تجمع بنات مصر فى ركن العناية بالشعر الجزء (5)

انسانه تحب الله;8688848:
ازيكم يا بنوتات انا رحت لمحل دينا الجارم وهكتبلكم منتجاتها وبعض الاسعار لانى رحت وهى بتقفل فكانو هيشيلونى من على الارض شيل (ويرمونى بره اكيد هههههههههه)
بالنسبه للبشره:
المقشرات
املاح كيلوبترا باللبن الصافى 35 ج
سكراب كيلوبترا الكريمى
الماسكات
بودره حمام اللبن 30 ج
شامبو الجسم
كيلوبترا ميلكى شور جيل
زيوت الجسم
اكسير الجسم 35 ج
كيلوبترا ميلكى لوشن 50 ج
زبده الجسم 65ج
زيوت مضاده للتجاعيد60
منظف البشره الطبيعى 20ج
كريم للحبوب ب 30 تقريبا عبوه صغيره اوى
مجموعه العنايه باقدمين 150 ج
مجموعه املاح البحر الميت العطريه وزيوت الجسم الخاصه 90ج
للسليوليت:
املاح تقشير للجسم مضاده للسيليوليت
كريم لحل السليوليت
زيت مساج ضد السليوليت
بالنسبه للشعر
الشامبو
4*1 30ج
للتساقط 30ج
ملمع للشعر العطرى 35 ج
هير لس سوليوشن 35ج
النخاع ب 45ج
وزيوت للشعر
مجموعه كيلوبترا الرومانسيه ب 200 ج عباره عن شموع احمر شفايف ورومانس ميلكى شور جيل وكور حمام فواره عطريه وكونفتى معطره بنفحات الورود وكريم مساج رومانسى

يا رب اكون افدتكم( دعوه حلوه وتسفيق حار)

السلام عليكم
أخواتى هذه أول مشاركة لى هنا و ادعولى ربنا يفرجها فى الرزق و يرزقنى و كل البنات بالأزواج الصالحين

كنت عايزه أعرف مكان محلات دينا الجارم

يا جماعة حد جرب الزيت دا هنا قبل كدا بس مش فاكرة مين يريت الى جربه يقول حلو ولا لاء
هو زيت الحشيش ا لاخضر بيقولو الى هنا مش زى الى فى الخليج
بس ما علينا هو ب30 جنيه مطول ومكثف ومنعم الخ الخ الخ
الى يعرف حاجة يريت يرد عليا ضرورى:)بس اوعى حد يقول حشيش كتير احسن البوكس يجى ولا حاجة كلمة السر كتكوت:)

esraaaa;8710515:



يا جماعة حد جرب الزيت دا هنا قبل كدا بس مش فاكرة مين يريت الى جربه يقول حلو ولا لاء
هو زيت الحشيش ا لاخضر بيقولو الى هنا مش زى الى فى الخليج
بس ما علينا هو ب30 جنيه مطول ومكثف ومنعم الخ الخ الخ
الى يعرف حاجة يريت يرد عليا ضرورى:)بس اوعى حد يقول حشيش كتير احسن البوكس يجى ولا حاجة كلمة السر كتكوت:)

حبيبتي انا اعرف اللي في حراز وهو ب 120 :eek: وحلو لكن ده ب 30 ازاي فرق السعر كبيير شويه موووووش عارفه:(

اسراء انا مجربتوش قبل كده بس سمعت انه بيطول
ويكثف بس انا مبقتنعش بزيت واحد يطول ويكثف انا
بروح عند العطار يخلطلى كذا زيت على بعضه وازازه ب 15
جنيه والشعر بيطول ويبقي حلو بس بجد انا مبقتنعش
بزيت لوحده يجيب نتيجه

ساره افندي;8707795:
عرض ريدز لعيد الحب

المنتجات دى موجوده في كل المحلات والصيدليات ومحلات الموسكى
بس لو عايزه تطلبي الحاجه هتجيلك بسعر الجمله كريم المنك العلبه الصغيره
اليه علبتها موف جربته وهو حلو اوى ومبيدهننش الشعر خالص
صنفره المينك رخيصه وفي نفس الوقت حلوه
الشامبو هير كير اليه بلفواكه والبلسم بتاعه تحفه الاتنين
خصوصا البلسم وريحته رهيبه
حمام الكريم اليه بزيت الحيه جميل جدا بس اليه بجوز الهند
بيرطب اكتر بجد جميل

ساره افندي;8707798:

الكريم اليه بجوز الهندجبته لجارتى وشعرها كان مش ناعم بتقولى حلو اوى
وعجبها شاور جيل الفروله ريحته جميله اوى بس مجربتهوش كنت جيباه لوحده جارتى
الشاور جيل اليه لونه ازرق الحجم الكبير عندى مش بطال بس بتوع ماى واى احلى منه وريحتهم حلوه

زهره الجنوب;8708415:
انتى استخدمتى حاجه من منتجات ريدز دى يا ساره ؟؟ وايه احسن حاجه عندهم ؟؟
ومنتجاتهم متوفره فين ؟؟

هى شركه وليها كتالوج بتشتركى بعضويه وحاجاتهم مش كلها حلو
هى منتجات الشبراويشي حلوه اوى وهى كده كده بتتباع بره في الصيدليات
والمحلات

roro cat;8709055:
ابعتيلي اللينك يتاع ريدز يا ساره عشان ميادة بعتتوه وانا ضيعته

http://go.3roos.com/70t0IyxKbyS
ده موقع ريدز بتاع الكتالوج يلى اى خدمه

roro cat;8709431:
انا هشتري من ردز بس الشهر الجاي لسه عندي حاجات كتير يبقى عروض عيد الام كمان

لو جربتى حاجه وعجبتك قوليلى عليها عشان ابقي اجيبها
والانبولات بتاعت الزيت دى هى بتاعت الشبراويشي ولا ايه عشان لو كده
ممكن الاقيها في الصيدليات

امبولات بيوناكس دى بكام ؟ولازم اشترى العلبة كلها

على فكرة يا بنات انا جربت لوريس بزيت الحية وبوناويل جنين القمح الاتنين تحفة بقالى شهر شعرى بقى حاجة تانية بس مشكلتى القشرة اي حلها علشان انا جلربت حاجات كتير وتعبت اخرهم شامبو بوليتار

يعني لو عملنا عضويه هناخد حاجات الشبراويشي ارخص ولا ايه ؟؟؟؟؟

وحاجته مكتوب عليها شبرويشي ولا اعرفها ازاااااي

كوكونانا;8710931:
على فكرة يا بنات انا جربت لوريس بزيت الحية وبوناويل جنين القمح الاتنين تحفة بقالى شهر شعرى بقى حاجة تانية بس مشكلتى القشرة اي حلها علشان انا جلربت حاجات كتير وتعبت اخرهم شامبو بوليتار

دول حمامات كريم ؟؟؟ زطريقه استخدامهم ايه ؟:D(f)

دول حمامات كريم وانا بغسل شعرى مرة فى الاسبوع واحط دة مرة ودة مرة ربع ساعة وبعدين اشطفة من غير ما حط على فروة راسى

كوكونانا;8710931:
على فكرة يا بنات انا جربت لوريس بزيت الحية وبوناويل جنين القمح الاتنين تحفة بقالى شهر شعرى بقى حاجة تانية بس مشكلتى القشرة اي حلها علشان انا جلربت حاجات كتير وتعبت اخرهم شامبو بوليتار

بالنسبة لقشرة الشعر افضل شامبو جربته بعد نيزورال لما مبقتش الاقيه شامبو لونا زول لازم تمشي علية شهرين ومتسعمليش اي شامبو تاني معاه واستعملي كريم شعر براشوت ضد القشرة

انا جبت بوناويل من الصيدلية ب7 جنية الانبوبة ولوريس من سمير وليم فى روكسى بحاجة وتلاتين

rashatal3at;8711340:
بالنسبة لقشرة الشعر افضل شامبو جربته بعد نيزورال لما مبقتش الاقيه شامبو لونا زول لازم تمشي علية شهرين ومتسعمليش اي شامبو تاني معاه واستعملي كريم شعر براشوت ضد القشرة

لونا زول بكام يا قمر والاقية فى الصيدليات؟:D:D

كوكونانا;8710905:
امبولات بيوناكس دى بكام ؟ولازم اشترى العلبة كلها

سعرها موجود عليها فوق بصي انا معرفش تقريبا في الصيدليات ممكن تشترى
امبوله وحده اسئلى البنات برضه لانى مبشتريش امبولات لشعرى

kasndra;8710950:
يعني لو عملنا عضويه هناخد حاجات الشبراويشي ارخص ولا ايه ؟؟؟؟؟

وحاجته مكتوب عليها شبرويشي ولا اعرفها ازاااااي

ايوا العضويه ب 10 جنيه تقريبا انا سجلت تحت وحده من النت خدت اسمها وكودها واتصلت بلشركه بتاعت ريدز وعملت العضويه بلتليفون بس سعتها كانت مجانا ولو انتى عضوه او بتطلبي بكود عضوه في ريدز الحاجه بتخديها بخصم طبعا بصي الحاجات اليه في
الصوره دى حاجات الدكتور الشبراويشي اليه منتجاته بتاعت المينك بس هى كده كده
هتجبيها وتدفعى فلوس شحن يعنى اليه هتوفريه هتدفعيه شحن بس لو جيبه كميه ما هيبقي اوفر انك تطلبي من الشركه عشان تخدى خصم على كل منتج

انا بريح دماغغي واشترى من بره عندى محلات شامبوهات كتير وصيدليات بلاقي الحاجه فيها
وكمان الشركه بالهم طويل يعنى بعد كام يوم يبعتوا الحاجه مش في نفس اليوم ولاحتى بعديها بيوم

كوكونانا;8711689:
انا جبت بوناويل من الصيدلية ب7 جنية الانبوبة ولوريس من سمير وليم فى روكسى بحاجة وتلاتين

كنت جيبه بوناويلا الانبوبه بزيت المشمش كان ب 8 جنيه معرفش انا حسه بتختلف من صيدليه للتانيه بس بجنين القمح تحفه اوى

على فكرة يا بنات انا شعرى طويل لحد تلتين ضهرى بس عايزة اقصة قصة تليق على وشى انا علطول عملاة كحكة ومش مستفيدة بطولة دة :1_3:

طيب حد جرب انبولات القشرة دى؟

ومعلش حتقل عليكوا يا بنات انتوا كنتوا قلتوا ان المحلبية بتثبت الحنة طيب اغلى بذورها واستعمل الماية الناتجة ولا اجيب الزيت بتاعها اصلى لقيت الاتنين عند العطار

اة وكمان قعد يشكرلى اكتر فى الزيت بس انا اعرف ان الحنة عشان تدى لون لازم مايبقاش فيها زيوت:rolleyes::rolleyes::rolleyes:

رورو حاجات الشعر بتاعت الشبراويي كويسه بس اوعى تجيبى برفانات من الشركه
ولا الروليتات الصغيره بتاعت الكره الدواره او مزيلات العرق انا كنت جيبه البرفانات الصغيره
اليه هى الرولات لاختى وايااااااااااساتر على ريحته والله ريحته عامله زى الفسيخ ده الفسيخ
رحته احلى منها وكان جيلى برفن هديه منظره عره اوى على شكل موبيل وريحته تقرف الكلب
ومزيلات العرق عمله زى الصابون انا نبهتك قبل ما تدبسي وتجيبى حاجه من دول
وفي كريم تفتح كنت جيباه عامل زى الطينه بيهبب الوش مش بيفتح

كوكونانا;8711842:
اة وكمان قعد يشكرلى اكتر فى الزيت بس انا اعرف ان الحنة عشان تدى لون لازم مايبقاش فيها زيوت:rolleyes::rolleyes::rolleyes:

ايوا لو عايزه لون متحطيش على الحنه زيوت او زبادى او بيض او اى خلطات
ايضافيه لانى انا بحط اضافات على الحنه للتغذيه لان كده كده شعرى اسود اوى
لو عملت ايه مش هيلقط الون وبلنسبه لشعرك متقصهوش حرام اجمل حاجه
الشعر الطويل وكل فتره ساوى اطرافه وممكن بدل الكحكه تعملى تسريحات او تلميه لفوق او تغيرى من الكحكه انا عن نفسي شعرى طويل وبحب اسيبه علطول مبحبش احط توكه فيه
بس قبل النوم يا بعمل كحكه يا ضفيره

kasndra;8710565:
حبيبتي انا اعرف اللي في حراز وهو ب 120 :eek: وحلو لكن ده ب 30 ازاي فرق السعر كبيير شويه موووووش عارفه:(

انتى بتستعملى بتاع حراز؟ استعملتيه قد ايه وايه فايدته؟

كوكونانا;8711842:
اة وكمان قعد يشكرلى اكتر فى الزيت بس انا اعرف ان الحنة عشان تدى لون لازم مايبقاش فيها زيوت:rolleyes::rolleyes::rolleyes:

يعني انا لو حطيت خلطات على الحنه متديش ليه لون اصلي شعرررررررررررري ملووووووون طبيعي وبنات هنا قالوا متغامريش عشان بجد مش عارفه النتيجه ايه :( بس نفسي اغذيه ضعيف وخفيف :confused::confused::confused:

ميااده2006;8711866:
رورو حاجات الشعر بتاعت الشبراويي كويسه بس اوعى تجيبى برفانات من الشركه
ولا الروليتات الصغيره بتاعت الكره الدواره او مزيلات العرق انا كنت جيبه البرفانات الصغيره
اليه هى الرولات لاختى وايااااااااااساتر على ريحته والله ريحته عامله زى الفسيخ ده الفسيخ
رحته احلى منها وكان جيلى برفن هديه منظره عره اوى على شكل موبيل وريحته تقرف الكلب
ومزيلات العرق عمله زى الصابون انا نبهتك قبل ما تدبسي وتجيبى حاجه من دول
وفي كريم تفتح كنت جيباه عامل زى الطينه بيهبب الوش مش بيفتح

لا لا لا انا ولا هبص على الشركه دي خالص بالص مالص هو فاضل ايه فيها عدل :D

miro 14;8711945:
انتى بتستعملى بتاع حراز؟ استعملتيه قد ايه وايه فايدته؟

لحد ما العلبه خلصت يا قمر تعمليه مرة في الاسبوع كحمام زيت بيغذي الشعر ويقويه:)(f)

ميااده2006;8711866:
رورو حاجات الشعر بتاعت الشبراويي كويسه بس اوعى تجيبى برفانات من الشركه
ولا الروليتات الصغيره بتاعت الكره الدواره او مزيلات العرق انا كنت جيبه البرفانات الصغيره
اليه هى الرولات لاختى وايااااااااااساتر على ريحته والله ريحته عامله زى الفسيخ ده الفسيخ
رحته احلى منها وكان جيلى برفن هديه منظره عره اوى على شكل موبيل وريحته تقرف الكلب
ومزيلات العرق عمله زى الصابون انا نبهتك قبل ما تدبسي وتجيبى حاجه من دول
وفي كريم تفتح كنت جيباه عامل زى الطينه بيهبب الوش مش بيفتح

هههههههه خلاص يا مياده لا ممكن ابدااااا انا كنت ناويه اجيب شاور وحمامات كريم وبلسم بس وكمان الامبولات وجايز زيت او كريم شعر لاخواتي والاسكرب اللي البنات قالوا عليه حلو

مرسى يا ميادة بس انا شعرى بيهيش وبيضايقنى فى الشتاء بيبقى كويس لكن فى الصيف اجارك الله ولو انة اتحسن على حمامات الكريم يعنى اخر كلام بذور المحلبية مش االزيت؟

كاسندرا حطى على الحنة زيت زيتون وجوز هند وزبادى وبيضة وابقى قابلينى لو لونت ههههههههههههههه بس حتغذىشعرك جامد وادعيلى:wink::wink::wink: