تجمع بنات مصر فى ركن العناية بالشعر الجزء (5)

اية مينك دة ؟

nony 77;8583509:
أولا شكرا بجد لكل اللى ردوا عليا سارة افندى وانسانة تحب الله وميادة وnona aly ,rashatal3at,kasndra وعاوزة اقول للبنوتة اللى سئلت على شامبو لوريال الصراحة كان جايلى من برة بس والله ياحبيبتى حاضر من عينا انزلك اسئلك علية مخصوص اشوفو فين فى مصر بس حمام الكريم موجود فى اولاد رجب وابوذكرى وكارفور وبحوالى 30جنية مش اكتروبالنسبة لموضوع الزيوت والله يابنات هوة مسألة طبيعة شعر عاوزة اقولك على حاجة بقى تانيةعاوزة بجد انزلكم حاجات كتيرة قوى عن البشرة وفن الميكب والازياء وهيا بالامانة خلاصة تجارب خبراء وانا وزميلاتى جربناها شخصيا

nony 77;8583543:
عندى ملف هايل للبشرة بكل انواعها وبدائل الكريمات ومستحضرات التجميل الغالية بس خايفة تزهقوا منى او ميكونش بيعجبكم مواضيعى ويكون زى مرجع متكامل لينا عن الميكب والبشرة والزيوت العطرية الرائعة لتعطير الجسم والملابس بس فعلا مش عارفة احطة فين او انزله ازاى ممكن حد يتبرع ويقولى او يفتح الموضوع وكلنا نتفاعل معاه باذن الله

ولوعاوزين خبيرات تجميل ومكياج كويسين برضه قولولى انزلهم مستنيا ردودكم عامة وادعولى والله بكتبلك وعندى نزلة برد جامدة عامة برضه هسيب شوية حاجات حول العناية بالشعر أولا بديل لحمام كريم وهوة قنبلة للشعر ليه بقى هوة بيلحم الشعر المقصف ويحسن منة ويعالجو وبيخلى الشعر قوى غير متهالك ملعقة زيت زيتون وملعقة زيت خروع وزيت لوز وزيت برافين وملعقة جلسرين وصفار بيضة يوضع على شعر مغسول ونغطيه بغطاء رأس لمدة نص ساعة

طيب دة بديل للمواد بتاعه فرد الشعر لانها مواد مؤذية جدا للشعر وميزة الماسك ده انو بيفرد تموجات الشعر بدل حبايبى اللى بيدمروا شعرهم بالفرد 2بيضة و2ملعقة زيت زيتون و1ملعقة عسل نحل وزيت لوزحلو وزيت خروع ونكسر عليهم كبسولة فيتامين أ,ب طيب لوعاوزين نعمل جل طبيعى للشعر برضة بديل للتانى اللى بيدمر الشعر ده بياض بيضة مخفوقة مضروبة كويس وكوب ماء دافئ و3ملاعق عسل نحل ويستعمل بالبخاخة وهوة برضة مقوى ومثبت للشعر جدا

لوعاوزة الشعر يكون مظهرة صحى نجيب معجون زبدة الكاكاو فى السوبرماركت و3ملاعق زيت لوز وملعقة زيت لافندر وملعقة زيت زيتون ودة ماسك من خبير تجميل فى صالون محمد الصغير دة ياقمرات للكبار والصغيرين وهوة ماسك طبيعى عازل من اضرار ماء البحر والكلور بتاع حمام السباحة 2ثمرة أفوكادو مهروسة و2ملعقة زيت زيتون يوضع على الشعرواهم حاجة قص الشعر كل 45يوم وشرب الحليب ومنتجات القمح مفيدة قووى للشعر فية بقى شامبو طبيعى للشعر يابنوتات وهوة

2ملعقة كبيرة صابونة طبية مبشورة وتوضع فى اناء على النار وملعقة ونص عسل نحل ولو شعرك ضعيف ممكن تضيفى لية 2ملعقة زيت زيتون أو خروع او ممكن الاتنين بيتقلب الخليط حتى التماسك نجيب اناء ونصبة فيه ونضعة فى الثلاجة فوايدة انو بيقوى الشعر ويطوله ويمنع سقوطة ويدية لمعة جميلة قوى فكرتونى بحاجة ياقمرات عارفين المسك يابنات بتاع عبد الصمد القرشى دة بيدى لمعة حلوة قوى للشعر عامة

بالنسبة لللصبغة هنزلها حاجات مخصوص ان شاء الله تعالى حبيت اقولكم لتقليل العرق الجامد بتاع الشعر وممكن يكون من اثر الحجاب واغلبنا محجبات والحمدلله صابونة طبية مبشورة وملعقة عسل نحل مع زيت ورد اوزيت ياسمين او زيت ريحان واضافة 3ملاعق بابونج مركز مع زيت زيتون لصاحبات الشعر الاشقر زيت كبد الحوت ممتاز للشعر وبالذات للمرضعات وهوة عبارة عن كبسولات جيلاتينية وزيت الحية الاصلى ممتاز للاطالة بس للامانة الشديدة مع توقف الاستعمال بيرجع الشعر للتساقط يعنى مؤقت بس:sm215:

كانت مرة خبيرة التجميل هويدا نصار بتقول على نوع حقن غير المزوثيرابى بتقل الشعر جدا وكذلك الرموش والحواجب لوحد بيتعامل معاه يبقى مينساش يسئلها عليها ومش عارفة ينفع انزل فين موضوع عن تفتيح الجسم وتجهيز الجلد لعملية ازالة الشعروفيه حاجة اخيرة معلش لحسن البرد مموتنى بجد عن تقوية شعر الحواجب والرموش:21_182:بصوا بالنسبة لسقوط شعر الحواجب بيكون السبب ياما زيادة استعمال اقلام الكحل أو القشر الصغير اللى بيكون فى الحاجب

هقولكم على حاجة بتنظف بصيلة الشعربتاع الحاجب وبتقوية ملعقة خل تفاح وفص ملح خشن يعمل بية تدليك للحاجب بعد علاج القشرة اللى فية نعمل الاتى زيت زيتون ورماد بصلة محروقة مفرومة صغيرة ويوضع البصل فى الزيت وبعدين نصفى الزيت وندهن بيه الحاجب كل يوم بليل عشان اتقل الحاجب وادية لون داكن اجيب نوى بلح محروق وزيت خروع دة بيعمل تقوية للحاجب ونفس اللى فات ده بيقوى الرموش والبودرة المتفحمة من نوى البلح اذا ضيفتيها للمسكارا بتاعك اصبحت مكثفة وينفع برضة النوى كحل لمنابت الرموش والحواجب والعجوة المحروقة المهروسة تنفع مقوى لمنابت الرموش والحواجب معلش مش قادرة اطول اكتر من كدة وبكرة اكملكم باذن الله:Zd_bye_3:

الله يشفيكى ويعافيكى يا رب
ماشاء الله تبارك الله شكلك فعلا خبره ربنا يبارك لك بصى احنا نفتح محل انتى المعلم وانا البليه هههههههههه:)
فكرنينى بنوى البلح المحروق ده كان حته يوم كنا فى رمضان اللى قبل اللى فات وكنت عازمه اهل جوزى واش حبكت معايا يعنى انى احرق نوى البلح ولقيت الدخان طلع بشكل رهيب وريحه البيت بقت كلها والعياذ بالله وفاضل على المغرب ساعه ونص تقريبا وجوزى بقى مش عارف يعمل فيا ايه وطبعا فى الاول انكرت انى حرقت اى اكل لكن مع الضغط اعترفت بحرق نوى البلح وخلانى ارميه مع الاسف:confused:وطبعا كان حته يوم مش هنساه طول عمرى لانى دايما لما باجى اعزم اهله لازم اعمل مصيبه هههههههههههه نصيبه كده لازم يصبر ويحتسب هههههههه

Shaimaa22a;8590120:
شكرا يا هوبه عموما انا هكمل بدابر املا واضيف عليه خلطات اي زيوت كويسه وعلي فكره زيت الخروع ده طلع تحفه بجد لما بعمله حمام زيت بيخلي شعري ناعم جدا ابقي جربيه وقوليلي النتيجه
عارفه الجو النهارده حلو اوي مكن اروح اعمل حنه بقالي كتير معملتهاش:wink:

هو انتى بتحطى زيت الخروع لوحده بس ولا مع زيوت تانيه

Badr waleed;8591036:

يابناااااااااااااااااات حد يقولى مفيش اى كوافيرة فى القاهرة بتبيع النخااااااع

وبكام ياريت حد يرد على

بصى انا النخاع اشتريته من زمان من عند محل الكرمه بتاع دينا الجارم فى المنيل وريحته حلوه جدا

مياده 2006
اولا شكرا ليكى جدا على حبك لينا وربنا يجمعنا كلنا على خير فى الجنه باذن الله تعالى
ممكن ازهقك شويه واطلب منك انك توصفيلى عطاره الشمس بس لو انا جايه من احمد عرابى من المهندسين يعنى امشى ازاى يعنى ادخل على اليمين ولا الشمال اشرحيلى بالتفصيل الممل ولو عندك رقم تليفونهم ابعتهولى

السلام عليكم و رحمه الله و بركاته

موضوع حلو جدا و عندى شويه اساله

اولا عيزه اغير لون شعرى ققصد خصل بس ازى اعرف اللون المناسب لبشرتى.

ثانيا لو عيزه اعمل خصل بس

استخدم اى نوع صبغه يكون كويس و ميقصرش على شعرى

و هوه ينفع اعملو فى البيت ولا لازم عند كوافيره

ثالثا لو عند كوافيره ممكن حد ينصحنى من اسكندريه ب كوافيره كويسه .

بالنسله لنخاع بجيبو من اسكندريه من فتح الله من العطاره.

و شكرا

بريتى ايمى;8594903:

انا عندي واحدة يعني في مصر الجديدة قريبة من هناك لو عاوزة قوليلي

هيا بتبيع حمام كريم النخاع بتعمله

فين فى مصر الجديدة

بصي هي مش في مصر الجديدة بالظبط
يعني
لو تعرفي ميدان ابن الحكم
مدينة الزهراء مساكن القوات المسلحة
يعني هناك
بس بتبيع الكيلو ب 120 تقرييييييييييييييييبا
انا استغليته الصراحة
وبتعمله حمام كريم وريحته حلوة
و عاوزة تعرفي اكتر ابعتيلي ع الخاص


http://www.3roos.com/forums/t426368.html

dinagamal81;8601564:
انا جربت الكرياتين و عملتو ب 2000 جنية بس بيقولو بيجيب cancer بعد استعماله كذا مرة سمعت عن حاجة جديدة اسمها يوكو حد سمع عنة قبل كدا ؟؟

والكيراتين عمل معاكي ايه
يعني لما مفعوله رااااااااااااح
انا سمعت عن اليوكو بس قالولي مش في مصصصصصر


http://www.3roos.com/forums/t426368.html

Shaimaa22a;8599040:
صباح الفل يا اميره
بصي يا ستي انا كنت جايباه عشان فرد كان مخلي فراغات في كل حته في راسي مش الجناب بس
بس والله انا لقيت نتيجته من اول 45 يوم تقريبا والحمد لله مستمره عليه
استخدميه وان شاء الله هتلاقيه تمام بس وانتي بتدلكي فروة الشعر اقري الفاتحه 7 مرات والله هتدعيلي

شكرا جدا ياشوشو علي ردك عليا
انا كنت بستخدم ثوم وادهنه مكان الفراغات بس انا عايزه حاجه اسرع
يعني اجبيه واتوكل علي ربنا
بجيب نيجه وبيطلع شعر ومعلش هاتيله الماده الفعاله بتاعته
علي فكره انا خريجه صيدله

رووفة;8603472:
بصي هي مش في مصر الجديدة بالظبط
يعني
لو تعرفي ميدان ابن الحكم
مدينة الزهراء مساكن القوات المسلحة
يعني هناك
بس بتبيع الكيلو ب 120 تقرييييييييييييييييبا
انا استغليته الصراحة
وبتعمله حمام كريم وريحته حلوة
و عاوزة تعرفي اكتر ابعتيلي ع الخاص


http://www.3roos.com/forums/t426368.html

'طيب نخاع زي نخاع بتاع العظم
وده غالي يعني 120 جنيه ولا ايه

Didem;8601031:
والله انا مش عرفه انواع
انا كنت هجيب براون الجديده بس بنات قالوا عاوزه واحده شعرها اساسا طري مش خشن
فلو انتى فتله شعرك ناعمه اصلا هاتيها هتبقى خفيفه على شعرك
وفى بنات جابت بيبى ليس الحمرا او حتى العاديه اللى هى سودا وصفايحها دهبى
قالوا حلوه اوي
بس الحمرا بتعمل شعرك وهو مبلول مش هتستنى لحد ماينشف زي التانيين
ولو مستعده تدفعى جامد :D
فى مكوه سيراميك اسمها CHI
دي ب800 تقريبا او 750 جنيه
بس ناس كتير قالت عليها رهيبه تقريبا هى البيج بوس بتاعهم

طيب خطيبي في السعوديه بيقول انه عنده في الصيدله مكواه براون بيبي ليس وبيقول لونها اسود
مش براون نوع والبيبي ليس نوع تاني
وبراون الجديده شكلها ايه وسعرها كام

اميره فتحي9;8604003:
'طيب نخاع زي نخاع بتاع العظم
وده غالي يعني 120 جنيه ولا ايه

إزيكو يا بنات يللى مضيعين فلوسي بنصاسحكم دى :D

انا بقالى من اخر مره عملت شعرى سشوار وانا حساه ناشف وجاف اوى هو الطبيعي بتاعو انو جاف بس فالشتا بيبقي جميل وبيبقي ناعم وطرى معرفش ايه الى حصلو

وبما انى شايفه كلامكو قولت خلاص هروح كده اتمشي واشوف الى انا عاوزاه

روحت جبت بلسم لاكتويل ب 14 جنيه :( الوسط معرفش مين هنا كان قايل ب 8 :(

مع انى عندي بلسم بتاع سترى شاين بس بحسو ريحه بس ريحتو حلوه جدا وبيطرى الشعر فوقتها لكن لما بينشف خلاص بحسو بيرجع تانى

وجبت لوسيون الو بانثين

انا بصيت للفاترينة ولقيت كل الكريمات وحمامات الكريم والزيوت واللوسيونات ايفا بالصبار والشامبوهات الطبية عاوزة اقلكو انا كانت عيني هتطلع عشان اجيب كل ده اصل انا مبتعملش

بردو البنات قالو علي سيرم سترى شاين حلو روحت جبتو وجبت معاه زيرو فريز هعمل ايه بالاتنين متسألونيش شيلت التاني فالجهاز وماما طبعا بتشد فشعرها منين

من ساعة ما دخلت المنتدى وانا صارفه فلوسي علي حجات التجميييييييييييييييييييييل :(

وجبت شامبو (( انا عارفه انكو هتضربونى )) جبت جونسون

عاوزاكو تقولولى بديل بس مش مضر

شامبو جونسون اقل ضرر من الشامبوهات الى موجوده كلها ودى بناءا علي ابحاث طبية وبحسو حلو جدا مع شعرى

وانا شعرى جاف فرشحولى واحد يكون حلو

بالمناسبة شامبو دوف للشعر المصبوغ انا جبتو تحففففففففففففففة جدا جدا جبت المستورد عرفت منين .. قلتولى عرفتى منين :D ... مش مكتوب عليه ولا كلمة عربي والحجم الصغير كان ب 15 جنيه

المهم استخدمتو كان حلو جدا وبيطريلي شعرى حتى الكل لاحظ بس فآخر شوية فالعلبة لقيت شعرى مردوووم قشر وانا متعرفونيش فالقشر ببقي عامله إزاى ببقي زى المجنونة مبطيقش شكلو فشعرى وافضل انفض فشعرى

متعرفوشي ده من الشامبو ولا من عوامل خارجية

انا مره واحده فالكوافير قالتلى متسرحيش بمشط حد عندو قشرة عشان القشرة بتنتقل بإستخدام الادوات

prof_nona21;8603454:
السلام عليكم و رحمه الله و بركاته

موضوع حلو جدا و عندى شويه اساله

اولا عيزه اغير لون شعرى ققصد خصل بس ازى اعرف اللون المناسب لبشرتى.

ثانيا لو عيزه اعمل خصل بس

استخدم اى نوع صبغه يكون كويس و ميقصرش على شعرى

و هوه ينفع اعملو فى البيت ولا لازم عند كوافيره

ثالثا لو عند كوافيره ممكن حد ينصحنى من اسكندريه ب كوافيره كويسه .

بالنسله لنخاع بجيبو من اسكندريه من فتح الله من العطاره.

و شكرا

بصي انا اعرف عند طارق الصغير الكوافيرات حلوين اوي وفي شقة للمحجبات او اللي عايزين بنات يعملولهم
كمان انا اصحابي عملوا المانيكير والباديكير عند ميس وان وعجبهم جدا

بريتى ايمى;8602854:
اية مينك دة ؟

دة اسم كريم للشعر يا قمر حلو اوي ومن منتجات دكتور شبراويشي

اميره فتحي9;8604067:
طيب خطيبي في السعوديه بيقول انه عنده في الصيدله مكواه براون بيبي ليس وبيقول لونها اسود
مش براون نوع والبيبي ليس نوع تاني
وبراون الجديده شكلها ايه وسعرها كام

براون نوع مكوه
وبيبى ليس نوع مكوه تانى خالص

دي البراون الجديده اللى بالايونات وتقيربا ب580 جنيه

على فكره فى براون تانيه عاديه ب260 بس من غير الايونات والشاشه

اهي

ودي البيبى ليس العاديه بنات بتقول عليها حلوه اوي

شبه البراون القديمه شكلا وتقريبا شفتها من فتره فى ماركاتو ب265

دي بقى بيبى ليس الحمرا اللى بالبخار وبتعمل الشعر وهو مبلول
ومعرفش سعرها كام بصراحه

prof_nona21;8603454:
السلام عليكم و رحمه الله و بركاته

موضوع حلو جدا و عندى شويه اساله

اولا عيزه اغير لون شعرى ققصد خصل بس ازى اعرف اللون المناسب لبشرتى.

ثانيا لو عيزه اعمل خصل بس

استخدم اى نوع صبغه يكون كويس و ميقصرش على شعرى

و هوه ينفع اعملو فى البيت ولا لازم عند كوافيره

ثالثا لو عند كوافيره ممكن حد ينصحنى من اسكندريه ب كوافيره كويسه .

بالنسله لنخاع بجيبو من اسكندريه من فتح الله من العطاره.

و شكرا

روحي لطارق الصغير بيظبط وبيختار ليكي لون مضبوط
ومره عملت شعري خصل بس علي لونه الطبيعي عند وليد جييجي في وطنيه طلع وهممممممم وطبيعي اووووي وجميل بس لو هتروحي متخليش حط يمد ايده الا وليد هوا اللي بيضبط صح الخلطه بتعت اللون
خصل في البيت عندك طرقيتين يابونيه وهتبقا صعبه عليكي خصوصا لو اول مره
او صبغه بتجي بفرشه او مشط وبردوه مش هتبقا حلوه اوووي هتلطخ شعرك اللي تحت الخضل بلنيت لو تعرفيها فيها فرش كده هيا وجرانيه
لخصل حلوه لازم تعمليها بفويل انا عني نفسي بعمل كده في البيت

يابنات انا عايزة اصبغ شعري الماش المخضر دى عارفينه الساندريه بس مش اي حد يعرف يدي اللون دى صح

واللي اعرفه راجل كوافير

انا عايزة كوافير كله بنات عشان الحجاب وكدة ومش عايزة كوافير فيه قسم خاص للمحجبات عشان شوفت ان ممكن اي راجل بيشتغل بمنتهى قلة الذوق بيدخل فمش عايزة الكلام دى المشكلة مش في الكوافير وبس لا مين اللي كله ستات وممتازين جدا ؟؟

Didem;8606393:


على فكره فى براون تانيه عاديه ب260 بس من غير الايونات والشاشه

اهي

Didem;8606393:
براون نوع مكوه
وبيبى ليس نوع مكوه تانى خالص

دي البراون الجديده اللى بالايونات وتقيربا ب580 جنيه

على فكره فى براون تانيه عاديه ب260 بس من غير الايونات والشاشه

اهي

ودي البيبى ليس العاديه بنات بتقول عليها حلوه اوي

شبه البراون القديمه شكلا وتقريبا شفتها من فتره فى ماركاتو ب265

دي بقى بيبى ليس الحمرا اللى بالبخار وبتعمل الشعر وهو مبلول
ومعرفش سعرها كام بصراحه

معلش كن عايزه اعرف انهي واحده احسن

b0nb0n;8606662:

دى اللى عندى حلوة جدا(y)(y)(y)

اميره فتحي9;8606813:
معلش كن عايزه اعرف انهي واحده احسن

ولا اعرف والله يابنتى
انا عارفه الاسعار والاشكال والكلام اللى بيتقال بسمعه من تجارب بنات عالنت
انما تجربه فعليه انا مجبتش ولا واحده ولا جربتهم

وبنبون ياقمر
اتوكل على الله واجيب البراون القديمه زى اللى عندك؟حلوه وحرارتها كويسه؟
ياريت تدينى تفاصيل اكتر ياجميله عشان انا عايزه حد جربها يقولى عليها