المنبت ده ياريت يابنات تردو عليا

انسانه تحب الله;8564152:
روزى ربنا يكرمك على التوضيح بس معلش هل ممكن اتقل عليكى وتحطيلى صورته او البنات حد فيهم يحطلنا صورته وهل بتجيبيه من الصيدليه عادى ولا بنجيبيه منين

Shaimaa22a;8575201:
صباح الخير

بصي هو لازم يبقي كده لان الشعر المنبت جديد لسه قصير لما يطول شويه هنلاقيه بقي عادي وزي بقية الشعر بلاش تقلقي من الموضوع ده لانه عادي جدا هو بس عشان قصير لسه
وبعدين وانتي بتسرحيه او بتحطي عليه زيت او اي حاجه ابقي اقري عليه قرءان

ميااده2006;8569922:
زيوت العطار احسن من الزيوت اليه بتتباع دى في علب
انتى تقدرى تروحى لعطار كويس وقوليله يخلطلك الزيوت دى



ايوا عنده طبعا حاجات بتطول انا بقالى اكتر من سنه مدومه على الزيوت بتاعته بس انا بخليه يخلطهالى وانا وقفه مبخدش اى تركيبه زيوت موجوده عنده بقوله لا اخلطهالى وعايزه اشوف الزيوت اليه هتحطهالى واحيانا انا بقوله على الزيوت اليه يركبهالى وبجد في زيت الجدايل عنده وزيت دابر املا الهندى الاصلي عنده الزيت ده جميل جدا خليه يحطه في تركيبت الزيوت لو هتركبي وهو عنده كل حاجه من صابون للشعر ولوازم الحمام المغربي والاعشاب المغربيه
كل حاجه وجبت من عنده زيت عطرى للجسم ريحته كانت فواكه بحطه بدل اللوشن بيطرى الجسم وريحت جسمى كلها بتبقي فواكه وبتبقي البيت والحمام ريحته فواكه

nony 77;8572437:
مبروووووووووووووك يأجلى بنانيت وعاوزة اقولكم اد اية شامبو لوريال تحفة للشعر وبجد فيه مواد طبيعية بتغذى البصيلة نفسها وحمام كريم كارتيتية أكثر من رائع جدا اما الزيوت فدى نصيحة مش منى دة من دكتورة جلدية مشهورة وشاطرة جدا بعدم استخدام الا زيت جوزالهند والروز مارى فقط لاغيروعلى فكرة لو عاوزين باقى نصايحها وخبراتها قولولى وأنا اكتبهالكم انتم تؤمروا

roro cat;8564225:
ويا بنات زيت دابر املا الدهبي الاقيه فين ؟ عشان عايزه اعمل حمام زيت بيه اجرب كده ومش عايزه الاسود عشان ملونه شعري ويكون الاصلي وتمنه كام؟

sandybell2;8563134:
لآ يا أختي الزرقة بالبانثينول مش بالصبار الخضرا هي اللي بالصبار أما التانية بمادة البانثينول المهمة جدا للشعر وللجلد

rosy2;8561990:
حبيتي زيت كازانوفا جميل جدااا بس عايزة اعرفك حاجه في نوعين الاول زيت جي كزانوفا (بس) وده بانوع كتير توم وجرجير وده انا مجربتهوش .
التاني دابر أملا وجي كازاوفا وده حقيقي جميل جدااااااااا وجبت النوع البلوز وجوز الهند وفيتامين E وحقيقي حلو جدااااااااااا ب 17 ج تقريبا

rosy2;8562298:
ديدم DIdem
حبيبتي هو أنا أعرف ان فيه زيت بارشوت وفعلا والله يا بنات جميل جدااااااا وبيطري الشعر
وبردوا في كريم تصفيف من بارشوت انا استعملت اللي غطاه أزرق وفعلا بيطري الشعر واصريت اجيبه لانه بجوز الهند يعني مش هاطري شعري وبس لأ كمان هاغذيه

لكن مسمعتش أن فيه حمام كريم بارشوت ياريت لو تقولي مفعوله ايه معاكي وجبتيه منين وياريت متنسيش تردي عليا :confused::confused:

بالنسبة للبنات اللي بيسألوا عن حمام الكريم بيتحط علي الفروة و لأ حبيبي أن عن نفسي لما بحط حمم الكريم علي الشعر شعري بيقع أكتر لان الشعر عندي أصلا ضعيف شويا وععلي العموم حمم الكريم لم بيتحط علي الفروة بينعم اسس الشعر جدا والمسام مفتوحة فمن السهل ان الشعر يقع فبلاش نحطه علي الفروة كفايه نحطه من نص الشعر للأخر علشان يطري الشعر والاطراف

ساره افندي;8558473:
انا فكره فيه يامياده بعد المقلب بتع الشامبو العرض بتع مترو ده 900ملي هوا والبلسم يعني هيعد سنه عندي
مشكلته انه بيعمل ليا فوليم كبير اوووي في شعري وبينفخ شعري اوووي
فاقلت اجيب حمام كريم كويس ومظمون انا شفته في مترو عبوه كبيره بس مشفتش سعره لو نزلت بكره هتاكد ليكي
علشان ناويه اجيب حمام كريم

بنوته مصرية جدااا;8576117:
ازيكم يا بنات
انا كان نفسي ادخل هنا من زمان عشان عندي اسئله كتير وانتم ان شاء الله تعرفو تجاوبوني
دلوقتي
1- ايه هو السيروم ؟؟ وبيستخدم امتي بعد الشاور يعني وهو الشعر مبلول ؟؟ طيب بيعمل ايه اصلا؟؟ وعايزه نوع كويس لاحسن انا شكلي فهمت السيرو دا بشكل غلط واستعملته غلط

2- عايزه نوع بلسم حلو يكون ف مصر لاحسن انا بستعمل نوع من بره مصر وقرب يخلص ومش عارفه اجيب تاني فعايزه نوع كويس كدا بلسم الله يكرمكم؟؟

3- عارفين التمليس حد جربه قبل كدا؟؟؟ في نوع اسمه سوفت & بيوتي(او بيوتيفول) مش فاكره حد استخدمه؟؟ حاجه تانيه انا لو عامله تلميس ممكن اعمل شعري سيشوار وله لا؟؟

3- اخر حاجه عايزه نوووع جيل يعمل الشعر كيلي بس يكون نوع كويس كدا ؟؟ وربنا يكرمكم يا حلوووين

كلمة حب;8566028:

بصي يا حبيبتي انا بعمل طريقة هي بتزهقني بس انا بحتاج مية التوم دي للشعر من قدام بس عند القصة يعني

عارفة المبشرة بتاعة البصل طبعا فيها انواع من الفتحات ،، ناحية للبصل وناحية للبطاطس الشيبسي وكده ،، في بقى حتة بتكون ضيقة خااااالص
ببشر فيهاوانزل كله في الطبق وبعدين الم كل التوم واحطه في شاشة وافضل ابرم فيها زي كده لما كنا بنعمل العرق سوس وتضغطي جامد اوووي في البرم ده حيفضل ينزلك مية التوم

انا بزهق بس بحسه كده صاااااافي ومركز ودي اهم حاجة

:15: