تجمع بنات مصر فى ركن العناية بالشعر الجزء (5)

انسانه تحب الله;8565542:
انا سالت البنت اللى بتجيبلى حاجه اوريفلام قاليتلى بتاع الكبار عليه عرض اما الصغار ب 44
فايه رايك يا خبره

لا انا كنت بقولك علي بتاع الاطفال هوا اللي جربنه اه يبق كان ب34عرض من فتره انا من رائي خليكي في بتع الاطفال خفيف ومفهوش اي ضرر ومكونته مش زي بتع الكبار بيبقا مكوناته اكتر من بتعت الاطفال استني لو في عرض وهاتيه تقريبا ايفون فيه حاجه زي كده بس مش فاكره بكام ولا فين
انا هجيبه بتع اوليفلام لما يبقا عليه عرض ومش مستعجله عليه بصراحه رحته حلووووو اوووووي

يابنانيت هو انا ممكن استخدم زيت الجرجير او التوم او جوز الهند بناع كازنوافا بدل الزيوت ده من العطار ولا ايه وعموما الزيوت ده هى وزيت الزيتون وروز مارى استعمله ازاى سمعت من الدكتوره علا حسام فى برنامج امينه شلبيايه ان ده احسن الزيوت للشعر

يا ميادة عطارة الشمس اللى بتقولى عليها جنب كليتى
هوعنده حاجة لتطويل الشعر

ميادة برضه مشاركتك عجبتني جدا .... بس الموقع رافض التقييم ..... ماعلينا
المهم يعني انتي استخدمتي البلسم بتاع مينك ولا هيركير؟؟؟؟؟؟؟

انتى قيمتينى قبل كده عشان كده مش عايز يقيم انا جبت المنيك مجبتش هير كير
بس هير كير حمام كريم وسئلت بتاع شامبوهات في الموسكى قالى ان ده احسن حاجه وصناعه مصريه وهير كير ومينك هى من منتجات الدكتور الشبراويشي وحاجته بتعجبنى الصراحه

roro cat;8564208:
انا مخدتش بالي من البرشور ده يعني الحاجات اللي انتي بتشكري فيها دي يا مياده كويسه اجرب على ضمنتك؟؟؟؟؟؟؟ ومفيش شور بينزل تبع الشركه دي انتي تقريبا مره قولتيلي هتبعتيلي كودك ابعتيه كده ونزلي كل البرشور واعمل كده اوردر واجرب وقوليلي ايه في الشركه دي حلو

ايوا هبعتلك الكود على الخاص ودخوت على بال ما لقيت الكتالوج على النت
بصي انا كنت جيبله لجرانى عشان شافو الكتالوج بس عجبتهم منتجات الشبراويشي
بس انا مجربتش حاجات كتير كنا جيبن حلويات وشاور جيل كان كويس هتلاقي
فوق في الكتالوج مكتوب هوم نيد دى حلويات واكل
http://go.3roos.com/70t0IyxKbyS
بس انا مشكرتش في الشركه انا مقتنعتش بيها بس اليه عجبنى حاجات الدكتور الشبراويشي بتاعت المينك الشامبو والبلسم والحمام كريم وانا مجربتش حاجات تانى
عشان كده معرفش انا بقيت اجيب من ايفون عشان مننتجتها عجبتنى انا هبعتلك الكود وانتى
شوفي اليه تحتاجيه

mishmish2010;8566825:
يابنانيت هو انا ممكن استخدم زيت الجرجير او التوم او جوز الهند بناع كازنوافا بدل الزيوت ده من العطار ولا ايه وعموما الزيوت ده هى وزيت الزيتون وروز مارى استعمله ازاى سمعت من الدكتوره علا حسام فى برنامج امينه شلبيايه ان ده احسن الزيوت للشعر

زيوت العطار احسن من الزيوت اليه بتتباع دى في علب
انتى تقدرى تروحى لعطار كويس وقوليله يخلطلك الزيوت دى

jasy2008;8566984:
يا ميادة عطارة الشمس اللى بتقولى عليها جنب كليتى
هوعنده حاجة لتطويل الشعر

ايوا عنده طبعا حاجات بتطول انا بقالى اكتر من سنه مدومه على الزيوت بتاعته بس انا بخليه يخلطهالى وانا وقفه مبخدش اى تركيبه زيوت موجوده عنده بقوله لا اخلطهالى وعايزه اشوف الزيوت اليه هتحطهالى واحيانا انا بقوله على الزيوت اليه يركبهالى وبجد في زيت الجدايل عنده وزيت دابر املا الهندى الاصلي عنده الزيت ده جميل جدا خليه يحطه في تركيبت الزيوت لو هتركبي وهو عنده كل حاجه من صابون للشعر ولوازم الحمام المغربي والاعشاب المغربيه
كل حاجه وجبت من عنده زيت عطرى للجسم ريحته كانت فواكه بحطه بدل اللوشن بيطرى الجسم وريحت جسمى كلها بتبقي فواكه وبتبقي البيت والحمام ريحته فواكه

مبروك يا بنات على الجزء الخامس وانا جبت كريم منك الى قولتوا علية بس يا ريت تقولو لى انى نوع احسن وانا مش عارفة اجيب النخاع دة هو بيتباع عند الجزار ولا اية انا شوفتة فى محل وكانت امبوبة وقالى انة بيستعمل من غير ما يسخن حبيت اسالكو الاول قبل لما اجيبة ولو حد يعرف مكان اجيبة منة ياريت يقولى بليزززززززززززززززززز ما تنسونيش وانا كمان عاوزة اسال هو فى تجمع لبنات مصر فى الميكب ولا ولو حد يعرف ياريت يقولى لانى بجد عندى امتحانات ومش قادرة اتصفح عروس كويس معلش انا زهقتكوا

امنيه ده الموضوع بتاع المصريات بتاع الميك اب
http://www.3roos.com/forums/t425415.html

يا مياده معلش ممكن تقوليلى على مجموعة الزيوت اللى جربتيها لتظويل شعرك
من عنده والسعر؟؟
كمان سؤال الزيت العطرى بكام ؟؟
والزيوت بتستعمليها كحمام ولا دهان للشعر؟؟؟

مبروووووووووووووك يأجلى بنانيت وعاوزة اقولكم اد اية شامبو لوريال تحفة للشعر وبجد فيه مواد طبيعية بتغذى البصيلة نفسها وحمام كريم كارتيتية أكثر من رائع جدا اما الزيوت فدى نصيحة مش منى دة من دكتورة جلدية مشهورة وشاطرة جدا بعدم استخدام الا زيت جوزالهند والروز مارى فقط لاغيروعلى فكرة لو عاوزين باقى نصايحها وخبراتها قولولى وأنا اكتبهالكم انتم تؤمروا

اكيد طبعا اكتبيهااااا

مركاتو عامل عرض على حمام كريم المنك ده الاتنين ب6ونص باين

السلام عليكم ،عندي استفسار يابنات هل حد يعرف هربال اسنسز شامبو كويس ولا لأ ولو كويس أي نوع أحسن؟
كمان للي بجد دايسين أوي في الشامبوهات وحمام الكريم والسيروم حد يقولي احسن حاجة تنفعني شعري عادي و لونه فاتح شويه وفتلته خفيفة وطوله وسط..انا اديتكو كل البيانات ياريت حد يرد لأني عايزة اشتري الحاجات دي بسرعة وخايفة اصرف فلوسي على حاجات اي كلام..ربنا يبارك لكم جميعاً(f)

nony 77;8572437:
مبروووووووووووووك يأجلى بنانيت وعاوزة اقولكم اد اية شامبو لوريال تحفة للشعر وبجد فيه مواد طبيعية بتغذى البصيلة نفسها وحمام كريم كارتيتية أكثر من رائع جدا اما الزيوت فدى نصيحة مش منى دة من دكتورة جلدية مشهورة وشاطرة جدا بعدم استخدام الا زيت جوزالهند والروز مارى فقط لاغيروعلى فكرة لو عاوزين باقى نصايحها وخبراتها قولولى وأنا اكتبهالكم انتم تؤمروا

احنا مستنيين النصايح يا قمر..على فكرة انا قبل كده كوافيرة قالتلي ان شعري مينفعوش حمام زيت خالص لازم حمام كريم ،واضح ان كل نوع شعر احتياجاته مختلفة عشان كده ياريت نكتب مع الوصفات والنصايح نوع الشعر و كثافته وطوله علشان كل واحدة تعرف اللي يناسبها:wink:

أحبتى فى الله حاضر من عينيا أنا كتبت كل كلمة بتقولها بالورقة والقلم لانى شوفت بعينى نتائج العلاج بتاعها مع بنت خالتى بصوا ياقمرات أهم شئ يغلف ويحمى الشعر هوة البلسم بس يكون نوع جيد ومناسب لطبيعة شعرك وحمام الكريم والزيوتوبأكد والكلام دة من دكتورة جلدية يعنى كلام علمى يوضع فقط فقط على الاطراف وليس على الفروة بتاعه الرأس وبالنسبة لمشكلة التقصف لازم يتقص كل 45يوم لانك لو اهملتى قصة بيتوقف الشعر عن النمو فيما بعدوكمان قالت الدكتورة حاجة مهمة قوى وهيا الزيت يستخدم لتطرية ونعومة الشعر مش لانباتة ولاتطويله ولذلك وضع الزيت على شعر خفيف وبيتساقط كتير بيوقعه زيادة

بالنسبة بقى يابنانيت لحاجة سمتها الزيوت الامنة على الشعر وكمان خلوبالكم مش كل يوم تستخدم هيا بالترتيب زيت الروزمارى وجوز الهند وزيت الزيتون الطبى وليس بتاع الاكل العادى ودول بيساعدوا على تحسين مظهر التقصيف ومغذى سطحى ومرة تانية بأكد لايوضع الزيت نهائيا على الفروة وعدد مرات استخدام هذة الزيوت من مرة الى مرتين بالكتير بصوا بقى ياحبايبى بالنسبة للزيوت اللى يمكن وضعها على الفروة وان شاء الله تعالى مش هضر الشعر وبرة حسب كلامها هيا زيت الجرجيروعصير الجرجير وده بيحسن أداء الشعره

حاجة مهمة جدا جدا وارجوكم تاخدوا بالكم منها وهيا عدم استخدام زيت الثوم أو عصير الثوم الا تحت اشراف طبيب فقط لاغير والله حبايبى هيا قالت كدة وفى حالة مرض الثعلبة فقط الفكرة بقى فى موضوع الثوم دة اية أنة بيعمل تحفيز للبصيلة انها تنمو طيب أزاى نعرف نوع شعرنا هقولكم الشعر الدهنى بيلمع قوى وملمسه دهنى الشعر الجاف زيى كدة بيكون هايش ولونه مطفى أو باهت وبيعمل زى صوت فرقعه عند تسريحة بالمشط والعادى بيكون مثالى ومفيهوش لاهيشان ولا قشرة مرضية زى اللى بتكتر فى الشعر الدهنى

حاجة أخيرة واتمنى انك تعتبرونى صديقة ليكم كلكم لانى جديدة فى المنتدى وللاسف محدش بيرد عليا ولا بيجاوب اسئلتى وأنابشتغل فى مجلة ازياء وميكب أب لو حبيتوا تسئلوا عن اى شئ وسلام خاص لسارة افندى انا متابعة مواضيعك ديما وكمان المدونة وكذلك ايمان حسن اهلا بيكى ياقمر قبل ماأنسى ممنوع منعا باتا وضع فوطة سخنة على الشعر لانها بكدة بتخنق فروة الرأس لأ نجيب فوطة مبخرةوانتى بتسلقى فراخ ولا لحمة وكمان خلوا بالكم يابنات من الامشاط بلاش المشط العادى ده لايكون خشب افضل واحسن وميكونش حاد قوى عشان ميعورش طبقة الكيراتين بتاعه الشعر وكذلك راعو ان المية متكونش سخنة قوى عشان فروة الشعر باختصار عاملو الشعر كأنو بيبى تدلكيه وتعامليه برفق

أنا اسفه انى طولت عليكم قوووى معلش انا رغاية ومملة بس اخر حاجة عاوزاكم تاخدوا بالكم منها عارفين ليه يابنات ساعات بنقص شعرنا ونقول دة مطولش من ساعتها؟ ده كلام علمى أن لازم تاخدوا بالكم ان اللى بيقصلكم يكون المقص حامى عشان يقص نهاية الشعرغير كدة الشعر بيوقف نموة ومبيطولش الا بعدها بمدة طويلة شوية ومعدل نمو الشعر فى السنة هوة 3 سم اتمنى مكنش طولت وأفدتكم

معلوماتك كلها جميله ومفيده اوي يانوني وجزاكي الله خير على انك كتبتيها وعلى فكره انتي مش رغايه ولا حاجه انتي بتخافي تبخلي باي معلومه علشان كده حبيت ارد عليكي:D

jasy2008;8572120:
يا مياده معلش ممكن تقوليلى على مجموعة الزيوت اللى جربتيها لتظويل شعرك
من عنده والسعر؟؟
كمان سؤال الزيت العطرى بكام ؟؟
والزيوت بتستعمليها كحمام ولا دهان للشعر؟؟؟

دى مجموعه الزيوت اليه جربتها اول مره وكنت وخداها من وحده في منتدى
قالت انها حلوه وجابت نتيجه طولتلها شعرها ونبتته المهم روحت للعطار وخلطها
وكانت اول مره اجيب زيوت من عند العطار ده ورحته تانى لما خلصت بس
خلط خلطه تانى بس تقريبا نفس الزيوت دى ومزود عليها زيوت تانى بس التركيبه التانيه اليه خلطها عنده سيبته هو يبدع فيها ويحط الزيوت اليه شيفها مفيده


انتى اكتبي الزيوت دى في ورقه وقوليله لو في زيوت تانى تمنع التساقط وتكثف الشعر حطها وزودها قوليلوا شعرى عيزاه يطويل ويتقل ويتمنع التساقط
سعر تركيبه الزيوت 15 جنيه الازازه مش كبيره

الزيت العطرى انا كنت وخداه تقريبا ب 13 جنيه قولتله عايزه زيت يدهن بعد الحمام وفي نفس الوقت يخلى ريحت جسمى حلوه بعد الحمام المغربي فا ادهونى وريحته حلوه اوى كانها فواكه وريحته نفاذه كمان بعد ما بعمل حمام مغربي او بستحمى عادى وجسمى مندى شويه ببل اطراف ايدى بلزيت وادهن على جسمى وهو مندى بدل ما استخدم لوشن ولا كريم وانا الصراحه بخاف من الكريمات والحاجات اليه بيبقي فيها كيماويت

الزيوت بقي انا بستخدمها قبل الحمام ب 4 ساعات تقريبا بدهن كل شعرى والفروه بتاعت الشعر واعمل تدليك بسيط وبغسلها شعرى بعد كده وبعد الحمام ولما شعرى اسرحه واحط كريم وينشف شويه ميكونش مبلول عشان ميقعش ادهن بعد كده الفروه باطراف صوابعى بلزيت بس مبحطش كميه كبيره على الفروه بس مبدهنش باقي شعرى بلزيت عشان الزيوت بتنشف شعرى فا الفروه بس بدهن فيها بعد الحمام مره وحده واغسل شعرى كل 4 ايام بس انا اوقات كتير مبدهنش شعرى واعمل حمام زيت يعنى مش علطول بدهن شعرى قبل الحمام احيانا بكتفي بس انى ادهن في الفروه بس بعد الحمام
وباقي الشعر كريم عادى يعنى انتى برحتك شوفي هتستخدميه ازاى يعنى ممكن تستعملى كحمام زيت ومتدهنيش بعد الحمام ولو هتستخدميه بعد الحمام متدهنيش قبل الحمام
يعنى خليها مره ومره عشان تريحى فروه الراس شويه من الزيوت انا بعمل كده احيانا

nony 77;8573029:
حاجة أخيرة واتمنى انك تعتبرونى صديقة ليكم كلكم لانى جديدة فى المنتدى وللاسف محدش بيرد عليا ولا بيجاوب اسئلتى وأنابشتغل فى مجلة ازياء وميكب أب لو حبيتوا تسئلوا عن اى شئ وسلام خاص لسارة افندى انا متابعة مواضيعك ديما وكمان المدونة وكذلك ايمان حسن اهلا بيكى ياقمر قبل ماأنسى ممنوع منعا باتا وضع فوطة سخنة على الشعر لانها بكدة بتخنق فروة الرأس لأ نجيب فوطة مبخرةوانتى بتسلقى فراخ ولا لحمة وكمان خلوا بالكم يابنات من الامشاط بلاش المشط العادى ده لايكون خشب افضل واحسن وميكونش حاد قوى عشان ميعورش طبقة الكيراتين بتاعه الشعر وكذلك راعو ان المية متكونش سخنة قوى عشان فروة الشعر باختصار عاملو الشعر كأنو بيبى تدلكيه وتعامليه برفق

مرسي ياقلبي علي ذوقك عايزينك بقا في قسم الميك والتجمع بتعنا تنورينا وتقلنا المجله بتعتك عباره عن ايه وكده
تصوري اول مره اعرف موضوع المقص الحامي ده انه هوا السبب اللي مش بيطول الشعر ديه طالعه موضه في الكوفيرات يقص الشعر بلموس علشان يعمل تدريج ويخليه مدبب بس بيدمر الشعررررررررررر
وكان بردوه موضه يقولك لو شعرك مطولش يبقا اللي قصه ليكي بخيل
سؤال بقا انتي كنت رايجه ليه للدكتوره كانتي بتشتكي في ايه في شعرك وايه العلاج اللي ادتهولك
كمان انتي عندك استشاره تاني ولا مش هتروحي تاني؟
اصلي كنت عايزه استعمل امبولات ايفا بنثانيول واول مره اعملها وخايفه منهاااا
لان انا طول عمري مش بعمل اي زيوت في شعري ابداااااااااااااااااااااا ولا امبولات ولا اي حاجه
يادوب بس شامبوه كويس وحمام كريم وبلسم حمام الكريم مره وبلسم مره
وبسسسسسسسسس والحمد الله شعري تمام مفهوش حاجه
بي عايزه اهتم بيه شويه حاسه انه خفيف عايزه يتقل شويه

ايمان حسن;8572729:
السلام عليكم ،عندي استفسار يابنات هل حد يعرف هربال اسنسز شامبو كويس ولا لأ ولو كويس أي نوع أحسن؟
كمان للي بجد دايسين أوي في الشامبوهات وحمام الكريم والسيروم حد يقولي احسن حاجة تنفعني شعري عادي و لونه فاتح شويه وفتلته خفيفة وطوله وسط..انا اديتكو كل البيانات ياريت حد يرد لأني عايزة اشتري الحاجات دي بسرعة وخايفة اصرف فلوسي على حاجات اي كلام..ربنا يبارك لكم جميعاً(f)

شامبو هربل ابعدى عنه خالص ولو مش مصدققانى جربيه وشوفي هعمل في شعرك ايه
ده سببلى كميت تساقط ووحده في النت قالتلى متستعملهوش ومتجبهوش هيوقع ويبوظ شعرك مصدقتش الا لما جربته واختى جربته وشعرها وقع جامد الشامبو ده رغم ان ريحته حلو جدا وبينظف الشعر الا انه في كيماويات عاليه جدا بتدمر الشعر وخصوصا لو وحده شعرها فتلته ناعمه شويه او خفيفه

الشامبو الكويس للشعر عشان انا جربته وهو طبي اسمه بروتى كير سعره 15 جنيه وفي دكاتره كتير بتكتبه حمام كريم كويس بوناويلا بلمشمش او جنين القمح حلوين اوى او حمام كريم مينك السيرم بتاع ايفون جربته وهو حلو وكمان بنات كتير بتشكر فيه

nony 77;8573029:
حاجة أخيرة واتمنى انك تعتبرونى صديقة ليكم كلكم لانى جديدة فى المنتدى وللاسف محدش بيرد عليا ولا بيجاوب اسئلتى وأنابشتغل فى مجلة ازياء وميكب أب لو حبيتوا تسئلوا عن اى شئ وسلام خاص لسارة افندى انا متابعة مواضيعك ديما وكمان المدونة وكذلك ايمان حسن اهلا بيكى ياقمر قبل ماأنسى ممنوع منعا باتا وضع فوطة سخنة على الشعر لانها بكدة بتخنق فروة الرأس لأ نجيب فوطة مبخرةوانتى بتسلقى فراخ ولا لحمة وكمان خلوا بالكم يابنات من الامشاط بلاش المشط العادى ده لايكون خشب افضل واحسن وميكونش حاد قوى عشان ميعورش طبقة الكيراتين بتاعه الشعر وكذلك راعو ان المية متكونش سخنة قوى عشان فروة الشعر باختصار عاملو الشعر كأنو بيبى تدلكيه وتعامليه برفق

نورتى يا قمر ومعلومات مفيده تسلمى بس انا ديما بحط الزيوت على الفروه
ولقيت نتيجه يعنى شعرى طول وكمان فروه شعرى نبت فيها شعر كتير جايز من
وحده للتانيه بيختلف وياريت تبقي تفدينا في قسم الميك اب

ساره افندي;8573183:
مرسي ياقلبي علي ذوقك عايزينك بقا في قسم الميك والتجمع بتعنا تنورينا وتقلنا المجله بتعتك عباره عن ايه وكده
تصوري اول مره اعرف موضوع المقص الحامي ده انه هوا السبب اللي مش بيطول الشعر ديه طالعه موضه في الكوفيرات يقص الشعر بلموس علشان يعمل تدريج ويخليه مدبب بس بيدمر الشعررررررررررر
وكان بردوه موضه يقولك لو شعرك مطولش يبقا اللي قصه ليكي بخيل
سؤال بقا انتي كنت رايجه ليه للدكتوره كانتي بتشتكي في ايه في شعرك وايه العلاج اللي ادتهولك
كمان انتي عندك استشاره تاني ولا مش هتروحي تاني؟
اصلي كنت عايزه استعمل امبولات ايفا بنثانيول واول مره اعملها وخايفه منهاااا
لان انا طول عمري مش بعمل اي زيوت في شعري ابداااااااااااااااااااااا ولا امبولات ولا اي حاجه
يادوب بس شامبوه كويس وحمام كريم وبلسم حمام الكريم مره وبلسم مره
وبسسسسسسسسس والحمد الله شعري تمام مفهوش حاجه
بي عايزه اهتم بيه شويه حاسه انه خفيف عايزه يتقل شويه

ساره انا روحت عند كوافير بس كنت صغيره اوى وكان شعرى لتحت دهرى بكتير واتجننت وقولت عايزه اقصه لانه طويل وبيتعبنى في القص وشعرى مطولش بعديها الا لما سميت عليه وبقيت اقصه لنفسي والحمد لله طولته ورجع زى الاول ماشاء الله