تجمع بنات مصر فى ركن العناية بالشعر الجزء (5)

ساره افندي;8541428:
مرسي ياميراي بس انا خايفه منهم ميكنوش امان للاطفال وكمان محدش شكر فيهم اد كده

amatalrahman237;8542133:
بنات انا جبت كريم مينك اللي لونه اصفر برتقالي دة وحطيب حبة صغيرة منه على شعري كدة وهو ناشف أصلي كنت هموووووت واجربه:sm2441: وهو فعلا شكله حلو وخلى ملمس شعري ناعم ومش تقيل كدة ولا بيلزق

ميااده2006;8544497:

انا بستعمل كريم مينك للتصفيف لونه موف وهو بزيت نبات الشاى حلو والصراحه مفيش هيشان خالص ولا بيلزق

دهبيه;8545621:
يابنات أنا أشتريت المكواه السيرميك البارلوكس الأيطالى من سمير ووليم أولآ السنتر بتاعهم يعقد بجد تدخلى تبقى عايزه تلمى المحل معاكى وتمشى بس غااااااالى موت وبرده حلو ونضيف مممممممموت ما علينا المكواه ليها 3 مقاسات الصغيره 390 والمتوسطه 425 والكبيره 450 ومفيهاش تدرج للحراره حررتها سبته 200 درجه وفى عندهم ماركه أسمها ديوجرا كورى وفيها شاشه للحراره وتغير درجة الحراره وأخر درجه فيها برده 200 وهى 590 جنيه كنت هاخدها بس لقيتها غاليه قوى ومتختلفش عن البارلوكس غير تدرج الحراره فقط وانا هستخدمها على ال200 فخدت الأيطالى أضمن وهناك سألت عن البراون والبيبى ليس قالى فى منهم التقليد فى السوق بتكون معدن ومطليه سيراميك مش سيراميك أصلى وبتكون تقفيل صينى مش ايطالى و أمريكى وقالى ال تشى والبارلوكس والبيبى ليس الأصلى هما أفضل الماركات أما الصينى الحلو الجست ستريت فقط وقليله دلوقتى فى السوق المهم أشتريت بلامرز الأصفر الخاص بالكى للشعر مكتوب عليه أستخدمه قبل الوى والبنت اللى فى المحل قاللتى بعد الكى أعمل أيه ياريت تردو عليا

amatalrahman237;8548521:
يا بنات انتم حقيقي بتتكلموا على كريم بانثينول اللي بيتباع دة بتاع الجلد اللي ب 2 جنيه ولا حاجة كدة؟:poster_vt:

ميااده2006;8550917:
انا حمام الكريم بهن الحيه كنت جيباه ب 8 جنيه ومن هيبر 1 جبت حمام الكريم
مينك بجوز الهند ومعاه علبت كريم المينك بخلاصه نبات الشاى كانوا عرض الاتنين
ب 8.50جنيه

kantota;8553090:
بنااااااااااااااااااااااااااااااااات
انتوا عارفين ان سبينس عامل عرض على كريم بوناويل ؟؟؟؟؟ 2 + 1 هدية ب11 جنيه والعرض لغاية يوم 5 فبراير

اميره فتحي9;8553435:
هي حمامات الكريم بتوقع الشعر
وازاي استخدمه

aseel 22;8542178:
طيب انتى جبتى انهى انا لما سالت فى الصيدليه قالى فى الزرقا وفى اللى بالصبار انهى احسن وايع الفرق بينهم

كلمة حب;8547769:

يا بناااااااااااااات اسمعو الخبر ده

انا جبت امبارح النخاع وجربته ولاول مرررررررة
وقولت للجزار يطلعه من العضم
وحطيت عليه زيت لوز حلو + زيت سمسم + زيت خروع + جنين القمح
والعسل وكله كله يعني مشيت على نفس الوصفة
الكلام ده يوم الخميس وعملته يوم الخميس بالليل ونمت بيه لفيت شعري بطاقية بلاستيك وبقيت عمالة اسخن الفوطة في المكرويف والف بيها شعري
ههههههههههههههههههه ما علينا هي اتحرقت بس اهو انا حاخليها بقى للمووضوع ده
وصحيت يوم الجمعة الصبح غسلته
انا كنت متخيلة ان حيطلع عيني عبال ما اغسله لانه جمد في شعري اوي في فروة راسي
بس مع المية السخنننة كل حاجة بتدوب في الغسيل هههههههههههههه
بصراحة اهو من اول مرة وشايفة الفرق شعري ماشاء الله نايم مش الهيشة اللي كان فيها
وبعده استعملت حمام كريم مينك بدهن الحية
وزي ما قولت شكله اصلا متعبي تحت السلم ده بـ 6 جنيه ونص يا جماعة هههههههههههههههههههههه
بس والله عامل شغل فظيع،، انا نفسي اعرف الحاجات دي بتقع تحت اديا منين :dd:
فانا بقى مش عارفة الشغل اللي حاصل ده من الكريم ولا من النخاع؟؟؟؟؟؟

بس بامانة مفيش ريحة خاااااااااالص وحشة في شعري :21_213:
بالعكس حمام الكريم مضيع اي ريحة
واصلا كمان مكانش في ريحة خالص وانا عاملاه يعني

انا قولت اطمنكم :up:

انا عايزة بقى اسال دلوقتي زيت التوم ده مفعوله نفس مفعول عصير الثوم
اصل انا بستخلص عصير الثوم يعني زي البصل وكده فحد يقولي هي نفس النتيجة؟؟؟
وكمان سؤال تاني انا جبت البانثينول من الصيدلي بس لونها ازرق مش اخضر
قولتله انا عايزة الخضرة اللي بالصبار قالي دي نفسها بس اختلاف اللون
يا ترى بقى هو بيضحك عليا ولا مش فاهم حاجة اصلا؟؟؟

مهي بالمرة بقى حمام الكريم مجاتش على الصيدلي ههههههههههههههه

كلمة حب;8554338:

لالالالالالا خالص مش بتوقع الشعر خالص بالعكس دي بتغذيه

واحلى حمام كريم المينك وفي البراشوت برضه بيشكره فيه قوي
تستعمليه بعد ما تغسلي شعرك كويس اوي تحطيه على فروة الشعر وتعملي تدليك بسيط للفروة يعني وانتي بتحطيه بس تدلكي باطراف الاصابع وتحطي شوية على باقي الشعر والاطراف ولفيه بفوطة سخنة
او لو انتي اصلا كنت بتستحمي بمية سخنة فاكيد المسامات خلاص متفتحة بس برضه لفيه بفوطة وسيبيه الفترة المحددة على العلبة

بس لازم تهتمي بالمدة عشان سمعت ان اكتر من كده هو اللي ممكن يوقع الشعر :wink:

اميره فتحي9;8554482:
حمام الكريم ده اسمه كده حمام كريم المينك مش تبع شركه حاجه وشكرا جدا علي مساعدتك جدا

mes333;8554512:
هو حتة امان للاطفال هما اكبد امان ...... ماهو اكيد فيه رقابة برضه .......... عموما المادة اللي بيخافوا منها هي sls ودي في الشامبوهات بس وممكن تدوري عليها بنفسك في المنتج اللي هتجيبيه

انسانه تحب الله;8554931:
يا جماعه زيوت كازنوفا حلوه ولا لا
والبنت اللى كانت حاطه صوره الكاب الحرارى جبته منين وبكام

mes333;8554512:


مبروك عليكي انتي طبيعة شعرك ايه؟؟.... ودا اللي هو بايه بقي؟؟؟؟؟ ولو ينفع حطي صورته

اميره فتحي9;8554881:
طيب المكواه السيراميك حلوه يعني مش بتبوظ الشعر واستخدم ايه قبل المكواه...طيب احسن استخدم الفير احسن ماعمل فرد ياريت حد يرد عليا
ويقولي اعمل ايه افرد ولا استخدم الاسشوار والفير

انسانه تحب الله;8554931:
يا جماعه زيوت كازنوفا حلوه ولا لا
والبنت اللى كانت حاطه صوره الكاب الحرارى جبته منين وبكام

اميره فتحي9;8555386:
هي مكواه السيراميك بتبوظ الشعر واستخدم ايه قبل المكواه...طيب احسن استخدم الفير احسن ماعمل فرد ياريت حد يرد عليا
ويقولي اعمل ايه افرد ولا استخدم الاسشوار والفير

زهره الجنوب;8549018:

جربيها يابنتى على بركه الله والله بستعملها بقى لى يجى 6 شهور جميله جدا ومنعت التساقط والقشره سوا وبالنسبه لتنشيف الشعر يعنى عايزه اقولك حاجه بسيطه لاتذكر بجد يعنى شويه كريم بعد كدا هيحلوا الموضوع فكرتينى عايزه اجيب علبه النهارده

شفتى التشجيع ؟؟:D

aseel 22;8554994:
الزيوت والكريم حلوه اه انا بستعمل اللى بالتوم تحفه وبستعمل الكريم الابيض

ميااده2006;8555520:
المكوه السيراميك كويسه لفرد الشعر بس الافراط في المكوه بيقصف اطراف الشعر
بس بلاش فرد للشعر بيبوظ الشعر وهيسبب تساقط لشعرك جامد هيبهدله استعملى
سيرم عشان يحمى شعرك قبل المكوه ادهنى منه بس ميتحطش على فروه الراس
وده صورت السيرم بتاعى ده بتاع ايفون وبعد المكوه بدهن منه شويه عشان يلمع الشعر



وفي كريم صانسيلك ده بستخدمه برضه اثناء الكوى كويس مش بيهيش الشعر خفيف على
الشعر ومش بيلزق




انا معرفش هو في زيوت من كزانوفا انا استعملت الكريم بتاعها كان حلو بينعم ومش
بيلزق الشعر


ودى زيوت للتصفيف بتاع الشعر كنت بحطها وانا شعرى مبلول شويه يعنى يكون مندى كده
والف شعرى طقيه يبقي زى الحرير كانه معمول وفي بجوز الهند منهم جربته ريحته قويه جدا
بس كنت حباه اوى بينعم جدا ودى صورهم

رووفة;8555736:

البنات الل يكانو عاوزين صورة كريم مينك الصورة اهيه بس ده الاصفر

كريم مغذي ومعالج

وهوا كريم تحفة الصراحة